ХОНЬ - (3/21-4/19)
Сэтгэл зүйчдэд үзүүлэх хэрэгтэй. Шинэ үзэл бодлоо олонд нээж, илүү хариуцлагатай болсноо батал. Хамгийн чухал нь зөв, буруу гэж шууд дүгнэхэд хэцүү, гагцхүү хэрхэн хандахаас шалтгаална. Буд гараг Хилэнцийн орд руу буцах учраас ухаан санаагаа захир, бүрэн ухамсарлахгүй тохиолдол гарч мэднэ. Хайр сэтгэл, хүсэл тэмүүлэлдээ анхаарлаа төвлөрүүл.
Дэлгэрэнгүй
ДАВАА, 2016 ОНЫ 11 САРЫН 14
ҮХЭР - (4/20-5/20)
Яаравчлан шийдвэр гаргахаас татгалзах хэрэгтэй. Хэрвээ ямар нэг зүйлд итгэлтэй байгаа бол хамтран ажиллах нь ухаалаг алхам байх болно. Гэсэн ч ганцаараа ажиллахыг илүүд үзэх бололтой. Эрх мэдлийнх нь дагуу ааш муутай хүнтэй гэрээ хэлэлцээр хийх нь тэвчээр шаардана. Ялангуяа улс төрийн асуудал стресстэй байдлыг бий болгоно. Алдаатай зүйл хийснийхээ дараа бусдыг буруутгах нь ахиад алдаанаасаа эхлэх шалтгаан болох учраас анхааралтай бай.
Дэлгэрэнгүй
ДАВАА, 2016 ОНЫ 11 САРЫН 14
ИХЭР - (5/21-6/21)
Өөрийгөө зовоох хэрэггүй. Магадгүй энэ бүх асуудал хэн нэгний санамсаргүй үйлдлээс болж үүссэн байж болох бөгөөд та юу ч хийгээд нэмэргүй байх болно. Хэрэв таны харилцаанд асуудал гарсан бол өмгөөлөгч дээр яаран очих хэрэгүй. Эхлээд тайвшир. Ингэснээр мөнгөө хэмнэхээс гадна харилцаагаа ч мөн хамгаална. Олон нийтийн үйл ажиллагаанд асуудал гарах бөгөөд энэ бүхэнд тэвчээртэй бай.
Дэлгэрэнгүй
ДАВАА, 2016 ОНЫ 11 САРЫН 14
МЭЛХИЙ - (6/22-7/22)
Чухал хариуцлагатай ажил хийдэг мэлхийнүүдийн хувьд зарим хүмүүс ажилд нь хөндлөнгөөс оролцож төвөг удна. Асуудал ийм байгаад сэтгэл дундуур байх боловч үүнийг тоолгүй өнгөрөө, том асуудал үүсгээд хэрэггүй. Гэр ахуйн хэрэгслийг засах шаардлага гарч энэ нь гэр ахуйн төсвийг хязгаарлаж болзошгүй. Гэхдээ толгойгоо жаахан гашилгах юм бол хэд хэдэн бүтээлч санаанууд орж ирэх болно.
Дэлгэрэнгүй
ДАВАА, 2016 ОНЫ 11 САРЫН 14
АРСЛАН - (7/23-8/22)
Мөрөөдөмтгий өдөр. Таны өнгөрсөн шархыг сэдрээж мэдэх тул сэтгэл хөдлөлөөр аливаад хандана гэдэг тийм сайн зүйл биш. Хэсэг хугацаа өнгөрөхөд та мартаж хэвийн байдалдаа эргээд орох учир санаа зоволтгүй. Ирсэн хайрын зурваст хэт их хөөрцөглөх хэрэггүй. Бичсэн хүн нь хэн гэдгийг мэдэх хүртэл сэрэмжтэй байхад илүүдэхгүй. Өсвөр насныханд илүү их анхаарал хэрэгтэй. Олон нийтийн ажил зохион байгуулаарай.
Дэлгэрэнгүй
ДАВАА, 2016 ОНЫ 11 САРЫН 14
ОХИН - (8/23-9/22)
Өнөөдөр гэр бүлийн асуудал таны хувьд хамгийн чухал байх бололтой. Та үл хөдлөх хөрөнгөө худалдах гэж байгаа бол аль болох сарын сүүл хүртэл хүлээхийг сануулж байна. Эс тэгвээс алдагдалд орох магадлалтай байна. Гэртээ засвар хийх гэж байгаа бол хэрэгтэй бүх материалаа цуглуулж, жижиг сажиг гэлтгүй бүх зүйлүүдийг засахыг хичээ. Цахилгаан хэрэгсэлтэй болгоомжтой харьц. Хэрэв засуулах гэж байгаа бол мэргэжлийн хүнээр засуул.
Дэлгэрэнгүй
ДАВАА, 2016 ОНЫ 11 САРЫН 14
ЖИНЛҮҮР - (9/23-10/22)
Өнгөрсөн болон ирээдүйн зааг дээр байна. Тэвчээртэй бай. Өдрийн ихэнхийг судалгаа хийх болон хичээлдээ зориул. Жинлүүрийн сурагчид багш нартайгаа холбоо тогтоож, ямар нэг хичээлдээ илүү хичээх хэрэг гаржээ. Сэтгэл хоёрдож, юу хийхээ мэдэхгүй байх үед найз нөхөд тань л таньд туслах тул тэдэнтэй ойр бай. Хуучны харилцаа холбоогоо сэргээ.
Дэлгэрэнгүй
ДАВАА, 2016 ОНЫ 11 САРЫН 14
ХИЛЭНЦ - (10/23-11/21)
Бүлэг оддын нөлөөгөөр сонирхолтой өдөр айсуй. Буд гараг танай орд руу ухрах болно. Албан ажил ярих, танилцуулга бэлдэх, шинэ төлөвлөгөө батлуулах зэргээр хөдөлмөрлө. Харин цалингаа нэмүүлэх талаар ярих тохиромжтой цаг биш. Зээл авах хүсэлтээ хойшлуул. Баримт бичигт заасан удирдлага, дүрэм журмыг ягштал дагах хэцүү. Заримдаа юмыг тавьж явуулах хэрэгтэй. Хэн нэгэнд дарамтлуулахаас зайлсхий.
Дэлгэрэнгүй
ДАВАА, 2016 ОНЫ 11 САРЫН 14
НУМ - (11/22-12/21)
Өнөөдөр сэтгэл хөдлөлөө хянаж, найз нөхөд, ойрын хамаатнуудынхаа зөвлөгөөг анхааралтай сонс. Үдшийг идэвхитэй амрах, зугаацаж цэнгэх, хүнтэй танилцахад зориулахад тохиромжтой. Өнөөдөр багаар ажиллахад их тохиромжтой өдөр бөгөөд зорилгодоо хүрч чадна. Бизнесийн яриа хэлэлцээ хийхдээ болгоомжтой байх хэрэгтэй.
Дэлгэрэнгүй
ДАВАА, 2016 ОНЫ 11 САРЫН 14
МАТАР - (12/22-1/19)
Бизнесийн асуудлууд хол байх тул та хувийн асуудалдаа анхаарал тавь. Өнгөрсөн асуудал эргэн сөхөгдөж, шийдэл шаардана. Та анхаарал төвлөрөл буурсан үедээ бизнесээ өргөжүүлэх стратеги боловсруулах хэрэггүй. Илүү энерги шаардсан, хүч сорьсон өргөн хүрээтэй стратеги боловсруулах нь чухал. Хоёр долоо хоногийн турш хавирган сарны нөлөөнд шинэ үйл ажиллагаа эхлэхэд нааштай байна. Энэ хэдэн өдөр шинээр эхлэх гэж буй үйл ажиллагаагаа хойшлуулсан нь дээр.
Дэлгэрэнгүй
ДАВАА, 2016 ОНЫ 11 САРЫН 14
БУМБА - (1/20-2/18)
Зөн совингоо ашигла. Сэтгэл түгшээсэн зүйлсийн талаар хэтэрхий гүнзгий бодох гэсний хэрэггүй. Учир нь та өнөөдөр амархан төөрөгдөлд орох магадлалтай. Бизнесийн арилжаа наймаандаа тууштай бай. Гэрээ хэлцэлдээ үнэнч тууштай байх нь таныг итгэлтэй хүн болохыг бусдад илэрхийлнэ. Зарим Хумх ажлаа солих талаар бодож магадгүй. Одоогоор үүнийгээ нууцал, шинэ ажилд ороход даргын тодорхойлолт хэрэг болно.
Дэлгэрэнгүй
ДАВАА, 2016 ОНЫ 11 САРЫН 14
ЗАГАС - (2/19-3/20)
Өнөөдөр хөгжил дэвшил тогтвортой байна. Оддын өөрчлөлтөөс болоод гарах ямар нэгэн чухал хэрэгт гүнзгий амьсгаа аваад оролц. Бага зэрэг бодол эргэцүүлэл танд бүх юмнаас нэг хэсэгтээ хол байж аялал амралтаар явах хүслийг тань өсгөх болно. Хэрвээ та аялалаар явах боломжгүй бол чөлөөт цагаа үзвэрийн газарт өнгөрөөхийг хичээ.

Монгол Улсын Урлагийн гавьяат зүтгэлтэн,Пентатоник наадмын 5 удаагийн шагналт,хөгжмийн зохиолч Лхагвадоржийн Балхжавын “Миний дуунууд 2016” уран бүтээлийн тайлан тоглолтын хэвлэлийн бага хуралд та бүхнийг урьж байна. Хэвлэл мэдээллийнхэнд зориулсан тоглолтын мандатыг уг хурлын дараа олгоно.
Хаана: 2016 оны 11-р сарын 14-ний 14 цагт UBS телевизийн байранд болно.
Харилцах утас: 99090794,99002505,88007600

мөн оны 11 дүгээр сарын 14-ний өдрийн 10.00 цаг хүртэл

УИХ дахь намын бүлэг, ажлын хэсгүүдийн өнөөдрийн хуралдааны тов, хэлэлцэх асуудлын жагсаалтыг танилцуулж байна. Үүнд:
НЭГ. УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

ХОЁР. АЖЛЫН ХЭСГИЙН ХУРАЛДААН:

Төрийн болон албаны нууцын тухай хуулийн төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын дэд хэсгийн хуралдаан 14.00 цагаас “Их эзэн Чингис хаан” танхимд;
“Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “В” танхимд;
“Эдийн засгийн хүндрэлийг даван туулах, тогтворжуулах хөтөлбөр батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 15.00 цагаас “В” танхимд.

Өнөөдөр буюу 2016 оны арваннэгдүгээр сарын 14-ний даваа гарагт болох үйл явдлын тоймыг хүргэж байна.
Шастины нэрэмжит улсын гуравдугаар төв эмнэлэг

09.00 цагт: ”Чихрийн шижин өвчинтэй тэмцэх дэлхийн өдөр”-ийг тэмдэглэн өнгөрүүлэх өдөрлөг, үйл ажиллагаа болно. Утас: 9875391
Мал эмнэлгийн төв лобартори

09.30 цагт: Хүнс, хөдөө аж ахуй, хөнгөн үйлдвэрийн сайд П.Сэргэлэн 21 аймгийн мал эмнэлгийн төв лобарторийн дарга нартай уулзалт хийнэ.
Эрүүл мэндийн яам

10.00 цагт: ЭМЯ-ны ”Б” зааланд ”Антибиотикийн талаар мэдлэг сайжруулах” дэлхийн 7 хоноийн нээлтийн үйл ажиллагаа болно. Утас 99179899
”Монгол ньюс” Мэдээллийн төв

11.00 цагт: Хэл зохиолын хүрээлэнгээс их зохиолч Д.Нацагдоржийн мэндэлсний 110 жилийн ойд зориулж хэвлэлийн бага хурал зарлалаа.

12.00 цагт: Б.Түвдэндорж аваргын мэндэлсний 100 жилийн ойг зохион байгуулах ажлын хэсэг хэвлэлийн бага хурал зохион байгуулна. Утас: 99930337
”Зууны мэдээ” сонины Үндэсний мэдээллийн төв

11.30 цагт: Түрээсийн байр эзэмшигчдийн эрх ашгийг хамгаалах холбооноос Монгол Улсын иргэдийн эрх зөрчигдөж байгаа талаар мэдээлэл хийнэ.
UBS телевизийн байр

14.00 цагт: Монгол Улсын Урлагийн гавьяат зүтгэлтэн, Пентатоник наадмын 5 удаагийн шагналт, хөгжмийн зохиолч Лхагвадоржийн Балхжавын “Миний дуунууд 2016” уран бүтээлийн тайлан тоглолтын хэвлэлийн бага хурал болно. Утас: 99090794, 99002505, 88007600

Малчид, тээвэрчид, иргэдийн анхааралд: Өнөөдөр зүүн аймгуудын нутгийн зүүн хэсгээр цас орж, цасан шуургатай байхыг анхааруулж байна.

2016 оны 11 дүгээр сарын 14-ний 08 цагаас 20 цаг хүртэл: Зүүн аймгуудын нутгаар үүлэрхэг. Бусад нутгаар үүлшинэ. Зүүн аймгуудын нутгийн зүүн хэсэг, баруун аймгуудын нутгийн баруун хэсгээр бага зэргийн цас орж, цасан шуурга шуурна. Салхи зүүн аймгуудйн нутгаар баруун хойноос, бусад нутгаар баруун өмнөөс секундэд 5-10 метр, Алтайн салбар уулс болон Арц Богдын өвөр хоолойгоор секундэд 12-14 метр хүрч ширүүснэ. Дархадын хотгороор 19-24 хэм, Хангай, Хэнтэйн уулархаг нутаг, Идэр, Тэс, Орхон-Сэлэнгэ, Хараа, Ерөө, Тэрэлж, Хэрлэн, Онон, Улз, Халх голын хөндийгөөр 13-18 хэм хүйтэн, говийн бүс нутгийн өмнөд хэсгээр 2 хэм хүйтнээс 3 хэм дулаан, бусад нутгаар 7-12 хэм хүйтэн байна.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 5-10 метр. 10-12 хэм хүйтэн байна.

2016 оны 11 дүгээр сарын 15-нөөс 11 дүгээр сарын 19-ныг хүртэлх
цаг агаарын урьдчилсан төлөв

15-нд нутгийн хойд хэсгээр бага зэргийн цас, 16-нд баруун зүгийн нутаг, төвийн нутгийн хойд хэсгээр, 17-18-нд зарим газраар цас орно. Салхи 15-нд Алтайн уулсаар, 16-нд баруун аймгуудын нутгаар, 17-нд ихэнх нутгаар, 18-нд говь, талын нутгаар секундэд түр зуур 16-18 метр хүрч цасан болон шороон шуурга шуурна. Хүйтний эрч суларч Дархадын хотгороор шөнөдөө 22-27 хэм, өдөртөө 11-16 хэм, Увс нуур болон Хангай, Хэнтэйн уулархаг нутаг, Сэлэнгэ, Хараа, Ерөө, Тэрэлж, Хэрлэн, Онон, Улз, Халх голын хөндийгөөр шөнөдөө 18-23 хэм, өдөртөө 6-11 хэм говийн бүс нутгийн өмнөд хэсгээр шөнөдөө 0-5 хэм хүйтэн, өдөртөө 5-10 хэм дулаан, бусад нутгаар шөнөдөө 10-15 хэм, өдөртөө 2-7 хэм хүйтэн байна. Хугацааны сүүлчээр хүйтний эрч чангарна.

Үс шинээр үргээлгэх буюу засуулбал өлзийтэй сайн

Монгол Улсад 2017 онд үйл ажиллагаа явуулах аж ахуйн нэгж, байгууллагын нийт ажиллагсдын тоонд эзлэх гадаадын ажиллах хүч, мэргэжилтний хувийг Засгийн газрын тогтоолоор баталлаа.

Гадаад ажилчдын тоо нь тухайн байгууллагын нийт ажилчдын таван хувиас хэтрэхгүй байхаар тогтоолоо. Тогтоосон квотын 50 хүртэлх хувьтай тэнцэх гадаадаас авах ажиллах хүчний зөвшөөрлийг Хөдөлмөр, халамж үйлчилгээний газар, 50-иас дээш бол Засгийн газарт асуудал тавьж шийдвэрлүүлж байхыг Хөдөлмөр, нийгмийн хамгааллын сайдад үүрэг болголоо.

2016 оны аравдугаар сарын байдлаар 11072 гадаадын иргэн Монгол Улсад хөдөлмөр эрхэлж байгаа бөгөөд энэ нь өнгөрсөн оныхоос 33 хувиар буурсан үзүүлэлт юм байна. Хөдөлмөр эрхлэлтийг дэмжих санд 2015 онд 43 тэрбум төгрөг төвлөрч байсан бол 2016 онд 37.8 тэрбум төвлөрүүлэхээс энэ оны аравдугаар сарын байдлаар 12 тэрбум төгрөг төвлөрөөд байгаа юм байна.

Лондоны металын зах дээр өнгөрсөн хоёр өдрийн дотор зэсийн үнэ тонн тутамдаа 600 ам.доллараар нэмэгджээ. Үнийн өсөлтийн дүнд нэг тонн зэсийн үнэ 5636 ам.доллар болсон байна. Энэ нь өнгөрсөн нэг жилийн хугацаанд өссөн хамгийн өндөр үзүүлэл боллоо гэж шинжээчид дүгнэж байгаа аж.

Өнөөдрийн байдлаар Монголд зэсийн олборлолт хийж буй үйлдвэрүүд 4700 ам.доллараар зэс нийлүүлж байна.

Маргааш буюу арваннэгдүгээр сарын 14-ний өдөр АНУ-ын цагаар 18:00 цагийн үед сар дэлхийд ердийн үеийнхээс 90 хувь хүртэл ойр буюу 365.509 км зайд ойртон ирэх үзэгдэл болох аж.

Ингэснээр ямар нэгэн байгалийн гамшиг зэрэг болохгүй бөгөөд сар жирийн үеийнхээс 14 дахин том, 30 хувиар илүү тод, гэрэлтэй харагдана.

Сар дэлхийд ийм хэмжээнд ойртсон тохиолдол 1948 оноос хойш гараагүй юм. Үүнтэй адил үзэгдэл 2034 оны 11 дүгээр сарын 25-ны өдөр дахин тохиох магадлалтай аж.

Сар дэлхийг тойрон эргэх үедээ дэлхийгээс холдож, ойртож зууван хэлбэрээр тойрдгоос ийм үзэгдэл болдог аж.

Монголын эрэн сурвалжлах сэтгүүлчдийн Анхдугаар чуулга уулзалт амжилттай болж өндөрлөв. Тус чуулга уулзалтад Монголын эрэн сурвалжлах сэтгүүлчийн төлөөлөл өргөнөөр оролцож, ”Эрэн сурвалжлах сэтгүүлчдийн төв” байгуулахаар санал нэгдсэн юм.

Энэ үеэр сэтгүүлчид эрэн сурвалжлах хэлэлцүүлэг, нийтлэл, асуудал дэвшүүлсэн сурвалжлага бэлтгэж, олны анхаарал татаж, зарим дарамтад орон, шүүхэд нэг бус удаа дуудагдсан ч шантралгүй ажиллаж буй талаараа ярьж, тулгамдсан асуудлын гарцыг хэрхэн олох талаар мэтгэлцээн өрнүүлэв.

Монголын хэвлэлийн хүрээлэнгийн ажилтан Д.Мөнхчимэг, эрэн сурвалжлах сэтгүүл зүйн төв байгуулсан олон улсын туршлага”-аас ярьсан нь анхаарал татсан. Үг хэлсэн сэтгүүлчид, эзэд ”Монгол улсад маань Эрэн сурвалжлах сэтгүүлчдийн төв байгуулах цаг болсон. Нийгмийн захиалга бүрдлээ. Олигархиудын эсрэг олуулаа нийлж тэмцье.

Дэлхийг шуугиулсан ”Panama Papers-ийнхэн 100 гаруй орны 400 гаруй сэтгүүлчийн хүч нийлсэн мэдээллийн ачаар оффшор дансад нуусан мөнгийг илрүүлсэн жишиг болон БНСУ-ын ”Ньюс Таб” эрэн сурвалжлах сэтгүүлчдийн багийн туршлагаар ажиллаж болохыг ч онцолсон юм.

Амралтын өдрөөр амттай кимчи гэртээ дарах гурван төрлийн жорийг эзэгтэй нартаа зориулан хүргэж байна. Мөн кимчинд дуртай хэн бүхэн энэхүү кимчиний жороор хялбархан дарж, хоолныхоо хачир болгоход тун тохиромжтой. Ингээд кимчи дархад хэрэгтэй орц, хийх аргыг танилцуулъя.

Арваннэгдүгээр сарын 13-ны үүрийн 5.00 цагаас Булган аймгийн Гурванбулаг, Дашинчилэн, Баяннуур сумдын нутгаар цас орж эхэлсэн, Лүн-Дашинчилэн-Батцэнгэл чиглэлийн замын зорчих хэсэг дээр 0,5-5см цас тогтсон, А-1002 дугаартай Эрдэнэт-Булган, А-0902 дугаартай Булган-Мөрөн чиглэлийн замуудын зорчих хэсэг дээр 30см цас тогтсон, Архангай аймгийн нутгаар цас орж замын зорчих хэсэг дээр 5-10 см цасан бүрхүүл тогтож, Замын-Үүдэд хүчтэй шороон шуурга шуурч эхэлж байна.



Төвийн аймгуудын нийт нутгаар цас орж, Зүүн болон зүүн урд чиглэлд зарим газраар цас орж, зарим нутгаар шороон шуургатай байна.



Хойд чиглэлд Дархан, Орхон, Хөвсгөлийн замд шуургатай, замын гадаргуу хальтиргаа гулгаа үүссэн, A1702 Хандгайт чиглэлийн замын зорчих хэсэг мөн цасан болох мөсөн бүрхүүл тогтож, олон нуурын хотгор Увс, Хяргас нуурын орчим олон хоног цас үргэлжлэх төлөвтэй байгаа тул анхаарал болгоомжтой зорчихыг Автотээврийн үндэсний төвөөс зөвлөж байна.



Төв аймагт замын нөхцөл хальтиргаа гулгаа ихтэй, зам даваанууд цасанд боогдож замын хөдөлгөөн хязгаарлаад байна.

Улсын драмын эрдмийн театрын жүжигчин Э.Тодгэрэл, Б.Одончимэг нарыг БСШУСЯ-наас Монгол Улсын Соёлын тэргүүний ажилтан цолоор шагналаа.

Соёл урлагийн салбарт оруулсан хувь нэмрийг нь үнэлж, өчигдөр болсон ууган театрын 85 жилийн ойн баярын хурлын үеэр ийнхүү тэднийг болон театрын бусад уран бүтээлч, албан хаагчдыг шагнасан байна.

Дашрамд дурдахад энэ жил мэргэжлийн урлагийн ууган байгууллага болох Улсын драмын эрдмийн театрын үүсэн байгуулагдсаны 85 жилийн ой, их зохиолч Д.Нацагдоржийн мэндэлсний 110 жилийн ой тохиож байгаа бөгөөд тус театрын хамт олон ”Жаргаагүй нар” жүжиг, драмын театрын гэрэл зургийн үзэсгэлэн, гала тоглолт, баярын хурал зэрэг олон сонирхолтой үйл ажиллагаа зохион байгуулсан билээ.

Өнгөрсөн лхагва гаригт АНУ-ын Ерөнхийлөгчийн сонгуульд ялалт байгуулсан Дональд Трамп “The Wall Street” сэтгүүлд ярилцлага өгөхдөө “Хууль бус цагаачдыг зогсоож, хар тамхийг хориглохын тулд хилийн хяналтыг чангатгана. Энэ миний хамгийн түрүүнд хийх ажил” хэмээн мэдэгдсэн байна.

Тэрээр эрүүл мэндийн салбарт шинэчлэл хийх, ажлын байр бий болгох зэргийг эн тэргүүний зорилт болгон ажиллахаа мэдэгджээ. Мөн тэрээр Обамагийн санаачилсан “Affordable Care Act” тусламжийн хуулийн зарим хэсгийг үргэлжлүүлж магадгүй юм байна.

Британийн нэрт дуучин Адель хамтрагчидтайгаа хамт Америкийн сансар судлалын хүрээлэн “НАСА”-ийн төв байранд очиж, аялал хийсэн талаар “www.dailymail.co.uk” мэдээллээ.



Тэрбээр Техаст хийж буй тоглолтынхоо үеэр багийн гишүүдээ бүрдүүлж “Space Center Houston”-д аялажээ.



Уг аялалыг сансрын нисгэгч Тим Пийк удирдан явуулсан байна.



Энэхүү аялалын дараа дуучин бүсгүй сансарт нисэхийг хүсчээ. Адель инстаграмдаа “Би ирэх ондоо багтаан сансарт нисэх болно. Тэгээд дуулах болно” гэж бичжээ.

Пакистаны Карачи хотоос 100 км-ийн цаана байрлах Балочистан гэх хотноо хүчтэй дэлбэрэлт болсон талаар “Ройтерс” агентлаг мэдээллээ. Халдлагаар 52 хүн амиа алдаж, 100 гаруй хүн шархтжээ.



Хотын иргэд “Суфи” гэх сүмд мөргөл үйлдэж байсан аж. Иргэдийн ярьснаар гэнэт хүчтэй дэлбэрэлт болсон гэнэ.



Эрх баригчид мөргөл үйлдэж байсан олон мянган иргэдийг хурдан тарахыг уриалжээ. Уг халдлагыг Иракийн хэт даврагч “Халифын вант улс” бүлэглэл захиалсан талаараа өөрсдийн твиттер хуудсаараа дамжуулан мэдэгдсэн байна.



Тус бүлэглэлийн дайчин 27 настай эр шашны баярын үеэр амиа егүүтгэсэн аж.

Монгол бөхийн өргөөнд Говь-Алтай аймгийн “Хантайшир” дэвжээ үүсэн байгуулагдсаны 15 жилийн ойд зориулсан улс, аймгийн алдар цолтой хүчит 224 бөхийн барилдаан боллоо. Энэхүү барилдаанд Улсын баяр наадмаар 10 даван түрүүлж, Монгол Улсын аварга цол хүртсэн Ч.Санжаадамба тэргүүлэн, наадмаас хойш анх удаа барилдаж, бөхийн хорхойтнуудаа баярлуулав. Мөн барилдаанд улсын заан Б.Пүрэвсайхан, улсын заан Б.Соронзонболд, улсын харцага Т.Баасанхүү, улсын харцага Н.Батзаяа, улсын өсөх идэр начин Э.Энхбат тэргүүтэй бөхчүүд зодоглосон юм.

Бөхийн барилдаааны их шөвөгт улсын аварга Ч.Санжаадамба, аймгийн арслан О.Хангай, улсын начин Ганзориг, улсын начин Б.Чимидвандан нар тунан үлдсэн юм. Үүнээс Архангай аймгийн Хашаат сумын харьяат улсын залуу аварга Ч.Санжаадамба, Ховд аймгийн Буянт сумын харьяат аймгийн арслан О.Хангайг зүүн талдаа давхар ачих мэхээр долоо даван түрүүллэв.

Нийслэлийн хэмжээнд амбулаторийн үзлэгт 69090 хүн хамрагдсанаас 3988 хүн буюу 5.8 хувь нь Томуу, томуу төст өвчинтэй гэж оношлогдсон нь өнгөрсөн долоо хоногийн дунджаас 1.2%-иар нэмэгдсэн байна. Нийт өвчлөгсдийн дийлэнх буюу 88.4 хувийг 0-9 насны хүүхдүүд, хүүхдийн түргэн тусламжийн дуудлагын 42.5 хувийг томуу, томуу төст өвчин тус тус эзэлж байгаа аж.

Мөн нийслэлийн хэмжээнд эмнэлэгт шинээр хэвтсэн хүмүүсийн 187 буюу 47.2 хувь нь томуу, томуу төст өвчтэй байгаагаас 75.9 хувь нь хүүхдүүд ажээ. Эмнэлгүүдийн хүүхдийн орны ачаалал 20.7 хувиар нэмэгдэж, 789 орон дээр 952 хүүхэд хэвтэн эмчлүүлж байна. Хүүхдийн орны ачаалал Баянзүрх нэгдсэн эмнэлэгт 43.8%, Багануур ЭМТ-д 41.2 хувиар тус тус хэтэрсэн нь хамгийн өндөр үзүүлэлт аж.

Иргэд өөрсдөө дур мэдэн антибиотик хэрэглэх, эмчид үзүүлж тохирох эмчилгээг хийлгэхгүй, өвдсөн ч ажил хичээлдээ үргэлжлүүлэн явах зэргээр өвчнөө хүндрүүлэх хандлагатай байгаа тул өрхийн эмчдээ үзүүлж, эмчийн өгсөн зөвлөгөөг баримтлахыг эмч нар зөвлөж байна.

Манай улс элэгний хорт хавдраар өвчлөгсдийн тоогоор дэлхийд нэгдүгээр байрт жагсдаг бол араас нь уушгины хорт хавдар эзлэх болжээ.