Авлигатай тэмцэх газар, Европын аюулгүй байдал, хамтын ажиллагааны байгууллага хамтран “Олон улсын болон үндэсний хэмжээнд авлига, мөнгө угаах явдалтай тэмцэх нь” сургалтыг 2017 оны 9 дүгээр сарын 20-21-ний өдрүүдэд Авлигатай тэмцэх газрын Олон нийтийн төвд зохион байгуулж байна.

260.5 сая төгрөгийн үнийн дүн бүхий үнэт цаас арилжжээ

Монголын тээвэр холбоо, газрын тосны Үйлдвэрчний Эвлэлийн Холбооноос өчигдөр мэдээлэл хийж, Зорчигч Тээврийн Нэгтгэлийн удирдлага, санхүүтэй холбоотой зарим нэгэн баримтуудыг дэлгэсэн. Тэгвэл өнөөдөр Зорчигч Тээврийн Нэгтгэлээс тус байгууллагын үйл ажиллагаатай холбоотой гарч буй мэдээлэлд тайлбар нь ташаа болохыг мэдэгдэж, хууль шүүхийн байгууллагад хандана гэлээ.

Хараагүй хүмүүсийн хөдөлмөр, сургалтын үйлдвэр /ХХСҮ/-ийн хараагүй ажилчдын 90 айлын орон сууц бэлэн болж өнөөдөр оршин суугчдаа хүлээн авлаа. Барилгын ажил нь өнгөрсөн 2015 оноос эхэлсэн бөгөөд 2017 оны 3 дугаар улиралд ийнхүү бүрэн ашиглалтад орж, оршин суугчдаа хүлээн аваад байна. Тус барилгын нээлтийн арга хэмжээнд Хөдөлмөр, нийгмийн хамгааллын Төрийн нарийн бичгийн дарга Г.Өнөрбаяр, УИХ-ын гишүүн С.Эрдэнэ, Баянгол дүүргийн засаг дарга С.Одонтуяа, ХНХЯ-ны Хүн амын хөгжлийн газрын дарга С.Тунгалагтамир болон Монголын хараагүйчүүдийн үндэсний холбооны удирдлага, төлөөллүүд оролцлоо.

Монгол Улсын Ерөнхийлөгч Х.Баттулга өнөөдөр жудо, чөлөөт бөх, бокс, сагсан бөмбөг зэрэг төрлөөр амжилт гаргасан үндэсний шигшээ багийн дасгалжуулагч, багш нар, олимп, дэлхийн аваргын медальт тамирчдын төлөөллийг хүлээн авч уулзлаа.

”Эрдэнэт үйлдвэр”-ийн Ерөнхий захирал Х.Бадамсүрэн ажлаас чөлөөлөгдөх өргөдлөө өгсөн талаарх мэдээлэл цацагдаж

Монголын нам бус иргэдийн нэгдсэн холбоо, Хариуцлага тооцох иргэдийн хөдөлгөөн, оюутан залуус нэгдэж 60 тэрбумын гэх хэрэг болон оффшорчдын эсрэг жагсаал зохион байгуулахаа мэдэгдлээ.

УИХ-ын 2017 оны Намрын ээлжит чуулган ирэх 10 дугаар сарын 2-нд нээлтээ хийхээр болжээ.

Замын цагдаагийн албаны Жижүүрийн шуурхай удирдлагын хэлтэст өчигдөр нийт 350 дуудлага, мэдээ мэдээлэл хүлээн

Баянхонгор аймгийн Онцгой байдлын газрын Гал түймэр унтраах, аврах 16 дугаар ангийн үүсч байгуулагдсаны түүхт 40 жилийн ой 2017 оны 10 дугаар сарын 05-08-ны өдрүүдэд тохиох юм.

Ойн баярыг тохиолдуулан Онцгой байдлын асуудал эрхэлсэн байгууллагын Гал унтраах техникийн олон төрөлт спортын холбооны клубуудын дунд Өмнөд бүсийн аварга шалгаруулах тэмцээнийг зохион байгуулна.

Мөн энэ үеэр Баянхонгор аймгийн Онцгой байдлын газрын хамт олны санаачлагаар барьж ашиглалтад оруулсан “Аврагч” спорт заалны нээлтийг хийх юм.

Гал унтраах техникийн олон төрөлт спорт холбооны “Клуб”-уудын хоёр дах удаагийн аварга шалгаруулах тэмцээнд Улаанбаатар бүсийн “Ган дуулга”, Зүүн бүсийн “Шонхор”, Хойд бүсийн “Алтангадас”, төвийн бүсийн “Од”, баруун бүсийн “Алтайн бүргэд” клубын 2017 оны бүсийн аварга шалгаруулах тэмцээний эхний байрт шалгарсан нийт 46 тамирчин, урилгаар Улаанбаатар “Ган дуулга” клубын Гал түймэр унтраах, аврах 10 дугаар ангийн баг тамирчид, Хууль сахиулах их сургуулийн Онцгой байдлын сургуулийн баг, Залуучуудын шигшээ багийн тамирчид оролцоно гэж Баянхонгор аймгийн Онцгой байдлын газраас мэдээллээ.

Гэмт хэргээс урьдчилан сэргийлэх, нийтийн хэв журам хамгаалах ажлыг олон улсын цагдаагийн байгууллагын жишигт хүргэж, эргүүлийн үйл ажиллагаа, зохион байгуулалтыг боловсронгуй болгож цагдаагийн байгууллагын үйлчилгээг иргэдэд шуурхай хүргэх зорилгоор “Эргүүл” дэд хөтөлбөрийг хэрэгжүүлэн ажиллаж байгаа билээ.
Энэхүү хөтөлбөрийн хүрээнд дугуйт эргүүлийн үүрэг гүйцэтгэж байсан алба хаагчид Хан-Уул дүүргийн 14 дүгээр хороонд оршин суух Д-гийн халааснаас “Vodafone” гар утсыг О гэгч хулгайлан авч Сонгинохайрхан дүүргийн 17 дугаар хороо, 19-р байрны автобусны буудлын орчим зарах гэж байхад нь илрүүлэн, Сонгинохайрхан дүүрэг дэх цагдаагийн гуравдугаар хэлтэс шалгаж байна.

Нийслэлийн төсвийн хөрөнгөөр 2017 онд Богдхан уулын дархан цаазат газарт Аялал жуулчлалын зориулалттай нийт 264 авто машины зогсоол, 60 дугуйны зогсоол, автобус, таксины зогсоолын цогцолбор бүхий 2,05 км авто замыг барихаар төлөвлөсөн.

Улаанбаатар хотын Ерөнхий менежер хуулиар олгогдсон эрх, үүргийн хүрээнд нийтийн тээврийн үйлчилгээний чанар хүртээмжийг сайжруулах, ялангуяа автобусны буудлуудыг олон улсын жишигт нийцүүлэн, стандарт шаардлага хангахуйц хэмжээнд тохижуулах хүрээнд 2013 онд зам, тээврийн асуудлыг хариуцдаг нийслэлийн холбогдох байгууллагуудтай болон Жэй Си Дэко Монголиа ХХК-тай хамтран ажиллах гэрээ байгуулсан байдаг.


Уг гэрээний хүрээнд Жэй Си Дэко Монголиа ХХК нь нийслэлийн Ерөнхий төлөвлөгөөний газрын баталсан зураг, төсвийн дагуу өөрийн 100 хувийн хөрөнгө оруулалтаар сүүдрэвч, мэдээллийн байгууламж, сандал, хогийн сав бүхий 143 автобусны буудлыг олон улсын стандарт шаардлага хангасан түвшинд тохижуулж, ашиглалтад оруулсан байдаг.

Нийтийн тээврийн үйлчилгээнд хийгдэж буй ажлууд, нийслэлийн Тээврийн газраас гаргасан санал хүсэлт, хэрэгцээ шаардлагын дагуу гэрээнд зарим өөрчлөлт оруулах асуудлыг судалж байгаатай холбогдуулан Захирагчийн ажлын албаны Аудит, дотоод хяналтын хэлтсээс Инженерийн байгууламжийн хэлтэс, Хотын Замын цагдаагийн алба нэгжтэй хамтран дээрх автобусны буудлын тохижилт, цэвэрлэгээ үйлчилгээ, байгууламжийн бүрэн бүтэн байдал, иргэдэд хүргэж буй тээврийн үйлчилгээний мэдээ мэдээллийн чанар хүртээмжийн байдалд 2017 оны 09 дүгээр сарын 11-13-ны өдрүүдэд үзлэг шалгалт явууллаа.

Гэрээний хүрээнд автобусны буудлууд дахь сүүдрэвч, мэдээллийн байгууламжуудад нийтийн тээврийн автобусны маршрутууд, чиглэлүүдийг байршуулсан нь иргэдийг зохих мэдээ мэдээллээр хангаж байна.
Ажлын хэсэг үзлэг шалгалтын хүрээнд мөрөөр дүн шинжилгээ хийж, улмаар гэрээнд оруулах нэмэлт өөрчлөлтөд тодорхой санал тусгуулах төлөвлөгөөтэй ажиллаж байна гэж Улаанбаатар хотын Захирагчийн ажлын албанаас мэдээлэв.

Нийслэлийн Засаг дарга бөгөөд Улаанбаатар хотын Захирагч С.Батболд тэргүүтэй төлөөлөгчид энэ оны гуравдугаар сард Европын хотуудад албан ёсны айлчлал хийсэн. Энэхүү айлчлалаар Берлин, Будапешт, Варшав гэсэн томоохон хотуудтай эдийн засаг, соёл, боловсролын хүрээнд хамтын ажиллагаагаа өргөжүүлэн шинэ шатанд гаргахаас гадна Европын стандартыг Улаанбаатар хотод нутагшуулах ажлыг эрчимжүүлэх бэлтгэл ажлын хүрээнд холбогдох байгууллагуудтай яриа хэлцэл хийгээд ирсэн билээ.

Хотын дарга энэхүү айлчлалын үеэрээ Улаанбаатар хотын төлөвлөлт, дэд бүтэц болон бусад салбарын үйл ажиллагаанд Европын стандартыг нэвтрүүлэхэд туслахыг Берлин хотын удирдлагуудаас хүсч, холбогдох байгууллагуудтай хамтран ажиллахаар тохиролцсон юм. Уг хүсэлтийг Берлин хотын албаны хүмүүс дэмжиж ажиллахаа илэрхийлж байсан бөгөөд Берлин хотын захирагч, ноён Михаель Мюллер тэргүүтэй төлөөлөгчид өнгөрсөн долоодугаар сард Улаанбаатар хотод айлчилж, нөхцөл байдалтай газар дээр нь танилцсан болно.

Нийслэлийн бүтээн байгуулалт, хот төлөвлөлтөд Европын хотуудын стандартыг нэвтрүүлэх ажил олон жилийн турш яригдаж байгаа ч дорвитой алхам хийгдэлгүй өдийг хүрсэн. Дэлхийн шилдэг стандарт болох Европ стандартыг хот байгуулалтад нэвтрүүлэхэд мэргэжлийн зөвлөгөө шаардлагатай бөгөөд бэлтгэл ажлын хүрээнд шат дараатай олон арга хэмжээ авч хэрэгжүүлэх хэрэгцээ тулгардаг байна.

Хотын даргын дээр дурдсан айлчлалын хүрээнд германы ахмад, туршлагатай мэргэжилтнүүдийг эгнээндээ нэгтгэсэн SES байгууллага /Германы ахмад мэргэжилтний алба/-ын төлөөлөлтэй уулзаж, цаашид хамтран ажиллахаар тохиролцсоны дагуу тус байгууллагын төлөөлөгч нар өчигдөр нийслэлийн Засаг даргын Тамгын газарт хүрэлцэн ирж, холбогдох албан тушаалтнуудтай уулзалт зохион байгууллаа.

Уулзалтын үеэр нийслэлийн зүгээс хот төлөвлөлт, нийтийн тээвэр, хог хаягдлын менежмент, хот тохижилт, боловсрол, эрүүл мэнд болон бусад шаардлагатай мэргэжлийн чиглэлээр нарийн мэргэшсэн, ахмад, туршлагатай герман мэргэжилтнүүдийг зөвлөхөөр урьж авчран, тодорхой хугацаанд нийслэлийн харьяа байгууллагуудад ажиллуулах хүсэлтэй байгаагаа илэрхийлж, ойрын хугацаанд эхлүүлэх бэлтгэл ажлыг хангахаар боллоо. SES байгууллага нь гүнзгий мэдлэг, ур чадвар, он удаан жилийн мэргэжлийн туршлагад тулгуурласан германы 12.000 гаруй мэргэжилтнийг эгнээндээ нэгтгэсэн, 50 салбарын 500 гаруй мэргэжлийн чиглэлийг хамарсан үйл ажиллагаа явуулдаг байна.

Хөдөлмөр нийгмийн зөвшлийн гурван талт 2017-2018 оны Улсын хэлэлцээртэй холбогдуулан МҮЭ-ийн холбооноос хөдөлмөрийн хамтын маргаан эхлүүлэх шийдвэрийг өнөөдөр гаргалаа.

үүлийн үед улс төрийн ажил өөр хоорондоо албан бичиг шидэлцэж өрнөхөөс хэтэрхээ болижээ. Монгол Улсын Ерөнхийлөгч Х.Баттулга энэ сарын 15-ны өдөр УИХ-ын дарга М.Энхболдод Ээлжит бус чуулган яаралтай хуралдуулах тухай албан бичиг илгээсэн билээ. Ингэхдээ Намрын ургац хураалтын ажлыг эрчимжүүлэх, өвөлжилтийн бэлтгэл хангах, нийслэлд гарсан мал, амьтны гоц халдварт шүлхий өвчний тархалтыг яаралтай зогсоох, 2018 оны улсын төсвийг хэлэлцэж эхлэх зэрэг хариуцлагатай цаг үед Монгол Улс үүрэг гүйцэтгэгч Засгийн газартай байгаа нь төрийн ажил цалгардах, нийгэм, эдийн засагт сөрөг үр дагавар авчрах тул ээлжит бус чуулганыг нэн даруй хуралдуулж шинэ Ерөнхий сайдыг томилж, Засгийн газрыг эмхлэн байгуулах шаардлагатай байна” гэдгийг онцолсон.

Монголбанк энэ оны есдүгээр сарын 1-нээс 15-ныг хүртэлх хугацаанд иргэд, аж ахуйн нэгжүүдээс нийт 1.4 тонн алт худалдан авлаа. Энэ нь өмнөх оны мөн үеийнхтэй харьцуулбал 1.1 тонноор өссөн үзүүлэлт юм.

Алт тушаалтын нийт дүн оны эхний есөн сарын байдлаар 13.6 тоннд хүрлээ.
Монголбанкинд алтаа тушаавал алт олборлогч байгууллага, иргэд ашигт малтмалын нөөц ашигласны татвар /АМНАТ/ 2.5 хувийг төлдөг бол экспортолсон тохиолдолд үүнээс хоёр дахин өндөр татвар төлөх юм.

Монгол Улсын олборлон баяжуулж байгаа алтны дундаж агуулга 85.0 хувь байдаг. Тиймээс алтыг олон улсын зах зээлд борлуулахад 99.99 хувийн цэвэр алт болгох шаардлагатай байдаг. Гадаадад алтыг цэвэршүүлэхэд алтны экспортын татвар, тээвэр, даатгал, хамгаалалтын зардал гардаг. Харин Монголбанканд алтаа тушааснаар Лондонгийн үнэт металлын захын үнээр эрсдэлгүй, бусад нэмэлт зардалгүйгээр алтаа худалдах боломжтой юм.

Монголбанкинд алт худалдах нь Монгол Улсын Гадаад валютын албан нөөцийг нэмэгдүүлэх, төгрөгийн тогтвортой байдлыг хангахад өөрийн хувь нэмрээ оруулах ач холбогдолтой.

09:00 цагт Монголын архитекторуудын эвлэлийн байранд/Улаанбаатар чуулгын зүүн талд/ ”ЭРҮҮЛ МЭНДИЙН ТӨВҮҮД, КЛИНИКИЙН ЭМНЭЛГИЙН АРХИТЕКТУР ТӨЛӨВЛӨЛТ, ХЭТИЙН ТӨЛӨВ” сэдэвт зөвөлгөөн болно. Тус зөвлөгөөнд Эрүүл мэндийн сайд А.Цогцэцэг оролцоно. Утас: 91119838

Засгийн газрын ээлжит хуралдаан өнөөдөр 15.00 цагт болохоор товлогджээ. Хуралдаанаар нийт есөн асуудал хэлэлцэн шийдвэрлэж, хоёр асуудалтай танилцах юм байна.

Албан тушаалын албан бус наймаа хэн нь Ерөнхий сайд болохоос ихээхэн шалтгаалах нь дамжиггүй. Тиймээс хэн гарна, тэр нүүх зарчимаар дараагийн Засгийн газар бүрдэнэ гэсэн үг. Үүнтэй зэрэгцээд хэн ерөнхийлөн удирдах сайд болохоос хамаарч, засагт тэр үлдэнэ гэсэн таамаг ч хөвөрч мэдэх нь.