Улсын Гуравдугаар төв эмнэлэг, ЭХЭМҮТ, Сондра нүдний эмнэлгийн эмч нарын хамтарсан баг 8 настай хүүд нүдний болор суулгах, торлог шилэнцэрийн мэс засал эмчилгээг амжилттай хийжээ.

Онцгой байдлын ерөнхий газрын харьяа Давтан сургалт, сэргээн заслын төвийн дэргэдэх “Жаргалант” сувилал нь Онцгой байдлын албаны ажилтан, албан хаагчид, тэдний гэр бүл, ахмадууд болон иргэдэд сувиллын 60 ортойгоор уламжлалт, сэргээн заслын тусламж үйлчилгээг хүргэдэг билээ.

Тэгвэл тус сувилал нь Хөдөлмөр, халамж үйлчилгээний ерөнхий газрын ахмад настны амралт, сувиллын үйлчилгээ үзүүлэх байгууллагын сонгон шалгаруулалтад оролцож, тэнцсэн байна.

Ингэснээр тус сувиллаар үйлчлүүлсэн ахмад настнууд Хөдөлмөр, халамжийн үйлчилгээний газрын хөнгөлөлтөд хамрагдах боломжтой болж байгаа юм. Өөрөөр хэлбэл, “Жаргалант” сувилалд хэвтэн сувилуулсан ахмад настнууд өөрсдийн төлсөн ор хоногийн мөнгөнийхөө тодорхой хувийг Хөдөлмөр, халамжийн үйлчилгээний газраас эргүүлэн авахаар болж байна.

Ийм нэгэн хэрэг өчигдөр гарсан байна. Мэдээллийг тодруулбал энэ сарын 18-ны өдөр буюу өчигдөр

Та эрүүл мэндийн даатгал төлдөг бол дараах 79 эмнэлгээр хөнгөлөлттэй үйлчлүүлэх эрхтэй. Энэхүү хувийн эмнэлгүүд Эрүүл мэндийн даатгалын сангаас санхүүжилт авахаар гэрээ байгуулсан байна. Тиймээс танд 50 хувийн хөнгөлөлттэй үнээр үйлчлэх үүрэгтэй.

УИХ-ын чуулганы нэгдсэн хуралдааны эхэнд Монгол Улсын эдийн засаг, нийгмийг 2018 онд хөгжүүлэх үндсэн чиглэл батлах тухай” Улсын Их Хурлын тогтоолын төслийг хэлэлцэх байсан ч УИХ-ын дарга М.Энхболд хойшлуулсан.

Жил бүр уламжлал болгон зохион байгуулдаг “Автомашингүй өдөр”,“Улаанбаатар марафон” олон улсын гүйлтийн тэмцээн маргааш/05.20/ болно. Дэлхийн улс орнууд жил бүр автомашингүй өдрийг уламжлал болгон тэмдэглэдэг бөгөөд энэ жишгийн хүрээнд нэг ч гэсэн өдөр утаагүй, эрүүл агаараар амьсгалж, явган алхаж эрүүл мэнддээ анхаарахыг уриалан манай улс энэхүү арга хэмжээг найм дахь жилдээ тэмдэглэн өнгөрүүлэх гэж байна.

“Улаанбаатар марафон-2017” Олон улсын гүйлтийн тэмцээний үеэр зохион байгуулах үйл ажиллагааны хүрээнд Бага тойруу, Энхтайваны өргөн чөлөөний Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны автозамын хөдөлгөөнийг хязгаарлах тул эдгээр гудамж, замаар үйлчилгээ үзүүлдэг нийтийн тээврийн 34 чиглэлийн 331тээврийн хэрэгслийн чиглэл, замналд өөрчлөлт орно.

Хотын төвийн буюу Их тойруу доторх гол гудамж, замууд хаагдах үед нийтийн зорчигч тээврийн үйлчилгээний чиглэлүүд хойгуураа Их тойруугийн гудамж, урдуур Нарны зам, Намъяанжугийн гудамжаар явах бөгөөд хойноос урагш болон урдаас хойш явдаг босоо чиглэлүүд Баруун 4 зам, Нарны гүүр, Зүүн 4 замаар үйлчилнэ.

Энхтайваны өргөн чөлөөний авто замын тодорхой хэсгийн хөдөлгөөн хаагдах тул тухайн өдөр троллейбус үйлчилдэг Т:2 ”5 шар - Ботаник”, Т:4 ”Ботаник-Вокзал”, Т:5 ”3,4 хороолол-Офицеруудын ордон” чиглэлүүд явахгүй болохыг иргэдэд анхааруулж байна.

Нийслэлийн цагдаагийн газрын Халаасны хулгайн гэмт хэрэгтэй тэмцэх хэлтсээс их, дээд сургуулиудын төгсөлтийн баяр болж байгаатай холбогдуулан,

LIVE: Н.Номтойбаяр сайд мэдээлэл хийж байна

Жил бүр уламжлал болгон зохион байгуулагддаг “Автомашингүй өдөр” энэ бямба гаригт болно. Энэ өдөр иргэдийн чөлөөт цагийг зөв боловсон өнгөрүүлэх, биеийн тамираар идэвхитэй хичээллэх сэдэл төрүүлэх, гүйлтийн спортыг дэмжих зорилготой “Улаанбаатар Марафон” тэмцээнийг зохион байгуулдаг билээ. Энэхүү арга хэмжээний талаар нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаатай ярилцлаа.



-Нийслэлээс жил бүр зохион байгуулдаг “Автомашингүй өдөр” энэ бямба гаригт болно. Энэ өдрийг тохиолдуулан “Улаанбаатар Марафон”-ыг зохион байгуулдаг. Марафонд энэ жил хэдэн хүн оролцохоор бүртгүүлсэн бэ?



-Зам тээврийн хууль тогтоомжийн хэрэгжилтийг эрчимжүүлэх, замын хөдөлгөөний аюулгүй байдлын мэдлэгийг нэмэгдүүлэх, автомашины хэрэглээг багасгах, өөр төрлийн зорчих хэрэгслийг сонгох, агаарын бохирдлыг бууруулах зорилгоор “Автомашингүй өдөр”-ийг жил бүр зохион байгуулдаг. Тиймээс энэ өдөр иргэдийн нийтийн биеийн тамираар хичээллэх идэвхийг нэмэгдүүлэх зорилгоор Монгол Улсын Засгийн газрын 2016 оны 124 дүгээр тогтоол, Нийслэлийн Засаг даргын 2017 оны А/147 дугаар захирамжаар “Улаанбаатар Марафон” олон улсын гүйлтийг энэ сарын 20–нд буюу бямба гаригт 30 гаруй мянган гүйгчдийг хамруулан зохион байгуулахаар бэлтгэж байна.



-Энэ жилийн марафоны онцлог нь юу вэ?



-Ер нь “Улаанбаатар Марафон” олон улсын гүйлт нь Монгол улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд өөрийн дотоод нөөц боломжийг нээж, зорилгодоо хүрэх тэсвэр хатуужил, бие бялдрын болон оюун санааны өв тэгш хүмүүжлийг төлөвшүүлэх зорилготой. Иргэдийг өдөр тутмын биеийн тамираар хичээллэх идэвхи санаачлагыг дэмжсэн, гадаад, дотоодын иргэдийг хамруулж зохион байгуулж байна.



Энэ жилийн гүйлтэд Кени, Өмнөд Солонгос, Япон улсын хоёр тамирчин менежер болон дасгалжуулагчийн хамт оролцохоор бүртгүүлсэн. Мөн Монгол улсад ажиллаж амьдарч байгаа ОХУ, БНХАУ, Япон, БНСУ, Кени, Их Британи, АНУ, БНГУ, Казакстан, Чех, Австрали, Унгар, Канад, Филиппин, Шинэ Зеланд, Франц зэрэг орны Элчин сайдын яамны гадаадын ажилтан, тэдгээрийн гэр бүл оролцоно. Үүнээс гадна урлагийн тоглолт, хөгжөөнт уралдаан тэмцээн, унадаг дугуйн парад зэрэг олон үйл ажиллагаа өдрийн турш үргэлжилнэ.



-Бямба гаригт нийслэлийн аль хэсгээр зам хаах вэ. Мөн марафонтой холбоотой албан ёсны мэдээллийг хаанаас авах боломжтой бол?



-Энэ өдөр өглөө 08:00 цагаас 18:00 цаг хүртэл зарим автозамын хөдөлгөөнийг хааж, аюулгүй байдлыг ханган, зохицуулалт хийнэ. Ерөнхийдөө Д.Сүхбаатарын талбай, Сөүлийн гудамж, Чоймболын гудамж, Самбуугийн гудамж, Анкарагийн гудамж, Сүхбаатарын гудамж, Их сургуулийн гудамж, Энхтайваны өргөн чөлөө, Чагдаржавын гудамж, Элчингийн гудамж, Олимпийн гудамжаас дотогш хэсэг зэрэг нийслэлийн төв хэсгийн бүх замыг хаана. Тиймээс “Нарантуул”, “Дүнжингарав”, “Өгөөмөр”, “Сандэй плаза”, “Шөнийн зах”, “Баянзүрх”, “Хархорин”, “Меркури”, “Бөмбөгөр” зэрэг томоохон худалдааны төвүүд ажиллахгүй юм.

”Улаанбаатар-Марафон” олон улсын гүйлтийг зохион байгуулах тухай зар сурталчилгаа, заавар, журам, мэдээ мэдээллийг www.ub-marathon.ub.gov.mn, www.sport.ub.gov.mn сайт, ”Ub-Marathon” Public group, Community page-ээс хүлээн авах боломжтой. Иргэд та бүхнийг “Автомашингүй өдөр”-өөр идэвхитэй байж, нийслэлийн үйл ажиллагаандаа оролцохыг уриалж байна.

-Бэлтгэл ажил нь ерөнхийдөө дууссан уу. Ямар байгууллагууд хамтран ажиллаж байгаа вэ?

-Энэхүү гүйлтийг амжилттай зохион байгуулж, оролцогчдын тав тухтай орчныг бүрдүүлэх зорилгоор ерөнхий зохион байгуулагчаар Нийслэлийн Засаг даргын Тамгын газар, Нийслэлийн Нийтийн биеийн тамир, спортын хороо болон Нийслэлийн Эрүүл мэндийн газар ажиллаж, хамтран зохион байгуулагчаар БСШУСЯ, Гадаад харилцааны яам, Нийслэлийн есөн дүүрэг, Улаанбаатар хотын Захирагчийн ажлын алба, Нийслэлийн Цагдаагийн газар, Замын цагдаагийн алба зэрэг маш олон байгууллагууд хамтран ажиллаж байна. Бэлтгэл ажил ерөнхийдөө дуусах шатандаа явж байна. Дэмжигч байгууллагаар Монголын Үндэсний олимпийн хороо, Нийгмийн Эрүүл мэндийн хүрээлэн, Монголын Оюутны холбоо, Монголын Оюутны спортын холбоо хамтран ажиллаж байна.

Нийслэлийн ЗДТГ-ын Хэвлэл, мэдээлэл, олон нийттэй харилцах хэлтэс

УИХ-ын чуулганы нэгдсэн хуралдаанаар Ард нийтийн санал асуулга явуулах тухай хуульд нэмэлт өөрчлөлт оруулах тухай хуулийн төслийг хэлэлцэх эсэхийг шийдэж, дэмжлээ.

“Эрэл” компанийн захирал Б.Эрдэнэбатыг АТГ-т шалгаж байгаа. Түүнийг хэргийг шүүх хурал энэ сарын 22-ны өдөр буюу ирэх долоо хоногийн даваа гаригт 13.30 цагаас болохоор товлогдсон байна.

ОХУ-ын Хабаровск хотод ЗХУ-ын Баатар К.Коротоковын нэрэмжит сонирхогчдын боксын олон улсын “А” зэрэглэлийн тэмцээн (тавдугаар сарын 16-21-нд) болж байна. Тус тэмцээнд Үндэсний шигшээ багийн дасгалжуулагч Б.Пүрэв-Очир, дасгалжуулагч Э.Энхтайвангийн удирдлага дор манай улсаас эрэгтэйчүүдийн 49 кг-ын жинд Д.Мөнх-Эрдэнэ, 52 кг-д Г.Ариунболд, 75 кг-д Д.Давааням, эмэгтэйчүүдийн 51 кг-д “Инчён-2014” Азийн наадмын аварга М.Нандинцэцэг, ОУХМ Л.Алтанцэцэг, 60 кг-д У.Шинэцэцэг, 75 кг-д М.Мягмаржаргал, Э.Эрдэнэтуяа нар хүч үзсэнээс хоёр тамирчин маань хүрэл медалийн төлөө тулалдахаар шалгарлаа.

Тухайлбал, тус тэмцээний 49 кг-д Д.Мөнх-Эрдэнэ, 75 кг-д Д.Давааням нар өнөөдөр хүрэл медалийн төлөө хүч үзэх юм. Харин бусад нь тэмцээний эхний өдрөөс рингнээс буусан байна.

Баянзүрх дүүргийн Засаг даргын захирамжийн дагуу ирэх ням гарагт буюу тавдугаар сарын 21-ний өдөр зуслан, ногоон бүсийн их цэвэрлэгээний ажлыг зохион байгуулна.

Урин дулаан цаг ирж, иргэд оршин суугчид зуслан, ногоон бүсэд амарч зугаалж байгаатай холбогдуулж ая тухтай амрах нөхцөлийг бүрдүүлэх, хот тохижилт, цэвэрлэгээний талаар аж ахуйн нэгж, байгууллага, иргэдээс дагаж мөрдөх журмын хэрэгжилтийг хангах үүднээс энэ удаагийн бүх нийтийн их цэвэрлэгээг хийж байгаа аж. Бүх нийтийн их,цэвэрлэгээнд оролцож байгаа байгууллага аж ахуйн нэгжүүдэд хяналт тавих, оролцоогүй байгууллагуудад мэдэгдэл, албан шаардлага хүргүүлэх, торгуулийн арга хэмжээ ногдуулах аж.

Мөн энэ ажлын хүрээнд иргэд, аж ахуйн нэгж байгууллагууд гадна орчныхоо нийтийн эзэмшлийн зам талбай, хайс, хашлага, явган хүний замын хогийг цэвэрлэж, угаан, хаягийг стандартын дагуу шинэчилж, гэрэлтүүлгийг нэмэгдүүлэн, орчныхоо 50 метр хүртэлх нийтийн эзэмшлийн зам талбай, ногоон байгууламжийг цэвэрлэнэ. Мөн энэ удаагийн бүх нийтийн их цэвэрлэгээг зуслангийн бүсэд хамаарах Сэлбэ гол, Улиастай гол, Туул гол дагуу хийх бөгөөд аж ахуйн нэгж байгууллага, айл өрх, иргэдийн бүлгийг идэвхтэй оролцохыг дүүргийн Засаг даргын Тамгын газраас уриалж байна хэмээн Баянзүрх дүүргийн Хэвлэл мэдээллийн албанаас мэдээллээ.

Монгол Улс түүхэндээ хоёр дахь удаагаа ард нийтийн санал асуулга явуулах гэж байна. Анх Монгол Улс тусгаар тогтносон улс болох эсэх талаар ард нийтийн санал асуулга явуулж байсан түүхтэй. Тэгвэл энэ удаа Үндсэн хуульд нэмэлт өөрчлөлт оруулах асуудлаар ард нийтийн санал асуулга явуулах гэж байна. Ингэхдээ ард нийтийн санал асуулгыг Монгол Улсын Ерөнхийлөгчийн сонгуультай хамт явуулахаар бэлтгэл ажил хангагдаж буй. Учир нь ард нийтийн санал асуулга явуулахад хөрөнгө мөнгө их орох учир ийнхүү “Нэг сумаар хоёр туулай буудах”-аар эрх баригчид хичээж байгаа.

Монгол Улсын Ерөнхийлөгч “Монгол Улсын Үндсэн хуульд оруулах нэмэлт, өөрчлөлтийн төсөлд санал авах тухай” албан бичигтэй танилцаж, дараах санал хүргүүлэв.

Энэ сарын 20-нд буюу ирэх бямба гарагт “Автомашингүй өдөр”-ийг тэмдэглэнэ. Үүнтэй холбогдуулан томоохон зах, худалдааны төвүүд ажиллахгүй юм байна.



Манай улс энэ өдрийг найм дахь жилдээ тэмдэглэн өнгөрүүлэх гэж байна. “Автомашингүй өдөр” “Улаанбаатар марафон-2017” олон улсын гүйлтийн тэмцээн болно. Тэмцээнийг зохион байгуулах үйл ажиллагааны хүрээнд Бага тойруу, Энхтайваны өргөн чөлөө, Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны авто замын хөдөлгөөнийг хязгаарлах юм.

Монгол Улсын Ерөнхий сайд Ж.Эрдэнэбат ИБУИНВУ-аас манай оронд суугаа Онц бөгөөд Бүрэн Эрхт Элчин сайд Кэтрин Арнолд, Британийн “Ай Эм Пауэр” компанийн ерөнхий захирал Гордон Дики тэргүүтэй төлөөлөгчдийг хүлээн авч уулзлаа. Уулзалтад Эрчим хүчний сайд П.Ганхүү, ИБУИНВУ-д Монгол Улсаа төлөөлөн суугаа Онц бөгөөд Бүрэн Эрхт Элчин сайд С.Баяр нар байлцлаа.

“Ай Эм Пауэр” компани Шивээ-Овоогийн нүүрсний орд газрыг түшиглэн 1,2 тэрбум ам.долларын хөрөнгө оруулалт бүхий Цахилгаан станц барих хүсэлтэй байгаагаа илэрхийллээ. Төсөл хэрэгжсэнээр өмнө болон зүүн бүсийг найдвартай эрчим хүчээр хангана, орон нутагт ажлын байр бий болно зэрэг эерэг өөрчлөлт гарна гэж тооцоолсон байна.

Ерөнхий сайд ажлын хэсэг байгуулж цахилгаан станц барих асуудлыг судалж танилцуулахыг Эрчим хүчний сайд П.Ганхүүд үүрэг болголоо. Хэрвээ энэ төсөл хэрэгжвэл Монгол Улсын эдийн засагт үр өгөөжтөй байхаас гадна гадаадын хөрөнгө оруулагчдын итгэлийг улам нэмэгдүүлэхэд дэмжлэг болно хэмээн найдаж байгаагаа Ерөнхий сайд хэллээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Үе, үеийн парламент олны дундаас онцгойрсон “поп”-чидтой байсан. Өнгөрсөн парламентад С.Ганбаатар, Г.Уянга гээд л энэ хочны нэр хүндийг өндөрт өргөсөн улстөрчид цөөнгүй. Ард иргэд ч тэдний үйлдлийг өөгшүүлж, рейтинг нь нэмж, бүр шилдэг улстөрч болгоод авсан. Ямар сайндаа л зарим нэг нь ганцхан удаа УИХ-д сонгогдчихоод Ерөнхийлөгч болно хэмээн цээжээ дэлдэж явахав.

Нийслэлийн Иргэдийн Төлөөлөгчдийн хурлын ээлжит 10 дагуур хуралдаан өнөөдөр болж өндөрлөлөө. Хуралдаанаар Хотын шуудын 2016 оны төсвийн гүйцэтгэл батлах тухай, Нийслэлийн 2017 оны төсөвт нэмэлт, өөрчлөлт оруулах тухай, Агаар, орчны бохирдлыг бууруулах чиглэлээр 5-9 дүгээр сард хэрэгжүүлэх үйл ажиллагааны тусгай төлөвлөгөө батлах тухай гэсэн 3 асуудлыг хэлэлцэж баталлаа.

Хуралдааныг хааж НИТХ-ын дарга Ц.Сандуй үг хэллээ. Түүний хэлсэн үгийг бүрэн эхээр нь хүргэж байна.

Ц.Сандуй: Төсвийн сахилга батыг чанд сахиж, үр ашиггүй зардлыг танаж, хэмнэлттэй ажиллах нь чухал

Хурлын эрхэм Төлөөлөгчид өө!

НИТХ-ын ээлжит Х хуралдаан төлөвлөсөн асуудлаа амжилттай хэлэлцэж дууслаа. Шинээр үүссэн нөхцөл байдалтай уялдуулан, Нийслэлийн 2017 оны батлагдсан төсөвт нэмэлт, өөрчлөлт оруулж, баталлаа. Улс орон эдийн засгийн хямралаас ангижраагүй, төсвийн байдал хүнд байгаа энэ үед төсвийн сахилга батыг чанд сахиж, үрэлгэн, үр ашиггүй зардлыг танаж, аль болох хэмнэлттэй ажиллах нь чухал байна. Мөн нэгэнт төлөвлөж, төсөвлөсөн ажил, арга хэмжээнүүдийг цаг алдалгүй шуурхай зохион байгуулж, ажлын гүйцэтгэл, үр дүнг дээшлүүлэхэд Нийслэлийн нутгийн захиргааны байгууллага, нийслэлийн өмчит үйлдвэрийн газрын удирдлага онцгой анхаарч ажиллах хэрэгтэй. Төсвийн хөрөнгө оруулалтаар хийх ихэнх ажлыг урин дулааны хэдхэн сард, цаг нартай уралдаж амжуулах шаардлагатай. 2016 онд Нийслэлийн төсвийн хөрөнгөөр хэрэгжих хөрөнгө оруулалтын төсөл арга хэмжээний төлөвлөгөө мөнгөн дүнгээр дөнгөж 87.9 хувийн хэрэгжилттэй байсан нь чамлалттай үзүүлэлт юм. 2016 оны төсвийн гүйцэтгэлийг зохион байгуулахад зарим хүндрэл, бэрхшээл байсан байж болох юм. 2017 оны төсвийн тухайд Нийслэлийн Засаг дарга хэн нэгний хийж байсан ажлыг үргэлжлүүлэн хийж байгаа бус дангаараа бүрэн эрхээ хэрэгжүүлж байгаа тул үүрэг, хариуцлагаа хүлээж ажиллах учиртай. Мөн Засаг даргын дэргэдэх газар, агентлаг, дүүргийн удирдлагууд ч 2017 оны төсвийг үр ашигтай зарцуулахад нэг баг болж илүү бүтээлч, санаачлагатай, идэвхтэй ажиллах нь чухал. Ирэх жилийн өдийд энэ оны төсвийн гүйцэтгэл, санхүүгийн нэгтгэсэн тайланг хэлэлцэхэд Хурал илүү өндөр шаардлага, шалгуур тавьж, өөр арга барилаар хандах болно. Зөвхөн Засаг даргын танилцуулга, мэдээллийг сонсож, төлөөлөгчид асуулт асуух, санал хэлэх төдийхнөөр хязгаарладаг хэвшмэл арга барилаас салж, Хурлын хяналт шалгалтын бүрэн эрхийн хүрээнд ажлын гүйцэтгэл, үр дүнг газар дээр нь үзэж танилцах, иргэд, сонгогчдын санал бодлыг сонсох, төсвийн хяналтын нээлттэй сонсгол зохион байгуулж ажиллана. Өнөөдрийн хуралдаанаар хэлэлцсэн агаар, орчны бохирдлын асуудалд ч мөн дээрхийн адил байр сууринаас хандаж, Хурлаас ажлын хэсэг гаргаж, сая баталсан төлөвлөгөөний биелэлт, ажлын гүйцэтгэлд хяналт-шинжилгээ хийнэ. Энэ ажлын хэсгийн бүрэлдэхүүнд төлөөлөгчдөөс гадна иргэд, иргэний нийгэм, төрийн бус байгууллага, хэвлэл мэдээллийн төлөөллийг оролцуулж, ул суурьтай хандаж, бодит байдал, үр дүнг тооцож дүгнэх нь зүйтэй. Тэр үед агаар, орчны бохирдлыг бууруулах чиглэлээр нийслэлийн удирдлагаас хийж хэрэгжүүлж байгаа ажлын эхний үр дүн гарсан, хотын агаар, орчны бохирдол тодорхой хэмжээнд буурсан байна гэдэгт итгэж байна.

Хурлын Төлөөлөгчид өө!

Монголын ард түмний эв нэгдлийн илэрхийлэгч Төрийн тэргүүнээ сонгох сонгуульдаа улс төрийн намууд шударга ёс, үндэсний эв нэгдэл, улс орныхоо эрх ашгийг дээдлэн оролцдог уламжлалтай. Энэ хариуцлагатай ажилд амжилт гаргахыг хүсье. Намын бүлэг, хороодын хурал, нэгдсэн хуралдаанд идэвхтэй оролцож, хэлэлцэж байгаа асуудлуудаар ажил хэрэгч санал шүүмжлэл өрнүүлсэн нийт төлөөлөгчдөд болон хуралдааны бэлтгэл хангах, зохион байгуулахад оролцсон төрийн албан хаагчдад талархал илэрхийлье. Нийслэлийн иргэдийн Төлөөлөгчдийн Хурлын ээлжит Х хуралдаан хаасныг мэдэгдье гэж хэллээ хэмээн Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Олны танил хүмүүстэй адилхан болж зургаа авахуулаад “Яг түүн шиг” шоу үзээрэй