Хүн төрөлхтний түүхэнд бүртгэгдэх “Коран” судрын хамгийн эртний гар бичмэл Их Британий Бирмингхэмийн Их Сургуулийн номын сангаас олдсон талаар тус сургуулийн албаныхан өчигдөр мэдэгдлээ.

“Ухаалаг Улаанбаатар” хөтөлбөрийн хүрээнд нийслэлийн нийтийн тээврийн үйлчилгээнд цахим төлбөрийн систем нэвтрүүлэх ажлын нээлт өнөөдөр Чингисийн талбайд боллоо. Ингэснээр өнөөдрөөс эхлэн автобусанд суухдаа иргэд картаа цахим машинд уншуулж орно.

Мэргэжлийн хяналтын ерөнхий газрын дарга Ш.Раднаасэд, БНХАУ-ын Чанарын хяналт шалгалт, хорио цээрийн ерөнхий газрын дэд сайд У Цин Хай нар энэ сарын 08-нд хамтын ажиллагааны протоколд гарын үсэг зурсан.

БНХАУ-ын коксжих нүүрсний импорт зургадугаар сард өмнөх сарынхаасаа (1.88 сая тонн) 170 хувиар өсөж 5.08 сая тоннд хүрсэн тухай мэдээллээ.

Монгол Улсаас Швейцарийн Холбооны Улсад суугаа Элчин сайдын Яам, Швейцари дахь Монголчуудын “GM-STAR” спорт клуб, Швейцарь-Монголын нийгэмлэг хамтран “EURO 2015” анхдугаар тэмцээнийг наймдугаар сарын 1, 2-ны өдрүүдэд Швейцарийн Нион хотноо зохион байгуулахаар болжээ.

Өндөр Гэгээн Занабазарын мэндэлсэний 380 жилийн ойд зориулсан наадмын эрлийз бага насны морьдын уралдаанд болов.

Монголын дугуйн холбооноос зохион байгуулах холын зайн дугуйн уралдааны нээлт маргааш 10.00 цагаас Баянзүрх дүүрэгт байрлах Дүнжингарав худалдааны төвийн зүүн урд талбай дээр болно. Тэмцээн 11.00 цагаас эхлэх юм.

Өнөөдрийн (VII.24) байдлаар Орхон голын дунд хэсэг буюу Орхон баг /Сэлэнгэ/ орчимд усны түвшин өмнөх өдрийнхөөс 30 см нэмэгдэж, үерийн аюултай түвшинг 5 см орчим давсан байна.

Өөрөөр хэлбэл сүүлийн 3-4 өдрийн турш усны түвшин хоногт 15-30 см буюу нийт 85 см нэмэгдсэн байна. Иймд Орхон голын сав болон гол мөрний эрэг, татам дагуу суурьшиж, нутагшиж буй малчид, ард иргэд, аж ахуйн нэгж, аялаж, амарч, зугаалж буй хүмүүсийг үерийн аюулаас сэрэмжтэй байхыг Ус, цаг уур, орчны судалгаа, мэдээллийн хүрээлэнгийн Ус судлалын сектороос онцгойлон анхааруулж байна.

Монгол Улсад анхны Ардчилсан чөлөөт сонгууль 1990 оны долдугаар сарын 29-ний өдөр болсон түүхэн үйл явдлыг тэмдэглэх зорилгоор жил бүрийн долдугаар сарын 29-ний өдрийг “Бүрэн эрхт байдлын өдөр” болгон тэмдэглэж байхаар Монгол Улсын Засгийн газраас тогтоосон.

“Исламын улс” алан хядагчдын бүлэглэлтэй тэмцэхэд нь тусламж болгон Чех улсаас Иракт 260 тонн зэр зэвсэг, сум хэрэглэл үнэгүй нийлүүлэхээр болжээ.

Монголын төр, шашин, соёл урлагийн нэрт зүтгэлтэн Өндөр гэгээн Занабазарын мэндэлсний 380 жилийн ойн хүрээнд Өвөрхангай аймгийн Хархорин суманд Даншиг наадам зохион байгуулахаар болсон.

Монголын анхдугаар Богд Өндөр гэгээн Занабазарын мэндэлсний 380 жилийн ойг тохиолдуулан 100 жилийн өмнө Их хүрээнд тэмдэглэдэг байсан Даншиг наадмыг сэргээн Монголын бурхан шашны сүм хийдүүд, НЗДТГ-тай хамтран Улаанбаатар хотноо Хүй долоон худагт энэ сарын 8, 9-ний өдрүүдэд тэмдэглэн өнгөрүүлэхээр боллоо. Наадмыг зохион байгуулагчид өчигдөр мэдээлэл өгсөн юм. Зуу гаруй жилийн өмнө их хүрээнд тэмдэглэдэг байсан даншиг наадмыг уламжлалын дагуу энэхүү арга хэмжээ болох бөгөөд наадмаар дамжуулан үндэсний соёл, зан заншлыг олон нийтэд сурталчлах, сүсэгтэн олонд зориулсан буддын шашны зан үйлийг сэргээх боломж бүрдэнэ гэж зохион байгуудагчид үзэж байна.

Ирэх аравдугаар сарын 11-нд болох Беларусийн Ерөнхийлөгчийн сонгуульд нэр дэвшигчдийн сонгогчдын гарын үсэг цуглуулах үе шат эхэллээ.

Жил бүрийн долдугаар сарын 16-наас 31-ний хооронд “Тарваган тахлаас сэргийлэх “ өдөр тохиодог.

Нийслэлийн Засаг дарга “Гэр хорооллын дахин төлөвлөлтийн хүрээнд Чингэлтэй дүүргийн 15 дугаар хорооны нутаг дэвсгэрт байрлах 102 дугаар цэцэрлэгийн өргөтгөлийн барилгыг барих тухай” А/621 дүгээр захирамж гаргалаа. Захирамжийн дагуу Гэр хорооллын дахин төлөвлөлтийн Төслийн удирдах хорооны хурлаас гаргасан шийдвэрийн дагуу нийслэлийн 2015 оны төсвийн хөрөнгөөр барих Чингэлтэй дүүргийн 15 дугаар хорооны 102 дугаар цэцэрлэгийн өргөтгөлийн барилгыг барихаар боллоо.

Авлигатай тэмцэх газрын цахим хуудсанд ирүүлсэн “Баянзүрх дүүргийн Татварын хэлтсийн удирдлагууд ашиг сонирхлын зөрчил ихтэй гэх” иргэний гомдол, мэдээллийн мөрөөр тус газрын Урьдчилан сэргийлэх, соён гэгээрүүлэх хэлтсээс дүүргийн Татварын хэлтсийн үйл ажиллагаа, авлигын эсрэг хууль тогтоомжийн хэрэгжилттэй газар дээр нь танилцлаа.

Тус дүүргийн Татварын хэлтсийн хэмжээнд удирдлагын үйл ажиллагаа, хүний нөөцийн бодлого, тэдгээртэй холбогдох шийдвэрүүд ил тод, нээлттэй бус, Ёс зүйн хороо, удирдлагын зөвлөлөөс гаргасан аливаа шийдвэр, албан хаагчдын цаг ашиглалт, ажлын цагийн бүртгэл, хөтлөлт, сахилга хариуцлагын талаар хамт олонд танилцуулдаггүй, Хэлтсийн дотоод аудит, хяналт шалгалтын чиглэлээр зохион байгуулсан үйл ажиллагаа, хяналт шалгалтын мөрөөр авсан арга хэмжээ, үр дүнгийн байдал тодорхой бус, авлигын эсрэг хууль тогтоомжийн дагуу албан тушаалтан мэдээлэл, мэдэгдэл, тайлбарыг хүлээн авах, бүртгэх,түүний дагуу шалгах, хариуцлага хүлээлгэх, давхар ажил эрхлэлтийн судалгаа бий болгох зэргээр байгууллага авлига, ашиг сонирхлын зөрчлөөс ангид байхад чиглэсэн нөхцөлийг бүрдүүлээгүй нь байгууллагын удирдах албан тушаалтанд үл итгэх, шударга бус, ашиг сонирхлын зөрчилтэй гэх хардлагыг бий болгсон гэж дүгнэн, илэрсэн зөрчил, дутагдлыг арилгуулах хугацаатай албан бичгийг хүргүүлэв.

БЗД-ийн 15-р хороо “6-р байрны 6-р орцонд 9 настай эмэгтэй ”У” -ыг өчигдөр 20:00 цагийн үед үл таних 160-165см өндөртэй, тайрмал хар үс, зуйван бор царай, давхараагүй бор нүдтэй, энгэр хэсэгтээ тод том цагаан өнгөөр “YES” гэсэн бичигтэй хар өнгийн цамц, улаан өнгийн бариу бэлтгэлийн өмд, цагаан ултай хар өнгийн “Nike” пүүзэн гутал өмссөн 15-17 орчим насны эмэгтэй хүн эгчдээ юм өргөлцөөд өгөөч гэж хуурч мэхлэн орц луу дагуулж ороод Iphone-4-S гар утсыг нь булааж зугтаасан байна. Хэргийг Баянзүрх дүүргийн цагдаагийн хэлтэс шалгаж байна.

“ММ” агентлагийн захирлаар ТВ5 телевизийн тоймч Мөнхөөгийн Амарбаяр томилогдожээ.

Нийслэлийн Онцгой байдлын газарт цогцос байна гэх дуудлага ирсэн байна. Дуудлагын дагуу очиход Хан-Уул дүүргийн 12-р хороо Сонсголонгийн гүүрний доороос 17 настай хүүхдийн цогцос олдсон байна. Цогцос урсгал даган хөвж байгаад тус газарт тогтсон гэдгийг эх сурвалж хэлж байгаа бөгөөд цогцсыг шүүх эмнэлэгт шилжүүлсэн байна.

Цэвэрлэгээний хүрээнд 6050 м2 талбайг цэвэрлэж, нийт 12.2 тн хог хаягдлыг ачиж тээвэрлэсэн байна. Мөн үерийн улмаас бохирдсон 300м2 зам, талбайд дүүргийн Эрүүл мэндийн төвөөс 4 хүн нэг автомашинтай ажиллаж, хлорын шохойн сүүн уусмалаар ариутгал халдваргүйжүүлжээ.