УИХ дахь МАН-ын бүлэг хуралдаж, хэлэлцсэн асуудлуудаараа мэдээлэл хийлээ.

Нийслэлийн Онцгой байдлын газар өндөржүүлсэн бэлэн байдалд үүрэг гүйцэтгэлээ.

Нийслэлийн хэмжээнд аюулт үзэгдэл техникийн холбогдолтой ослын нийт 42 дуудлага ирж, объектын гал түймрийн 38, техникийн болон ахуйн холбогдолтой ослын 4 дуудлагаар Аврах анги, Гал түймэр унтраах, аврах ангийн бүрэлдэхүүн үүрэг гүйцэтгэлээ. Гал түймрийн аюулд өртөж угаартсан 1 хүнд эмнэлэгийн анхан шатны тусламжийг үзүүлэн эмнэлгийн байгууллагад хүлээлгэн өгч амь насыг нь авран хамгаалав.

Нийслэлийн Засаг даргын 2016 оны “Хууль ёс, дэг журам, аюулгүй байдлыг хангах талаар авах зарим арга хэмжээний тухай” 03 дугаар албан даалгавар, нийслэлийн Онцгой байдлын газрын даргын “Шалгалт зохион байгуулах тухай” А/89 дүгээр тушаалыг хэрэгжүүлэх ажлын хүрээнд тус газраас томилогдсон Гал түймрийн улсын хяналтын байцаагч, Гал түймэр унтраах, аврах ангиудын салааны захирагч нар хамтран нийслэлийн нутаг дэвсгэрт шинэ жилийн баяр тэмдэглэх, хүлээн авалт зохион байгуулах байгууллага, аж ахуйн нэгж, иргэдийн барилга байгууламжийн галын аюулгүй байдал, үзвэр үйлчилгээ, томоохон худалдааны төвүүдийн пиротехникийн хэрэгслийн худалдаанд хяналт тавьж, иргэд, олон нийтэд сэрэмжлүүлсний үр дүнд эрүүл мэндээрээ хохирсон, бэртэж гэмтсэн тохиолдол бүртгэгдээгүй байна.

Дээрхи хугацаанд гарсан ахуйн болон техникийн холбогдолтой ослын нийт дуудлагын тоог өнгөрсөн оны мөн үеийнхтэй харьцуулахад 37.3 хувиар буурсан үзүүлэлттэй байна гэж нийслэлийн Онцгой байдлын газраас мэдээллээ.

Утаа хүчрэгдэхээ байсны үндсэн НЭГ шалтгаан бол нийслэлд маань хүн амын хэт бөөгнөрөл бий болж, ачаалал хэрээс хэтэрсэн үзэгдэл. Үүний гайгаар УТАА төдий биш, ЗАМЫН ТҮГЖРЭЛ, ХӨРСНИЙ БОХИРДОЛ, ЦАХИЛГААН, ЦЭВЭР УС болон ДУЛААНЫ хүрэлцээгүй байдал, АЖИЛГҮЙДЭЛ гэх мэт олон сөрөг дагавар бий. Угаас энэ Дөрвөн уулын дундах зай маань хязгаартай, хоёр саяас хол илүү хүн суурьших боломж багатай.

Нийслэлийн Засаг дарга бөгөөд Улаанбаатар хотын Захирагч С.Батболд шинэ оны А/01 тоот захирамжаа өнөөдөр гаргалаа. Уг захирамжаар 2017 оныг “Иргэдийн оролцоотой эрх зүйн шинэтгэлийн жил” болгон зарласан байна.

Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөр, нийслэлийн эдийн засаг, нийгмийг 2017 онд хөгжүүлэх үндсэн чиглэлийг хэрэгжүүлэх, нийслэл Улаанбаатар хотын эрх зүйн байдлыг тодорхой болгох, үр нөлөөтэй, хүртээмжтэй, хариуцлагатай хотын засаглалыг бэхжүүлж, нийслэлээс үзүүлж буй төрийн үйлчилгээний чанар, хүртээмжийг дээшлүүлэх, шийдвэр гаргах ажиллагаанд иргэд, олон нийтийн оролцоог нэмэгдүүлэх зорилгоор энэ жилийг “Иргэдийн оролцоотой эрх зүйн шинэтгэлийн жил” болгон зарлажээ.

“Иргэдийн оролцоотой эрх зүйн шинэтгэлийн жил”-ийн ажлын хүрээнд хэрэгжүүлэх ажлын төлөвлөгөөний талаар санал боловсруулах үүрэг бүхий ажлын хэсгийг мөн захирамжаар баталжээ. Төлөвлөгөөнд иргэн, төр, хувийн хэвшлийн байгууллагын саналыг тусгаж танилцуулахыг Ажлын хэсэгт даалгасан байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Их Хурлын дарга М.Энхболдод /2016.12.28/-ны өдөр УИХ-ын гишүүн, Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат Өргөн нэвтрүүлгийн тухай хуулийн төслийг өргөн мэдүүлсэн юм.



Өргөн нэвтрүүлгийн салбарын үйл ажиллагаатай холбогдох харилцааг Харилцаа холбооны тухай, Радио долгионы тухай зэрэг хуулиудаар зохицуулж байгаа бөгөөд өргөн нэвтрүүлгийн зах зээл өдрөөс өдөрт өргөжин хөгжиж, өргөн нэвтрүүлгийг зөвхөн телевиз, радио ашиглан хүлээн авахаас гадна гар утас, компьютер болон автомашины хүлээн авагчаар хүлээн авч үзэх боломжтой болж, ашиглах цар хүрээ, тавигдах шаардлага өөрчлөгдөж байна. Улсын Их Хурлаас 2005 онд Олон нийтийн радио, телевизийн тухай хуулийг баталсан боловч уг хууль нь зөвхөн Үндэсний олон нийтийн радио, телевизийг үүсгэн байгуулах, үйл ажиллагааны зарчим, эрх зүйн үндсийг тогтоож, хөтөлбөрийн бодлогын зарчмыг тодорхойлоход чиглэгдсэн болно. Гэтэл өнөөгийн байдлаар улсын хэмжээнд үйл ажиллагаа явуулах эрх бүхий 84 телевиз, радио нэвтрүүлгийн үйлчилгээ эрхлэх тусгай зөвшөөрөл эзэмших эрх бүхий телевиз Улаанбаатар хотод 29, орон нутагт 66, кабелийн сувгийн үйлчилгээ эрхлэх тусгай зөвшөөрөл эзэмшигч Улаанбаатар хотод 77, орон нутагт 8, олон сувгийг дамжуулах үйлчилгээ эрхлэгч буюу кабелийн телевизийн үйлчилгээ эрхлэгч Улаанбаатар хотод 16, хиймэл дагуулаар олон суваг дамжуулах үйлчилгээ эрхлэгч 1, орон нутагт 50 байгаа бөгөөд эдгээр тусгай зөвшөөрөл эзэмшигчдийн үйл ажиллагааг зохицуулах хууль, эрх зүйн орчин дутагдалтай байна гэж Засгийн газрын Хэрэг эрхлэх газрын дарга Ж.Мөнхбат хэллээ.



Түүнчлэн Зохиогчийн эрх болон түүнд хамаарах эрхийн тухай, Патентийн тухай, Барааны тэмдэг, газарзүйн заалтын тухай хуулиудаар оюуны өмчид халдсан, оюуны өмчийг зөвшөөрөлгүй ашигласан иргэн, аж ахуйн нэгжид хүлээлгэх хариуцлага, түүнтэй холбогдох бусад харилцааг тодорхой хэмжээнд зохицуулсан боловч оюуны өмчийн зөрчилтэй холбогдох хариуцлагын тогтолцоог илүү тодорхой болгох, зохиогч, бүтээл туурвигчийн шинэ санаачилга, бүтээлч эрэлхийллийг бий болгох, цаашид оюуны өмчийн зөрчлийг бууруулах замаар өргөн нэвтрүүлгийн үйлчилгээ эрхлэгчдийг шударга өрсөлдөөнөөр хангаж, эрх, үүргийг тодорхой болгох, оюуны өмч зөрчсөн нь тогтоогдсон тохиолдолд авах арга хэмжээг тодруулах зайлшгүй шаардлагатай байгаа юм байна.

Тус хуулийн төслийг боловсруулахдаа Япон, Исланд, Ирланд, Канад, Өмнөд Солонгос, Польш, Шинэ Зеланд, Өмнөд Африк, Энэтхэг, Герман, АНУ, Гүрж зэрэг өргөн нэвтрүүлгийн чиглэлээр бие даасан хууль, эрх зүйн орчныг бүрдүүлсэн улс орнуудын туршлагыг судалсан бөгөөд дээр дурдсан үндэслэл, шаардлагыг харгалзан өргөн нэвтрүүлгийн харилцааг зохицуулах хуулийн төслийг боловсруулжээ гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар нийслэлийн Хяналт шинжилгээ, үнэлгээний хэлтсийн дарга Х.Гантулга танилцууллаа. Мөн тэрбээр өнгөрөгч 2016 онд Нийслэлийн удирдах ажилтны шуурхай зөвлөгөөн зохион байгуулсан дүнгийн тухай танилцуулга хийж, “Өнгөрсөн онд 24 удаа Шуурхай зөвлөгөөн зохион байгуулж, нийт 205 үүрэг даалгавар өгөгдсөн байна. Цаг үеийн ажил, үйлчилгээний талаар 49, шийдвэрийн хэрэгжилт, сахилга хариуцлагын талаар 35, иргэдэд үзүүлэх төрийн үйлчилгээний талаар 58, хөрөнгө оруулалт, бүтээн байгуулалт тохижилтын талаар 63 үүрэг даалгавар өгөгдсөнөөс хэрэгжилт 91 хувьтай гарсан байна” гэв.

Улаанбаатар хотын цагдаагийн газрын дэд дарга, цагдаагийн хурандаа К.Нямдаваа “Улаанбаатар хотын цагдаагийн нийт бие бүрэлдэхүүн өнгөрсөн хоногуудад өндөржүүлсэн бэлэн байдлын II зэрэглэлд шилжин ажилласан. Баярын өдрүүдэд гэмт хэрэг, зөрчлийн шинжтэй 9641 мэдээ, мэдээлэл хүлээн авсныг өмнөх оны мөн өдрүүдтэй харьцуулах 58.9 хувиар буурсан үзүүлэлттэй байна. Иргэдийн аюулгүй байдлыг хангах, гудамж талбай, олон нийтийн газар нийтийн хэв журам сахиулан, гэмт хэрэг, зөрчлөөс урьдчилан сэргийлэх чиглэлээр нийт 1064 алба хаагч өдөр бүр үүрэг гүйцэтгэж ажилласан. Мөн баярын өдрүүдэд болсон “Монгол төрийн тамганы хөшөөнд хүндэтгэл үзүүлэх”, “Улаанбаатарын мөнгөн үдэш” баярын цэнгүүн зэрэг 19 удаагийн арга хэмжээний үед цагдаагийн 828 алба хаагч хэв журам сахиулж хамгаалалтад үүрэг гүйцэтгэсэн” гэлээ.

“Замын цагдаагийн албаны Мэдээлэл шуурхай удирдлагын хэлтэст 4347 дуудлага мэдээлэл ирснээс хүн гэмтсэн хэргийн шинжтэй 112, зөрчлийн шинжтэй 1606 дуудлагад очиж хойшлуулшгүй ажиллагаа явуулан 112 ослыг материалжуулан шалгаж байна. Өнгөрсөн оны мөн үетэй харьцуулахад замын ослын хэрэг буурчээ. Өнгөрсөн 14 хоногийн хугацаанд гудамж замд хийсэн шалгалтаар согтуугаар тээврийн хэрэгсэл жолоодсон 841 зөрчил илрүүлсэн байна” гэж Улаанбаатар хотын Цагдаагийн газрын Замын хөдөлгөөн зохицуулах хэлтсийн дарга, хурандаа Б.Батболд хэллээ.

НОБГ-ын дарга, Онцгой байдлын хурандаа Н.Уламбаяр “Өнгөрөгч 14 хоногийн хугацаанд цаг агаарын онцгой нөхцөл байдалгүй тайван байлаа. Цаг агаарын урьдчилсан төлөвөөр шинэ оны эхний 10 хоногт хүйтний эрч сулрах төлөвтэй байна. Нийслэлийн хэмжээнд 14 хоногийн хугацаанд аюулт үзэгдэл, техникийн холбогдолтой ослын 145 удаагийн дуудлага ирснээс объектын гал түймрийн 130 дуудлага, техникийн холбогдолтой осол, аврах ажиллагааны 15 удаагийн дуудлагатай байлаа. Шинэ жилийн баяр амралтын өдрүүдэд нийслэл хотын хэмжээнд гарсан томоохон хэмжээний гамшиг ослын дуудлагагүй тайван байлаа” гэв.

Зөвлөгөөний төгсгөлд Нийслэлийн Засаг дарга бөгөөд Улаанбаатар хотын захирагч С.Батболд “2017 оныг бид “Иргэдийн оролцоотой эрх зүйн шинэтгэлийн жил болгон” зарлаж байна. Энэ жил бүхэлдээ ажлын хариуцлага, сахилга батыг дээшлүүлэх жил болж байна” гээд 2017 онд Төсвийн ерөнхийлөн захирагч, төсвийн шууд захирагчтай байгуулах үр дүнгийн гэрээний бэлтгэл ажлыг хангах, нийслэлийн нутгийн захиргааны байгууллагууд энэ онд хөрөнгө оруулалт, төсөл, арга хэмжээгээр хэрэгжих ажлуудын задаргааг энэ долоо хоногт багтаан Бодлого, төлөвлөлтийн хэлтэст хүргүүлэх, 2017 онд улс, нийслэлийн бүтээн байгуулалтын ажлуудын газар чөлөөлөх ажлын бэлтгэл ажлыг хангах зэрэг үүрэг даалгаврыг өглөө гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Эмээлтийн хөнгөн үйлдвэр, технологийн парк нь байгаль орчинд ээлтэй байх эрхэм зорилгыг урдаа тавин ажиллаж байгаа. Зорилгодоо хүрэхэд төлөвлөн хийж байгаа ажлуудын нэг нь цэвэрлэгдсэн усыг эргүүлэн ашиглах явдал юм.

Паркийн газар доорхи инженерийн шугам сүлжээ нь хонгилын системтэй, хонгилын системд цэвэрлэгдсэн усыг буцаан ашиглах шугам төлөвлөн “Элста” ХХК-аар зураг төслийн ажлыг гүйцэтгүүлэн дуусах шатандаа явж байна. Түүнчлэн Бүгд Найрамдах Энэтхэг улсын засгийн газрын тэтгэлэгээр зохион байгуулсан “Стандартчилал, чанарын баталгаажуулалт” сэдэвт 45 хоногийн сургалтанд мэргэжилтнээ хамруулсан аж.

Монгол улсын стандартад цэвэрлэгдсэн усны стандарт боловсруулагдсан боловч цэвэрлэгдээд гарсан усыг юунд ашиглах нь тодорхой бус байгаа тул дээрхи стандартыг боловсруулан батлуулж, хэрэгжүүлэхээр 2017 оны зорилгодоо тусгаж, Стандартчилал хэмжил зүйн төвд захиалгаа хүргүүлсэн байна.

Мөн Бүгд Найрамдах Энэтхэг улс болон Азийн зарим орнуудын туршлагаар цэвэрлэх байгууламжаас гарах усыг байгальд нийлүүлэхээс өмнө загас үржүүлж, усны чанарыг хянахын тулд ерөнхий төлөвлөгөөндөө цэвэрлэх байгууламжаас гарах хэсэгт цөөрөм төлөвлөсөн байна гэж Эмээлтийн хөнгөн үйлдвэр, технологийн паркаас мэдээллээ.

Хөдөлмөр нийгмийн зөвшлийн гурван талт үндэсний хороо хуралдан тогтоол баталж хөдөлмөрийн хөлсний доод хэмжээг 25 хувиар нэмж 240 мянган төгрөг болгохоор шийдвэрлэсэн билээ.

Шинэ оны эхний өдөр буюу 2017 оны нэгдүгээр сарын 1-ний өдөр нийслэлийн гурван амаржих газар нийт шинээр 23 хүүхэд мэндэлжээ.

Бүх нийтийн амралтын өдөр тохиож байгаатай холбогдуулан Монгол, Хятадын хилийн авто замын боомтууд дөрөв хоног амарсан.

УИХ дахь Ардчилсан намын бүлэг Хөгжлийн банкны үйл ажиллагаанд хийсэн шалгалтын асуудал болон бусад асуудлаар яг одоо хуралдаж байна.

АН-ын шинэчилсэн бүртгэл өнгөрсөн арванхоёрдугаар сарын 12-ноос орон даяар эхэлсэн билээ.

УИХ-аас өнгөрсөн 2016 онд өргөн баригдсан хэд хэдэн шинэ хууль энэ оны нэгдүгээр сарын 1-ний өдрөөс хэрэгжиж эхэлсэн билээ. Тэгвэл өчигдрөөс эхлэн хэрэгжсэн хуулиудыг танилцуулж байна.

Онцгой байдлын асуудал эрхэлсэн байгууллага баяр амралтын өдрийг тэмдэглэн өнгөрүүлэх тухай Онцгой байдлын ерөнхий газрын даргын 2016 оны 12 дугаар сарын 27-ны өдрийн А/308 дугаар тушаалаар 2016 оны 12 дугаар сарын 28-ны өдрөөс 2017 оны 01 дүгээр сарын 02-ны өдрүүдэд албаны өндөржүүлсэн бэлэн зэрэгт шилжин ажиллав.

Өндөржүүлсэн бэлэн байдалд шилжүүлэн ажиллах тухай Онцгой байдлын ерөнхий газрын даргын 2016 оны А/308 дугаар тушаал, мөн үүрэг хүргүүлэх тухай 2016 оны 1/2553 дугаар албан бичгийг үндэслэн төв, орон нутгийн Онцгой байдлын анги, байгууллагын дарга, захирагч нар тушаал, шийдвэр гарган бие бүрэлдэхүүнд баяр амралтын өдрүүдэд бэлтгэл бэлэн байдлыг хангах, сонор сэрэмж, хариуцлагыг өндөржүүлэх, сахилга ёс зүйн зөрчилгүй ажиллах, анги байгууллагатайгаа байнга холбоотой байх, үүрэг гүйцэтгэхэд бэлэн байх талаар тодорхой үүрэг даалгавар өгч ажилласан байна.

Баяр амралтын өдрүүдэд Онцгой байдлын ерөнхий газар, нийслэлийн Онцгой байдлын газраас “Улаанбаатарын мөнгөн үдэш-2017” шинэ жилийн цэнгүүнд зориулсан ёслолын буудлагыг Сүхбаатарын талбай, Үндэсний соёл амралтын хүрээлэн, Сонгинохайрхан дүүргийн Баянхошуун дахь Зүрх-Уул, Сүхбаатар дүүргийн Дамбын гүүр, Баянзүрх дүүргийн Маахуур толгой зэрэг газруудад 2016 оны 12 дугаар сарын 31-ний өдрийн 21:00 цагаас 2017 оны 01 дүгээр сарын 01-ний өдрийн 01:00 цаг хүртэл явуулахад нийт 124 албан хаагч, гал унтраах зориулалтын болон тусгай зориулалтын 7 авто машинтайгаар хамгаалалтанд үүрэг гүйцэтгэж, галын аюулгүй байдлыг хангуулан, арга хэмжээний үеэр аврах, гал унтраах томилгоот бүлгүүдийг ажиллуулж, болзошгүй аюулт үзэгдэл, ослоос урьдчилан сэргийлэх бэлтгэл, бэлэн байдлыг ханган ажилласан.

Баяр, амралтын өдрүүдэд төв, орон нутгийн Онцгой байдлын анги, байгууллагууд бичил уурхайд агааргүйдсэн, ногооны зооринд угаартсан, цасанд болон мөсөнд цөмөрсөн, ахуйн осолд орсон 15 иргэнийг авран эмнэлгийн анхны тусламж үзүүлж, осолдсон 4 хүний цогцсыг гарган эмнэлэг, цагдаагийн байгууллага болон ар гэрт нь хүлээлгэн өгөв.

2016 оны 12 дугаар сарын 29-ний өдрөөс 2017 оны 01 дүгээр сарын 02-ны өдрийг хүртэлх хугацаанд улсын хэмжээнд нийтдээ объектын 26 гал түймрийн дуудлагад аймаг, нийслэлийн Онцгой байдлын газар, хэлтсийн Гал түймэр унтраах, аврах ангиуд үйлчилж холбогдох арга хэмжээг авч ажиллав.

Үүнд:

-Нийслэлийн Чингэлтэй дүүргийн 1 дүгээр хорооны 5 дугаар байрны 18 тоотод 12 дугаар сарын 31-ний өдөр гарсан гал түймэрт иргэн Х (72 настай, эмэгтэй), Б (58 настай, эрэгтэй), Ц (6 настай, эрэгтэй) нар угаартсан тул эмнэлгийн анхны тусламж үзүүлэн нийслэлийн Яаралтай түргэн тусламжийн төвд шилжүүлэн өгсөн.

Шинэ жилийн баяр, амралтын өдрүүдэд ажилласан ерөнхий эргүүлүүд болзошгүй аюулт үзэгдэл, техникийн холбогдолтой ослоос урьдчилан сэргийлэх, гамшгийн нөхцөл байдал үүссэн үед шуурхай удирдлага, зохицуулалтаар хангах, үүрэг гүйцэтгэх бэлтгэл, бэлэн байдлыг шаардлагатай түвшинд хүргэх, сонор сэрэмж, сахилга, хариуцлагыг дээшлүүлэх зохион байгуулалтын арга хэмжээ авч, төв, орон нутгийн Онцгой байдлын газар, хэлтэс, анги, байгууллагыг мэргэжлийн удирдлага, зохицуулалтаар хангаж ажиллалаа.

Энэ хугацаанд аврах, шуурхай албаны болон гал унтраах нийт 967 нэгж тусгай зориулалтын автомашин, техник, 2188 албан хаагч (давхардсан тоогоор) жижүүрлэлтэд үүрэг гүйцэтгэсэн иргэдийн аюулгүй байдлыг ханган ажиллалаа гэж Онцгой байдлын ерөнхий газраас мэдээллээ.

Арванхоёрдугаар сарын 31-ний өдөр Хөвсгөл аймгийн Их-Уул сумын Сэлэнгэ багийн Мөнгөтийн Ар гэдэг газар /сумын төвөөс баруун урд зүгт 3 км/, иргэн Б, автомашинтай зорчиж яваад мөс цөмөрч, суусан тухай дуудлагыг 2016.12.31-ны өдрийн 07:30 цагт аймгийн Онцгой байдлын газарт ирүүлжээ.

Тавантолгойн гэрээг үзэглэх асуудал өнгөрсөн оны сүүлээр дэгдэж, дуулиан тарисан. Засгийн газраас Тавантолгойг эдийн засгийн эргэлтэд оруулах төслийг боловсруулж удахгүй УИХ-аар хэлэлцүүлэхээр төлөвлөж байгаа ч үүнийг эсэргүүцэх гишүүд болоод нам эвслүүд олон байгаа юм. Монголыг 100 жил тэжээх ордыг маш муу хувилбараар өөрсдийн эрх ашигт нийцүүлсэн байдлаар гэрээг үзэглэх гэж байгаа тухай дуулиан ч хөвөрч байгаа юм. Харин эрх баригчид Тавантолгойн гэрээг монголд ашигтай хувилбараар хийнэ гэдгээ мэдэгдээд байгаа бол Ардчилсан намаас хэдхэн хоногийн өмнө мэдээлэл хийж, МАН-ынхан тавантолгойн гэрээг Ч.Сайханбилэг нарын оруулж ирсэн гэрээний хувилбараас ч муу байдлаар хийх гэж байгааг мэдэгдсэн. Түүнчлэн Тавантолгойн гэрээг үзэглэх бол ард түмнээс асуух ёстой гэсэн байр суурьтай байгаагаа илэрхийлсэн юм. Тэгвэл Тавантолгойн гэрээний талаарх намуудын эсрэг, тэсрэг байр суурийг ”24 VS 24” буландаа онцолж байна.

Амьсгалын замын цочмог томуу, томуу төст өвчний дэгдэлтийг бууруулах, өвчлөлөөс урьдчилан сэргийлэх зорилгоор өнөөдрөөс эхлэн гуравдугаар сарын 01 хүртэлх хугацаанд амьсгалын замын цочмог томуу, томуу төст өвчлөлөөр өвчилсөн 5 хүртэлх насны хүүхдээ эмнэлэгт, мөн гэрээрээ 3-5 хоног асарч байгаа эцэг, эхчүүдэд цалинтай чөлөө олгохоор болсон.



Мөн энэ шийдвэрийн дагуу өрхийн эмнэлгүүд ч бямба гараг бүр цагийн хуваарийн дагуу ажиллах бөгөөд амьсгалын замын цочмог томуу, томуу төст өвчнөөр өвчилсөн 5 хүртэлх насны хүүхдийн эмийн үнэд хөнгөлөлт үзүүлэхээр болсон билээ.

2017 оны зурхайг хүргэе.

ХОНЬ

АЖИЛ ХЭРЭГ

2017 он бүхий л талаар амжилттай байх болно. Танд олон боломж, сайхан ирээдүйг зөгнөж байна. Энэ нь та өөрчлөгдөж, илүү нээлттэй, илүү эрч хүчтэй болсонтой холбоотой. Магадгүй та амьдралыг үзэх үзлээ бүрэн өөрчилж магадгүй. Эргэн тойрноо харах өнцгөө өөрчилснөөр өмнө нь таныг илүү өндөр амжилтад хүрэхэд саад болж зүйлс аажмаар үгүй болно. Шинэ найз нөхдийн хүрээлэл бий болж, мөрөөдөлдөө хүрэхэд алхам ойртоно. Ажил хэрэг 2017 онд амжилттай байна. Оны эхнээс цаашдын амжилтын суурийг тавих өөрчлөлт гарна. Гэнэтийн өөрчлөлтөд сэтгэл зүйн хувьд бэлэн байж, шинэ нөхцөлд хурдан дасан зохицох хэрэгтэй. Тэгж чадахгүй бол самгардаж, боломжоо алдаж магадгүй. Өөрчлөлт бүхэн сайн сайхан руу хөтөлнө гэдгийг сана. Хаврын эхээр та гаргасан амжилтандаа сэтгэл хангалуун болно. Танд олон шинээ санаа төрж, түүнийгээ хэрэгжүүлэх урам зориг дүүрэн байна. Хамтрагч болон түншүүдтэй хийх уулзалт, яриа хэлцэл дээр таны үндэслэл зөв байх тул компаниас тань таныг санхүүгийн хувьд урамшуулна. Шинэ санаагаа хавартаа багтаан зоримгоор эхлүүлэх хэрэгтэй.

Зун дахиад л өөрчлөлт шинэчлэл таныг хүлээж байна. Магадгүй бизнесийн чиглэл чинь өөрчлөгдөх юм уу, эсвэл тушаал дэвшиж шинэ нөхцөл байдалд орсоноор олон шинэ асуудал үүсч, үүнээс үүдэн стресст орж болох юм. Зарим үед урагшаа нэг алхахын тулд ухрах шаардлага гардагыг сана. Сэтгэлээ хэт үймрүүлэх хэрэггүй, таны ажлын үр дүн шинэ жилээс өмнө мэдрэгдэж та өөртөө сэтгэл хангалуун байх нь.

ХАЙР СЭТГЭЛ

Хайр дурлалын гариг Хонины ордонд байрлаж байгаа нь хонинуудад боломжгүй гэж бодож байсан хайр сэтгэлийн бодлыг чинь биежүүлж өгнө. Ихэнх хонины хувьд хувийн амьдрал нь тэргүүн ээлжинд тавигдана. Ингэснээр явдал чирэгдэл ч ихэснэ. Өмнө нь үнэнч, найрвартай гэж бодож байсан зарим харилцаагаа эргэн харах шаардлага гарна. Гэрлэсэн хосуудын хувьд бүх зүйл сайхан байхгүй нь. Хамтын өмч, орон сууцны маргаан үүсч магадгүй Ирэх жил хонинууд гаднах байдлаараа бусдыг татах, дур булаам байдал нь нэмэгдэх тул хайр сэтгэлийн асуудал нь тэр чинээгээр арвин баялаг байх нь. Ганц бие хонинууд хэд хэдэн роман үүсгэх бололтой. Гэхдээ энэ адал явдал нь удаан хугацааны харилцаа чухал уу, секс чухал уу гэдэг асуултад гуравдугаар сард хариулт олсоны дараагаас дуусна. Намрын дунд сар хавьцаа хайр сэтгэлээ хуваалцах хүнээ олох бололтой.

ҮХЭР

АЖИЛ ХЭРЭГ

Өнгөрч буй онд танд төрсөн шинэ санаа, төлөвлөгөө чинь ирэх 2017 онд биелнэ. Ертөнцийг үзэх үзлээ өөрчилнө. Ялангуяа оны эхний нэгдүгээр сард амжуулан санаж бодож төлөвлөсөн зүйлээс ажил хэрэг болгохыг хичээгээрэй. Учир нь хоёрдугаар сар танд илүү ээдрээтэй, сорилт ихтэй байх магадлалтай. Хавар гэхэд жаахан ядарч, хүч тэнхээгүй болсон мэт санагдаж магадгүй. Шинэ ажил эрхлэх, бизнесийн чиглэлээ өөрчлөх бодол төрж магадгүй. Үүнд болгоомжтой няхуур хандаарай. Тавдугаар сар өнгөрөөд та эргэн эрч хүчээр дүүрсэн мэт санагдана. 2017 он таны ажил хэрэгт толгой эргэм амжилттай байх нь. Гэхдээ оны эхний хагаст шургуу хөдөлмөрлөж байж үүнд хүрнэ. Хавар гэхэд шургуу хөдөлмөрийн үр дүн гарна. Та ямар ч ажлыг чадварлаг, хариуцлагатай гүйцэтгэнэ. Таны замд хөндөлсөх өрсөлдөгч ч гарч ирэхгүй. Гэхдээ өрсөлдөгч байхгүй гэж тайвширсаны хэрэггүй. Ер нь ямар ч ажилд сэтгэл хөдлөлөөр хандсаны хэрэггүй, бүх зүйлийг тооцоол.

ХАЙР СЭТГЭЛ

Шуудхан хэлэхэд хувийн амьдрал чинь тийм ч амар байхгүй нь. Бүх зүйл уур хүргэм ядаргаатай санагдаж эхэлнэ. Жилийн хоёрдугаар хагаст сэтгэл хөдлөл дээд цэгтээ хүрч дэлбэрэхэд бэлэн мэт санагдавч та ч, таны хамтрагч ч буулт хийхийг хүсэхгүй. Энэ харилцаа хэрхэн дуусах нь та хоёрын харилцаа ямархуу бат бөх байснаас хамаарна. Бат бөх харилцаа үлдэж, дэнжигнэж байсан бол тасарна. Тиймээс оны эхний хагаст харилцаа бататгаж, итгэлтэй болохыг чухалчил. Ялангуяа гэрлэсэн хосууд. Ганц бие үхрүүд өөрийг чинь үнэлдэг хэн нэгэнтэй учрах нь.

ХАМТАТГАХ

АЖИЛ ХЭРЭГ

2017 он таны хувьд шинэ замын эхлэлийг тавьсан жил болно. Эерэг сэтгэгдлүүд, амжилттай төсөл, төлөвлөгөөний он байж, өмнөх онуудад байсан таагүй зүйлс, дурсамжууд ард хоцорно. Хоёрдугаар сард та шинэ эрч хүчийг мэдэрч, найз нөхдийн хүрээ тэлэгдэж, шинэ танилуудтай болно. Эдгээр өөрчлөлт таныг ирээдүйдээ илүү итгэлтэй болгож, амьдралын цаашдын замыг чинь цэлгэр болгоно. Дөрөвдүгээр сард шинэ авьяас чадвараа нээнэ. Тавдугаар сард шинэ төсөл, санаагаа эхлэх хэрэггүй. Харин тавдугаар сарын сүүлээс намар хүртэл таны эхэлсэн ажил бүтэмжтэй, үр дүнтэй байна. Тиймээс зуны амралтаа намар болгож хойшлуулах нь зөв.Ирэх 2017 онд хамтатгахын мэргэжлээ харах, үнэлэх байр суурь өөрчлөгдөнө. Ажилдаа илүү нухацтай хандаж эхэлнэ. Ингэснээр ажлын амжилт өсч, цаашдаа ч амжилтаа бататгана. Ялангуяа хавар эхлүүлсэн ажил, төсөл, санаа амжилттай хэрэгжинэ. Ажлын санал ирвэл болгоомжлох хэрэггүй, биеэ сориод үзэхэд гэмгүй.Харин оны сүүлд ажил дээр чинь таагүй явдал болж болзошгүй. Энэ нь бусад ажилтнуудтай харьцах харилцаанаас үүдэх бололтой. Өмнө нь харилцан ойлголцож байсан хамтрагч та хоёрын хооронд үл ойлшолцол үүсч, үүнээс болж томоохон ажил бүтэлгүйтэж магадгүй. Тиймээс хамтрагчидтайгаа аль болох нээлттэй байж, зөвлөлдөж ойлголцож чадвал үүнээс сэргийлж чадна.

ХАЙР СЭТГЭЛ

Эхлүүлсэн хайр сэтгэлийн харилцаа бат бөх байж, цаашаа хөвөрнө. Гэхдээ харилцааны явцад хосууд дотоод сэтгэл төдийгүй гадаад үзэмжийн хувьд ч өөрчлөгдөнө. Энэ өөрчлөлтийг хэн хэн нь тэсэж гарч, хувиа бодсон зангаа хаяж чадвал харилцаа гүнзгийрнэ. Чин сэтгэлээсээ байгаа харилцааг бурхан ивээнэ. Ганц бие хамтатгахынхан амьдралыг чинь чимэх сонирхолтой хүнтэй учрах бололтой. Гэхдээ энэ харилцаа тийм ч амар байхгүй. Ялангуяа гурав, дөрөвдүгээр сард энэ харилцааг сорьсон үйл явдлууд болно. Ер нь гэрлэсэн болон ганц бие хамтатгахын хувьд 2017 оны хавар төвөгтэй байх болно. Жирийн нөхөрлөл хайр сэтгэл болон хувирах магадлалтай.
МЭЛХИЙ

АЖИЛ ХЭРЭГ

Энэ онд бүтэлгүйтэх, ажил бүтэхгүй байх тохиолдлууд гарч болзошгүй ч од эрхэс таныг буруу шийдвэр гаргахаас сэргийлнэ. 2017 онд та өөрт байгаа шинэ авьяас чадвраа нээж, амьдралыг үзэж үзлээ ч өөрчилнө. Таны зөн мэдрэмж хэзээ хэзээнээс илүү өндөр байж, таныг ямар ч таагүй нөхцөл байдлаас гаргана. Магадгүй зарим ийм таагүй нөхцөл байдлаас өөрт ашигтайгаар гарч чадна. Оны эхэнд эрч хүч буурсан юм шиг санагдах ч хавраас эрч хүч эргэн ирж байгааг мэдэрнэ. Ялангуяа намар таны идэвх дээд цэгтээ хзрэх учраас энэ үед төлөвлөсөн ажлаа эхэлж, санаагаа хэрэгжүүлээрэй. Оны эхнээс л өөрчлөлт гарна. Мэргэжилдээ ахиж, шинэ шатанд гарахын тулд илүү хөдөлмөрлөх хэрэгтэй. Та энэ ажилд хэрэгтэй хүн гэдгээ харуулах цаг ирж байна. Ялангуяа хавар таниас илүү их зүтгэл, шургуу хөдөлмөр шаардаж байна. Хавар гараа хумхин суух хэрэггүй, тэгвэл хүрсэн байр сууриа алдах болно. Бүх зүйлийг ганцаараа хийх гэж зүтгэсний хэрэггүй, найз нөхдийн тусламжийг ав. Их хөдөлмөрлөж байгаа учраас эрүүл мэндээ бодоорой. Оны эхнээс гаргасан зүтгэлийн үр дүн зун тийшээ гарч та тушаал ахих, эсвэл цалингаа нэмүүлнэ. Шинэ ажил хайж байгаа мэлхийнүүд сонирхолтой санал хүлээн авна.

ХАЙР СЭТГЭЛ

2017 онд хувийн амьдралд чинь өөрчлөлт гарна. Ойлголцол муутай байсан хосууд улам хөндийрч, харилцаандаа цэг тавих магадлалтай. Ийм байдалд хүргэхгүйн тулд харилцаанд асуудал үүсэх болгонд тэр дор нь ойлголцож, учраа олох хэрэгтэй. Нэгэнт салсан хосууд эргэж учраа ололцох, эргэн бие биенээ уучлах боломж бараг байхгүй.

Ганц бие мэлхий өөрт таалагддаг эсрэг хүйстэнээ гайхашруулж, урвуулж чадна. Зуны эхэн сард төвөгтэй сонголт хийх хэрэг гарч магадгүй. Учир нь танд таалагддаг хүн эцэстээ суларч танд эргүүлэх боломж гарна. Гэхдээ яарах хэрэггүй. Энэ харилцаагаа намар гэхэд өөр нүдээр харж ч магадгүй. Та хоёрын харилцааг хамт өнгөрүүлсэн амралтын өдрүүд шалгаж сорино.

АРСЛАН

АЖИЛ ХЭРЭГ

2017 онд та багаар ажиллах шаардлагатай. Найз нөхөд, ажлын хамт олон таны 2017 оны гол чиглүүлэгч байх болно. Ганцаараа энэ онд юунд ч хүрэхгүй. Тиймээс ажил дээрээ ахиц гаргая гэж байгаа бол найз нөхөд, хамт олондоо түшиглэ. Бусдын зөвлөгөөг анхааралтай сонсч, хэрэгжүүлээрэй. Битгий залхуур, залхуурсаны гор тэр дороо гарах болно. Долдугаар сар арслангуудын хувьд хамгийн таатай сар байх болно. Тиймээс шинэ ажил, төлөвлөгөөгөө энэ сард эхлээрэй. Намар танд аз тохионо.

ХАЙР СЭТГЭЛ

Оны эхний хагаст танилын хүрээ өргөжнө. Ганц бие арслангууд энэ хугацаанд сонирхолтой хүнтэй танилцана. Энэ харилцаа хөнгөн аальгүйтэх, эргүүлэх хэмжээнд л байна. Холоос ирсэн хүнтэй, эсвэл аян замд хүнтэй танилцах бололтой. Энэ хүн таны амьдралд гэнэтийн өөрчлөлт авчирна.Гэрлэсэн хосуудын хувьд оны сүүлийн хагас төвөгтэй байх нь. Удаан хугацаанд далд байсан сэтгэл хөдлөлүүд ил гарч, гэр бүл салах, өмч хөрөнгөө хуваах хэмжээнд очиж болзошгүй. Энгийн нөхөрлөж байсан харилцаа хайр сэтгэл болох магадлалтай.

ОХИН

АЖИЛ ХЭРЭГ

Өмнөх жилүүдийн алдаа оноог дэнслэхээс ажлаа эхлээрэй. Энэ нь шинэ 2017 онд юу хийхээ төлөвлөхөд тустай. Алдаагаа ухаарч, үүн дээр үндэслэн шинэ төлөвлөгөө гаргаж чадвал таныг амжилт хүлээж байна.Та ажил дээрээ илүү нээлттэй болж, хамтран ажиллагсадтайгаа харьцах харилцаа илүү таатай болно. Хариуцсан ажлыг цаг хугацаанд нь, үр дүнтэй хийж чадсанаар удирдах хүнээсээ магтаал сонсоно.

Тавдугаар сараас наймдугаар сар хүртэл таны хийсэн бүхэн үр бүтээлтэй, амжилттай байна. Шинэ санаа, эрч хүч буцалж эхлэх нь. Удирдлагатай санал зөрөлдөх хэрэггүй. Хоорондоо холбоогүй хэд хэдэн таагүй үйл вадл гарч болзошгүй. Асуудлыг хурдан шийдэх хэрэгтэй. Асуудлыг шийдэж чадсанаар таны мэргэжлийн нэр хүнд өснө.

ХАЙР СЭТГЭЛ

Хувийн амьдрал сайнтай, муутай байх нь. Ялангуяа оны эхнээс хавар хүртэл хайр сэтгэлийн харилцаа төвөгтэй. Оны сүүлийн хагаст өмнө харилцаатай байсан хүн эргэн гарч ирнэ. Гэхдээ харилцаагаа эргэн сэргээх үү гэдгээ нухацтай бодоорой. Дөрөвдүгээр сард өөрийнхөө тухай сонин, сонирхолтой зүйлсийг мэдэх бололтой. Энэ олж мэдсэн зүйлс дотор аз жаргалд хүрэх түлхүүр байх магадлалтай.

ЖИНЛҮҮР

АЖИЛ ХЭРЭГ

Та 2017 онд хэзээ хэзээнээс илүүтэй амжилтад хүрэх зорилго тавьжээ. Ингэснээр өмнө мэдээгүй шинэ эрч хүчийг олох болно. Бас 2017 онд мэргэжлийн харилцаа холбоо тэлнэ. Шинэ хамтрагчтай болж шинэ хамтын ажиллагааг эхэлнэ.

Мэдлэг боловсролоо дээшлүүлэхэд анхаараарай. Олж авсан шинэ мэдлэг нийгэмд эзлэх таны байр суурийг өргөнө. Хавар таны шинэ авьяас чадвар нээгдэнэ. Жинлүүрийн хувьд дөрөвдүгээр сар бүхий л зүйлд, ажил, хайр сэтгэл, харилцаа гээд, таатай сар байх нь. Хавар ажлын идэвх сэргэх учраас төлөвлөсөн зүйлүүдээ хийгээрэй. Харин намраас хэт их идэвх гаргаж, удирдлагынхаа нүдэнд байн байн өртөх хэрэггүй. Харин оны сүүлээс өөрийгөө харуулахыг хичээгээрэй.

ХАЙР СЭТГЭЛ

Хувийн амьдралд гарсан хүнд нөхцөлөөс гарах арга замыг хайна. Зоримог шийдвэр гаргах шаардлагатай. Үүссэн нөхцөл байдал гурав, дөрөвдүгээр сард дээд цэгтээ хүрнэ. Энэ үед жинлүүрүүд эцсийн шийдвэрээ гаргах бололтой. Хайр бүх саадыг давж чадна гэж бодож байгаа бол харилцаагаа үргэлжлүүлээрэй, харин үгүй бол амьдралд олон жим бий гэдгийг санаарай. Магадгүй хуучин харилцаагаа дуусгаагүй байтал шинэ хайртай учирна. Энэ нь дуусгаж чадахгүй байсан харилцаанд бүрмөсөн цэг тавина. Хосууд салж, өмч хөрөнгийн маргаан үүсч болзошгүй. Ганц бие жинлүүрүүд оны эхээр, эсвэл намар хайсан хүнээ олно. Энэ нь жинхэнэ гал халуун хайр байж, хуримын ёслолоор төгсөнө. Гал халуун хайртайгаа аян замд танилцах магадлалтай.

ХИЛЭНЦ

АЖИЛ ХЭРЭГ

2017 он тийм ч амар тайван байхгүй. Гэхдээ бүх зүйл бүтэлгүй байна гэсэн үг биш. Удаан хугацаанд таныг зовоосон асуудлыг шийдэх хэрэг гарна. Өмнөх онд эхэлсэн том төслөө дуусгана. Хамтрагчидтайгаа, ажиллагсадтайгаа харьцахдаа үгээ болгоомжтой сонгоорой, буруу хэрэглэсэн үг угаасаа аятайхан байгаа харилцаанд асуудал дагуулах бололтой. Зөвхөн өөртөө найдаж, зөн совиндоо итгэ. Зөн совин чинь таныг хэзээ ч хуурч байгаагүйг сана. Оны эхэнд худал амлалт, хялбар мөнгө олох аргад итгэсний хэрэггүй. Хууртагдах магадлал өндөр. Намар таны ажлын эрч хүч нэмэгдэнэ. Ялангуяа есдүгээр сард өдөр шөнөгүй ажиллана. Оны сүүлчээр сэтгэл санаагаа амрааж, амьдралаа бясалгаарай.

ХАЙР СЭТГЭЛ

Удаан хугацаанд харилцаа нь асуудалтай байсан хилэнцүүд энэ он хүнд байх болно. Нэгэнт үүссэн асуудал үргэлжилсээр, бүүр харилцаагаа таслахад хүргэж магадгүй. Хэн хэн нь буулт хийхийг хүсэхгүй учраас оны сүүл рүү зөрчил хурцадна. Өмнө нь нууж байсан зүйлс ил болж, энэ нь хилэнцийн нэр хүндэд засах аргагүй хор учруулж болзошгүй. Эргэн тойрныхон төдийгүй, хайртай хүн чинь ч энэ ил болсон нууцаас болж хөндийрч мэднэ. Тиймээс маш болгоомжтой, няхуур байх шаардлагатай. Эв найртай хосуудын харилцаа улам бэхжиж, орон гэрээ улам гоё болгохоор шийднэ. Шинэ байр авах, шинэ тавилга авах, эсвэл засвар хийнэ. Ганц бие хилэнцүүд сонирхолтой, адал явдалтай жилийг үднэ. Он гарангуут шинэ хайртай учирч, хавар гэхэд энэ харилцаа гүнзгийрнэ. Хайранд толгой эргэсэн үедээ ямар нэг шийдвэр гаргахаас зайлсхий. Намар гэрлэх санал хүлээж авна.

НУМ

АЖИЛ ХЭРЭГ

Гарч буй 2017 он нумынхны хувьд үйл явдлаар арвин, маш үр бүтээлтэй байна. Сонирхох зүйлс чинь нэмэгдэж, шинэ танилуудтай болно. Энэ жил дотоод сэтгэлээ нээхийг од гаригс зөвлөж байна. Оны эхэнд бүтэн оноо даах санхүүгийн суурь бэлдэх бололтой. Хоёрдугаар сард та ажил мэргэжлийн хувиар олон хүнтэй уулзана. Дөрөвдүгээр сард шинэ төлөвлөгөө боловсруулж, хэрэгүүлж эхлээрэй. Зун дуусахын алдад хэрэгжүүлсэн төлөвлөгөө эхний үр дүнгээ өгнө. Мөнгө, үнэт цаастай болгоомжтой харьцаарай. Оны сүүлээр ажлын эрч хүч нэмэгдэнэ.

ХАЙР СЭТГЭЛ

Оны эхний хагаст олон шинэ хүнтэй танилцах бөгөөд эдэн дунд сэтгэлийг чинь татсан хүн байна. Энэ хүн амьдралд чинь ихээхэн өөрчлөлт авчирна. Ганц бие нумынхан амьдралыг чинь сонирхолтой болгох шинэ хүнтэй танилцана. Энэ шинэ хүн таниас хол өөр хотод, магадгүй өөр улсад амьдардаг хүн байх магадлал өндөр. Гэрлэсэн нумын хувьд хүнд жил байх бололтой. Хосуудын амьдралд ихээхэн өөрчлөлт гарна. Оны сүүлийн хагаст амьдралд гарсан өөрчлөлтөөс үүдэн харилцаа муудна. Харилцаа муудахад хов жив нөлөөлж магадгүй.

МАТАР

АЖИЛ ХЭРЭГ

Мэргэжлээрээ ахих талаар нухацтай бодох хэрэгтэй. Орчин тойрны нөхцөл байдал ч энэ чиглэлд түлхэц өгнө. Гаднаас орж ирэх бүхий л мэдээллийг дээд зэргээр ашигла. Оны эхэнд таны хувьд өвөрмөц байж болох санал, төсөл хүлээн авах бололтой. Хавар ажлын ачааллаа тохируулахгүй бол эрүүл мэндэд асуудал гарна. Зун амрахаасаа өмнө хийж дуусгаагүй ажлаа дуусгаад амраарай. Оны сүүлээр ажлын эрч хүч нэмэгдэнэ.

ХАЙР СЭТГЭЛ

Амьдралд чинь аль хэдийнэ гарсан өөрчлөлт үргэлжилсээр байх нь. Тийм ч бат бөх харилцаагүй гэрлэсэн хосуудын харилцаа муудна. Эрс өөрчлөлт хийж гэрлэлтээ аврах, эсвэл салах гэсэн сонголтын өмнө ирнэ. Гэрлэсэн болон ганц бие матруудын хувьд хайр сэтгэлийн харилцаагаа илэн далангүй, чин сэтгэлээсээ байлгаж чадахгүй, харилцан буулт хийх хэрэгтэй. Хайр сэтгэлийн асуудал дээр шийдвэр гаргахдаа зүрхээ сонсоорой.

Сонин санагдаж магадгүй ч эртний танилын харилцаа хайр сэтгэлийнх болон өөрчлөгдөх магадлалтай. Анх энэ харилцаа энгийн юм шиг санагдаж байсан ч эцэстээ бал сарын аяллаар өндөрлөнө.

ХУМХ

АЖИЛ ХЭРЭГ

Шинэ санаа, шинэ боломж, шинэ үр дүнгээр дүүрэн он. Оны эхэнд жилийнхээ төлөвлөгөөг гаргаад хэрэгжүүлэх ажилдаа шамдан ороорой. Ажил амжилттай байхад ойр дотныхон, найз нөхдийн дэмжлэг хэрэгтэй. Хавар гэхэд ажлын хамтрагчтайгаа харилцаагаа цэгцэлж чадна. Өмнө байсан үл ойлголцлоо арилгаснаар цаашдаа зөрчил үүсэхгүй. Хавар таны ажлын эрч хүч нэмэгдэнэ. Ажил дээр гарсан аливаа асуудлыг хурцатгалгүй, эв зүй, зөвшилцлөөр шийдээрэй. Оны сүүлд танилын хүрээ тэлж, дараа жил хийх ажлын шинэ санаа төрнө.

ХАЙР СЭТГЭЛ

Хайр сэтгэлийн хувьд хумхууд ихээхэн өөрчлөлттэй байх нь. Ганц бие хумх шинэ танилынхаа дундаас хайр сэтгэлээ олно.Гэрлэсэн хумхынхны хувьд оны сүүлийн хагаст харилцаа муудаж магадгүй. Харилцаа хөндийрч, хүйтэн салхи үлээнэ. Тиймээс харилцаагаа авч үлдэхийн тулд зөв тактик боловсруулж, ухаалаг байх хэрэгтэй. Хувиа хэт бодсоны хэрэггүй. Чин сэтгэлээсээ байж чадвал харилцаагаа аварч чадна. Бат бөх харилцаатай хосууд орон байрны засвар хийх, эсвэл шинэ байр руу нүүх шийдвэр гаргана.

ЗАГАС

АЖИЛ ХЭРЭГ

2017 онд таны хувьд хамгийн чухал зүйл гэр бүл. Ажил хэргийн хувьд ямар нэг хүндрэл гарахгүй. Ирээдүйд хийх шинэ ажил, төлөвлөгөө боловсруулах ч хэрэгжүүлэх гэж яарсаны хэрэггүй. Яагаад гэвэл од гаригсийн эрхшээлээр энэ онд хийсэн буруу үйлдэл, буруу алхам цаашдаа залруулж болшгүй үр дагавартай байж мэднэ. Алдаа хийж магадгүй гээд бүх алхмаа тооцоолох хэрэггүй, зөн совингоо дага. Ажлын эрч хүч оны сүүлээс идэвхжиж, албан тушаал ахих зорилго руугаа тэмүүлээрэй.

ХАЙР СЭТГЭЛ

Энэ онд урьдчилан тааварлаагүй зүйлс тохиолдоно. Сэв суусан хайр сэтгэлийн харилцааг хадгалах гэж оролдох хэрэггүй. Энэ нь гал дээр тос нэмсэнтэй адил. Тиймээс хуучин харилцаагаа зоригтой орхиж, ирээдүй рүү өөр харилцааг хайгаарай. Энэ нь гэрлэсэн болон ганц бие загасын аль алинд хамаатай. Эв найртай хосуудын харилцаа улам бэхжиж, орон гэрээ улам гоё болгохоор шийднэ. Шинэ байр авах, шинэ тавилга авах, эсвэл засвар хийнэ.

10.30 цагт Хууль Зүйн Үндэсний Хүрээлэнд УИХ-д өргөн барьсан Дотоодын цэргийн тухай хуулийн төслийн талаар ”Хууль төрөхийн өмнө” сэдэвт хэлэлцүүлэг болно.

11.00 цагт НЗДТГ-ын А танхимд 2017 оны цэргийн бүртгэлийн талаар мэдээлэл хийнэ.

11.30 цагт Сонгинохайрхан дүүргийн 3 дугаар хороонд УИХ-ын гишүүн Х.Нямбаатарын санаачлагаар шинээр засаж, тохижуулсан 100 хүүхдийн ортой цэцэрлэгийн болно.

...Сүсэгтэн олонд үйлчилж буй нэрээр шарын шашин бизнес хийж, сүм хийдүүд ашгийн төлөө байгууллага болчихсон нь монголчууд бидний нэгэн эмгэнэл юм. Далай лам нарт өргөн барьсан алт, мөнгө, эд баялаг гэхэд л хэний ч нүд орой дээрээ гарахуйц их ажээ...