с шинээр үргээлгэх буюу засуулбал сайн нөхөртэй нөхөрлөнө

Ихэнх нутгаар үүлэрхэг. Төвийн аймгуудын зарим газар, зүүн зүгийн нутгийн өмнөд болон говийн нутгийн зүүн хэсгээр цас орж, цасан шуурга шуурна. Бусад нутгаар цас орохгүй. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Завхан голын эхээр 23-28 градус, Их нууруудын хотгор болон Дархадын хотгор, Идэр, Тэс голын хөндийгөөр 14-19 градус, Хэнтэйн уулархаг нутаг, Дарьгангын тал нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын сав газраар 8-13 градус хүйтэн, говийн нутгийн баруун хэсгээр 4 градус дулаанаас 1 градус хүйтэн, бусад нутгаар 3-8 градус хүйтэн байна.



УЛААНБААТАР ХОТ: Үүлэрхэг. Бага зэргийн цас орж, явган шуурга шуурна. Салхи баруун хойноос секундэд 7-12 метр. 6-8 градус хүйтэн байна.

Аюулгүй байдал, гадаад бодлогын байнгын хорооны гишүүд Батлан хамгаалах яаманд ажиллав

Замын хөдөлгөөний аюулгүй байдлын тухай шинэ хууль энэ оны эхний өдрөөс хэрэгжиж эхэлснээр жолооч нарын дунд багагүй маргаан дагуулсан. Тодруулбал, Замын хөдөлгөөний аюулгүй байдлын тухай шинэ хуулиар жолооч ямар нэгэн байдлаар зөрчил гаргавал мөнгөн торгуулийн арга хэмжээ авахаас гадна, давхар зөрчлийн 10 онооноос нь хасч байгаа.

Дөрвөн настай төрсөн охиноо зодсоны улмаас үхэлд хүргэсэн хэргээр төрсөн эцэг Т.Цогт, хойд эх Г.Маралмаа нарт хоёр шатны шүүхээс 24 жилийн хорих ял оноосон ч Дээд шүүхээс хэргийг мөрдөн байцаалтад буцаасан байгаа.

2016 оны 02 сарын 21-ны өдөр Баянгол, Хан-Уул, Сонгинохайрхан дүүргийн Иргэний хэргийн анхан шатны шүүхийн Тамгын газар “Шүүхийн захиргааны ажилтны анхан шатны “ сургалтанд оролцож, шалгалтанд тэнцсэншүүгчийнтуслахМ.Ганзориг,Ц.ОюунЭрдэнэ,М.Биндэръяа,Т.Отгонтуяа нарт “Шүүхийн захиргааны мэргэшсэн ажилтны “ гэрчилгээг тамгын газрын хүний нөөцийн ахлах мэргэжилтэн Г.Олонбаяр гардуулж баяр хүргэлээ.

Завхан аймгийн Тосонцэнгэл сум дахь Сум дундын Прокурорын газраас Улсын Ерөнхий прокурорын 2016 оны 2 дугаар сарын 19-ний өдрийн А/15 дугаар тушаалаар баталсан “Эрүүгийн хэргийг шилжүүлэх, хүлээх авах журам”-ыг прокурор, Сум дундын Прокурорын газар, Цагдаагийн хэлтсийн албан хаагчдад танилцуулж, хэрэгжүүлж ажиллах талаар үүрэг чиглэл өгчээ.

Тус сум дундын прокурорын газраас “Эрүүгийн хэргийг шилжүүлэх, хүлээх авах журам”-ыг хэрэгжүүлж ажиллахын тулд бичиг хүргэгч нарын аюулгүй байдлыг хангах, хэрэг материал, бусад баримтыг зөөвөрлөх шаардлага хангахуйц зориулалтын савтай болох зэрэг бэлтгэл ажлуудыг хийж гүйцэтгэхээр ажиллаж байна.

Грекийн Ерөнхий сайд Европын холбоонд хандан мэдэгдэл хийлээ

”Facebook”-ийн хэрэглэгч ”Аюушбаатар Алтангэрэл” халаасны хулгайчийг барьж, цагдаад хүлээлгэн өгсөн тухайгаа өөрийн хуудсандаа бичжээ.Халаасны хулгайчийг гудамжны шонд хүлж орхижээ

Нийслэлийн МАН-ын II хуралдаан өнөөдөр Тусгаар тогтнолын ордонд болж байна.

Хуралдаанд 800 гаруй төлөөлөгч оролцож байгаа бөгөөд Сонгуулийн хуультай холбоотой мэдээлэл хийж, өнгөрсөн хугацаанд хийсэн ажлаа танилцуулж байгаа аж. Мөн хурлаар бүтэц зохион байгуулалтын асуудал хэлэлцэх юм байна.

Нийслэлийн МАН нь нийт 45 мянган гишүүнтэй бөгөөд даргаар нь Ц.Сандуй ажилладаг аж.

МЗЭ-ын шагналт зохиолч, сэтгүүлч, яруу найрагч Ж.Заяабаатар ах маань хүндээр өвчилж гадагшаа яаралтай явж эмчлүүлэхээр болж байгаа энэ үед үзэг нэгт нөхөд нь түүний уран бүтээл, ажил үйлсийг нь хүндэтгэн тусалж дэмжихээр хандивын тоглолт хийхээр болсон. Та бүхэн 3 сарын 1-ний 19 цагт UB PALACE-ын их танхимд болох ”МЭНГЭ ТӨӨРСӨН СЭТГЭЛИЙН АМРАГ” урлагийн хандивын тоглолтыг үзэн соёрхоорой гэж уриалж байна.

Булган аймгийн Прокурорын газраас аймгийн Мэргэжлийн хяналтын газартай хамтран ШШГЕГ-ын харьяа онцгой дэглэмтэй хорих 439 дүгээр ангийн эмнэлгийн үйл ажиллагааг шалгасан байна. Тус хорих ангийн эмнэлэг нь 6 ортой, 1 их эмч, 4 сувилагчийн орон тоотойгоор үйл ажиллагаа явуулж байгаа бөгөөд он гарсаар нийт 11 ялтан хэвтэн эмчлүүлжээ.

Уг шалгалтаар хорих ангийн эмнэлгийн үйлчилгээ, эм, эмнэлгийн хэрэгслийн чанар, аюулгүй байдал нь “эрсдэлтэй” гэж үнэлэгдсэн ба эмнэлгийн үйл ажиллагаа нь холбогдох хууль тогтоомжид заасан шаардлагыг хангаагүй гэж дүгнэгдсэн байна.

Иймд шалгалтын ажлын хэсгээс Хорих 439 дүгээр ангийг ялтны эрхийг хамгаалахтай холбоотой Олон улсын гэрээ конвенцын заалтыг хэрэгжүүлэх, ялтнуудад эмнэлгийн үйлчилгээ явуулахдаа эрүүл ахуйн стандарт шаардлагад нийцсэн эм, эмнэлгийн хэрэгслээр хангах, ялтнуудын эрхээ эдлэх боломж нөхцөлийг бүрдүүлж ажиллах шаардлагатай гэж үзэж Булган аймгийн прокурорын газар болон Мэргэжлийн хяналтын газраас тус тус шаардлага хүргүүлсэн байна.

Байнгын хорооны дарга Ж.Батзандан гурван дүүргийн иргэдээс өргөдөл хүлээн авав

Улаанбаатар хотын хэмжээнд 320 орчим гэрээт харуул хамгаалалтын алба үйл ажиллагаа эрхэлдэг байна.

Невада мужийн сунгаанд Дональд Трамп ялалт байгууллаа

Бээжингийн ОУ-ын кино наадам, Хонг Конгийн ОУ-ын кино наадам, Кайрын ОУ-ын кино наадам, Берлинале буюу Берлиний кино наадам, БНСУ-ын Чонжугийн, Торонтогийн гээд олон олон наадмаар дамжин дэлхийн киноны тоонд зүй ёсоор бүртгэгдэх, дэлхийн киноны тэргүүлэх зах зээлд хөл тавих, сүлжээнд нь орсноор олон улсын кинотеатруудын дэлгэцэнд уригдан залагдах, хүндтэйгээр морилох цаг ойрхон байна. Гагцхүү сайн бүтээл төрүүлэх л онцгой үүрэг, бас зорилго Монголын киночдод үлдлээ.

Иймд, Монголын соёлын өвөрмөц хэсэг цаатны ахуй амьдралын онцлог, нүүдэлчин соёл иргэншил, Улаан тайгын дархан цаазат газар, Тэнгис-Шишгэд голын ай сав, үзэсгэлэн төгөлдөр онгон дагшин байгаль, Монголын хөх тэнгэрээ нартад гайхуулцгаая. Таван тивийн хүмүүсийг уулга алдуулж, оргилсон сэтгэлийг нь тал нутаг руугаа, хөвч хангай руугаа даллацгаая. Бөмбөрцгийн сод уран бүтээлчидтэй өрсөлдөх Монголын залуу киночдын том амбиц, хүсэл зоригийг нь урмаар мялаацгаая.

Нээлттэй засгийн түншлэлийн үндэсний зөвлөлийн хуралдаан боллоо

Өнөөдөр Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхэд ”Иргэн-2014” программын сайжруулсан хувилбарын нээлт болж, ШЕЗ-ийн Гүйцэтгэх нарийн бичгийн дарга Т.Мэндсайхан, Мэдээлэл технологийн хэлтсийн дарга Д.Мөнхзориг нарын албаны хүмүүс оролцлоо.

Тус программыг Монгол улсын иргэний хэргийн нийт шүүхүүдэд нэвтрүүлээд байгаа ба иргэд хэргийн шийдвэрлэлт, шилжилт хөдөлгөөнийг хянах боломжтой юм. Өөрөөр хэлбэл, иргэн нэхэмжлэл өгөх, анхан, давж заалдах болон хяналтын шатны шүүхээр хэрэг шийдэгдэх хүртэл бүх үйл ажиллагааг интернэтээр хянах юм. Мөн энэхүү системд өөрийн нууц үгээр нэвтэрч шүүхийн мэдээллийг цаг алдалгүй авах ба хэргийн оролцогчид өөрийн хэргийн мэдэгдэх хуудас хүргэгдсэн эсэх, нэхэмжлэлийг хариуцагчид өгсөн эсэх, тайлбар ирүүлсэн эсэх, шүүх хуралдааны тов, шүүх хуралдаан хойшилсон эсэх, давж заалдах гомдол гаргасан эсэх гэх мэт шүүх хуралтай холбоотой болж буй бүх процессийн тухай мэдээлэл авах ажээ.

Норвегийн Лиллехаммер хотноо 2016 оны хоёрдугаар сарын 12-21-ний өдрүүдэд Залуучуудын өвлийн Олимпийн II наадам зохион байгуулагдсан билээ.

Сангийн сайд Б.Болор “Сайдын цаг”-т оролцож, эдийн засгийн ил тод байдлыг дэмжих тухай хуулийн хэрэгжилтийн талаар мэдээлсэн юм. Тэрбээр мэдээлэл хийснийхээ дараа сэтгүүлчдийн сонирхсон асуултад хариуллаа. Энэ оны 2 дугаар сарын 20-ны өдрийн байдлаар гаргасан урьдчилсан мэдээллийн хүрээнд 34.7 их наяд төгрөгийн хөрөнгө, орлого ил болж, 8.3 их наяд төгрөгийн татвар болон 2.5 их наяд төгрөгийн торгууль, алдангиас тус тус чөлөөлсөн байна.
-Хууль хэрэгжиж дууссан хоёрдугаар сарын 20-ны өдрийн 17.00-00.00 цагийн хооронд программ гацсан талаар зарим байгууллагуудаас гомдол ирүүлээд байгаа. Үүнд тайлбар өгөхгүй юу?
-Энэ асуудлыг өнгөрсөн даваа гарагийн шуурхай хуралдааны үеэр нэлээд ярьсан. Энэ байгууллагуудыг бүртгэх тал дээр хуулийн хүрээнд ямар боломж байна гэдгийг бид судалж байна. Ямар нэгэн байдлаар энэ асуудлыг шийднэ.
-Их хэмжээний нуусан хөрөнгийг ил болголоо. Ямар аргаар болон ямар шалтгаанаар хөрөнгөө нуусныг судалж үзсэн үү?
-Олон улсын байгууллагуудын судалгаагаар манай оронд далд эдийн засаг өндөр хувьтай байгаа гэсэн судалгаа гардаг. Энэ судалгаан дээр үндэслэн уг хуулийг өргөн барьсан. Хэрэгжилтийг үр дүн нь сайн гарлаа. Манайхан яг хаанаас ямар байдлаар хөрөнгө орж ирж байгаа вэ гэдгийг тогтоохоор судлаачид ажиллаж байна. Нарийн судалгаа хийгдэж дуусаагүй байна. Судалгааны хариу гарахаар нь хэвлэл мэдээллийнхэнд хандаж мэдээлэл хийнэ.
- Сангийн яам, Монголбанкны зүгээс шалтгаалсан орон сууцны 5 хувийн зээлийн ямар асуудлууд хүлээгдэж байгаа вэ?
- Орон сууцны зээлийн хүүг 5 хувь болгох ажил ер нь бол хийгдэнэ. Монголбанктай яамны зүгээс хамтран ажиллаад явж байгаа. Хамгийн ойрын хугацаанд шийдэхээр төлөвлөж байна. Засгийн газраас журам нь батлагдсан.
- ОХУ-д төлөх өрийг хэзээ шилжүүлэх бол?
-ОХУ-д төлөх өрийг асуудлаар хэвлэл мэдээллээр нэлээд шуугисан. Энэ асуудал өөрөө нэлээд эртнээс хоёрын улсын хооронд яригдсан. Энэ асуудал саяхан боссон зүйл биш. ОХУ-д төлөх өр нь 3.8 сая ам.доллар байгаа. Засгийн газар төсөв батлуулахдаа энэ мөнгийг суулгаж өгсөн. Тийм учраас 3.8 сая ам.долларыг энэ сардаа багтаад ОХУ-д шилжүүлэх боломжтой.
- Энэ оны төсвийн байдал одоогоор ямар байгаа бэ?
- Төсвийн орлогын 90 гаруй хувийн биелэлттэй явж байна. Энэ бол урьд жилүүдтэй харьцуулахад харьцангуй эерэг үзүүлэлт. Төсвийн бүрдүүлэлтийг хангах хүрээнд Сангийн яам, Гааль, татварын газар нэлээд хүчин чармайлт гаргаж ажиллаж байгаагийн үр дүн. Өмнөх онуудыг харахад нэгдүгээр улирлын эхний сарууд төсвийн орлого тааруухан бүрддэг байсан. Бид ямар ч байсан цалин тэтгэвэр, хүүхдийн мөнгө, орон нутаг руу шилжүүлэх мөнгөнүүдээ цаг тухайд нь хийгээд явж байна.
- Төсөвт тодотгол хэзээ хийгдэхээр байна вэ?
- Тодотголыг тодорхой хуулийн заалтын дагуу хийдэг. Бид тэр хүрээндээ ажиллаад явна. Төсөвт тодотгол хийх тодорхой нөхцөлүүд бүрдсэн тохиолдолд хаврын чуулганаар тодотгол оруулах боломжтой. Эсвэл намар хийгдэнэ. Ер нь бол УИХ-ын сонгууль болохтой холбоотойгоор төсөвт тодотгол зайлшгүй хийгдэж таарна.
- “Мазаалай”бонд олон улсын зах зээл дээр босгох асуудал юу болсон бэ?
- Зах зээлийн эдийн засагтай улс орон жил бүр үнэт цаас гаргадаг. Энэ эрхээ УИХ-аас төсөв батлах үеэрээ авдаг байгаа. Өрийн таазандаа багтааж, тодорхой эрхийнхээ хүрээнд олон улсын зах зээл дээр бонд босгох ажлыг бид эхлүүлсэн байсан. Энэ ажил эхэндээ нэлээд амжилттай явж байсан боловч улс төрийн нөхцөл байдлаас үүдэн зогсонги байдалд орсон. Биднийг бондын зах зээл рүү гарч байх үед хүү 8-9 хувьтай байсан бол одоо 13 хувь руу орчихсон байгаа. Засгийн газрын огцруулахаар санал өргөн барьсан өдөр хүү огцом өсөж, завсарлага авсны дараа мөн огцом өссөн. Нэгэнт хүү огцом өсчихсөн учраас хүү нь амархан буурахгүй байна. Тиймээс түр зогсоод байгаа.
-Хятадын Экспорт, импортын банкнаас зээлэх авна гэж байсан. Энэ нь шийдэгдсэн үү?
-БНХАУ-тай өндөр дээд хэмжээний айлчлалын үеэр тохирсон хөнгөлөлттэй зээл байгаа. Энэ асуудлаар Төрийн нарийн бичгийн дарга өнгөрсөн долоо хоногт Бээжинд очиж, албан уулзалтууд хийгээд ирсэн. Төслүүд анхнаасаа тодорч, ирэх дөрвөн сараас бүтээн байгуулалтын ажил эхэлнэ.
-Энэ онд эдийн засаг сэргэх үү?
-Эдийн засгийн хувьд манай хөрш ОХУ-ын эдийн засгийн өсөлт хоёр жил дараалан хасахтай гарлаа. Хятадын эдийн засгийн өсөлт сүүлийн 20 жилд байгаагүй өсөлттэй гарлаа. Зүүн Европ, баруун европын орнууд гээд дэлхийн эдийн засгийн нөхцөл байдал амаргүй байна. Монгол өөрөө үйлдвэрлэгч орон биш, түүхий эдээс маш их хамараалтай улс. Энэ жилийн хувьд нэгдүгээр сарын олон улсын байгууллага, CNN, Bloomberg мэдээллийн хэрэгслээр явж байгаа мэдээллийг харахад Гацууртын ордыг ашиглах, “Оюутолгой”-н далд уурхай хөдөлсөн. Засгийн газрын хэрэгжүүлж байгаа бодлого нь эергээр нөлөөлж тодорхой хэмжээний эерэг үр дүн гарах бололцоо харагдаж байгаа. Гол нь улс төрийн нөхцөл байдал ямар байх нь вэ? Эдийн засгаа сайжруулах шаардлагатай байгаа үед улстөрчид нэгдмэл байж, популизмаас татгалзаж, эдийн засгаа алахааргүй юм руу яваасай л гэж бодож байна. 2012 оны УИХ-ын сонгуулийн өмнө гадаадын хөрөнгө оруулалтаа их хэмжээгээр бууруулах шийдвэр гарснаар хөрөнгө оруулалт буурсан байгаа. Сонгуулийн жил ч гэлээ эдийн засгаа зөв гольдролд нь оруулах төсөв оруулж ирж байсныг та бүхэн санаж байгаа байх.
-УИХ-ын намрын чуулганаар Гааль, НӨАТ-аас чөлөөлөх тухай хэд хэдэн хууль баталсан. Энэ нь төсөвт нөлөөлөх үү?
-Хуулийн төслийг өргөн барих үеэрээ төсөвт нөлөөлөх байдлын үнэлгээг байнга хийж байгаа. Хуулийг баталснаараа орлого яаж нэмэгдэх вэ гэдгийг судалж байгаа. Судалгаа дууссаны дараа нэгдсэн мэдээлэл өгнө.
-Хөрөнгө орлогын мэдүүлэгтэй холбоотойгоор Эдийн засгийн ил тод байдлыг дэмжих тухай хуульд ар гэрийнхнийг нь хамруулах боломжгүй байна гэсэн. Энэ асуудал яах вэ?
-Хуулийнхаа хүрээнд явна. Хөрөнгө орлого мэдүүлдэг хүмүүс үүнд огт хамрагдаагүй. Анх хамруулахаар орж ирсэн. Адилхан л Монгол Улсын иргэн. Бүгдэд нь тэгш хандах зарчим барьсан. Гэвч УИХ-ын төвшинд хөрөнгө орлого мэдүүлдэг иргэн хамрагдах ёсгүй гэж үзсэн учраас хуулийн хүрээнд л явна.
-НӨАТ-ын азтан боловч хонжвороо авч чадахгүй байна гэсэн гомдол 11-11 төвд ирсэн. Энэ асуудлыг судалж үзсэн үү?
-Энэ асуудлыг судалж үзсэн. Судалж үзээд саадгүй олгогдохоор болсон.
-“Оюутолгой”, “Гацуурт”-ын орд гацаанаас гарлаа. Энэ оны төсөвт тусгагдаагүй орлогын томоохон эх үүсвэр гарч ирж байна уу?
-Ер нь бол том бүтээн байгуулалт явж эхлэхээр том зургаа харахаар эдийн засагт өгөх өгөөж нь их л дээ. Зах зээлийн эдийн засагт хувийн хэвшлээ дэмжих ёстой. Бид сүүлийн 20 гаруй жил төвлөрсөн төлөвлөгөөт эдийн засгийн сэтгэлгээнээс гарч чадалгүй өдий хүрлээ. Том төслүүд явснаар эдийн засагт өгөх өгөөж нь, татварын орлого нэмэгдээд ирэхээр орлогын эх үүсвэрүүд нэмэгдэх боломжтой. Үүнийг төсвийн тодотголын үеэр яриад явна.
-Гадаадын хөрөнгө оруулалт өнөөгийн нөхцөлд ямар байдалтай байна вэ?
-Гадаадын хөрөнгө оруулалт одоогийн нөхцөлд маш бага байна. Ерөнхийдөө өсөлт ажиглагдаж байгаа. Энэ нь гадаадын хөрөнгө оруулалтын шинэ хууль гаргасантай холбоотой. Мөн томоохон төслүүдийг дагаж жижиг хөрөнгө оруулагчид орж ирэх хандлага ажиглагдаж байна. Сая Унгарын Ерөнхийлөгчийн айлчлалын үеэр энэ тал дээр нэлээд асуудлууд яригдсан. Тиймээс хөрөнгө оруулалтууд нэмэгдэх боломжтой.
-Татварын хуулийн шинэчилсэн найруулгын төслийг хэлэлцэхийг дэмжсэн. Энэ хуульд ямар өөрчлөлт оруулж байна вэ?
-Татварын хуулийг чирэгдэлгүй, хүнд сурталгүй болгож байгаа. Үүнийг УИХ-аас ажлын хэсэг гарч ярилцсан. Хаврын чуулганаар баталж гаргана.
-Сервер нурснаас тайлангаа өгч чадаагүй байгууллагуудыг яах вэ? Хуулийн хугацааг сунгах уу?
-Сервер нурсан шалтгаан байгаа. Өнгөрсөн жилээс эхлээд 2 дугаар сарын 20 хүртэл хугацаа өгсөн. Гэтэл энэ сарын 20-нд бөөнөөрөө орж, серверийн ачааллыг нэмэгдүүлсэн. Одоо хугацаа сунгах боломж байхгүй.
-Төсвийн ажлыг өөрсдийн хөрөнгөөр гүйцэтгэсэн компаниуд мөнгөө авч чадахгүй байгаа. Мөнгийг нь хэзээ шилжүүлэх бол?
- Ажил нь 80-аас дээш хувийн гүйцэтгэлтэй аж ахуйн нэгжүүдийн төлбөрийг 80 гаруй тэрбум төгрөгөөр барагдуулахаар Засгийн газар шийдвэрлэсэн байгаа. Энэ шийдвэрийн дагуу санхүүжилтүүд олгогдоод эхэлсэн.