Ерөнхий сайд Ч.Сайханбилэг, Эрчим Хүчний сайд Д.Зоригт, Нийслэлийн Засаг дарга бөгөөд Улаанбаатар хотын захирагч Э.Бат-Үүл тэргүүтэй албаныхан өнөөдөр Амгалан дулааны станцын бүтээн байгуулалтын ажилтай танилцлаа. Тус станц ирэх аравдугаар сарын 15 гэхэд ашиглалтад орох юм байна. Ингэснээр Улаанбаатар хотын зүүн дөрвөн замаас зүүн тийш бүх барилга байгууламжийг дулаанаар хангах юм. Тус станцын барилгын гүйцэтгэгчээр БНХАУ-ын ”СМЕС” компани ажиллаж байгаа бөгөөд 2013 онд эхлүүлсэн станцын барилга угсралтын ажил одоогоор 95 хувьтай явагдаж байна.

Станцын үлдсэн хэсгийг дуусгахад 3.9 тэрбум төгрөг шаардлагатай болжээ. Тухайлбал, 110-н агаарын өргөтгөл шинэчлэлийн ажил, гадна талбайн төмөр замын завсар шинэчлэл /400 сая төгрөг/, 2-3 худаг нэмж ухах ажил гээд хөрөнгө шаардлагатай зүйлс цөөнгүй бий гэдгийг тус төслийн ерөнхий инженер Ц.Цогтсайхан хэлсэн юм.

Мөн станц барихад ашиглаж байгаа БНХАУ-аас оруулж ирсэн тоног төхөөрөмжүүдийн хугацааг сунгаж өгөхийг Гаалийн Ерөнхий газраас хүслээ. Уг станц нь нийт өртөг нь 75.9 сая ам.доллар бөгөөд Монгол Улсын Хөгжлийн банкнаас бондын хөрөнгөөр санхүүжүүлж байгаа юм.

Өчигдөр 11:56 цагт Орхон аймгийн Онцгой байдлын газарт Баян-Өндөр сумын Эрдэнэ багийн 9-10 тоот, “Хүлэг” хүнсний захын хашаан дотор, хүнсний ногооны зооринд ажиллаж байсан хоёр иргэн ухаан алдаж унасан тухай дуудлага иржээ. Эрэн хайх, аврах бүлгийн 5 албан хаагч, 1 автомашинтайгаар ослын газар очиход 5-6 метрийн гүнтэй, хүнсний ногооны зориулалттай нүхэн зооринд иргэн Н /43 настай, эрэгтэй/, иргэн Х /45 настай, эрэгтэй/ нар агааргүйн улмаас нас барсан байдалтай байсныг гаргаж, тус аймгийн Цагдаагийн газрын жижүүрийн бүрэлдэхүүнд хүлээлгэн өгсөн байна.

Хэргийн газарт Орхоны Онцгой байдлын газар, Цагдаагийн газар, Мэргэжлийн хяналтын газар, “Эрдэнэт үйлдвэр” ХК-ий Гамшгаас хамгаалах штабын тэргүүлэх мэргэжилтэн Р.Энхболд, Хөдөлмөрийн аюулгүй байдал, эрүүл ахуйн хэлтсийн хими, цацрагийн асуудал хариуцсан инженер Д.Батсайхан нарын хамтарсан ажлын хэсэг ажиллажээ. Улмаар тус зоорины орчны агаарт “TAPPA” багажаар хэмжилт хийхэд ямар нэгэн цацраг, химийн шинж тэмдэг илэрээгүй байна.

Баяр наадмын уур амьсгалыг далимдуулж ард түмний сэтгэлзүйгээр тоглон “хулгайгаар” санаархлаа хэрэгжүүлдэг “муухай монгол” аргыг прокурор, шүүхийн байгууллага хэрэгжүүлдэг гээд хэлчихвэл хэлсдэхгүй л байх.


Өнгөрсөн удаад шинэ жилийн баяр хийгээд Монголчуудын өргөн хүрээнд тэмдэглэдэг баярын өдрүүдээр олон сар, жилээр шийдэж чадаагүй хэргүүдээ гэнэт шүүхийн байгууллагад шилжүүлсэн хэд хэдэн тохиолдол гарч байсан.


Тухайлбал, 7-р сарын 1”-ний үймээнтэй холбоотойгоор цагдаа нарын хэргээс эхлээд олон хэргийг энд нэрлэж болно.


Тэгвэл дөнгөж сая албаны эх сурвалж бидэнд мэдээлэл ирүүллээ. Түүний хэлж буйгаар өнөөдөр Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүхийн хэргийг шүүхэд шилжүүлсэн байна.

edee.mn сайт дээр намайг гэр бүлийн хүний хамт хөдөө орон нутагт явж байгаад нисдэг тэрэг дуудлагаар авсан тухай дэлгэрэнгүй утга агуулга бүхий мэдээлэл гарсан байсан. Би баяр наадмын дараа буюу долдугаар сарын 14-ний өдөр гадаад улсад албан ажлаар яваад өнөөдөр буюу 20-ны өглөө Монгол Улсад ирлээ. Энэ хооронд ийм мэдээлэл гарсан тухай хэвлэл мэдээлэл болон холбогдох хүмүүсээсээ авч огт ор үндэсгүй мэдээллийг залрууж, үнэн бодитой мэдээллийг нь өгөх ёстой гэдэг чиглэл өгсөн.

-Үнэхээр тийм үйл явдал болоогүй гэж үү?

-Огт болоогүй учраас би энэ тал дээр юу ярих вэ. Нисдэг тэрэг дуудсан асуудал байхгүй. Гэр бүлийн хүнийг бэртэж гэмтсэн учраас нисдэг тэрэг дуудсан тухай бичсэн байсан. Манай гэр бүлийн хүн одоогоор Монгол Улсад байхгүй. Гадаад улсад сурч байгаа.

Энэхүү ойн баярын наадмын үеэр Монгол Улсын даяар дуурсагдах, далай даян, дархан аварга Хорлоогийн Баянмөнхийг алдаршуулах арга хэмжээ болох юм байна.

Хүнс, хөдөө аж ахуйн сайд Р.Бурмаа БНСУ-ын малын гаралтай бүтээгдэхүүний чанарын үнэлгээний институт /kape/-ын ерөнхийлөгч Юун Хэтэйгээр ахлуулсан албаны хүмүүстэй малын гаралтай бүтээгдэхүүний ул мөрийг мөрдөн мөшгих тогтолцоог Монголд хэрэгжүүлэх талаар уулзлаа.

АНУ-ын Батлан хамгаалахын яам АНУ тэргүүтэй холбоотон орнуудын цэргийн эвслийн Сирид өгсөн агаарын довтолгооны үеэр Олон Улсын террорист бүлэглэл Аль Кайдагийн салбар хэт даврагч “Хорасан” бүлэглэлийн толгойлогч амь үрэгдсэн тухай мэдэгджээ.

Мал, амьтны гоц халдварт болон халдварт өвчин гарсан аймаг сумдад хорио цээрийн болон хязгаарлалтын дэглэм үргэлжилж байна.

Улсын баяр наадам дуусч бөхчүүд хөдөө орон нутагт очиж ойтой сумдуудын түрүүг түүж өгч байна. Сүхбаатар аймгийн Баяндэлгэр, Наран гэх мэт сумдуудад улсын цолтой бөхчүүд зодоглосноос Онгон сумын 90 жилийн ойн баяр наадамд Говь-Алтай аймгийн харъяат Монгол улсын гарьд Н.Ганбаатар түрүүлж, Онгон сумиын харъяат аймгийн хурц арслан Ш.Мөнгөнбаатар үзүүрлэсэн бол Баяндэлгэр сумын надамд Улсын заан Ч.Санжаадамба түрүүлж Улсын начин Ц.Анхбаяр үзүүрлэлээ.

МАХН-ын дарга Н.Энхбаярын төрсөн дүү Н.Энхтуяа, туслах Б.Хуяг нарыг одоо хүртэл Олон улсын Интерполоор эрэн сурвалжилж байгаа билээ. Уг асуудалтай холбогдуулан АТГ-аас Н.Энхбаяраас тодруулга авах гэдэг ч Н.Энхбаяр БНСУ-ыг зорьсон учраас тодруулга авч чаддаггүй байсаар...

Н.Энхбаяр нь 2012 онд авлигын хэргээр ял сонссон ч 2013 онд суллагдаж, суллагдсан даруйдаа эмчилгээ хийлгэнэ хэмээн БНСУ-ыг зорьсон. Түүнийг энэ хугацаанд АТГ-аас хэд хэдэн удаа дуудсан боловч эмчилгээ хийлгэж байгаа гэх нэрийдлээр очиж тодруулга, мэдүүлэг өгч байгаагүй аж. Саяхан төрсөн дүү Б.Энхтуяа, туслах Б.Хуяг нарын асуудлаар тодруулга авах гэсэн боловч Н.Энхбаяр ХБНГУ руу оргон зайлсан байж болзошгүй гэх эх сурвалжийн мэдээлэл гарлаа.

Н.Энхбаярын хувьд хуулийн байгууллагатай холбоотой хэрэгтэй байсан учраас хил гаалиар орж гарах нь хориотой байсан байж болзошгүй юм байна. Харин эмчилгээ хийлгэж байсан учраас БНСУ руу нэвтэрч байсан бололтой.

МАХН-ын дарга Н.Энхбаяр ХБНГУ-ыг зорихдоо цахим паспорт олгогдоогүй байхад өөр нэрээр хил давсан нь ноцтой хууль зөрчсөн хэрэг болох юм. Учир нь Н.Энхбаяр хуулийн байгууллагад МАХН-ын байрны асуудлаар шалгагдаж байсан, Интерполын асуудлаар тодруулга мэдүүлэг өгөх зэрэг хуулийн байгууллагад шалгагдаж байсан учраа түүнд цахим паспорт олгогддоггүй байжээ. Юутай ч энэ мэдээллийг албаны эх сурвалжууд баталвал дэлхийн нийтийн анхаарлыг татахуйц дуулиан дэгдэх нь. Учир нь МУ-ын гуравдахь Ерөнхийлөгч, МАХН-ын дарга Н.Энхбаяр хуурамч нэрээр, хуурамч паспортоор хил нэвтэрсэн байж болзошгүй юм байна.

Улаанбаатар хотын дулаан хангамжийн 3А,Б гол шугамыг ф600\500 болгон өргөтгөх ажлын хүрээнд Энхтайваны өргөн чөлөөний авто замыг зургадугаар сарын 6-наас эхлэн хэсэгчлэн хааж шугам хоолойн ажил хийж байгаа.

Энэ сарын 21-ээс 22-нд шилжих шөнө нийслэл хотод гал түймрийн дөрөв, орон нутагт гал түймрийн нэг дуудлагатай байлаа хэмээн ОБЕГ-ын Гамшгийн шуурхай удирдлагын газраас мэдээлэв.

Ирэх жил Завхан, Увс аймгууд Улаанбаатар хоттой хатуу хучилттай замаар холбогдох юм.



Өнөөдрийн байдлаар Солонготын даваанаас Их-уул, Тосонцэнгэлийн баруун дөрвөн зам хүртэлх замыг Хурдны зам ХХК тавьж байна.

Энэ сарын 21-ний өдрийн 10:15 цагт НОБГ-т “Нийслэлийн Баянгол дүүргийн 6 дугаар хороо, 10 дугаар хорооллын 30 дугаар байрны 6 дугаар давхраас бага насны хоёр хүүхэд унах гээд байна” гэсэн дуудлага иржээ.

Энэхүү дуудлагын дагуу нийслэлийн Аврах ангийн зургаан албан хаагч, хоёр автомашинтайгаар ажиллаж, тус байрны 23 тоотод оршин суух зургаан настай, эрэгтэй Б, зургаан настай эмэгтэй А нар тагтан дээр байсныг асран хамгаалагч Н-д хүлээлгэж өгсөн байна.

Улиастайн замд явган зорчигч М /эр.15н/ мөргөж гэмтээгээд хэргийн газрыг орхиж явсан хэргийг Баярнзүрх дүүргийн замын цагдаагийн тасгийн алба хаагчид шуурхай эрэн сурвалжлах ажиллагаа явуулан суудлын автомашины жолооч Ө болохыг тогтоож эрүүгийн хэрэг үүсгэн шалгаж байна. ЗЦГ-аас “Зам тээврийн хэрэг, осол гаргасан тохиолдолд сандарч, балмагдан хэргийн газрыг орхин явж өөрт хүлээлгэх хариуцлагаа улам хүндрүүлсээр байна. Техник хөгжсөн өнөө үед замын хяналтын камер, зам дагуух аж ахуй нэгж байгууллагын хяналтын камерт бичлэг үлддэг тул энэ төрлийн гэмт хэрэг илэрдэг.

Мэдээний эх сурвалж: http://time.mn/65428

Хэт даврагчид болон Засгийн газрын цэргүүдийн хооронд зэвсэгт мөргөлдөөн үргэлжилж буй Сири улсад Испанийн гурван сэтгүүлч сураггүй алга болжээ.

БЗД-ийн 23-р хороо “Улиастайн блокны үйлдвэрийн орчимд үл таних хүмүүст эд зүйлээ дээрэмдүүллээ” гэсэн мэдээллийг 07-р сарын 21-ний 03:00 цагт хүлээн авч шалгахад ”Б” /эр.33н/-ийг гэртээ харихаар явж байхад нь ”Э” гэгч нь /эр.31н/ бусадтай бүлэглэн зодож, “Iphone” гар утас, өмсөж явсан гутлыг нь дээрэмдснийг цагдаагийн алба хаагчид шуурхай эрэн сурвалжлж илрүүлэн БЗДЦХ-3-р хэлтэст шалгаж байна.

Увс аймаг байгуулагдсаны түүхт 90 жилийн ой, Монгол бөхийн их баяр, баруун бүсийн хурдан морины “Увс хурд-2015” баяр наадам долдугаар сарын 23-25-нд зохион байгуулагдана.

БЗД-18-р хороонд байрлах цайны газарт хүн хутга барьж танхайраад байна” гэсэн мэдээллийг 07-р сарын 21-ний 11:20-д авч шалгахад: БЗД-18-р хороонд оршин суух ”Б” /эр.22н/-ыг тус цайны газрын эзэн, ”Т” /эр,32н/ хэл амаар доромжилж, ална гэж заналхийлэн, хоолойд нь хутга тулган танхайрсныг БЗДЦХ-2-р хэлтэс шалгаж байна.

Монгол Услын эрүүгийн хууль

181 дүгээр зүйл. Танхайрах

181.1.Бусдыг илтэд үл хүндэтгэн хүч хэрэглэх буюу хүч хэрэглэхээр заналхийлж, нийгмийн хэв журмыг ноцтой зөрчсөн бол хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл гурван жил хүртэл хугацаагаар хорих ял шийтгэнэ.

181.2.Энэ хэргийг:
181.2.1.догшин авирлаж;
181.2.2.нийгмийн хэв журам хамгаалах үүргээ биелүүлж байгаа цагдаагийн ажилтан, төрийн болон олон нийтийн төлөөлөгч, танхайрсан үйлдлийг таслан зогсоох гэсэн иргэнийг эсэргүүцэж;
181.2.3.урьд нь энэ хэрэгт шийтгүүлсэн этгээд;
181.2.4.давтан;
181.2.5.бүлэглэж үйлдсэн бол гурваас дээш таван жил хүртэл хугацаагаар хорих ял шийтгэнэ.

181.3.Энэ хэргийг онц аюултай гэмт хэрэгтэн, түүнчлэн зэвсэг, зэвсгийн чанартай бусад зүйл хэрэглэж үйлдсэн бол таваас дээш найман жил хүртэл хугацаагаар хорих ял шийтгэнэ.

Нийслэлийн Засаг даргын 2013-2016 оны үйл ажиллагааны хөтөлбөрт тусгагдсаны дагуу нийслэлийн удирдлагын зөвлөлийн хуралдааны шийдвэрээр Улаанбаатар хотын Ногоон хөгжлийн стратеги төлөвлөгөөг боловсруулах ажлын хэсгийг байгуулж, ажлын хэсгийн даргаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллаж байна.