Монголбанкнаас хэрэгжүүлж буй орон сууцны ипотекийн 8 хувийн хүүтэй зээл олгож эхэлснээс хойш Ипотекийн орон сууцны 2.8 их наяд төгрөгийн зээлээр 4.8 их наяд төгрөгийн орон сууц сүүлийн хоёр жилийн дотор борлогджээ.

“Малчны лавлах 109” тусгай дугаарыг ажиллуулж эхэлсэн байна.

З.Баянсэлэнгэ: 10 хувийг хэрэгжүүлэх ажил тун ойртлоо

Нийтийн тээврийн шинэчлэлийн хүрээнд “U Money” цахим картыг нэвтрүүлж, зарим чиглэлийг богино эргэлттэй болгосон.

Авлигатай тэмцэх газраас томилогдсон ажлын хэсэг Баянхонгор, Өвөрхангай аймгийн ИТХ, Засаг даргын Тамгын газар, Засаг даргын дэргэдэх агентлаг, нийт 31 байгууллагад авлига, ашиг сонирхлын зөрчлийн эсрэг хууль тогтоомжийн хэрэгжилтийг шалгах, 2015 оны мэдүүлгийн бүрдүүлэлт болон мэдүүлгийг бүртгэх, хянах, хадгалах эрх бүхий албан тушаалтны үйл ажиллагаа, хувийн ашиг сонирхлын урьдчилсан мэдүүлэг, ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл гаргасан байдал, тэдгээрийн шийдвэрлэлт, програмын ашиглалтын байдалтай танилцаж, илэрсэн зөрчлийг арилгуулах, мэдүүлэг гаргагч болон мэдүүлгийг бүртгэх, хянах, хадгалах эрх бүхий албан тушаалтнууд, дээрх аймгуудын удирдах ажилтнуудад тус тус сургалт явуулах, заавар зөвлөмж өгөх зорилгоор ажиллав.

Ашиг сонирхлын зөрчил үүссэн буюу үүсч болзошгүй тохиолдолд гаргах мэдэгдэл, тайлбарыг Өвөрхангай, Баянхонгор аймгийн ИТХ, Өвөрхангай аймгийн Засаг дарга, түүний Тамгын газар үйл ажиллагаандаа хэвшүүлсэн байна. Харин Баянхонгор аймгийн Засаг дарга, түүний Тамгын газар болон Өвөрхангай аймгийн Засаг даргын дэргэдэх агентлагуудын удирдлага, ажилтнууд тодорхой үйл ажиллагаа, шийдвэрт уг мэдэгдэл, тайлбарыг гаргаагүй байна. Ялангуяа тусгай зөвшөөрөлтэй холбоотой үйл ажиллагаа, дуудлага худалдаа, төсөл сонгон шалгаруулалт, хяналт шалгалт явуулах, газар өмчлүүлэх, эзэмшүүлэх, ашиглуулах зэрэг үйл ажиллагааг хэрэгжүүлэхэд тухайн шийдвэрийг гаргах буюу тухайн албан үүргийг гүйцэтгэхэд ашиг сонирхлын зөрчил үүсч байгаа эсэх талаар бичгээр тайлбарлаж, мэдэгдэхгүй байх зөрчил түгээмэл илэрчээ. Байгууллагуудын эрх бүхий албан тушаалтнаас гаргасан захиргааны акт, тушаалтай танилцах явцад хууль зөрчсөн буюу илт ашиг сонирхлын зөрчилтэй шийдвэр гаргасан зөрчил илэрсэн. Тухайлбал, Өвөрхангай аймгийн Засаг даргын Тамгын газрын дарга, тус аймгийн Хүүхэд гэр бүлийн хөгжлийн хэлтсийн дарга нар өөртөө шагнал, урамшуулал олгосон тушаал гаргасан байв.

Нийтийн албанд шинээр болон цаашид тухайн байгууллагын зохион байгуулалтын нэгж дотроо ажлын байрны тодорхойлолт, эрхлэх асуудлын чиг үүрэгт нь өөрчлөлт орсны улмаас шилжүүлэн болон сэлгэн, туршилтын хугацаагаар томилох, Төрийн албаны тухай хуулийн хүрээнд тухайн албан тушаалын албан үүргийг түр орлон гүйцэтгэгчээр томилохоор болсон тохиолдолд тэдгээрийг томилохын өмнө хувийн ашиг сонирхлын урьдчилсан мэдүүлгийг Авлигатай тэмцэх газарт ирүүлэх үйл ажиллагааг Өвөрхангай, Баянхонгор аймгийн ИТХ, Засаг даргын Тамгын газрын хэмжээнд зохих хяналтыг хэрэгжүүлж байв. Шалгалтын явцад Өвөрхангай аймгийн ИТХ-ын төлөөлөгчөөр сонгогдсон 5 хүнийг төрийн захиргааны албан тушаалд хууль тогтоомж зөрчин томилсон зөрчил илэрчээ.

Ажлын хэсэг “Авлига, ашиг сонирхлын зөрчлийн эсрэг хууль тогтоомжийг таниулах нь” нэртэй сургалтыг мэдүүлгийг бүртгэх, хадгалах эрх бүхий албан тушаалтан, аймгийн удирдах ажилтан, мэдүүлэг гаргагч нийтийн албан тушаалтан, нийт 759 хүнд зохион байгуулав.

Өвөрхангай аймгийн ИТХ, Засаг даргын Тамгын газар, Засаг даргын дэргэдэх 10 агентлаг, Бүсийн оношлогоо эмчилгээний төв, Хөдөлмөрийн хэлтэс, Нийгмийн халамж, үйлчилгээний хэлтэс, Арвайхээр сумын ИТХ, Засаг даргын Тамгын газарт тус тус мэдүүлгээ гаргадаг 200 гаруй албан тушаалтны 2013, 2014 оны хувийн ашиг сонирхлын мэдүүлэг болон хөрөнгө, орлогын мэдүүлгийг хянаж үзэхэд гэр бүлийн гишүүдийн хөрөнгө, орлогыг мэдүүлээгүй, хадгаламж, дансны үлдэгдлээ мэдүүлээгүй болон хөрөнгө, орлогод орсон их хэмжээний өөрчлөлтийг хугацаанд нь мэдүүлдэггүй зэрэг зөрчлүүд илэрсэн бөгөөд уг асуудлыг нарийвчлан шалгаж эхэллээ. Мөн Өвөрхангай аймгийн Бүсийн оношлогоо, эмчилгээний төв, Эрүүл мэндийн газар зэрэг байгууллагуудад ахлах болон ерөнхий нягтлан бодогч нараас хувийн ашиг сонирхлын мэдүүлэг болон хөрөнгө, орлогын мэдүүлгийг гаргуулаагүй буюу мэдүүлэг гаргагчдын нэрсийн жагсаалтад оруулаагүй зөрчил илэрчээ.

УИХ-ын чуулганы нэгдсэн хуралдаанаар хэлэлцэх асуудлууд /2015.10.23.Баасан гараг/

МОНГОЛ УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ 2015 ОНЫ 10 ДУГААР САРЫН 23-НЫ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ

09.00 цагаас:

1.Зөрчил шалган шийдвэрлэх тухай болон холбогдох бусад хуулийн төслүүд /Засгийн газар 2015.08.05-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;

-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНГЭРЭЛ танилцуулна.

2.Хилийн тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.09.14-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;

-Хууль зүйн байнгын хорооны санал, дүгнэлтийг Улсын Их Хурлын гишүүн Ц.НЯМДОРЖ танилцуулна.

3.Нэмэгдсэн өртгийн албан татварын тухай хуульд нэмэлт, өөрчлөлт оруулах тухай, Төсвийн тухай хуульд нэмэлт, өөрчлөлт оруулах тухай, Гаалийн тариф, гаалийн татварын тухай хуульд нэмэлт оруулах тухай хуулийн төслүүд /Засгийн газар 2015.09.14-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Сангийн сайд Б.БОЛОР танилцуулна;

-Төсвийн байнгын хорооны санал, дүгнэлтийг Улсын Их Хурлын гишүүн Л.ЭРДЭНЭЧИМЭГ танилцуулна.

4.Хог хаягдлын тухай /шинэчилсэн найруулга/ болон холбогдох бусад хуулийн төслүүд /Улсын Их Хурлын гишүүн Ц.Оюунгэрэл нарын 13 гишүүн 2015.06.03-ны өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Улсын Их Хурлын гишүүн Ц.ОЮУНГЭРЭЛ танилцуулна;

-Байгаль орчин, хүнс, хөдөө аж ахуйн байнгын хорооны санал, дүгнэлтийг Улсын Их Хурлын гишүүн С.ОЮУН танилцуулна.

5.Эмнэлгийн тусламж, үйлчилгээний тухай болон холбогдох бусад хуулийн төслүүд /Засгийн газар 2015.10.14-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Эрүүл мэнд, спортын сайд Д.ШИЙЛЭГДАМБА танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн С.ОДОНТУЯА танилцуулна.

6.Эрүүгийн байцаан шийтгэх хуульд нэмэлт, өөрчлөлт оруулах тухай, Прокурорын байгууллагын тухай хуульд нэмэлт оруулах тухай хуулийн төслүүд Эрүүгийн байцаан шийтгэх хуульд нэмэлт, өөрчлөлт оруулах тухай, Прокурорын байгууллагын тухай хуульд нэмэлт оруулах тухай хуулийг хэрэгжүүлэх зарим арга хэмжээний тухай Улсын Их Хурлын тогтоолын төсөл /Улсын Их Хурлын гишүүн Н.Алтанхуяг 2015.06.04-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Улсын Их Хурлын гишүүн Н.АЛТАНХУЯГ танилцуулна;

-Хууль зүйн байнгын хорооны санал, дүгнэлтийг Улсын Их Хурлын гишүүн З.БАЯНСЭЛЭНГЭ танилцуулна.

7.Oлон улсын гэрээний тухай /шинэчилсэн найруулга/ хуулийн төсөл /Засгийн газар 2015.10.14-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Гадаад хэргийн сайд Л.ПҮРЭВСҮРЭН танилцуулна;

-Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн С.ОЮУН танилцуулна.

8.Монголын Улаан Загалмай нийгэмлэгийн эрх зүйн байдлын тухай /шинэчилсэн найруулга/ хуулийн төсөл /Улсын Их Хурлын гишүүн Н.Энхболд нарын 16 гишүүн 2015.08.21-ний өдөр өргөн мэдүүлсэн, хэлэлцэх эсэх/:

-Хууль санаачлагчийн илтгэлийг Улсын Их Хурлын гишүүн Н.ЭНХБОЛД танилцуулна;

-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.

14.00 цагаас:

Улсын Их Хурлын гишүүн Г.Уянгаас “Зоос банк” ХК-ийг татан буулгасан ажиллагаа болон хувьцаа эзэмшигчдийн эрхийг хамгаалах, хохирлыг хэрхэн барагдуулах талаар Монгол банкны ерөнхийлөгч Н.Золжаргалд тавьсан асуулгын хариуг сонсох.

Уран зураг гэдэг өөр нэгэн ертөнцийн илэрхийлэл сэтгэлийн торгон мэдрэмж байдаг. Тэгвэл тэр торгон мэдрэмжийг хөндсөн нэгэн уран бүтээл “Blue mon art” галерейд дэлгэгдсэн нь зураач А.Одхүү, П.Ганзориг нарын хамтарсан ”ТУЙЛ ба ТУЙЛ” юм. Тус үзэсгэлэн 2015 оны 10 сарын 23-31-ны хооронд Blue moon арт галерейн үзэсгэлэнгийн танхимд дэлгэгдэх юм байна. Иймд уран зурагт дуртай хэн бүхнийг урьж байна.

Бүтээн ба байгуулалтын дээд шагналыг энэ сарын 28-нд тодруулна

Өнөөдөр

“УЛААНБААТАР- БИДНИЙ ХОТ” аяныг эхлүүллээ

Сүүлийн үед Гадаадын иргэн харъяат, шилжилт хөдөлгөөний ерөнхий газрынхан өвөрмонгол иргэнийг хууль бусаар саатуулж, хорьсон талаарх мэдээлэл олон нийтийн дунд дуулиан тарьж байна.

Олны анхаарлын төвд байсан Эрдэнэт үйлдвэрийг тойрсон асуудлын талаарх 24 баримтыг хүргэж байна.

зурхай

зурхай

2015 оны аравдугаар сарын 22-ны 20 цагаас аравдугаар сарын 23-ний 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн баруун хэсгээр цас орно. Салхи баруун өмнөөс секундэд 5-10 метр, өдөртөө Алтайн уулсаар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 3-8 хэм хүйтэн, өдөртөө 5-10хэм дулаан, Алтайн өвөр говиор шөнөдөө 0-5 хэм өдөртөө 13-18 хэм дулаан, бусад нутгаар шөнөдөө 0-5хэм хүйтэн, өдөртөө 9-14 хэм дулаан байна.

ТӨВИЙН АЙМГУУДЫН НУТГААР: Шөнөдөө багавтар үүлтэй. Өдөртөө нутгийн баруун хэсгээр үүлшинэ. Цас орохгүй. Салхи баруун өмнөөс секундэд 6-11 метр. Хангай, Хөвсгөлийн уулархаг нутаг болон Туул, Тэрэлж голын сав газраар шөнөдөө 5-10 хэм хүйтэн, өдөртөө 3-8 хэм дулаан, бусад нутгаар шөнөдөө 2-7 хэм хүйтэн, өдөртөө 8-13 хэм дулаан байна.

ЗҮҮН АЙМГУУДЫН НУТГААР: Нутгийн хойд хэсгээр үүлшинэ. Бусад нутгаар багавтар үүлтэй. Цас орохгүй. Салхи баруунаас баруун хойш эргэж секундэд 6-11 метр, өдөртөө зарим газраар секундэд түр зуур 16-18 метр хүрч, шороон шуурга шуурна. Хэнтий, Дорнодын хойд хэсгээр шөнөдөө 4-9 хэм хүйтэн, өдөртөө 3-8 хэм дулаан, бусад нутгаар шөнөдөө 1-6 хэм хүйтэн, өдөртөө 7-12 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр. Шөнөдөө 5-7 хэм хүйтэн, өдөртөө 9-11 хэм дулаан байна.

ГОВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун өмнөөс секундэд 6-11 метр. Шөнөдөө Өмнөговийн нутгаар 0-5 хэм дулаан, бусад нутгаар 0-5 хэм хүйтэн, өдөртөө бүх нутгаар 10-15 хэм дулаан байна.

УЛААНБААТАР ХОТ: Багавтар үүлтэй. Хур тунадас орохгүй. Салхи баруунаас хойш эргэж секундэд 6-11 метр. Шөнөдөө 2-4хэм хүйтэн, өдөртөө 8-10 хэм дулаан байна.

Цахилгаанаар дулаанаа хангаж буй өрхүүдийг урамшуулах хэрэгтэй гэв
2015 / 10 / 22 | 17:11 | Нийтэлсэн: Ч.Ариунболд | 0

УИХ-ын чуулганы нэгдсэн хуралдаанаар Эрчим хүч хэмнэлтийн тухай хуулийн хэлэлцэх эсэх, хэлэлцүүлгийг хийж, дэмжлээ.

НҮБ-аас “Тогтвортой эрчим хүчийг бүх нийтэд” хэмээн тунхаглаж, Ерөнхий ассамблейн хуралдаанаар тогтвортой эрчим хүчний хөтөлбөрийг баталсан. Тус хөтөлбөрийн гурван тулгуур зарчмын нэг нь эрчим хүчний үр ашиг буюу хэмнэлтийн тухай ойлголт байдаг хэмээн Эрчим хүчний сайд Д.Зоригт хууль санаачлагчийн илтгэлдээ дурьдав.

Тэрбээр, 2012 оноос Монгол Улс эрчим хүчний эх үүсвэрийн дутагдалд орж эхэлсэн. Энэ нь барилга, уул уурхайн салбарын өсөлтийг сааруулж, эдийн засгийн өсөлтийг удаашруулах сөрөг нөлөө үзүүлж байна. Эрчим хүчийг үр ашигтай хэрэглэх нь улс орны эдийн засгийн өрсөлдөх чадварыг дээшлүүлэх, байгаль орчинд ээлтэй технологийг нэвтрүүлэх, зүй зохистой хэрэглээг төлөвшүүлэх, ард иргэдийн ая тухтай амьдрах орчныг сайжруулах зэрэг эдийн засаг, нийгмийн суурь салбаруудад хамааралтай асуудал юм. Тиймээс эрчим хүчний тухай хуулийн төслийг УИХ-д өргөн мэдүүлсэн болно” гэлээ.

Хэлэлцүүлгийн шатанд УИХ-ын гишүүн С.Оюун, Утаагүй зуух тавьсан айлуудад шөнө хэрэглэсэн цахилгааных нь үнийг бууруулж байгаа. Зөвхөн цахилгаанаар дулаанаа хангаж буй өрхүүдэд ч урамшлуулал олгох хэрэгтэй гэсэн санал хэлэв.

УИХ-ын гишүүн Ж.Энхбаяр Хуулийн төсөлд Эрчим хүчний хэмнэлтийн зөвлөл байгуулахаар тусгасан шалтгааныг тайлбарлахыг хүссэн.

Эрчим хүчний сайд Д.Зоригт, “Хуулийн төслийг боловсруулахдаа эрчим хүчний хэмнэлтээрээ дэлхийд тэргүүлж буй улс орнуудын туршлагыг судалсан. Тэдгээр улс бүгд Эрчим хүчний хэмнэлтийн зөвлөлтэй. Тиймээс Монгол Улсын Эрчим хүчний хэмнэлтийн зөвлөл байгуулах нь зөв гэж үзсэн” гэв.

Мөн УИХ-ын гишүүн О.Содбилэг, Хууль баталж, хэрэгжүүлснээр улсын төсвөөс зардал гарах уу хэмээн тодруулахад Эрчим хүчний сайд Д.Зоригт, улсын төсвөөс нэмж зардал гарахгүй хэмээн хариулав.

Түүнчлэн УИХ-ын гишүүн С.Одонтуяа, Г.Баярсайхан нар эрчим хүч хэмнэх нь эдийн засаг, байгаль орчинд хэрхэн эергээр нөлөөлөх талаар нийтэд сурталчлан таниулах чиглэлээр тодорхой алхам хийх хэрэгтэй. Энэ нь хууль хэрэгжих гол тулгуур болно” гэсэн санал хэллээ.

Ийнхүү санал хураалт явуулахад хуралдаанд оролцсон гишүүдийн 94.9 хувь дэмжиж, анхны хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.

Хоёр орны Ерөнхий сайд мэдээлэл хийлээ

Өнөөдөр /2015.10.22/ Япон Улсын Ерөнхий сайд Ш.Абэ Монгол Улсад албан ёсны айлчлал хийж байна. Тэрээр Монгол Улсын Их Хурлын дарга Зандаахүүгийн Энхболдод бараалхахын өмнө чуулганы нэгдсэн хуралдааны танхимд зочилж, Улсын Их Хурлын үйл ажиллагаатай танилцлаа.

Улсын Их Хурлын дарга З.Энхболд чуулганы нэгдсэн хуралдааны үеэр, Япон Улсын Ерөнхий сайд Ш.Абэ Улсын Их Хурлын үйл ажиллагаатай танилцаж байгаа талаар танилцуулж, мэндчилгээ дэвшүүлэв.

“Нээлттэй хаалганы өдөр”-ийг амжилттай зохион байгууллаа

УИХ-ын хариуцлагыг өндөржүүлэх хуулийн төслийг дэмжсэнгүй