-
2016 оны 12 сарын 06
Ардчилсан намын VI Их хуралд 1210 төлөөлөгч оролцож буй. Их хурал эхлэх үеэр тус намын Их хурлыг эсэргүүцэн жагсагчид СТӨ-ний гадаа лоозонтой угтсан юм. Түр завсарлаад байгаа Их хурлын гадаа жагсагчид байраа эзэлжээ.
-
2016 оны 12 сарын 06
Нийгмийн бодлого, боловсрол, соёл шинжлэх ухааны байнгын хорооны хуралдаанаар ”Нийгмийн даатгалын үндэсний зөвлөлийн гишүүдийг томилох, чөлөөлөх” тухай асуудлыг хэлэлцлээ.
-
2016 оны 12 сарын 06
Т.Аюурсайхан: Оффшор бүсэд данстай улстөрчдийг хамгаалсан хуулийн төсөл оруулж ирлээ
-
2016 оны 12 сарын 06
Ардчилсан намын VI Их хурал завсарлаад байна. Өнөөдрийн хуралд Нийслэлийн есөн дүүрэг, 21 аймгийн нийт 1210 төлөөлөгч оролцож байгаа юм.
Хурлаар АН-ын дарга З.Энхболд илтгэл тавьж, УИХ-ын гишүүн асан Х.Тэмүүжин үг хэллээ. Түр завсарлаад байгаа Их хурал 15.00 цагаас хаалттай хуралдах аж.
-
2016 оны 12 сарын 06
Х.Тэмүүжин танилцуулж байна. Тэрбээр “Ардчилсан намд эв нэгдэлтэй байж чадаагүй гэдэг. Гэхдээ эв нэгдэлтэй байна гэдэг МАН шиг муу, муухайгаа нууна гэсэн үг бишээ. Ардчилсан намын эв нэгдэл бол фракц дагаж гүйх биш дүрмэн дээрээ нэгдэхийг хэлнэ. Ардчилсан нам бүх шатны эрх мэдлээ шат, шатандаа тодорхой болгохгүй бол давхацсан эрх мэдэл хагаралдуулдаг. Ардчилсан намыг нэг толгойтой болгохын тулд яаж нэг нам болгох вэ гэдгээ шийдэх ёстой. Улс орныг хөгжүүлэх хамгийн гэрэл, гэгээтэй санаачлагыг бид гаргаж чаддаг. Түүнийхээ хэлэлцүүлгийг нам дотроо хийхгүй бол болохгүй байна. Бид аливаа шийдвэрийг зөвшилцлийн зарчмаар, гэхдээ дүрмээ сахиж, цөөнх болсон нь олонхийн шийдвэрээ дагаж, олонх нь цөөнхүү хүндлэхгүй бол бид цүнх барьсан хүмүүс, фракцид хуваагсдан хүмүүсийн тэмцэлийн талбар болно. Ардчилсан намд шинэ салхи хэрэгтэй байна. Тогтмол ус үмхийрдэг. Тиймээс хаалга үүдээ сайн нээх хэрэгтэй. Намын бүртгэлийг цахимжуулж, тэр нь нээлттэй байж хуйвалдааны намаас салах цаг болжээ. Нээлттэй, оролцоотой, цахим ардчилсан нам гэдэг энэ хурлаас гараад 2017 оны хоёр сард шинэ намын тогтоцтой, шинэ даргатай, шинэ гишүүдтэй болно” гэв. Шинэтгэлийн хөтөлбөрт АН-ын ҮЗХ-г 330 хүнтэй болгох, Гүйцэтгэх зөвлөлийг Ерөнхий зөвлөл болгох, ҮЗХ-ны гишүүдийн нэг жилийн татварыг таван сая төгрөгөөр тогтоож байгаа юм байна.
Их хурал түр завсарлаад байна.
-
2016 оны 12 сарын 06
АН-ын дарга З.Энхболд ” Бид эрх барьж байхдаа ямар ч улстөржилтгүйгээр, аль нэг нам эсвэл гэлгүй бондын санхүүжилтыг олгосон. Бондоос мөнгө авсан 60 хувь нь МАН-ын гишүүдийнх байна. Чингис бондын мөнгийг МАН их шүүмжилдэг.
Үнэндээ МАН-ын дарга нарын баяр баясгалантай тууз хайчилж байгаа үйлдвэр, замууд бол бондын үр дүн. Цаашид МАН олон тууз хайлчлах байх. Бид эдийн засгийг солонгоруулах анхдагч нөхцөлийг бүрдүүллээ.
Гишүүд улсын нэр дээр авсан зээлээ хугацаанд нь төл. МАН төр барьж байх үед өрхийн бодит орлого 64.9 хувиар нэмэгддэг бол АН 171.4 хувиар нэмэгдсэн.
Хөдөлмөрийн зах зээл илүү тогтвортой болсон. Монголын эдийн засаг суурь өвчнөсөө салсан. 2012-2015 оны хооронд 334.9 мянга, барилгын салбар 77.1 мянган ажлын байр нэмэгдүүлсэн.
ХАА-н бүтээгдэхүүн экспорт 6 сая доллараар өссөн. Эдгээр статистик мэдээ бол дөрвөн жилийн ажлын тайлан.
Бид 2016 оны сонгуульд ялалт байгуулсан бол 2012 оны бүтээн байгуулалтаа үргэлжлүүлэх байв. Өнгөрсөн дөрвөн жилд ажил эрхлэгчдийг дэмжих замаар сайн хашаа, сайн бизнзс бүхнийг гэр хорооллын бүх айлыг хөрсний бохирдлоос салгах байсан. Энэ бүхэн зогссон.
Сайн малчин хөтөлбөрөөр малчин хүн 10 хувийн зээл авч байсан бол 30 хувь болжээ.Сайн бизнес ипотекийн зээл байгуулах 100 хувийн зогсолт хийсэн байна.
Энэ сонгуульд манай нам ялж чадаагүй нь 26 жилийн түүхэн дэх хүнд зүйл тохиосон.
АН цаг үргэлж ачааны хүндийг үүрдэг. 1997-1998 оны АЗийн хямрал, Орсын хямрал, 2012 онд эрдэс баялаг түүхий эд унасан үе таарсан. Гадаад орчноос хамааралтай энэ хүнд бэрхшээл тулгарсан. Яагаад сонгуулийн санал хураалтаас өмнө Эрдэнэт үйлдвэрийн 49 хувийг гаргасан юм бэ эгж асуусан. Энэ бол МАН-ын башир арга байсан юм. Сурталчилгааны явцад хууль хүчний байгууллагаар дарамталж харлуулах явц чөлөөтэй гарч байлаа. АН мөнгөний сонгуулийг эсэргүүцэж ирсэн. Харин МАН мөнгө өгч байхад хуулийнхан нүдээ аниад өнгөрсөн. Царцааны нүүдэл сонгогчдыг олноор нь шилжүүлэх үйл явдал боллоо. Нэг хүнийг хэд хэд санал өгүүлсэн ноцтой тохиолдол гарсан. Энэ талаар шинэ байгуулагдсан УИХ-аар хэлэлцэх ёстой” гэлээ.
-
2016 оны 12 сарын 06
Яг одоо Ардчилсан намын Их хуралд тус намын дарга З.Энхболд илтгэл тавьж байна.
-
2016 оны 12 сарын 06
Ардчилсан намын Их хурал өнөөдөр морин цагт буюу 11.40 минутад Соёлын төв өргөөнд эхэллээ.
-
2016 оны 12 сарын 06
Ардчилсан намын VI их хурал яг одоо Соёлын төв өргөөнд эхэлж байна. Энэ удаагийн Их хуралд 1210 төлөөлөгч оролцох бөгөөд хуралд оролцох гишүүдээ өглөөний 07:00 цагаас эхлэн бүртгэж эхэлсэн юм. Хурлаар улс төрийн илтгэл, АН-ын үзэл баримтлал, үндсэн дүрмийн шинэчилсэн найруулга гэсэн гурван зүйлийг хэлэлцэхээр төлөвлөн өчигдөр Гүйцэтгэх зөвлөлийн хурлаараа оруулсан билээ.
-
2016 оны 12 сарын 06
“Тусгаар тогтнол эв нэгдлийн нам”-ын дарга Г.Уянга Монгол Улсын Ерөнхийлөгчийг огцруулах үндэслэлээ танилцууллаа. Тус намынхны үзэж буйгаар Ерөнхийлөгчийг огцруулах 12 үндэслэл байгаа юм байна.
-
2016 оны 12 сарын 06
Ардчилсан нам Их хурлаа өнөөдөр 10.00 цагт товлосон ч хараахан эхлээгүй байна. Нийслэлийн есөн дүүрэг, 21 аймгаас Их хуралд оролцохоор ирсэн 1000 гаруй төлөөлөгч дөнгөж сая Чингис хааны хөшөөний өмнө дурсгалын зураг татуулаад хурал болох Соёлын төв өргөөнд ирж байна.
Их хурлаар тус намын гишүүд Ардчилсан намын дүрмийн шинэчлэлийг хэлэлцэх юм.
-
2016 оны 12 сарын 06
Ардчилсан намын VI их хурал маргааш Соёлын төв өргөөнд 09:00 цагт эхэлнэ. /2016.12.06-2016.12.07/ Их хуралд 1210 төлөөлөгч оролцох юм байна. Хурлаар улс төрийн илтгэл, АН-ын үзэл баримтлал, үндсэн дүрмийн шинэчилсэн найруулга гэсэн гурван зүйлийг хэлэлцэхээр төлөвлөсөн аж. Мөн энэ удаагийн Их хурлаар намын даргаа сонгох гэнэ.
Ардчилсан намын зургадугаар Их хурлыг зохион байгуулах ажлын хэсгийн ахлагчаар УИХ-ын гишүүн Д.Эрдэнэбат ажиллаж байгаа юм.
-
2016 оны 12 сарын 06
Ардчилсан намын VI их хурал маргааш Соёлын төв өргөөнд 09:00 цагт эхэлнэ. /2016.12.06-2016.12.07/ Их хуралд 1210 төлөөлөгч оролцох юм байна. Хурлаар улс төрийн илтгэл, АН-ын үзэл баримтлал, үндсэн дүрмийн шинэчилсэн найруулга гэсэн гурван зүйлийг хэлэлцэхээр төлөвлөсөн аж. Мөн энэ удаагийн Их хурлаар намын даргаа сонгох гэнэ.
Ардчилсан намын зургадугаар Их хурлыг зохион байгуулах ажлын хэсгийн ахлагчаар УИХ-ын гишүүн Д.Эрдэнэбат ажиллаж байгаа юм.
-
2016 оны 12 сарын 06
БАЙНГЫН ХОРООНЫ ХУРАЛДААН:
12 дугаар сарын 06-ны Мягмар гарагт:
1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Жанжин Д.Сүхбаатар” танхимд:
Хэлэлцэх асуудал:
“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/;
Нийгмийн даатгалын сангаас олгох, тэтгэвэр тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, анхны хэлэлцүүлэг/;
Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийн төсөл /Улсын Их Хурлын гишүүн С.Чинзориг 2016.10.07-ны өдөр өргөн мэдүүлсэн, анхны хэлэлцүүлэг/;
“Нийгмийн даатгалын үндэсний зөвлөлийн бүрэлдэхүүнийг шинэчлэн батлах тухай” Улсын Их Хурлын 2012 оны 10 дугаар сарын 24-ний өдрийн 50 дугаар тогтоолд өөрчлөлт оруулах тухай Улсын Их Хурлын тогтоолын төсөл /Засгийн газар 2016.11.11-ний өдөр өргөн мэдүүлсэн, анхны хэлэлцүүлэг/;
“Нийгмийн даатгалын үндэсний зөвлөлийн гишүүдийг томилох, чөлөөлөх тухай асуудал;
Боловсролын тухай хуульд нэмэлт, өөрчлөлт оруулах тухай болон Дээд боловсролын тухай хуулийн зарим зүйлийг хүчингүй болсонд тооцох тухай хуулийн төслүүд /Засгийн газар 2016.11.24-ний өдөр өргөн мэдүүлсэн, анхны хэлэлцүүлэг/.
2.Хууль зүйн байнгын хорооны хуралдаан 09.00 цагаас “Их эзэн Чингис хаан” танхимд:
Хэлэлцэх асуудал:
Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүд /Засгийн газар 2016.09.09-ний өдөр өргөн мэдүүлсэн, анхны хэлэлцүүлэг/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг/;
Ажлын хэсэг байгуулах тухай;
Бусад.
3.Аюулгүй байдал, гадаад бодлогын байнгын хорооны хуралдаан 14.00 цагаас “Жанжин Д.Сүхбаатар” танхимд:
Хэлэлцэх асуудал:
“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/.
-
2016 оны 12 сарын 05
Улсын Их Хурлын гишүүн Н.Учрал, Ж.Энхбаяр, Н.Амарзаяа, М.Билэгт, Д.Гантулга, Г.Тэмүүлэн нар Улсын Их Хуралд Инновацийн үйл ажиллагааг дэмжих лобби бүлэг байгуулж байгаа тухай албан бичгээ Улсын Их Хурлын дарга М.Энхболдод өнөөдөр /2016.12.05/ хүргүүлжээ.
-
2016 оны 12 сарын 05
Монгол Улсын Ерөнхий сайд асан Н.Алтанхуягт өнгөрсөн 11 сарын 30-ны өдөр Авлигатай тэмцэх газраас зарлан дуудах хуудас ирүүлж, улмаар дөрвөн цаг орчим байцаалт авсан үйл явлын талаар бид мэдээлсэн билээ.
-
2016 оны 12 сарын 05
Монгол Улсын Ерөнхийлөгчийн 2016 оны 12 дугаар сарын 2-ны өдөр гаргасан Хөрс, бэлчээр хамгаалах талаар Засгийн газарт чиглэл өгсөн 158 тоот зарлигийг БОАЖЯ, ХХААХҮЯ-нд гардуулан өгөх ёслол өнөөдөр Ерөнхийлөгчийн дэргэдэх Иргэний танхимд боллоо. Олон улсын Хөрс хамгаалах өдөр өнөөдөр тохиож байгаа тул уг үйл явдлыг бэлгэдэн уг зарлигийг холбогдох яамдын төлөөлөлд ийнхүү гардуулсан юм.
-
2016 оны 12 сарын 05
Шинэ парламент бүрэлдэхэд АН арай гэж нэг бүлэг байгуулах хэмжээний суудал авсан. Гэтэл олонхиос АН-ыг бүлэггүй сул гишүүд болгохын төлөө урвалт хүсч, бялууны зүсмээр намаа худалдаж чадах хэн нэгнийг хайж эхэлсэн сураг дуулдаад өнгөрч байсан билээ. Тэгвэл саяхнаас тэрхүү “урвагч” нь Ж.Батзандан байсныг батлах яриа ордноор түгжээ. Тэрээр сайдын тамга өгвөл намаасаа урвах тохироо ярьсан байж. Харамсалтай нь МАН доторх фракцууд Засгийн газрын гишүүний төлөө хүчтэй өрсөлдсөн тул юун Ж.Батзандан манатай байв.
Харин одоо Ж.Батзандан АН-ын даргын төлөө өрсөлдөөд ялагдвал энэ намын хаалгыг савж гарна гэсэн тооцоотой яваа аж. Хэрэв Ж.Батзандан шуударвал АН-аас дахин ганц гишүүн “сугалж” бүлэг байгуулах чадамжгүй болгож орхих нь МАН-ын чин зорилго. Бүлэггүй сул АН-ын гишүүд завсарлага авах ч эрхгүй болж, МАН-ын зүтгүүлсэн ямар ч асуудалд бойкот хийх боломжгүй болно.
АН дотор ч Ж.Батзанданг даргаар сонгохгүй бол УИХ дахь хэдийгээ орхиод МАН-д дагаар орох гэж байгааг мэджээ. Тиймээс энэ шум Ж.Батзанданг намын даргад дэмжихэд нөлөөлнө гэж тооцсон аж. Гэвч энэ нь агсам морь шиг АН-ынхны дургүйг л хүргэнэ үү гэхээс дэмжлэг авна гэдэг юу л бол
Л.Лхагва
-
2016 оны 12 сарын 05
Ардчилсан намын ҮЗХ-ны хурал “Чингис” зочид буудалд эхэллээ. Энэ удаагийн ҮЗХ-ны хурлаараа маргааш болох Их хуралд хэлэлцэх дүрмийн төслөө хэлэлцэх юм байна.
-
2016 оны 12 сарын 05
Монгол Улсын Ерөнхийлөгч Ц.Элбэгдоржийг огцруулах үндэслэлийг зарлаж ТусгаарТогтнол Эв Нэгдлийн Намаас маргааш 11 цагт Монгол Ньюс компанийн байранд хэвлэлийн хурал зарлаж байна.
