-
2016 оны 10 сарын 11
Шүүгчдэд нийгмийн мэдрэмжтэй байхыг санууллаа
-
2016 оны 10 сарын 11
“Эрдэнэт”, “Монголросцветмет” ХХК-ийн 49 хувийг худалдах, худалдан авах үйл ажиллагааг шалгасан Ажлын хэсгийн дүгнэлтийг Засгийн газрын хуралдаанаар сонслоо.
-
2016 оны 10 сарын 11
УИХ дахь Ардчилсан намын бүлэг маргааш 11:00 цагт Төрийн ордны А танхимд Хамтын тэтгэвэр болон Засгийн газрын 100 хоногийн талаар сэтгүүлчдэд мэдээлэл хийхээр болжээ.
-
2016 оны 10 сарын 11
Монгол Улсын Их Хурлын дарга Миеэгомбын Энхболд Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллийн сайд Н.Номтойбаяр, Засгийн газрын гишүүн, Эрчим хүчний сайд Д.Ганхүү, Зам тээврийн хөгжлийн дэд сайд Б.Цогтгэрэл болон албаны хүмүүсийн хамтаар өнөөдөр /2016.10.11/ Төв аймагт ажиллаж байна.
Улсын Их Хурлын даргыг Зэвсэгт хүчний 016 дугаар ангийн хүндэт харуул ёслол төгөлдөр угтан, хүндэтгэл үзүүлэв. Мөн аймгийн удирдлагууд угтан авсан бөгөөд аймгийн иргэд, хөдөлмөрийн төлөөлөл байлцсан юм.
Улсын Их Хурлын дарга дагалдан ажиллаж буй төлөөлөгчдийн хамтаар үргэлжлүүлэн Төв аймгийн иргэд, хөдөлмөрчидтэй уулзалт хийж, Улсын Их Хурлын үйл ажиллагаа, анхдугаар чуулган болон ээлжит бус чуулганы үеэр батлагдсан хууль, тогтоолын талаар танилцуулан, эдийн засгийн бодит нөхцөл байдлын талаар мэдээлэл өгч, чөлөөт ярилцлага өрнүүлэх юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 10 сарын 11
УИХ дахь МАН болон АН-ын бүлгийн 2016 оны аравдугаар сарын 7-ны өдөр гаргасан хүсэлтийн дагуу Монгол Улсын 2017 оны төсвийн төслийг иргэдэд тайлбарлан таниулах, төсөлтэй холбоотой санал хүсэлтийг сонсох зорилгоор УИХ-ын намрын ээлжит чуулганыг 2016 оны 10 дугаар сарын 11-18-ны өдрүүдэд түр завсарлуулах захирамжид УИХ-ын дарга М.Энхболд өнөөдөр гарын үсэг зурлаа.
Чуулган 10 дугаар сарын 20-ны өдрөөс тогтсон хуваарь, горимын дагуу үргэлжилнэ гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 10 сарын 11
Засгийн газрын ээлжит хуралдаан маргааш хуралдах байсан боловч Ерөнхий сайд маргааш Япон улсад айлчлах гэж буй учир ийнхүү өнөөдөр болгон наашлуужээ. Тус хуралдаанаар дараах асуудлуудыг хэлэлцэх аж.
Хэлэлцэх асуудал
Засгийн газрын гишүүн
1.
Монгол Улсын Ерөнхийлөгчийн айлчлалын дүнгийн тухай
Ц.МӨНХ-ОРГИЛ
2.
Канад Улсын парламентын Нийтийн танхимын даргын айлчлалын дүнгийн тухай*
Ц.МӨНХ-ОРГИЛ
3.
Евразийн эдийн засгийн комисс хоорондын хамтын ажлын хэсгийн хуралдааны тухай*
Ц.МӨНХ-ОРГИЛ
4.
Монгол Улсын эдийн засаг, нийгмийг 2017 онд хөгжүүлэх үндсэн чиглэлийн төслийн тухай
Б.ЧОЙЖИЛСҮРЭН
5.
Монгол Улсын Засгийн газар, Дэлхийн банкны Олон улсын хөгжлийн ассоциацитай хамтран хэрэгжүүлэх “Экспортыг дэмжих төсөл”-ийн зээлийн хэлэлцээрийг соёрхон батлах тухай хуулийн төсөл
Б.ЧОЙЖИЛСҮРЭН
6.
Боловсролын салбарт 2017 онд концессоор хэрэгжүүлэх төсөл, хөтөлбөрийн жагсаалт батлах тухай
Б.ЧОЙЖИЛСҮРЭН
7.
Замын хөдөлгөөний аюулгүй байдлын тухай хуульд өөрчлөлт оруулах тухай хуулийн төсөл
С.БЯМБАЦОГТ
8.
Протоколын төслийг эгүүлэн татах тухай
Д.ОЮУНХОРОЛ
9.
Бусад асуудал*
Ж.ЭРДЭНЭБАТ
Танилцуулах асуудал
10.
Монгол Улсын Шадар сайдын гадаад томилолтын талаар
Ж.МӨНХБАТ
11.
Монгол Улсын Ерөнхийлөгчийн НҮБ-ын Ерөнхий ассамблейн чуулганд оролцсон дүнгийн талаар
Ц.МӨНХ-ОРГИЛ
12.
Байгаль орчин, аялал жуулчлалын сайдын гадаад томилолтын дүнгийн талаар
Д.ОЮУНХОРОЛ
-
2016 оны 10 сарын 11
УИХ-ын чуулган энэ долоо хоногт товлосон өдөр, тогтсон цагтаа эхэлсэнгүй дахин хойшиллоо. Учир нь Орон нутгийн сонгууль ойртож буй энэ өдрүүдэд гишүүд хуралдах завгүй байгаа бололтой. Тодруулбал, өнөөдөр УИХ-ын Төсвийн байнгын хороо өнөөдөр хуралдаж, ирэх оны төсвийн төслийн талаар хэлэлцэхээр товлогдсон байв. Гэвч, ирц хүрэхгүй гэсэн шалтгаанаар тус Байнгын хорооны хуралдаан тодорхойгүй хугацаагаар хойшлогдлоо. Мөн өчигдөр буюу энэ сарын 10-ны 10:00 цагт УИХ-ын чуулганы бүлгийн хурлаар 2017 оны төсвийн төсөл, аж ахуй нэгжийн орлогын албан татварын хуулийн төсөл болоод бусад асуудлыг хэлэлцэх байсан. Гэвч АН-ын зарим гишүүд хөдөө орон нутагт ажиллаж байгаа шалтгаанаар энэ долоо хоногт хуралдахгүй, МАН-ын ирц бүрдээгүй билээ. Түүнчлэн УИХ-ын намрын чуулган Орон нутгийн сонгууль хүртэл завсарлах тухай мэдээлэл байна. Гэхдээ одоогоор захирамж нь гараагүй байгаа гэдгийг УИХ-ын Тамгын газраас мэдээллээ
Б.Цэцэг
-
2016 оны 10 сарын 11
О.Магнай: МАН 100 хоногийн хугацаанд хямралаас гарах ямар төлөвлөгөө байгааг танилцуулсангүй
Мэргэжлийн Засгийн газар байгуулагдсанаас хойш 100 дахь хоног өнгөрсөн бямба гариг буюу энэ сарын 8-нд тохосон. Энэ хугацаанд Шинэ Засгийн газар ямар ажлууд хийсэн талаар тайлан судалгаа бүхий номыг иргэн О.Магнай гаргажээ. Үүнтэй уялдуулаад тэрбээр өнөөдөр хэвлэлийнхэнд хандав.
Иргэн О.Магнай уг номоо хараат бус тайлан хэмээн нэрлэж, энд ямар нэгэн улстөржсөн, намчирхсан зүйл байхгүй гэсэн юм. Тайлан нь гурван хэсэгтэй бөгөөд нэгдүгээр бүлэгт МАН-ын амлалтыг багтаажээ. Тэрбээр “100 хоногийн хугацаанд МАН-ын мөрийн хөтөлбөр 180 градус эргэсэн, ураг төрлийн томилгоонууд хийгдсэн. МАН-ын дарга М.Энхболд өөрийнхөө ах, дүү амраг садны 20 хүнийг албан тушаалд томилсон. Энэ улс төрийн нам мөн үү. Эсвэл нэг хүний дарангуйлал тогтоох гээд өөрийнхөө ах дүүг томилж байгаа юм уу. Нэг гэр бүл энэ намыг эзэгнээд байна уу” гэв. Тухайлбал, УИХ-ын дарга М.Энхболдын хүү Анар Монголбанкны Төлбөр тооцоо бүртгэлийн газрын захирал, УИХ-ын гишүүн Н.Энхболдын худ А.Цогцэцэг Эрүүл мэндийн сайдаар томилсон, МАН-ын дарга асан Сү.Батболдын хүү Б.Баттүшиг Монголбанкны Бодлогын зөвлөлийн гишүүн. Мөн Сү.Батболдын эхнэрийн дүү Б.Асралт Гаалийн Ерөнхий газрын дарга, УИХ-ын гишүүн Д.Сарангэрэлийн хүү Улам-Өрнөх Худалдан авах ажиллагааны газрын дарга, Сангийн сайд асан Т.Очирхүүгийн хүү О.Эрдэмбилэг Монголбанкны Тэргүүн дэд ерөнхийлөгчөөр ажиллаж байгаа талаар мэдээллээ.
Иргэн О.Магнай ярихдаа ““Засгийн газар 100 хоногийн хугацаанд бодитой нэг ч ажил хийсэнгүй. Мэдээж нэг өдрийн турш бүхнийг сайн, сайхан болгож чадахгүй. Гэхдээ 100 хоногийн дотор ядаж зөв чигээ авах ёстой. Нийгэмд хамгийн их тулгамдаж байгаа асуудал бол авлигал, албан тушаалын гэмт хэрэг. Энэ 100 хоногийн хугацаанд ард түмэн МАН-ын авлигатай хэрхэн тэмцэхийг харж байлаа. Харамсалтай нь юу ч хийсэнгүй. Эдийн засаг хямарлаа гэдгийг МАН хангалттай ярьсан. Гэвч 100 хоногийн хугацаанд хямралаас гарах ямар төлөвлөгөө байгааг ард түмэнд танилцуулсангүй” гэв.
Б.Цэцэг
-
2016 оны 10 сарын 11
ИТХ-ын сонгууль өнгөртөл завсарлана
УИХ-ын намрын чуулган өнөөдрөөс сум,дүүргийн ИТХ-ийн сонгууль өнгөртөл завсарлана. Орон нутгийн сонгуулийн санал хураалт энэ сарын 19-нд буюу ирэх долоо хоногийн лхагва гаригт болох юм. Энэ удаагийн чуулганаар улс орны эдийн засагт голлон нөлөөлөх асуудлуудыг хэлэлцэх учраас Сөрөг хүчний зүгээс олон хоног чуулган тасалдуулахыг эсэргүүцээд байна. Чуулганы завсарлагаанаар эдийн засгийн чиглэлийн чухал хэлэлцээрүүд хийгдэх хүлээлттэй байгаа юм.
Б.Цэцэг
-
2016 оны 10 сарын 11
Мэргэжлийн Засгийн газар байгуулагдаад 100 дахь хоног өнгөрөөд удаагүй ч төрийн албан хаагчдын халаа сэлгээ, шинэ томилгоо эрчимтэй үргэлжилж байна. Тодруулбал, “Номин талст” хамтлагийн гишүүд даргын албан тушаалд очсоноор хотын томилгоо үргэлжилж буй. Тус хамтлагийн ахлагч дуучин Д.Батсүх Нийслэлийн Аялал, жуулчлалын газрын даргын албан тушаалд очив. Мөн Нийслэлийн Хөрөнгө оруулалтын газрын дэд даргаар дуучин А.Хаянхярваа томилогджээ. Тэд өнгөрсөн долоо хоногт даргын ажлаа албан ёсоор хүлээн авч, ажилдаа орсон байна.
Ийн ”Номин талст” хамтлагийн гурван гишүүн буюу дуучин Т.Дэлгэрмөрөнгөөс бусад нь даргын алба хашиж, төрийн албан хаагч боллоо. Ардчилсан намын үед тус хамтлагийн гишүүн Хаазаа буюу Т.Хангэрэл Иргэний харьяалал, шилжилт хөдөлгөөний ерөнхий газрын Харьяатын хэлтсийн даргын үүргийг гүйцэтгэж байгаад өнгөрсөн зун ажлаа өгсөн байдаг.
Б.Цэцэг
-
2016 оны 10 сарын 11
Сүүлийн жилүүдэд хууль хүчний байгууллага тэр дундаа АТГ-ын үйл ажиллагаа доголдож, бусдын нэр төрд халдаж, хэрэгтэн хэмээн “цоллосны” эцэст хэргийг хэрэгсэхгүй болгодог жишиг тогтсон гэх гомдол ихээр гарах болсон. Тэгвэл энэ удаагийн П.Цогтбаатарт холбогдох хэрэг ч үүнийг нотлох шиг болов.
-
2016 оны 10 сарын 11
УИХ-ын ээлжит сонгуульд нэрээ дэвшүүлж бие даан сонгогдсон С.Жавхлан нам байгуулж Ерөнхийлөгчид нэр дэвшинэ гэсэн мэдээлэл байна. УИХ-ын дэд дарга Ц.Нямдорж ирэх жилийн сонгуульд нэрээ дэвшүүлэхтэй холбоотойгоор нутаг нэгт ах дүүсийн талаар улс төрийн хүрээнд яригдаж эхэллээ. Өөрөөр хэлбэл, 2017 оны ээлжит Ерөнхийлөгчийн сонгуульд МАН-ын зүгээс УИХ-ын дэд дарга Ц.Нямдоржийг дэвшүүлэхгүй бол С.Жавхлан нь нам байгуулж, тэр намынх нь нэр дээр Ерөнхийлөгчид нэр дэвших гэнэ.
Б.Цэцэг
-
2016 оны 10 сарын 11
Япон Улс руу Төрийн айлчлал хийхээр явах замдаа “Чингис Хаан” Олон Улсын нисэх буудалд түр саатсан Бельгийн Цог Жавхлант Ван Филипп, Хатан Матильда нарт өчигдөр буюу энэ сарын 10-ны өдөр Монгол Улсын Гадаад харилцааны сайд Ц.Мөнх-Оргил хүндэтгэл үзүүллээ.
Цог Жавхлант Ван Филипп, Хатан Матильда нар Улаанбаатар хотод хоёр цаг орчим саатсан бөгөөд энэ үеэр сайд Ц.Мөнх-Оргил ирсэн зочдод Монголын түүх, соёл, ард түмний ахуй заншлын талаар танилцуулсан юм. Мөн эдийн засгийн өнөөгийн нөхцөл байдал, цаашдын зорилтын талаар мэдээлэв.
Монгол, Бельгийн харилцааны зарим асуудлаар товч ярилцаж, хоёр улсын харилцаа, хамтын ажиллагааг улам бүр өргөжүүлэн хөгжүүлэх эрмэлзлээ илэрхийлэв. Уулзалтын төгсөлд сайд Ц.Мөнх-Оргил Ховд хотод төвлөрч буй “Баруун бүсийн оношилгоо, эмчилгээний төвийг сайжруулах төсөл”-ийг Бельгийн Засгийн газрын хөнгөлөлттэй зээлээр хэрэгжүүлж, хүн амд хүртээх эрүүл мэндийн үйлчилгээг сайжруулахад дэмжлэг үзүүлж буй Бельгийн ард түмэн, Засгийн газарт талархалаа илэрхийлсэн билээ.
Цог Жавхлант Ван Филипп, Хатан Матильда нар ийнхүү хүндэтгэл үзүүлсэнд талархалаа илэрхийлээд, Монгол оронтой ойртон танилцах боломж гарна гэдэгт итгэлтэй байгаагаа дурдсан юм.
-
2016 оны 10 сарын 11
2016 оны аравдугаар сарын 10-наас аравдугаар сарын 12-ны өдрүүдэд УИХ-ын Байнгын хороодын хуралдаанаар хэлэлцэх асуудлуудыг танилцуулж байна.
10 дугаар сарын 11-ний Мягмар гарагт:
1.Төсвийн байнгын хорооны хуралдаан 10.00 цагаас “Жанжин Д.Сүхбаатар” танхимд:
Хэлэлцэх асуудал:
Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төсөл /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;
Монгол Улсын 2017 оны төсвийн тухай, Нийгмийн даатгалын сангийн 2017 оны төсвийн тухай хуулийн төслүүдтэй хамт өргөн мэдүүлсэн хууль, тогтоолын төслүүд /Засгийн газар 2016.09.30-ны өдөр өргөн мэдүүлсэн, хэлэлцэх эсэх/;
Ажлын хэсгүүд байгуулах тухай.
10 дугаар сарын 12-ны Лхагва гарагт:
1.Эдийн засгийн байнгын хорооны хуралдаан 10.00 цагаас “Их эзэн Чингис хаан” танхимд:
Хэлэлцэх асуудал:
Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.09.30-ны өдөр өргөн мэдүүлсэн, анхны хэлэлцүүлэг, санал дүгнэлтээ Төсвийн байнгын хороонд хүргүүлнэ/;
Төрөөс мөнгөний бодлогын талаар 2017 онд баримтлах Үндсэн чиглэл батлах тухай Улсын Их Хурлын тогтоолын төсөл /Монголбанк 2016.09.30-ны өдөр өргөн мэдүүлсэн, хэлэлцэх эсэх/.
-
2016 оны 10 сарын 10
Мэргэжлийн Засгийн газар байгуулагдаад 103 хонож байна. Тэд ирэх оны төсвийн төсөлд Төрийн ордны засвар тохижилтод зориулж 2.2 тэрбум төгрөгийг тусгажээ. Энэ нь ордоны засвар хийхэд 10 гаруй тэрбум шаардлагатай байснаас танаж 2.2 тэрбум төгрөг тусгасан болохыг ЗГХЭГ-ын дарга Ж.Мөнхбат хэлж буй юм. Түүний хэлсэнээр 2.2 тэрбум тийм ч их мөнгө биш аж. Засгийн газар хэмнээд байгаа гэх боловч хачир дээрээ хэмнэлтийг хэн дээр, хаана хийгээд байгаа нь хачирхал төрүүлээд эхэллээ.
Б.Цэцэг
-
2016 оны 10 сарын 10
УИХ дахь намын бүлгүүд өнөөдөр хуралдах байсан ч хуралдаанаа хойшлууллаа.
-
2016 оны 10 сарын 10
Ерөнхийлөгч Ц.Элбэгдорж энэ сарын 11-нд буюу маргааш 11 цагт Нийслэлийн Эрүү, иргэний давж заалдах шатны шүүхийн үйл ажиллагаатай танилцана.
-
2016 оны 10 сарын 10
Ерөнхийлөгч Ц.Элбэгдорж өнөөдөр ДАШТ-д оролцох өсвөрийн шатарчид болон Монголын Шатрын холбооны удирдлагуудыг хүлээн авч уулзав. Уулзалтад МШХ-ны Гүйцэтгэх захирал Б.Наранбаатар, ДШХ-ны Монгол дахь төлөөлөгч, МШХ-ны Дэд Ерөнхийлөгч Ц.Цогбаяр, МШХ-ны Дэд Ерөнхийлөгч Д.Баярболд, Өсвөрийн шатарчдын зөвлөлийн дарга Г.Даваахүү нар өсвөрийн шатарчидтайгаа оролцлоо.
-
2016 оны 10 сарын 10
Орон нутгийн сонгууль дөхөж буйтай холбоотойгоор зарим гишүүд хөдөө, орон нутгаар ажиллаж байгаа. Тиймээс УИХ дахь АН-ын бүлэг энэ долоо хоногт хуралдахгүй аж. Харин УИХ дахь МАН-ын бүлэг өнөөдөр хуралдахаар тов зарласан ч одоогоор ирц бүрдээгүй байна. Бүлгийн хурлаар 2017 оны төсвийн төсөл, аж ахуй нэгжийн орлогын албан татварын хуулийн төсөл болоод бусад асуудлыг хэлэлцэх юм.
Б.Цэцэг
-
2016 оны 10 сарын 10
“Төрийн мэдээлэл” эмхэтгэлийн 2016 оны 38 дахь дугаарт Зөвлөлийн бүрэлдэхүүнийг шинэчлэн батлах тухай Монгол Улсын Ерөнхийлөгчийн зарлигийг нийтэллээ.
Монгол Улсын Ерөнхийлөгчийн зарлигаар Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн бүрэлдэхүүнийг хавсралт ёсоор шинэчлэн баталсан юм.
Зөвлөлийн даргаар Хууль зүй, дотоод хэргийн сайд ажиллах бөгөөд орлогч даргаар Монгол Улсын Засгийн газрын хэрэг эрхлэх газрын дэд дарга, Нарийн бичгийн даргаар Гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга ажиллах юм байна. Түүнчлэн тус зөвлөлийн гишүүдэд Улсын Дээд шүүхийн эрүүгийн танхимын тэргүүн шүүгч, Улсын Ерөнхий прокурорын орлогч, Ерөнхий Аудиторын орлогч, Нийслэлийн Иргэдийн Төлөөлөгчдийн Хурлын Тэргүүлэгчдийн дарга, Батлан хамгаалахын дэд сайд, Боловсрол, Соёл, шинжлэх ухаан, спортын дэд сайд, Зам, тээврийн хөгжлийн дэд сайд, Сангийн дэд сайд, Уул уурхай, хүнд үйлдвэрийн дэд сайд, Хууль зүй, дотоод хэргийн дэд сайд, Хүнс, хөдөө аж ахуй, хөнгөн үйлдвэрийн дэд сайд зэрэг 31 байгууллагын удирдлага багтжээ.
Түүнчлэн эмхэтгэлийн шинэ дугаар Сонгуулийн тухай хуулийн 160 дугаар зүйлийн 160.5 дахь хэсэг Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2016 оны 09 дүгээр дүгнэлтийг нийтэллээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
