-
2016 оны 10 сарын 20
“Төрийн мэдээлэл” эмхэтгэлийн 2016 оны 39 дэх дугаарт Сонгуулийн тухай хуулийн зарим хэсэг хүчингүй болсонд тооцох тухай хуулийг нийтэлсэн байна.
“Сонгуулийн тухай хуулийн 160 дугаар зүйлийн 160.5 дахь хэсэгт “Нэр дэвшигчдийн нэрийн жагсаалтаас хасагдсаны улмаас дахин сонгууль явагдсан бол хасагдсан нэр дэвшигч хүн зургаан жилийн хугацаанд сонгуульд нэр дэвших болон төрийн албанд томилогдох, сонгогдох эрхээ алдах ба урьд явагдсан сонгуулийн сурталчилгааны болон зохион байгуулалтын бүх зардлыг нөхөн төлөх үүрэгтэй.” гэсэн нь Монгол Улсын Үндсэн хуулийн Арван дөрөвдүгээр зүйлийн 1 дэх хэсэгт “Монгол Улсад хууль ёсоор оршин суугаа хүн бүр хууль, шүүхийн өмнө эрх тэгш байна.” гэж заасныг зөрчсөн байна.” гэсэн Үндсэн хуулийн цэцийн 2016 оны 09 дүгээр сарын 21-ний өдрийн 09 дүгээр дүгнэлтийг УИХ хүлээн зөвшөөрсөн юм. Үүнтэй холбогдуулан Сонгуулийн тухай хуулийн 160 дугаар зүйлийн 160.5 дахь хэсгийг дээрх хуулиар хүчингүй болсонд тооцсон байна.
Түүнчлэн мөн дугаарт Үндсэн хуулийн цэцийн 2016 оны 09 дүгээр дүгнэлтийн тухай, Үндсэн хуулийн цэцийн 2016 оны 10 дугаар дүгнэлтийн тухай УИХ-ын тогтоолууд, Монгол Улсын 2016 оны төсөвт тодотгол хийж дуусах хүртэлх хугацаанд авах зарим арга хэмжээний тухай Засгийн газрын тогтоолыг нийтэлсэн байна.
Засгийн газрын уг тогтоолоор төсвийн урсгал зардлыг хэмнэлтийн горимд шилжүүлж, бүх шатны төсвийн байгууллагын зарцуулагдаагүй цалин хөлс, нэмэгдэл урамшуулал, гадаад, дотоод томилолт, зочин, төлөөлөгч хүлээн авах зардал, тавилга, эд хогшил худалдан авах зардал, хангамж, бараа материалын болон сургалтын зардал, сурталчилгааны зардал, төрийн болон хувийн хэвшлийн байгууллагуудад төсвөөс олгох татаас, төрийн албан хаагчдыг мэргэшүүлэх зардал, бараа, үйлчилгээний бусад зардал, гэрээ байгуулаагүй, эсхүл байгуулсан боловч ажил нь эхлээгүй бусдаар гүйцэтгүүлэх ажил, үйлчилгээний зардлыг бууруулан зайлшгүй шаардлагатай зардлыг батлагдсан төсөвт багтаан санхүүжүүлэхийг Сангийн сайд Б.Чойжилсүрэн, бүх шатны төсвийн захирагч нарт даалгажээ.
Мөн 2016 оны 8 дугаар сарын 17-ны өдрөөс хойш бараа, ажил, үйлчилгээ худалдан авах ажиллагааны сонгон шалгаруулалтыг зарлахгүй, гэрээ байгуулахгүй байх, улсын төсвийн хөрөнгө оруулалтаар хэрэгжүүлж байгаа болон Хөгжлийн банкны санхүүжилтээр төсвөөс эргэн төлөгдөх нөхцөлөөр санхүүжих хөрөнгө оруулалтын төсөл, арга хэмжээний худалдан авах ажиллагааг шинээр зохион байгуулахгүй байхыг даалгасан байна.
Түүнчлэн Монгол Улсын шүүхийн тухай хуулийн 31 дүгээр зүйлийн 31.6 дахь хэсэг Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Монгол Улсын Үндсэн хуулийн цэцийн дүгнэлтийг нийтэллээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 10 сарын 20
Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн
төсөөллийн тухай хуулийн төслийг хэлэлцэхийг дэмжлээ
УИХ-ын Төсвийн байнгын хорооны өнөөдрийн /2016.10.20/ хуралдаан 10 цаг 48 минутад 52.6 хувийн ирцтэй эхэллээ. Хуралдаанаар эхлээд Засгийн газраас 2016 оны 09 дүгээр сарын 30-ны өдөр өргөн мэдүүлсэн Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төслийг хэлэлцсэн юм. Хуулийн төслийн талаар хууль санаачлагчийн илтгэлийг Сангийн сайд Б.Чойжилсүрэн танилцуулав.
Сангийн сайд Б.Чойжилсүрэн илтгэлдээ Төсвийн хүрээний мэдэгдлийг боловсруулахдаа Монгол Улсын 2015 оны нэгдсэн төсвийн гүйцэтгэл, 2016 оны нэгдсэн төсвийн хүлээгдэж буй гүйцэтгэл, төсвийн тогтвортой байдлын тухай хуульд заасан төсвийн тусгай шаардлагын зорилтот үзүүлэлтийг баримталсан талаар дурдав.
Төсвийн хүрээний мэдэгдэлд Уул уурхайн томоохон төслүүдийг эрчимжүүлэх, гадаадын хөрөнгө оруулагчдыг татах, эдийн засгийг солонгоруулах замаар ДНБ-д эзлэх эдийн засгийн бодит өсөлтийг 2017 онд 3.0 хувь, 2018 онд 5.1 хувь, 2019 онд 7.1 хувьд хүргэх, Монгол Улсын Засгийн газрын 2016-2020 оны үйл ажиллагааны мөрийн хөтөлбөрийг үе шаттайгаар хэрэгжүүлэх, Засгийн газрын үйл ажиллагааны хөтөлбөрт тусгасан эдийн засгийн хүндрэлийг даван туулах бодлоготой уялдуулан нийгэм, эдийн засгийн ач холбогдолтой бусад томоохон төсөл хөтөлбөрүүдийг хэрэгжүүлж, төсвийн орлогын бааз суурийг нэмэгдүүлэх зэрэг зарчмыг баримтлах юм байна.
Түүнчлэн “Оюутолгой” төслийн далд уурхай, “Тавантолгой”, “Тавантолгой цахилгаан станц”, “ДЦС-3”-ын өргөтгөл, “Гацуурт” зэрэг томоохон төслийн бүтээн байгуулалтын ажлыг эрчимжүүлэх замаар төсвийн орлогыг нэмэгдүүлэх, Засгийн газраас өмч хувьчлалын бодлого боловсруулж, төрийн өмчит хуулийн этгээдийг хувьчлах, алдагдалтай ажиллаж байгаа төрийн өмчит компанийн менежментийг сайжруулах замаар ашигт ажиллагааг дээшлүүлэх зэрэг оновчтой арга хэрэгслийг хэрэгжүүлэх ажээ.
Уг хуулийн төсөлд Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийг тооцон үзэхэд нэгдсэн төсвийн тэнцвэржүүлсэн орлогын ДНБ-д эзлэх хувь 2017 онд 22.8 хувь, 2018 онд 23.4 хувь, 2019 онд 22.7, нийт зарлагын ДНБ-д эзлэх хувь 2017 онд 32.7 хувь, 2018 онд 30.9 хувь, 2019 онд 28.2 хувь байхаар тооцож нэгдсэн төсвийн тэнцвэржүүлсэн алдагдлын ДНБ-д эзлэх хувийг 2017 онд 9.9 хувь, 2018 онд 7.5 хувь, 2019 онд 5.5 хувь байхаар тусгагдсан байна.
Мөн өнөөгийн үнэ цэнээр тооцсон улсын өрийн нийт хэмжээг 2017-2019 онд Төсвийн тогтвортой байдлын тухай хуульд заасан хязгаараас хэтрэхгүй байхаар тооцож, хуулийн төслийг боловсруулжээ.
Хууль санаачлагчийн илтгэлтэй холбогдуулж УИХ-ын гишүүд санал хэлж, байр сууриа илэрхийлсэн юм. Тухайлбал, УИХ-ын гишүүн Ц.Нямдорж төсвийн орлогыг нэмэгдүүлэх тал дээр анхаарч ажиллахдаа төрийн өмчийн болон төрийн өмчийн оролцоотой компаниудын үйл ажиллагааг судалж, байнгын хорооноос ажлын хэсэг байгуулж ажиллах санал гаргаж, УИХ-ын гишүүн М.Оюунчимэг хуулийн төсөлд алсыг харсан шинэ санаа шийдлүүдийг оруулж ирэхийг, УИХ-ын гишүүн Ц.Даваасүрэн уул уурхайн томоохон төслийг эрчимжүүлэхдээ гадагшаа алдаж байгаа ашгаа төсөвтөө татаж оруулах талаар ажиллах шаардлагатай байгааг, байнгын хорооны дарга Ч.Хүрэлбаатар Засгийн газар, Сангийн яамыг хуулийн төслийн хэлэлцүүлгийн явцад дунд болон урт хугацааны бодлогын баримт бичгээ эргэн нягталж, засч сайжруулах шаардлагатайг хэллээ.
Ингээд хуулийн төслийг хэлэлцэх эсэх талаар санал хураалт явуулахад хуралдаанд оролцсон гишүүд 100 хувь дэмжив.
Хөгжлийн банкны өөрийн хөрөнгийг шийдвэрлэх тухай
төслийг хэлэлцэхийг түр хойшлуулав
Байнгын хорооны хуралдаанаар өргөн мэдүүлсэн Монгол Улсын 2017 оны төсвийн тухайн хуулийн төслийг дагалдуулан 15 хууль, хоёр тогтоолын төслийн хэлэлцэх эсэхийг шийдвэрлэв. Энэ талаарх хууль санаачлагчийн илтгэлийг Сангийн сайд Б.Чойжилсүрэн танилцууллаа.
Монгол Улсын 2016 оны төсвийн тухай хуульд нэмэлт, өөрчлөлт оруулах тухай хууль батлагдсантай холбогдуулан авах арга хэмжээний тухай УИХ-ын 2016 оны 47 дугаар тогтоолд “Төрийн албан хаагч өндөр насны тэтгэвэрт гарахад ажил олгогчоос олгох нэг удаагийн буцалтгүй тусламжийг ажилласан хугацааг нь харгалзан 36 хүртэлх сарын үндсэн цалинтай нь тэнцэх хэмжээтэй байхаар Төрийн албаны тухай хууль болон холбогдох бусад хуульд өөрчлөлт оруулах хуулийн төслийн хамт өргөн мэдүүлэх”-ийг заасны дагуу Төрийн албаны тухай хуульд өөрчлөлт оруулах тухай, Хөдөлмөрийн тухай хуульд нэмэлт оруулах тухай, Цэргийн албан хаагчийн тэтгэвэр, тэтгэмжийн тухай хуульд өөрчлөлт оруулах тухай, Авлигын эсрэг хуульд өөрчлөлт оруулах тухай, Байгаль орчныг хамгаалах тухай хуульд өөрчлөлт оруулах тухай, Малын удмын сан, эрүүл мэндийг хамгаалах тухай хуульд өөрчлөлт оруулах тухай, Шинжлэх ухаан, технологийн тухай хуульд өөрчлөлт оруулах тухай хуулийн төслүүдийг боловсруулсан байна.
Байнгын хорооны дарга Ч.Хүрэлбаатар энэ үеэр Монгол Улсын 2017 оны төсвийн тухайн хуулийн төслийг дагалдуулан, өргөн мэдүүлсэн 15 хууль, хоёр тогтоолын төслийг нэг бүрчлэн хэлэлцэж, тухай бүрт нь асуулт асууж саналаа хэлэхгүй бол гол асуудал нь орхигддог талтайг онцлов. Хуулийн төслийн танилцуулгатай холбогдуулж УИХ-ын гишүүд санал хэлж, байр сууриа илэрхийлэв. Азай буурлууддаа жилд хоёр удаа “насны хишиг” олгохоор Ахмад настны нийгмийн хамгааллын тухай хуульд нэмэлт оруулах тухай хуулийн төслийг хэлэлцэх үеэр тэттгэврийн насны бүх иргэдээ хамруулах талаар нарийн судлах хэрэгтэйг гишүүд хэллээ.
Монгол Улсын 2017 оны төсвийн тухай хуулийн төслийг дагалдан гарах хуулийн төслүүдийг хэлэлцэхийг хуралдаанд оролцсон гишүүд дэмжсэн ч Монгол Улсын Хөгжлийн банкны өөрийн хөрөнгийг шийдвэрлэх тухай УИХ-ын тогтоолын төслийг хэлэлцэхийг түр хугацаагаар хойшлуулав. Учир нь Хөгжлийн банкны асуудалд нарийн судлагаатай, болгоомжтой хандах нь зүйтэй гэж үзэж байлаа.
Мөн байнгын хорооны хуралдаанаар Монгол Улсын нэгдсэн төсвийн 2017 оны төсвийн хүрээний мэдэгдэл, 2018-2019 оны төсвийн төсөөллийн тухай хуулийн төслийг хэлэлцүүлэгт бэлтгэх, Төрийн өмчийн болон төрийн өмчийн оролцоотой компаниудад эдийн засаг, санхүүгийн байдалд хяналт тавьж, дүгнэлт гаргах чиглэлээр ажлын хэсгийг байгуулж, Төсвийн байнгын хорооны дарга Ч.Хүрэлбаатараар ахлуулахаар тогтлоо гэж УИХ-ын Тамгын газрын Хэвлэл мэдээлэл, олон нийттэй харилцах хэлтээс мэдээллээ.
-
2016 оны 10 сарын 20
Өнөөдөр Сонгуулийн ерөнхий хороо /СЕХ/-ноос сонгуулийн санал хураалтын нэгтгэсэн дүнгийн талаар мэдээллээ. ИТХ-ын нэр дэвшигчдийн дахин санал хураалтын талаар тайлбарлав.
-
2016 оны 10 сарын 20
Өнөөдөр УИХ-ын Эдийн засгийн байнгын хорооны хуралдаан 10:00 цагт эхэлсэн ч ирц 30 гаруй хувьтай байв.
-
2016 оны 10 сарын 20
Өнөөдөр сонгуулийн санал хураалтын нэгтгэсэн мэдээг 15:00 цагаас өгнө. Одоогоор СЕХ санал хураалттай холбоотой мэдээллийг нягтлах, баталгаажуулах ажил хийж байгаа юм.
-
2016 оны 10 сарын 20
Орон нутгийн сонгуулийн санал хураалт өчигдөр 22:00 цагт өндөрлөсөн. Одоогийн байдлаар Сүхбаатар аймагт АН олонхи болж ялалт байгуулаад байна. Энэ удаагийн сонгуулийг Аймгийн АН-н дарга Монгол улсын шилдэг менежер Сүхбаатар аймгийн 16 дахь засаг дарга Ж.Батсуурь гардан удирдаж АН-с ИТХ-н Дарга Паламын Мөнхжаргал өрсөлдөж үнэмлэхүй хувиар ялж МАН-аас хууль зөрчин засаг даргын үүргийг гүйцэтгэж байгаа З.Энхтөр нэр дэвшиж чадсангүй.
-
2016 оны 10 сарын 20
Баянзүрх дүүргийн МАН-ын дарга, НИТХ-ын төлөөлөгч Э.Бат-Амгалан өнгөрсөн сард зам тээврийн осол гаргажээ. Тэрбээр Хан-Уул дүүрэгт согтуугаар машин жолоодож яваад бусдын машиныг мөргөж, жолоочийг нь гэмтээжээ.
-
2016 оны 10 сарын 20
Өнөөдөр Төсвийн байнгын хороо болон Эдийн засгийн байнгын хороод хуралдаж дараах асуудлуудыг хэлэлцэнэ. Үүнд:
-
2016 оны 10 сарын 20
УИХ-ын чуулганы өнөөдрийн нэгдсэн хуралдаан хуваарийн дагуу 15.00 цагт эхлэн дараах асуудлуудыг хэлэлцэнэ. Үүнд:
-
2016 оны 10 сарын 20
Орон нутгийн сонгуулийн урьдчилсан дүнгээр Ц.Элбэгдоржийн хүү Э.Эрдэнэ ялалт байгуулсан гэх мэдээлэл бий. Тэрбээр Баянзүрх дүүргийн 27 дугаар хороонд нэр дэвшсэн юм. Э.Эрдэнэ нэр дэвшсэн хорооныхоо иргэдэд юу амласаныг сонирхуулья.
-
2016 оны 10 сарын 20
Өнөөдөр сонгуулийн урьдчилсан дүнг Сонгуулийн Ерөнхий хорооноос мэдээлнэ. Өчигдөр орой санал хураалт дууссаны дараа урьдчилсан мэдээллүүд ирж эхэлсэн. Тухайлбал, Завхан аймгийн Нөмрөг, Тосонцэнгэл сумдад Ардчилсан нам үнэмлэхүй ялалт байгуулсан бол нийт дүнгээрээ Завхан аймагт Ардчилсан нам ялалт байгуулжээ.
-
2016 оны 10 сарын 20
Энэ удаагийн сум дүүргийн ИТХ-ын сонгуулийг 13,9 тэрбум төгрөгөөр зохион байгуулж байгаа. Тэгвэл нэмэлт санал хураалт явагдах болсноор энэхүү мөнгө дахин нэмэгдэх нь. Сонгуулийн тухай хуульд санал авах өдрийг бүх нийтийн амралтын өдөр болгон хуульчилж, өчигдөр бүх нийтээрээ амарсан. Гэтэл нийслэлчүүд иргэний үүргээ биелүүлж саналаа өгсөнгүй. Гэтэл цаг агаарын нөхцөл байдал хүнд, цасан болон шороон шуургатай байгаа хөдөө орон нутгийн иргэд сонгуульдаа идэвхитэй оролцсон байх юм. Тиймээс цаашид сонгогчдийн идэвхийг нэмэгдүүлэх, эрхийг нь эдлүүлж, үүргийг нь биелүүлдэг тогтолцоотой байх хэрэгтэй гэдгийг хэлэх хүн байна.
-
2016 оны 10 сарын 20
Олон Улсын Валютын сангийн ажлын хэсэг энэ сарын 20-нд Манай улсад айлчилна. Ажлын хэсгийн Техникийн багийн дүгнэлтийн дараа ОУВС-гаас Монгол Улсад ”Стэнд бай” хөтөлбөрийг хэрэгжүүлэх эсэх талаарх албан ёсны хариугаа өгөх юм.
Манай улсын хувьд тус хөтөлбөрийн хүрээнд 1-1.5 тэрбум ам.долларын зээл авахаар яригдаж байна. АНУ-ын Вашингтон хотноо Олон улсын валютын сан (ОУВС), Дэлхийн банкны 2016 оны жилийн уулзалтад манай улсаас Сангийн сайд, Монгол банкны Ерөнхийлөгч албаны төлөөлөгчдийн хамт өнгөсөн долоо хоногт оролцсон юм. Уулзалтын үеэр Монгол Улсын нийгэм, эдийн засгийн өнөөгийн нөхцөл байдлын талаар санал солилцжээ.
-
2016 оны 10 сарын 19
Сум, дүүргийн ИТХ-ын сонгуулийн санал хураалт 22.00 цагт дуусч дүнгээ нэгтгэж байна. СЕХ сонгуулийн санал хураалтын талаар өнөөдөр мэдээлэл хийхгүй гэв.
Харин нийслэлийн 9 дүүргийн ирц хангалтгүй байгаа талаар өнөөдөр 11:30-аас нийслэлийн Сонгуулийн хороо мэдээлэл өгөх юм байна.
-
2016 оны 10 сарын 19
Сум, дүүргийн ИТХ-ын 2016 оны ээлжит сонгуулийн санал хураалт 22.00 цагт дууслаа. Тэрээр дүүргийн ИТХ-ын 2016 оны ээлжит сонгуулийн ирцийн нэгдсэн дүнг 22.30 цагт мэдээлэх байсан боловч одоогоор ирцийн мэдээллийг орон нутгаас нэгтгэж байгаа гэнэ. Тиймээс мэдээлэл хийх боломжгүй гэж Сонгуулийн ерөнхий хорооноос мэдэллээ.
Сонгуулийн урьдчилсан дүнг маргааш танилцуулах юм байна.
-
2016 оны 10 сарын 19
Нийслэлийн сонгуулийн хорооноос сум, дүүргийн ИТХ-ын 2016 оны ээлжит сонгуулийн санал хураалт 22.00 цагт дууслаа. Тэрээр дүүргийн ИТХ-ын 2016 оны ээлжит сонгуулийн ирцийн нэгдсэн дүнг Нийслэлийн сонгуулийн хороо 22.30 цагт мэдээлэх аж.
-
2016 оны 10 сарын 19
Сонгуулийн Ерөнхий хорооноос 17.00 цагийн байдлаар улсын хэмжээнд сонгуулийн ирц 40.9 хувьтай байгаа гэсэн мэдээллийг хийлээ.
Тухайлбал, 21 аймгаас 10 аймаг нь 50 хувиас дээш хувьтай сонгуулийн ирцээ хангаад байгаа бол бусад аймгуудын ирц хангалтгүй байгаа аж.
Архангай аймаг 55.3 хувь
Баян-Өлгий аймаг 56.9 хувь
Баянхонгор аймаг 54.5 хувь
Булган аймаг 48 хувь
Говь-Алтай аймаг 56.2 хувь
Говьсүмбэр аймаг 46.6 хувь
Дорноговь аймаг 45.3 хувь
Дорнод аймаг 44 хувь
Дундговь аймаг 46.3 хувь
Завхан аймаг 45 хувь
Өвөрхангай аймаг 50.9 хувь
Өмнөговь аймаг 48.7 хувь
Сүхбаатар аймаг 61.8 хувь
Сэлэнгэ аймаг 45.5 хувь
Төв аймаг 50.4 хувь
Увс аймаг 56.6 хувь
Ховд аймаг 57.1 хувь
Хөвсгөл аймаг 44.2 хувь
Хэнтий аймаг 49.9 хувь
Дархан-Уул аймаг 32.8 хувь
Орхон аймаг 31.6 хувьтай байна.
Харин нийслэлээс Багахангай дүүргийн ирц 52.7 хувьтай байгаа бол бусад дүүргүүд 50-иас доош хувьтай байна. Тиймээс иргэдийг сонгуульдаа идэвхитэй оролцохыг уриалж байна.
-
2016 оны 10 сарын 19
УИХ-ын дарга, МАН-ын дарга М.Энхболд энэ сарын 14-19-ний өдрүүдэд БНХАУ-д айлчлал хийгээд өнөөдөр эх орондоо ирэв.
-
2016 оны 10 сарын 19
СЕХ-ноос өнөөдөр УДБЭТ, “Ази фарм”, “Метро молл” компанийн ажилчдаас Нийслэлийн сонгуулийн хороонд гомдол ирүүлсэн талаар мэдээлэв . Учир нь энэ өдөр бүх нийтээрээ амрах ёстой бөгөөд иргэд сум, дүүргийн ИТХ-ын сонгуульдаа саналаа өгөх ёстой байдаг. Мөн орон нутаг Петро Дачин Тамсаг компанийн удирдлагууд монгол ажилчдаа амраахгүй байгаа талаарх гомдол иржээ.
-
2016 оны 10 сарын 19
Сум дүүргийн ИТХ-ын сонгуулийг 13,9 тэрбум төгрөгөөр зохион байгуулж байна. Орон нутгийн Хурлын сонгуулийн тухайд төрийн аудитын дээд байгууллагаас тогтоосон жишигт нийцүүлэн аймаг, нийслэл дэх төрийн аудитын салбар байгууллага нь тухайн аймаг, нийслэл, сум, дүүрэг дэх орон нутгийн Хурлын сонгуулийн тойрогт нам, эвсэл, нэр дэвшигчээс зарцуулах зардлын дээд хэмжээг санал авах өдрөөс 90-ээс доошгүй хоногийн өмнө тогтоосон. Харин нэр дэвшигч нь санал хураалт явагдсан өдрөөс хойш 30 хоногт багтаан сонгуулийн зардлын тайлан гаргаж тухайн шатны сонгуулийн байгууллагад хүргүүлэх үүрэгтэй.
