-
2016 оны 5 сарын 10
УИХ-ын Хууль зүйн байнгын хорооны хуралдаан өнөөдөр 09.00 цагт товлогдсон байсан ч гишүүдийн ирц бүрдэхгүйгээс хойшиллоо.
Тус хуралдаанаар Шүүх байгуулах тухай хуульд өөрчлөлт оруулах тухай болон холбогдох бусад хуулийн төслүүд
Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд, Эрүүгийн хуулийг дагаж мөрдөх журмын тухай хуулийн төсөл
Хууль сахиулах тухай болон холбогдох бусад хуулийн төслүүдийн эцсийн хэлэлцүүлэг,
Прокурорын байгууллагын тухай /шинэчилсэн найруулга/ болон холбогдох бусад хуулийн төслийн анхны хэлэлцүүлэг, Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүдийн анхны хэлэлцүүлгийг хийх байв.
Мөн Монгол Улсын Ерөнхийлөгч Үндсэн хууль зөрчсөн эсэх талаар Үндсэн хуулийн цэцэд хүсэлт гаргах тухай УИХ-ын гишүүн Г.Уянгын саналыг сонсохоор төлөвлөөд байв.
-
2016 оны 5 сарын 10
Монгол Улсын Ерөнхийлөгчөөс Авлигатай тэмцэх газрын даргаар томилуулахаар цагдаагийн хурандаа Х.Энхжаргалын танилцуулгыг УИХ-д хүргүүлсэн. Гэвч энэ асуудал өнөөдрийг хүртэл шийгдээгүй байгаа юм. Харин энэ суудалд УИХ-ын дарга З.Энхболд өөрийн хүнийг томилохоор зэхэж байгаа гэх мэдээлэл байна.
-
2016 оны 5 сарын 10
Намууд УИХ-д нэр дэвшигчдээ энэ сарын 23-наастодруулна. Гэхдээ нэр дэвшигчид эхнээсээ лоббигоо хийгээд эхэлсэн. Намууд суудал авчрах боломжтой нэрдэвшигчээ сойдог үндсэн дүрмийг энэ удаа АН эвдэх сураг байна.
-
2016 оны 5 сарын 10
”Монгол HD” телевиз Ерөнхий сайд асан УИХ-ын гишүүн С.Батболд, Барилга, хот байгуулалтын сайд асан Д.Цогтбаатар нарыг оффшор бүсэд данстай гэж мэдээлсэн билээ. Гэхдээ урьд шөнө ”Panama Papers”-ээс албан ёсоор зарласан материалд тэдний нэр байхгүй байгаа юм.
Энэ талаар тэд хэвлэлийн бага хурал хийж албан ёсны мэдээлэл өглөө.
-
2016 оны 5 сарын 10
Газар хөдлөлтөөс урьдчилан сэргийлэх зөвлөлийн хуралдаан боллоо
-
2016 оны 5 сарын 10
Нийслэлийн Монгол ардын намынхан өчигдөр Нийслэлийн иргэдийн төлөөлөгчдийн хурлын 45 тойрогт өрсөлдөх 45 нэр дэвшигчийг тодруулжээ.
-
2016 оны 5 сарын 10
УИХ-ын 10 дугаар тойрог буюу Булган аймагт 2016 оны УИХ-ын сонгуульд Ардчилсан намаас “UFC” группийн захирал О.Амартүвшин, Монгол Ардын намаас Ж.Бат-Эрдэнэ, МАХН-аас Б.Шижирбаатар нар өрсөлдөх гэж байна. Мэдээж гол тулаан О.Амартүвшин, Ж.Бат-Эрдэнэ нарын хооронд болно. Тус аймаг нь нэг мандаттай. Хоёр мандаттай байсан боловч өмнөх сонгуулиудаар Монгол Ардын нам ялж ирсэн учраас энэ жил Ардчилсан намынхан мандатынх нь тоог цөөлж нэг болгосон нь энэ.
-
2016 оны 5 сарын 10
Өнөөдөр УИХ дахь гурван байнгын хороо хуралдана.
-
2016 оны 5 сарын 09
АСЕМ-ын дээд түвшний уулзалтыг олон улсын болон дотоодын хэвлэл мэдээллийн хэрэгслүүдээр шууд дамжуулах, мэдээлэхэд албан ёсны түншээр ажиллах Европын өргөн нэвтрүүлгийн холбоо /Евровишн/-ийн төлөөлөгчид манай улсад 5 дугаар сарын 2-5-нд ажиллалаа.
Энэ хугацаанд төлөөлөгчид Шангри-Ла төвд байгуулах “Хэвлэлийн төв”-ийн байр, “Чингис хаан” ОУНБ болон “АСЕМ Вилла” хотхон дахь талбай, Дээд түвшний уулзалтын танхим, хэвлэлийн бага хурал болох танхимууд болон бусад арга хэмжээ, уулзалт зохиогдох газруудтай танилцаж гэрэл зураг авах, шууд дамжуулалт хийх боломж, дэд бүтцийн талаар холбогдох албаныхантай санал солилцов.
Тус холбоо нь дээд түвшний уулзалтын шууд дамжуулалтыг үнэ төлбөргүй хүргэх бөгөөд хиймэл дагуулын төхөөрөмж авчрах, шууд дамжуулалтын багийг зохион байгуулах, тусгай захиалгаар шууд нэвтрүүлэг нэмж цацах зэрэг үүргийг давхар хүлээнэ. Мөн 8 орны хэлээр шууд дамжуулах төхөөрөмжийг Монголд анх удаа авчирч суурилуулахаар болжээ.
Мөн шилэн кабелийн болон сансарын хиймэл дагуулын үйлчилгээ үзүүлэгч дотоодын компаниудтай уулзсан төдийгүй Монголын зарим телевизээр орж явуулын болон шууд дамжуулалтын тоног төхөөрөмж, техникийн боломж, хүчин чадал, мэргэжилтнүүдийн чадамж, нөөц бололцоо зэрэгтэй танилцлаа.
Одоогоор Монголын телевизүүдийн холбооны гишүүн 13 телевиз АСЕМ-ын дээд түвшний уулзалтыг шууд дамжуулахад бэлэн байгаагаа мэдэгдээд байна.
-
2016 оны 5 сарын 09
НИТХ-ын сонгууль УИХ-ын сонгуультай хамт болно. Намууд нэр дэвшигчдээ өнөөдөр тодруулж дуусах ёстой юм. Өчигдөр нийслэлийн Ардчилсан намын хороо хуралдаж нэр дэвшигчдээ тодруулжээ. Харин яг одоо нийслэлийн МАН-ын хороо хуралдаж байна. НИТХ нийт 45 төлөөлөгчтэй бөгөөд нийслэлийн Ардчилсан намын хороо өмнө нь сонгогдсон 26 гишүүнийхээ дөрвөөс бусдыг нь дахин нэр дэвшүүлэхээр болсон байна. Харин МАН хэнийг НИТХ-д нэр дэвшүүлэхээ шийдэхээр яг одоо хуралдаж байна.
-
2016 оны 5 сарын 09
Ирэх зургадугаар сарын 29-ний өдөр болох УИХ-ын ээлжит сонгуультай холбогдуулан иргэдийн шилжилт хөдөлгөөнийг дөрөвдүгээр сарын 30-наас зогсоосон.
-
2016 оны 5 сарын 09
Гуравдугаар сарын 30, 31-ний өдөр Төрийн ордонд болсон “Монголын эдийн засгийн чуулган”-ы хаалтын үеэр “Гложекс” компанийн захирал Л.Наранбаатар УИХ-ын дарга З.Энхболд руу оймсоо шидсэн нь багагүй шуугиан тарьсан. Олон нийт төдийлөн анзаараагүй болохоос түүний “Эдийн засгийн алуурчин З.Энхболд огцор” хэмээх шүүмжийг АН-ын дарга руу дайнгаа хийсэн үйлдлийг дагасан хамгийн сонирхолтой тайлбар нь Дархан-Уул аймгийн АН-ын Н.Мөнхдашийнх байсан юм. Юу гэхээр Н.Мөнхдаш “АН-ын гишүүн хүн дарга руугаа оймс шидэх нь байтугай оймсны урдуур нь орж хамгаалах ёстой” гэж хэлсэн байдаг. Нэг үгээр хэлбэл, ардчилсан чөлөөт нийгэмд амьдарч буй монголчууд, ялангуяа ардчилсан нэртэй намын гишүүд нь дарга руугаа оймс шидэх нь байтугай, шүүмжлэл ч чиглүүлэх учиргүй хэмээсэн агаар нэг тайлбар Н.Мөнхдашийн хэлсэн үгтэй агаар нэг байсан хэрэг. Нөгөө талаар үг хэлэх, үзэл бодлоо чөлөөтэй илэрхийлэх ардчиллын амин сүнс, Үндсэн хуулийн үзэл санаа АН-ын даргыг шүүмжлэх хүнд бол үйлчлэх ёсгүй гэж тэрбээр үздэг юм байна. Угтаа хүнийг шүүмжлэх нь байтугай, үзэл бодлоо илэрхийлэх нь өөрөө ардчилал. З.Энхболд даргын чиглүүлэх болсон АН ч Монголын ард түмэнд үгээ хэлэх, үзэл бодлоо илэрхийлэх эрх чөлөөний төлөө л тэмцсэн. Нэгэнтээ энэ тухай өдгөө нийслэлийн АН-ыг удирдаж, Улаанбаатар хотын Засаг даргаар ажиллаж буй Э.Бат-Үүл “Намайг гүтгэх тэр эрх чөлөөний төлөө би үхтлээ тэмцэнэ” гэж мэдэгдэж байсан удаатай. Гэтэл өнөөдөр юу болов. АН-ын дарга З.Энхболдыг чиглэсэн магтаал хаа сайгүй хөвөрч эхэлснийг эс тооцвол ардчиллын амин сүнсийг ч худалдахад бэлэн болсон “оймсноос хамгаалагч” Дашуудын толгойг намын удирдлагууд нь илээд л сууж байх юм. Эцэстээ өөрийг нь тойрон хүрээглэгчдийн толгойг илсэн үйлдэл нь АН-ын даргыг огцрох шалтгаан болжээ. Санаж байгаа бол Дархан уул аймгийн АН-ын гишүүд намын даргаа огцруулахаар намын төв байр болон Барилгачдын талбайд гэр барьж улс төрийн тэмцэл хийж эхлээд 10 гаруй хонож байна. Намын даргаа огцруулах үндэслэл нь маш тодорхой юм билээ. Үүнд
-
2016 оны 5 сарын 09
”Төрийн мэдээлэл” эмхэтгэлийн 2016 оны 19 дэх дугаарын тойм
Эмхэтгэлийн өнөөдрийн дугаарт нийтлэгдсэн Органик хүнсний тухай хуулийн зорилт нь хөдөө аж ахуйн органик үйлдвэрлэл эрхлэх, органик хүнс, тэжээл, бордоо үйлдвэрлэх, тэдгээрийг баталгаажуулах, худалдах, импортлох, органик болохыг илэрхийлсэн тэмдэг, тэмдэглэгээ хэрэглэх, сурталчлахтай холбогдсон харилцааг зохицуулахад оршиж байна.
Энэ хууль нь хөдөө аж ахуйн гаралтай органик хүнс болон боловсруулаагүй түүхий эд, бүтээгдэхүүн, байгалийн ургамал ашиглаж үйлдвэрлэсэн органик хүнс, мал амьтны органик тэжээл, органик бордоо, таримлын үр, суулгацад хамаарах ажээ.
Хуулиар, органик үйлдвэрлэлд ямар зарчмыг баримтлах, органик үйлдвэрлэлийн шилжилтийн үе ямар байх, органик үйлдвэрлэл эрхлэгчийн эрх, үүрэг, тэдэнд тавих шаардлага, органик үйлдвэрлэлийн болон органик хүнс, тэжээл, бордооны баталгаажуулалтыг ямар байгууллага гүйцэтгэх, органик үйлдвэрлэл, органик хүнсэнд хэн, хэрхэн хяналт тавих зэрэг асуудлыг зохицуулсан байна.
Энэ хуулийг 2017 оны 01 дүгээр сарын 01-ний өдрөөс эхлэн дагаж мөрдөхөөр хуульчилжээ.
Мөн дугаарт, Сонгуулийн тухай хуульд нэмэлт, өөрчлөлт оруулах тухай хууль болон Газар хөдлөлтийн гамшгаас урьдчилан сэргийлэх, эрсдэлийг бууруулах талаар авах зарим арга хэмжээний тухай Улсын Их Хурлын тогтоолыг тус тус нийтлэв.
Тус тогтоолд, газар хөдлөлтийн гамшгаас урьдчилан сэргийлэх, эрсдэлийг бууруулах салбар хоорондын үйл ажиллагааг уялдуулах, хамтын ажиллагааг хангах чиглэлээр хууль эрх зүйн орчныг боловсронгуй болгох санал боловсруулж Улсын Их Хуралд өргөн мэдүүлэх; Монгол орны болон Улаанбаатар хот орчмын газар хөдлөлтийн идэвхжилт, цаашдын төлөв байдал, аюулын үнэлгээний судалгаа болон мониторингийн ажлыг өргөжүүлж эрчимжүүлэх, томоохон хот, суурин газрын газар хөдлөлтийн бичил мужлалын зургийг хийж гүйцэтгэх зэрэг арга хэмжээг авч ажиллахыг Монгол Улсын Засгийн газар /Ч.Сайханбилэг/-т даалгажээ.
Эмхэтгэлд, Үндсэн хуулийн цэцийн 2016 оны 05 дугаар дүгнэлтийн тухай, Тогтоолд өөрчлөлт оруулах тухай, Тогтоол хүчингүй болсонд тооцох тухай Улсын Их Хурлын тогтоолыг тус тус нийтэллээ.
Эмхэтгэлд нийтлэгдсэн “Төрийн үйлчилгээний нэгдсэн төв”-ийн талаар авах зарим арга хэмжээний тухай” Засгийн газрын тогтоолоор тус төвийн үйлчилгээ үзүүлэх журмыг баталсан байна. Төрийн үйлчилгээний нэгдсэн төв”-өөр дамжуулан төрийн үйлчилгээг иргэн, хуулийн этгээдэд үзүүлэх нөхцөлийг бүрдүүлэх, төрийн үйлчилгээний чанар, хүртээмжийг нэмэгдүүлэх болон түүнтэй холбогдсон бусад харилцааг зохицуулах ажээ. Нэгдсэн төвийн үйл ажиллагаанд баримтлах зарчим, үзүүлэх үйлчилгээний төрөл, үе шат, үйлчлүүлэгчийн хүсэлтийг хүлээн авах, бүртгэх журам, хүсэлтийг буцаах нөхцөл, хүсэлтийг шийдвэрлэх, хариу өгөх журам, нэгдсэн төвөөс үзүүлж байгаа төрийн үйлчилгээнд тавих хяналт зэрэг асуудлыг нарийвчлан журамласан байна гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.
-
2016 оны 5 сарын 09
28 мандатын 20-ыг нь хөдөөд, хотод 8-ыг нь хувиарлах гэсэн зарчмыг баримталж байсан.
-
2016 оны 5 сарын 09
АН-ын бүлэг хуралдаж Сонгуулийн тухай хуулинд оруулах өөрчлөлт тэр дундаа тойргийн асуудлыг голчлон хэлэлцэж саналаа нэгтгэжээ. Энэ асуудлаар УИХ дахь АН-ын бүлгийн дарга Б.Гарамгайбаатар, тус бүлгийн дэд дарга Ш.Түвдэндорж нар мэдээлэл хийлээ.
Тус бүлгийн дарга Б.Гарамгайбаатар “Бүлгийн гишүүд энэ асуудлыг хэлэлцээд жагсаалтын 28 мандатыг хот хөдөөд тэгш хувиарлаж өгөх нь зүйтэй гэж үзсэн. Тодруулбал, хотод 14 мандат, хөдөөд 14 мандат байх нь хамгийн оновчтой хувилбар гэж үзлээ. Ийнхүү хувиарлах нь пропорциональ хувилбарыг хадгалсан “шударга” хувиарлалт юм” гэлээ.
Мэдээлэл хийсний дараа дараах асуултад хариулт авлаа.
-14, 14 гэж хуваасан үндэслэлээ дэлгэрэнгүй тайлбарлана уу?
Б.Гарамгайбаатар: - Өмнө нь жагсаалтын 28 гишүүнийг сонгохдоо үндсэндээ Монгол Улсын нэг тойрог гээд нийт ард иргэдээс санал авсан гишүүд байсан гэж АН үзсэн. Тиймээс энэхүү хувилбарыг хадгалаад 14, 14 гэсэн тэнцвэртэй хувилбарыг сонголоо. Энэхүү хувилбар нь хүн ам, нутаг дэвсгэр, засаг захиргааны нэгжтэй уялдсан хувилбар юм.
Ш.Түвдэндорж: -Сонгогчдын тоог аваад үзэхээд энэхүү тоо их ойролцоо очиж байгаа. Нийслэлийн сонгогчдын гомдлыг ч мөн эцэслэх юм. Би ч мөн жагсаалтын 28-аас зургааг нь нийслэл рүү татах хуулийн төслийг санаачилж байсан.
-Аль аймгуудын мандат нэмэгдэх вэ?
Б.Гарамгайбаатар: -Бидний тооцоолж байгаагаар 10-аад аймгийн мандат нэмэгдэх байх. Гэхдээ Сонгуулийн ерөнхий хороо өнөөдөр хуралдаад тогтоолоо албажуулаад оруулж ирсэн тохиолдолд намууд тухайн хувилбар дээр ажиллах байх.
Ш.Түвдэндорж: -Ер нь бол 80-аас дээш мянган хүн амтай хөдөөгийн тойргууд 3 мандаттай, 60-аас мянган хүн амтай бол 2 мандаттай байх зураг гаргаад байна.
- Засгийн газарт өөрчлөлт орох уу?
- Б.Гарамгайбаатар: -Засгийн газрын бүтцэд өөрчлөлт орохгүй. Учир нь Засгийн газрыг АН бусад намуудтай зөвшилцөн гэрээ байгуулахдаа ”Засгийн газрын 51 хувиас дээшийг АН бүрдүүлэх ёстой. Үлдсэн хувьд нь хамтарч байгаа бусад намууд орох боломжтой” гэсэн учраас хөдөлгөөн хийгдэхгүй. АН-ын бүлгийн гишүүдийн тоо ч нэмэгдэж байна.
Ш.Түвдэндорж: - Эвсэл задрахаар Засгийн газар огцордог хууль хоёр жилийн өмнө өөрчлөгдсөн. Эрх зүйн орчингүй.
- Оюутолгойн далд уурхайн бүтээн байгуулалт эхэллээ. Уг ажил эхэлснээр Монголын эдийн засагт ямар өөрчлөлт орно гэж харж байгаа вэ?
- Б.Гарамгайбаатар:- Монголын эдийн засагт сэргэлт болж байна. Мөн дотоодын 3000 гаруй ажилтан ажилтай, орлоготой болно.
- ИЗНН-ын хоёр гишүүн АН-д орж магадгүй гэсэн мэдээлэл байна. Энэ талаар мэдээлэл өгнө үү?
- Энэ талаар мэдээлэл өгөх боломжгүй байна.
Т.Энхэлээ
-
2016 оны 5 сарын 09
Европын Аюулгүй байдал, хүний эрхийн байгууллагын Ардчилсан институц, хүний эрхийн албаны Сонгуулийн урьдчилсан судалгааны баг саяхан Монгол Улсад ажилласан юм. Энэ баг Монголын парламентын сонгуулийн хууль эрх зүйн орчин, сонгуулийн өмнөх нөхцөл байдал, бэлтгэл ажилтай танилцаж, ЕАБХАБ-ын зүгээс ажиглалт хийх шаардлагатай эсэх, хийх бол ажиглах хэсгийн бүрэлдэхүүн, ажлын чиглэлийн талаар санал, зөвлөмж гаргахаар ажилласан байна.
-
2016 оны 5 сарын 09
УИХ-ын гишүүн С.Ганбаатар Төрийн ордноо цаг үеийн асуудлаар мэдээлэл хийв. Тэрбээр ”Хэвлэл мэдээллийн хэрэгслээр намайг том намуудад орж байгаа талаар багагүй мэдээллээ. МАНАН-д орсон дор бол үхсэн нь дээр. МАН, АН-ынханд С.Ганбаатар биш, түүнд итгэж буй хүмүүсийн итгэл хэрэгтэй байж болно. МАН, АН-ын шударга олон дэмжигч намайг хайрладаг. Гэхдээ би МАН, АН-д элсэхгүй” гэлээ.
-
2016 оны 5 сарын 09
Ямартай ч “Анхан шатнаас гарч ирсэн хүмүүсийг батламжлахгүй бол бол чиний хүмүүсийг дэмжихгүй шүү. Хохь чинь шүү гөлөг минь. Чи намын дүрмийг мэддэггүй дандаа гадаадын жишээг ярьдаг. Ажлаа мэддэггүй болохоороо гадаадын жишээг ярьдаг биз дээ” гэх мэтээр орилж, хараалын үгсийг харамгүй чулууджээ. Үүнд нь дургүйцсэндээ ч тэр үү, уг хуралдааныг даргалж байсан , Нийслэлийн ИТХ-ын тэргүүлэгч Д.Баттулга “С.Эрдэнэ ээ хоёулаа гараад үзчихье” хэмээн бие биенээ заамдалцаж хурлын танхимыг орхисон ч гарсан шигээ сүр бараагүйгээр эргэн орж ирсэн гэх. Тэгэхээр зодоон цохионд нэгнийгээ уриалан хурлын танхимаас гарсан Д.Баттулгын хувьд ямар ч хяналтгүйгээр элдвийн хатуу ширүүн, хараал ерөөлийн үгс унагаж буй С.Эрдэнийг танхимаас гаргаж хэл амаа ололцох, тохироо хийх мэх нь ч байсан байж болох талтай.
-
2016 оны 5 сарын 09
УИХ-ын гишүүн Ж.Батзандан оффшор данстай иргэдийг өнөөдөр зарлана хэмээн мэдэгдсэн.
-
2016 оны 5 сарын 09
УИХ дахь нам, эвслийн бүлэг, ажлын хэсгүүдийн хуралдаанаар хэлэлцэх асуудлууд:
УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:
Улсын Их Хурал дахь Ардчилсан намын бүлгийн хуралдаан “Их эзэн Чингис хаан танхим”-д;
Улсын Их Хурал дахь Монгол ардын намын бүлгийн хуралдаан “Жанжин Д.Сүхбаатар танхим”-д.
АЖЛЫН ХЭСГИЙН ХУРАЛДААН:
Эрүүгийн хэрэг шалган шийдвэрлэх тухай болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 13.30 цагаас 334 тоот өрөөнд;
Засгийн газрын тухай хуульд нэмэлт өөрчлөлт оруулах тухай, Монгол Улсын Их Хурлын тухай хуульд өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас “Их эзэн Чингис хаан танхим”-д;
Олон улсын гэрээний тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “Жанжин Д.Сүхбаатар танхим”-д;
Татварын хуулиудын /шинэчилсэн найруулга/ төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 14.00 цагаас “В” танхимд;
Мал, амьтны эрүүл мэндийн тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан 14.00 цагаас “Г” танхимд;
Худалдааны тухай болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас 4 давхрын Нээлттэй сонсголын танхимд;
Хууль сахиулах тухай болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 15.30 цагаас 334 тоот өрөөнд;
Малын генетик нөөцийн тухай /шинэчилсэн найруулга/ хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 16.00 цагаас 4 давхрын Нээлттэй сонсголын танхимд;
Гэр бүлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 16.00 цагаас “В” танхимд.
