-
2015 оны 5 сарын 28
Улсын Их Хурлын Ажлын хэсгээс Тавантолгойн ордыг ашиглах уралдаант шалгаруулалтын асуудлыг шийдвэрлэсэн Засгийн газрын 2014 оны 268 дугаар тогтоолыг хэлэлцсэн Засгийн газрын хуралдааны дэлгэрэнгүй тэмдэглэл, тогтоолын төсөлтэй холбоотой бусад яамдаас өгсөн санал зэрэг материалууд, тогтоолын хувийн хэрэгтэй танилцах хүсэлт хүргүүлсэн байна.
Мөн Ажлын хэсгээс Тавантолгой төслийг хөгжүүлэх Хөрөнгө оруулалтын гэрээ, Хамтын ажиллагааны гэрээ, Төмөр замын концессын гэрээ, түүнчлэн дагалдах гэрээнүүд болох Төслийн компаниас Сумитомо Корпорацитай байгуулах гэрээ, Төслийн компанийн хувь нийлүүлэгч Энержи Ресурс Корпорациас Шенхуа компанитай байгуулах гэрээний албан ёсны англи хувилбарыг удаа дараа хүссэн боловч Засгийн газраас одоог хүртэл УИХ-ын Ажлын хэсэгт ирүүлээгүй байна.
Гэрээний талаар маргаан гарсан тохиолдолд англи хувилбар давуу хүчин чадалтай хэмээн төсөлд тусгасан, түүнчлэн Улсын Их Хуралд ирүүлээд буй монгол хувилбарыг уншиж үзэхэд гэрээний төслийг эхлээд англи хэлээр бэлтгэж дараа нь монгол хэлэнд орчуулсан байдалтай байгаа тул Ажлын хэсэг гэрээнүүдийн англи эхийг гарцаагүй шалгаж үзэх ёстой гэж үзэж байна.
АЖЛЫН ХЭСЭГ
-
2015 оны 5 сарын 28
УИХ-ын чуулганы нэгдсэн хуралдаанаар Үл хөдлөх эд хөрөнгийн барьцааны тухай хуульд нэмэлт оруулах тухай хуулийн төслийг хэлэлцэв.
2002 онд УИХ-аас Монгол Улсын иргэнд газар өмчлүүлэх тухай хууль баталсан. Уг хуулийн 27 дугаар зүйлд “иргэн өмчийнхөө газрыг зохих журмын дагуу иргэнд болон банк, банк бус санхүүгийн байгууллага (ББСБ)-д барьцаалах эрхтэй” гэж заасан. 2010 онд баталсан Үл хөдлөх эд хөрөнгийн барьцааны хуулийн дагуу иргэн зээлээ төлж чадахгүй заавал шүүхэд хандаж, 3 шатны шүүхээр шийдвэрлүүлэх журам үйлчилж байгаагаас банк, ББСБ-ууд газар барьцаалж, зээл олгох сонирхолгүй болж байна. Иймд иргэн болон банк, ББСБ гэрээндээ үл маргах журмаар буюу харилцан тохиролцож, нотариатын мэдэгдэх хуудсыг шүүгчийн захирамжаар баталгаажуулсан бол барьцааны зүйлийг Иргэний хууль, Шүүхийн шийдвэр гүйцэтгэх тухай хуульд заасны дагуу албадан дуудлага худалдаагаар худалдах зохицуулалтыг шинээр нэмж тусгалаа хэмээн Хууль зүйн сайд Д.Дорлигжав хууль санаачлагчийн илтгэлдээ дурьдав.
Хуулийн төсөлтэй холбоотой Хууль зүйн байнгын хорооны санал, дүгнэлтийг УИХ-ын гишүүн Л.Болд танилцуулав. Тэрбээр, “Дээрх хуулийн төслийг байнгын хорооны хуралдаанаар хэлэлцэх үед УИХ-ын гишүүн Ц.Оюунбаатар гэрээний талууд харилцан тохиролцоод үл маргах журмаар үүргийн гүйцэтгэлийг хангуулахаар зөвшөөрөн гарын үсэг зурсан байхад заавал нотариатаар гэрчлүүлэх шаардлага байгаа эсэхийг судлах, УИХ-ын гишүүн Л.Болд, Ц.Оюунгэрэл нар хүүхдийн өмчлөлийн газрыг захиран зарцуулах болон өв залгамжлалын асуудалд нухацтай хандаж, холбогдох зохицуулалтыг хуулийн төсөлд тусгах зэрэг саналыг гаргасан. Хуулийн төслийг чуулганы хуралдаанаар хэлэлцүүлэхийг байнгын хорооны хуралдаанд оролцсон гишүүд санал нэгтэйгээр дэмжсэн” гэлээ.
Хэлэлцэж буй асуудалтай холбогдуулан УИХ-ын гишүүн Л.Болд, Өмчилж авсан газраа эдийн засгийн эргэлтэд оруулах гэдэг утгаар энэ хуулийг дэмжиж байна. Гэхдээ иргэд гарын үсэг зурсан тохиолдолд шүүхээр дамжихгүйгээр шууд дуудлага худалдаанд оруулах заалт маргаан дагуулж мэднэ. Хууль ёсоор байшин, барилга зэрэг үл хөдлөх хөрөнгөө барьцаалчихаад газрынхаа бичиг баримтыг зарах, бусдад худалдах асуудал гардаг. Тиймээс энэ бүхнийг нарийн зохицуулах нь чухал гэв.
Хууль зүйн сайд Д.Дорлигжав, “Л.Болд гишүүн Хууль зүйн байнгын хорооны хуралдааны үеэр хүүхдийн өмчийн газрыг эцэг эх нь худалдан борлуулахыг хориглох тухай санал хэлж байсан. Энэ нь Иргэний тухай хуультай зөрчилдөнө. Өөрөөр хэлбэл Иргэний хуульд насанд хүрээгүй хүүхдийн өмчийг эцэг эх, асран хамгаалагч нь захиран зарцуулна гэсэн заалттай зөрчилдөж байгаа юм. Газар болон үл хөдлөх хөрөнгийн барьцааны маргаан хуулийн байгууллагад ихээхэн хүндрэл учруулдаг. УИХ-д өргөн бариад буй Хөдлөх эд хөрөнгө болон эдийн бус хөрөнгийн барьцааны тухай хуульд үл хөдлөх хөрөнгө барьцаалсан үед газрыг нь хэрхэн шийдвэрлэх талаар заалт оруулсан” гэлээ.
Мөн УИХ-ын гишүүн Ц.Оюунгэрэл, “Энэ хуулийг хэлэлцэхийг дэмжиж байгаа. Гэхдээ Л.Болд гишүүний хэлсэн хүүхдийн өмчийн газрыг барьцаалах, худалдан борлуулах талаар нарийн судлах хэрэгтэй. Иргэний хуульд газрын талаар тусгайлсан заалт оруулж, хүүхдийн өмчийн газрыг худалдах, барьцаалахыг хориглосон ч болох юм” гэв.
Харин УИХ-ын гишүүн Ц.Баярсайхан, “2004 оноос иргэн бүрт газар өмчлүүлж эхэлсэн. Харин энэхүү газрыг эдийн засгийн эргэлтэд оруулахад ямар бодлого баримтлах вэ гэдгийг өнөөг хүртэл шийдвэрлээгүй байсан. Одоо харин холбогдох хуулийн төслийг сайжруулж байна. Гэхдээ газар барьцаалах, газар дээрх үл хөдлөх хөрөнгийг барьцаалах заалт оруулах хэрэгтэй” гэсэн санал хэллээ.
Түүнчлэн УИХ-ын гишүүн С.Ганбаатар, “Энэ хуулийн төслийг дэмжихгүй байна. Долоо хэмжиж нэг огтлох ёстой. Гэтэл энэ хуульд нарийн судалсан тоо баримт огт алга. Тиймээс нарийн тооцоо, судалгаанд тулгуурлан хуулийн төслийг боловсруулах нь зөв” гэлээ.
Ийнхүү санал хураалт явуулахад хуралдаанд оролцсон гишүүдийн 75.5 хувь дэмжиж, анхны хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
-
2015 оны 5 сарын 28
Монгол Улсын Их Хурлын 2015 оны хаврын ээлжит чуулганы өнөөдрийн /2015.05.28.Пүрэв гараг/ үдээс өмнөх нэгдсэн хуралдаанаар Эрүүгийн хэрэг шалган шийдвэрлэх тухай хуулийн төслийн хэлэлцэх эсэх асуудлыг хэлэлцэж эхэллээ.
-
2015 оны 5 сарын 28
Тэрбээр мэдээлэл хийснийхээ дараа сэтгүүлчдийн сонирхсон асуултад хариулсан юм.
-Ураны асуудлаар яам ямар бодлого барьж ажиллаж байна вэ?
-Уран буюу цацраг идэвхит бодис бол маш чухал сэдэв. Уул уурхайн яам цацраг идэвхит ашигт малтмалын эрэл хайгуулыг үргэлжлүүлэх, ашиглах нь зүйтэй гэдэг байр суурийг баримталж байгаа. Ашиглана гэдгийг зөв ойлгох хэрэгтэй. Эрэл хайгуул хийгээд нөөцийг нь тогтоогоод олборлон шар нунтаг гаргаж авах хүртэл процессийг бид дэмжиж байгаа. Үүнээс цааш дараагийн процесс нь атомын цахилгаан станцын түлш болох юм. Манай улс бол үүнийг хийхгүй. Зөвхөн шар нунтаг буюу түүхий эдийг нь боловсруулах ёстой гэж боддог. Уул уурхайн яам энэ чиглэлээр үйл ажиллагаа явуулж байгаа аж ахуйн нэгжүүдийг бодлогоор дэмжиж ажиллаж байгаа. Дорноговь аймгийн нутагт 18 жил үйл ажиллагаа явуулсан Францын “Арева” компани Японы “Мицубиши” групптай хамтраад ихээхэн эрэл хайгуулж хийж, том нөөцийг тогтоосон юм билээ.
Газар дээр нь би сарын өмнө очиж танилцсан. Орон нутгийн удирдлага, иргэдтэй уулзсан. Орон нутгийнхан энэ төслийг цааш үргэлжлүүлэх явуулах байр суурьтай байна лээ. Энэ чиглэлээр сүүлийн үед Казахстан улс амжилтад хүрч байгаа юм билээ. Казахстан улсын үйл ажиллагаатай манайхан очиж танилцаж, судалсан байна. Ер нь цацраг идэвхит ашигт малтмалын салбарт олон улсын сонирхол байдаг. Үүнийг бид зөв зохистой хөгжүүлснээр Монгол Улсын эдийн засагт төдийгүй геополитикийн, улс төр, дипломат харилцааны хувьд ч маш чухал ач холбогдолтой болно гэж харж байгаа.
-Нефтийн үйлдвэр барих асуудал ямар түвшинд явж байгаа бол. Дарханд баригдах газрын тосны үйлдвэрийн төсөл яагаад зогссон бэ?
-Нефьт боловсруулах үйлдвэр нь шинэ Засгийн газрын зохион байгуулалтаар аж үйлдвэрийн яаманд харьяалагдаж байгаа. Тиймээс манай яамнаас бүх асуудал Аж үйлдвэрийн яаманд шилжсэн. Өнгөрсөн хугацаанд Японы хамтын ажиллагааны хүрээнд жилд хоёр сая тонн түүхий тос боловсруулах үйлдвэр байгуулах чиглэлээр судалгаа хийгдсэн. Энэ талаар зураг төсөл нь хүртэл бэлэн болсон. Гэхдээ хоёр шалтгааны үндсэн дээр энэ төсөл хэрэгжээгүй, зогссон.
Нэгдүгээрт, төсөвт өртөг нь бидний төсөөлж байсан өртгөөс маш их хэмжээгээр нэмэгдсэн. Хоёрдугаарт, Монгол Улсад олборлож байгаа түүхий тосон дээр түшиглэж, нефтийн үйлдвэр барих хэрэгтэй гэсэн байр сууринд хүрсэн. ҮАБЗ-өөс Монголд олборлож байгаа түүний тосоо шууд ашигла гэсэн нөхцөл тавьсан. Гэтэл “Дархан-Уул аймаг, Дорнодын Тамсаг хоёрын хооронд шууд шугамаар холбоход 1000 км зайтай. Үүнийг яаж холбох вэ гэдэг асуудал эдийн засгийн хувьд үр ашиг муутай. Энэ бүхнийг харгалзаад дээр төсөл зогсонги байдалд орсон. Аж үйлдвэрийн яамнаас зүүн, өмнөд, баруун бүсэд газрын тосны үйлдвэр барих судалгаа хийсэн. Эхлээд өмнө бүсдээ газрын тосны үйлдвэр байгуулах чиглэлээр эдийн засгийн үндэслэл боловсруулах ажил хийгдэж байна. Сэдвийн хувьд залгамж холбоо уламжлалыг хадгалж байгаа гэдгийг хэлэх нь зүйтэй байх.
-“Мон-93” бензинийг яагаад нийлүүлэхээ больсон бэ. Үнэ өртөг өндөр байв уу?
“Мон-93” бензин орж ирэхгүй болсон шалтгаан нь зах зээлийн үнэтэй холбоотой. ОХУ-тай бид тогтвортой, удаан хугацааны туршид маш сайн үнийн хэлэлцээр хийж чадсан. Энэ нь Мон-93 бензинээс хямд үнэтэй авах хэлэлцээ байсан гэж ойлгож байна. Тийм учраас ОХУ-аас хямд бензин аваад хэрэгцээгээ хангаж байгаа. Бүтээгдэхүүн хуваах гэрээ гэдэг нь нийт олборлож байгаа газрын тосныхоо хэмжээтэй уялдаад хувь харьцаа нь өөрчлөгдөж байдаг. Өөрөөр хэлбэл манай газрын тосны олборлолтын хэмжээ их болох тусам, хувь нэмэгдэж, бага байвал багасна. Энэ нь нөгөө тал бүх хөрөнгө оруулалтаа хийж, эрсдлийг нь даадаг. Харин манай зөвхөн зөвшөөрөл өгдөг. Энэ зарчим дээр тулгуурласан гэрээ. Өнөөдрийн байдлаар манай авах хувь 24 хувь байгаа. Өнөөдрийн байдлаар гэрээ хэлэлцээр ямар хэмжээнд яригдаж байгааг мэдэхгүй байна.
-
2015 оны 5 сарын 28
Сү. Батболд: Цэвэрлэх байгууламжийг шинэчлэхэд 1 тэрбум төгрөг хэрэгтэй
-
2015 оны 5 сарын 28
хххх
-
2015 оны 5 сарын 28
Монгол Улсын Их Хурлын Хууль зүйн байнгын хороо өнөөдөр /2015.05.28/ хуралдан Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ хуулийн төслийн эцсийн хэлэлцүүлгийг хийлээ.
-
2015 оны 5 сарын 28
Улсын Их Хурлын Ажлын хэсгээс Тавантолгойн ордыг ашиглах уралдаант шалгаруулалтын асуудлыг шийдвэрлэсэн Засгийн газрын 2014 оны 268 дугаар тогтоолыг хэлэлцсэн Засгийн газрын хуралдааны дэлгэрэнгүй тэмдэглэл, тогтоолын төсөлтэй холбоотой бусад яамдаас өгсөн санал зэрэг материалууд, тогтоолын хувийн хэрэгтэй танилцах хүсэлт хүргүүлсэн байна.
-
2015 оны 5 сарын 28
УИХ-ын гишүүн Ё.Отгонбаяр сэйро А.Өнөболдод баяр хүргэлээ
-
2015 оны 5 сарын 28
Ц.Элбэгдорж Төрийн тахилгат Бурхан Халдун уулын тэнгэрийг тайх ёслолд оролцов
-
2015 оны 5 сарын 28
аааааа
-
2015 оны 5 сарын 28
Долоо хоног бүрийн пүрэв гарагт болдог ”Сайдын цаг” уулзалт өнөөдөр Төрийн ордонд болно.
Уулзалтад Уул уурхайн сайд Р.Жигжид оролцож, салбарын хэмжээнд барьж буй бодлого, хэрэгжүүлж буй ажил, цаашид төлөвлөж буй хэтийн төлвийнхөө талаар мэдээлэл хийх юм.
-
2015 оны 5 сарын 28
Оюутолгойн далд уурхайг ашиглах төлөвлөгөөтэй холбоотой ажлын хэсэг байгуулна
Лхагва, 5 сарын 27 2015
Бичсэн Б.Туул
Хэвлэх
Email
Оюутолгойн далд уурхайг ашиглах төлөвлөгөөтэй холбоотой ажлын хэсэг байгуулна
УИХ дахь МАХН-МҮАН-ын “Шударга ёс” эвслийн бүлэг өнөөдөр Төрийн ордонд ээлжит бусаар хуралдлаа.
Тус бүлгийн хуралдаанд Ерөнхий сайд Ч.Сайханбилэг оролцож, “Оюу толгой” төслийн далд уурхайг ашиглах бүтээн байгуулалтын төлөвлөгөөтэй холбоотой асуудлаар мэдээлэл хийж, гишүүдийн асуултад хариулт өгсөн байна. Бүлгийн хуралдаан нэлээд ширүүхэн уур амьсгал дунд болж өнгөрсөн ба гишүүдийн олонх нь уг баримт бичигт хүчин төгөлдөр мөрдөгдөж буй олон хууль тогтоомжийг зөрчсөн гэж үзэж байгаагаа илэрхийлсэн аж. Бүлгийн хуралдааны төгсгөлд “Оюу толгой” төслийн далд уурхайг ашиглах бүтээн байгуулалтын төлөвлөгөө холбоотой асуудлаар холбогдох мэргэжлийн хүмүүсийг оролцуулсан ажлын хэсэг байгуулах шийдвэр гаргажээ. Мөн уг хуралдаанаас өөр нэг шийдвэр гарсан байна. Ингэхдээ уг төлөвлөгөөнд дүгнэлт хийх нь зүйтэй гэдэг дээр гишүүд нэгдсэн гэж эх сурвалж мэдээллээ.
-
2015 оны 5 сарын 28
.Энхтүвшин: “Тавантолгой”-оо хэзээ хэлэлцэх вэ даргаа
-
2015 оны 5 сарын 28
МАХН-МҮАН-ын “Шударга ёс” эвслийн бүлэг Засгийн газраас гарна гэсэн мэдээлэл Төрийн ордонд гарч эхэллээ. Эх сурвалжуудын мэдээлж буйгаар тус бүлэг Засгаас гарах асуудлыг аль хэдийн ярилцаж эхэлсэн гэнэ.
-
2015 оны 5 сарын 28
09.00 цагаас:
1.Монгол Улсын Их Хурлын 2014 оны 54 дүгээр тогтоол Монгол Улсын Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Монгол Улсын цэцийн 2015 оны 07 дугаар дүгнэлт:
-Үндсэн хуулийн цэцийн дүгнэлтийг Үндсэн хуулийн цэцийн гишүүн Ш.ЦОГТОО танилцуулна.
2.Үл хөдлөх эд хөрөнгийн барьцааны тухай хуульд нэмэлт оруулах тухай болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Л.БОЛД танилцуулна.
3.Эрүүгийн хэрэг шалган шийдвэрлэх тухай хуулийн төсөл /Засгийн газар 2015.04.30-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Б.ЧОЙЖИЛСҮРЭН танилцуулна.
4.Цагдаагийн албаны тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ш.ТҮВДЭНДОРЖ танилцуулна.
5.Прокурорын байгууллагын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хууль зүйн сайд Д.ДОРЛИГЖАВ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНБААТАР танилцуулна.
6.”Төрөөс эрчим хүчний талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.05.11-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Эрчим хүчний сайд Д.ЗОРИГТ танилцуулна;
-Эдийн засгийн хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
7.Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ хуулийн төсөл /Засгийн газар 2015.01.23-ны өдөр өргөн мэдүүлсэн, эцсийн хэлэлцүүлэг/:
-Хууль зүйн байнгын хорооны танилцуулгыг Улсын Их Хурлын гишүүн Ц.НЯМДОРЖ танилцуулна.
8.“Эдийн засаг, нийгмийг 2016 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/:
-Эдийн засгийн хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
9.Татварын ерөнхий хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.05.11-ний өдөр өргөн мэдүүлсэн, анхны хэлэлцүүлэг/:
-Төсвийн байнгын хорооны санал, дүгнэлтийг Улсын Их Хурлын гишүүн Ч.ХҮРЭЛБААТАР танилцуулна.
10.Архидан согтуурахтай тэмцэх тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/:
-Хууль зүйн байнгын хорооны санал, дүгнэлтийг Улсын Их Хурлын гишүүн Ё.ОТГОНБАЯР танилцуулна.
11.Шүүх байгуулах тухай /шинэчилсэн найруулга/, Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төсөл /Монгол Улсын Ерөнхийлөгч 2015.05.18-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн тамгын газрын дарга П.ЦАГААН танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНБААТАР танилцуулна.
12.Эрчим хүчний тухай тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн А.ТЛЕЙХАН танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Л.ЭНХ-АМГАЛАН танилцуулна.
13.Сэргээгдэх эрчим хүчний тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн А.ТЛЕЙХАН танилцуулна;
-Эдийн засгийн байнгын хорооны санал, дүгнэлтийг Улсын Их Хурлын гишүүн Л.ЭНХ-АМГАЛАН танилцуулна.
-
2015 оны 5 сарын 28
1.Хууль зүйн байнгын хорооны хуралдаан 08.30 цагаас “Б” танхимд:
Хэлэлцэх асуудал:
Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ хуулийн төсөл /Засгийн газар 2015.01.23-ны өдөр өргөн мэдүүлсэн, эцсийн хэлэлцүүлэг/.
ХОЁР.ЧУУЛГАНЫ НЭГДСЭН ХУРАЛДААН:
-
2015 оны 5 сарын 27
“Хөгжлийн бэрхшээлтэй хүний эрхийн тухай хуулийн шинэчилсэн найруулгын төсөл”-ийн нээлттэй хэлэлцүүлэг болов
Хүн амын хөгжил, нийгмийн хамгааллын яамнаас өнөөдөр /2015.05.27/ Төрийн ордонд зохион байгуулсан “Хөгжлийн бэрхшээлтэй хүний эрхийн тухай хуулийн шинэчилсэн найруулгын төсөл”-ийн нээлттэй хэлэлцүүлгийг тус яамны дэд сайд Б.Мөнхбаатар удирдан явуулсан бөгөөд хуулийн төслийн үзэл баримтлалын талаар УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ танилцуулав.
Нээлттэй хэлэлцүүлэгт УИХ-ын гишүүн С.Оюун, Ц.Оюунгэрэл, Хүн амын хөгжил, нийгмийн хамгааллын яамны хэлтэс, албадын удирдлага, мэргэжилтнүүд болон хөгжлийн бэрхшээлтэй иргэдийн төлөөлөл оролцож санал бодлоо солилцлоо.
Монгол Улс хөгжлийн бэрхшээлтэй хүмүүсийнхээ эрхийг хангаж, хамгаалах зорилгоор Хөгжлийн бэрхшээлтэй хүмүүсийн эрхийн тухай конвенцийг нэмэлт протоколын хамт 2008 оны 12 дугаар сарын 19-ний өдөр Улсын Их Хурлаар баталсан. 2009 оны 5 дугаар сарын 3-ны өдөр НҮБ албан ёсоор Монгол Улсыг бүртгэснээр энэ конвенци Монгол Улсад хуулийн нэгэн адил хүчин төгөлдөр үйлчилж байна. Гэвч хуулийн заалтуудаас зарим нь хэрхэн хэрэгжих нь тодорхойгүй, зөвхөн тунхагийн шинжтэй байдаг бол эрхийн талаар зохицуулсан хууль тогтоомжийг хэрэгжүүлэх хариуцлагын механизм сул, хууль хэрэгжүүлэх эрмэлзэл төрийн зүгээс шаардлагын түвшинд хүрдэггүй учир энэхүү хуулийн шинэчилсэн найруулгын төслийг боловсруулах шаардлагатай болсныг оролцогчид онцолж байсан юм.
Хэлэлцүүлгийн үеэр УИХ-ын гишүүн Ц.Оюунгэрэл хэлэхдээ, ”Хөгжлийн бэрхшээлтэй иргэдийн эрхийн тухай хуулийн шинэчилсэн найруулгын төслийн хэлэлцүүлэгт УИХ-ын эмэгтэй гишүүд идэвхтэй оролцож байна. Учир нь хөгжлийн бэрхшээлтэй иргэдийн амьдрах орчин, сурч боловсрох, эрүүл мэндээ хамгаалуулах болон хөдөлмөрлөх орчин нь жирийн иргэдтэй харьцуулбал тэгш байж чадахгүй байна. Ялангуяа хүүхэд хөгжлийн бэрхшээлтэй төрсөн тохиолдолд тэдгээрийн сурч боловсрох, нийгэмших эрхийг хэрхэн хангах зэрэг маш олон асуудалтай тулгардаг. Энэ асуудал ээжүүдийн нуруун дээр үеийн үед байсаар ирсэн. Иймд бидний тавьж буй гол зорилт бол одоогийн нийгэм нь илүү энэрэнгүй, хүмүүнлэг болох ёстой гэдэг үүднээс эцэг, эхчүүд хэрэв хөгжлийн бэрхшээлтэй хүүхэдтэй бол хүүхдийнхээ сурах, боловсрох эрхийг нь хэрхэн хангуулах вэ гэдэг эрхийн баталгааг нь өгөхөд оршиж байгаа юм. Энэ хуулийн төслийг УИХ-д өргөн барихаас нь өмнө эмэгтэй гишүүд саналаа нэмж тусгах, хамтран ажиллах зэргээр анхнаас нь оролцож байна” гэлээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 5 сарын 27
АН-ын шинэчлэлийн хөдөлгөөнийхөн сүүлийн үед үйл ажиллагаа идэвхжүүлж байна. Учир нь АН-ын шинэчлэлийн хөдөлгөөний гишүүд өчигдөр намын бодлого, дүрмээ шинэчлэхийг уриалсан мэдэгдэл гаргаж, намын удирдлагууддаа хүргүүлжээ.
Тус хөдөлгөөнийхөн тэрхүү мэдэгдэлдээ,
Ардчилсан хувьсгалаас хойш даруй 25 жил өнгөрчээ. Ардчилсан нам нийгэм эдийн засгийн форумыг зоригтой хийж, хүний эрх, эрх чөлөө шударга ёсыг дээдэлж, хүмүүнлэг иргэний ардчилсан нийгмийг цогцлооход түүхэн үүрэг гүйцэтгэсэн нь үнэн. 2012 оны УИХ, 2013 оны Ерөнхийлөгчийн сонгуулиар Улс орноо удирдах удирдах түүхэн үүргийг олгосон. Гэтэл тэд 1996-2000 оны МАН-тай хамтран засаг барьсан гашуун туршлагаа давтан Засгийн газраа МАН-тай нийлэн огцруулж иргэд сонгогчдынхоо итгэлийг алдлаа. Бидэнд эв нэгдэл ус агаар мэт хэрэгтэй байна. Тэртээ 20 жилийн өмнө УИХ-д сууж байсан хариуцлагагүй нөхөд өнөөдөр ч УИХ-д алдаагаа давтсаар сууж байна. Манай намаас гарсан УИХ-ын дарга, Ерөнхий сайд хоёр нь бие биенийхээ хийснийг үгүйсгэсээр байна. Давхар дээлтэй байхыг эсэргүүцэж байсан албан тушаалтан өөрөө сайд болчихоод дуугүй байхыг үзлээ. Мөн намынхаа буруу зөрүүг хэлсэн гишүүдээ ажлаас нь халж байна. АН үнэт зүйлээ алдаж, бодлогын алдаатай, хүний нөөц дутагдалтай байна.
/Мэдэгдэл бүрэн эхээрээ/
Иймээс АН хариуцлага шинэчлэлийг зоригтой хийх цаг болсон. Бидэнд эрх тэгш байдал, хүний нөөцийн шинэчлэл хэрэгтэй. Намын үндсэн дүрмээ хэрэгжүүлж чадахааргүй болтлоо фракцын бүлэглэлд автсан. Улс оронд эдийн засаг хүндэрч, намуудад итгэх ард түмний итгэл буурч байна. Гэтэл ирэх жилийн сонгууль дөхөж, бидэнд харицлагатай үе ирсэн. Иймээс АН-ын удирдлагууд, Үндэсний зөвлөлдөх хорооноос намын Их хурлаа зарлан хуралдуулахыг хүсэж байна гэв.
Ингээд АН-ын шинэчлэлийн хөдөлгөөнийхөн намынхаа удирдлагуудад Намын их хурлаа яаралтай хуралдуулж, намын санхүүжилтээ ил тод нээлттэй болгож, хүний нөөцийн бодлого, намын дүрмээ шинэчлэхийг уриаллаа.
-
2015 оны 5 сарын 27
УИХ-ын гишүүн Ч.Хүрэлбаатартай ярилцлаа.
