-
2015 оны 6 сарын 22
Засгийн газрын өнөөдрийн хуралдаанаар наадмын өдрүүдийн амралтын асуудлыг хэлэлцэнэ.
-
2015 оны 6 сарын 22
“Таван толгойн нүүрсний ордыг хөгжүүлэх талаар авах арга хэмжээний тухай” УИХ-ын тогтоолын төслийн хэлэлцэх эсэх асуудлаар санал дүгнэлт гаргах үүрэг бүхий ажлын хэсгийн ахлагч УИХ-ын гишүүн Л.Эрдэнэчимэг өнөөдөр Төрийн ордонд хэвлэлийнхэнд мэдээлэл хийлээ.
Тэрбээр өнгөрсөн 7 хоногт Өмнөговь аймгийн Цогтцэций суманд Эрдэнэс таван толгой компанид ажилласан байна. Өнөөдрийн байдлаар “Эрдэнэс Тавантолгой” компанийн агуулахад 2.3 сая тонн нүүрс бэлнээр хадгалагдаж байна. Мөн хоёр сая тонн хөрс хуулж олборлоход бэлэн болгожээ. Нийт 140 сая ам.долларын үнэлгээ бүхий эдгээр нөөцөөр “Чалко”-гийн 142 сая ам.долларын өрийг дарахад хүрэлцэхээр байгаа аж. Тус компани нүүрсээ уурхайн амнаас тээвэрлэж байгаа ба авто зам нь хүнд даацын зам бус учир худалдан авагч, тээвэрлэгч компаниуд алдагдал хүлээж байгаа гэнэ. Түүнчлэн нүүрсний гадаад зах зээл өдөр тутам унаж байгаа учир жижиг Тавантолгой, ”Эрдэнэс Тавантолгой” аль алийнх нь борлуулалт буурсан дүнтэй байна. Цаашид нүүрсний үнэ олон улсын зах зээлд унах төлөвтэй байгаа тул хямд өртөгөөр олборлолт тээвэрлэлт хийх нь чухал болсон байна. Үнэ өндөрсгөж байгаа гол хүчин зүйл нь тээвэрлэлт. Иймд төмөр замаа ашиглалтад оруулах нь шаардлага байна гэж ажлын хэсгээс үзжээ.
УИХ-ын гишүүн Л.Эрдэнэчимэг, “Тавантолгойн орд газрыг ашиглахад томоохон хэмжээний хөрөнгө оруулалт шаардлагагүй. Нүүрс олборлогч ямар ч компани үүнийг мэднэ. Хөрсөө хууллаа, хуулсан хөрсөн доороос шууд нүүрс гарч ирж байгаа. Үүнийг нь машинд ачлаа, зөөлөө. Үүнд томоохон машин тоног төхөөрөмж хэрэгтэй болохоос том хөрөнгө оруулалтын шаардлага алга байна. ”Эрдэнэс Тавантолгой”-д өнөөдөр монгол компаниуд боломжтой хэмжээнд нүүрсээ олборлоод үйл ажиллагаагаа явуулаад болж байна. Энд ганцхан хөрөнгө оруулалт хийх шаардлагатай. Энэ нь төмөр зам. Төмөр зам маань өөрөө ашигтай төсөл. Цаашдаа ”Эрдэнэс Тавантолгой” компани өнөөдрийнх шиг олборлолтоо хийгээд төмөр замаа Монгол Улс өөрөө эзэмшээд явахад алдагдалгүй, илүү ашигтай байх нь харагдаж байгаа. Иймд энэ гэрээг цааш нь явуулах боломжгүй.
Бид дүгнэлтдээ хууль зөрчсөн асуудлыг тусгаж өгнө. Мөн ашигтай хувилбар аль нь байх вэ гэдгийг тусгаж өгнө. Төмөр зам нь голлох ашигтай хувилбар. Иймээс төмөр замын асуудлаа Монгол Улс өөрөө хариуцаж дуусгах ёстой юм байна, мөн хөндлөн чиглэлийн төмөр замын асуудлыг дүгнэлтдээ оруулж өгнө. ЗГХЭГ-ын дарга С.Баярцогт ажлын хэсэг дээр гэрээгээ буцааж татаж авна гэдгээ мэдэгдсэн. Харин буцааж оруулж ирэх эсэх асуудлыг мэдэхгүй байна” гэв.
-
2015 оны 6 сарын 22
УИХ дахь Ардчилсан намын бүлэг өнөөдрийн ээлжит хуралдаанаараа Ерөнхий сайдын мэдээллийг сонссоны зэрэгцээ Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай УИХ-ын тогтоолын төслийг хэлэлцсэн байна. Бусад гэсэн асуудлын хүрээнд Засгийн газарт хамтарсан МАН-ын гэрээний биелэлтийг хэлэлцэх байсан ч Ардчилсан намын дарга, УИХ-ын дарга З.Энхболд орон нутагт ажиллаж байгаа учраас түр хойшлуулжээ.
-
2015 оны 6 сарын 22
УИХ дахь Ардчилсан намын бүлэг өнөөдрийн ээлжит хуралдаанаараа Ерөнхий сайдын мэдээллийг сонссоны зэрэгцээ Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай УИХ-ын тогтоолын төслийг хэлэлцсэн байна. Бусад гэсэн асуудлын хүрээнд Засгийн газарт хамтарсан МАН-ын гэрээний биелэлтийг хэлэлцэх байсан ч Ардчилсан намын дарга, УИХ-ын дарга З.Энхболд орон нутагт ажиллаж байгаа учраас түр хойшлуулжээ.
-
2015 оны 6 сарын 22
“Тавантолгой”-г судлах ажлын хэсэг байгуулжээ
УИХ-ын Өргөдлийн байнгын хорооны дарга О.Баасанхүү сэтгүүлчдэд мэдээлэл хийлээ. Тэрбээр өнгөрсөн амралтын өдрүүдэд Өмнөговь аймгийн Ханбогд, Цогтцэций суманд ажиллажээ. УИХ-ын гишүүн О.Баасанхүү:
-“Оюутолгой”, “Тавантолгой” төсөлтэй холбогдуулан дээрх сум хотын хэмжээнд хөгжинө гэсэн мөрөөдөл тээж байсан. Ханбогд суманд “Оюутолгой” компани автозам барьсан байна. Гэхдээ энэ нь ердөө нэг л машин зорчих өргөнтэй. Өөрөөр хэлбэл, тухайн замаар 2 машин зэрэгцэж явах эсхүл зөрөх боломжгүй. Мөн Оюутолгой компани Ханбогд сумын ерөнхий боловсролын сургуульд өөрсдийн ашиглаж байгаад акталсан 40 ширхэг компютер нь өгчихөөд сургуульд нь томоохон дэмжлэг үзүүлсэн мэтээр ярьж байна. Ханбогд, Цогтцэций сумын ерөнхий боловсролын сургуулийн бие засах газар, халаалтыг нь өнөөг хүртэл шийдээгүй байна. Оюутолгой компани орон нутгийн бүтээн байгуулалт, хөгжил цэцэглэлтэд хувь нэмрээ оруулж чадахгүй байна хэмээлээ.
Тэрбээр “Тавантолгой” төслийг эхлүүлэхдээ Чалко компанаас авсан зээлийн гэрээг маш буруу байгуулсан байна. 350 сая ам.долларын зээл авахдаа Чалко компанийг Таван толгойн нүүрсийг зараад өрөө аваарай гэсэн гэрээ хийсэн байна. Одоо “Чалко” компани Тавантолгойн нүүрсийг хил давуулчихаад “Танай нүүрс зарагдахгүй байгаа тул зээлийн хүүгээ төл” гэсэн шаардлага тавьж байна. Одоо “Эрдэнэс Тавантолгой” компани үйл ажиллагаагаа хэвийн явуулж чадахгүй байгаа. Тиймээс Монгол Улсын сайд М.Энхсайхан эрх мэдлээ хэтрүүлэн ашигласан байх магадлалтай гэж үзэж байгаа гэлээ. Тиймээс Өргөдлийн байнгын хорооноос М.Энхсайхан “Чалко” компанид төлөх өрөөс эхлээд “Тавантолгой” төсөлтэй холбоотой бүх гэрээ, бичиг баримтыг судлах ажлын хэсэг байгуулсан байгуулжээ.
-
2015 оны 6 сарын 22
АН-ын бүлэг хуваарь ёсоор өнөөдөр хуралдав.
Бүлгийн хуралдаанаар МАН-тай байгуулсан гэрээнийхээ талаар ярилцсан бололтой.
-
2015 оны 6 сарын 22
Ерөнхийлөгч “Эрүүл элэг” үндэсний хөтөлбөрт арга хэмжээнд оролцоно
-
2015 оны 6 сарын 22
Засгийн газрын ээлжит хуралдаан өнөөдөр 16.00 цагт эхэлнэ. Өнөөдрийн хуралдаанаар Тавантолгойн гэрээний төслийг татаж авах асуудлыг хэлэлцэх аж. Засгийн газраас уг тогтоолын төслийг сарын өмнө УИХ-д өргөн барьсан. Харин УИХ-аас уг тогтоолын төслийг нягталж, шалгах шаардлагатай хэмээн Л.Эрдэнэчимэг гишүүнээр ахлуулсан ажлын хэсгийг байгуулсан.
-
2015 оны 6 сарын 22
УИХ-ын дарга Говь-Алтай, Завхан аймагт ажиллана
-
2015 оны 6 сарын 22
УИХ дахь нам, эвслийн бүлгүүд хуралдана
-
2015 оны 6 сарын 22
Олны анхаарлыг ихээхэн татаж буй уг үйл явдал хэрхэн үргэлжлэх нь тодорхойгүй ч эх сурвалжийн мэдээлж буйгаар АН-ынхан МАН-тай хамтарсан гэрээгээ эргэж харж мэдэх гэнэ. Үнэхээр ч сүүлийн үед АН-ынхан МАН-руу хандсан хурц, ширүүн мэдэгдлүүдийг ээлж дараалан хийх болсон.
-
2015 оны 6 сарын 19
Төсвийн төвлөрлийг сааруулах сэдэвт хэлэлцүүлэг боллоо
-
2015 оны 6 сарын 19
Ерөнхийлөгч “Эрүүл элэг” үндэсний хөтөлбөрт арга хэмжээнд оролцоно
-
2015 оны 6 сарын 19
УИХ-ын чуулганы өнөөдрийн үдээс хойшхи хуралдаан Засгийн газраас өргөн мэдүүлсэн Хотыг дахин хөгжүүлэх тухай болон холбогдох бусад хуулийн төслүүдийн анхны хэлэлцүүлгийг хийснээр эхэллээ.
Хуулийн хэлэлцүүлгийн эхэнд Эдийн засгийн байнгын хорооны санал дүгнэлтийг УИХ-ын гишүүн Г.Батхүү танилцуулав. Үүний дараагаар УИХ-ын гишүүн Я.Содбаатар, “Одоогийн дахин төлөвлөлт иргэдийн эрх ашгийг нэлээд зөрчих хандлагатай байгаа. Дахин төлөвлөлтөд хамрагдаж буй иргэдтэй уулзсан уу. Энэ хууль нийслэлийн хүрээнд яригдаж байна уу. Дархан, Эрдэнэт болон аймгийн төвийг хамарч байна уу. Үйлчлэх хүрээ нь хаагуур гэж үзэж байна вэ. Хууль батлагдсанаар Үндсэн хууль болон холбогдох хуулиудтай хэр уялдсан гэсэн үг вэ” гэсэн асуултыг тавьсан. Тус хуулийг боловсруулах ажлын хэсгийн ахлагч, УИХ-ын гишүүн Г.Батхүү, “Одоогийн дахин төлөвлөлттэй ажлын хэсгийнхэн танилцсан. Юунаас болоод асуудал хүндрээд байгаа, гарах арга зам нь юу байж болохыг судалсан. Одоо бол дүрэм журмаар асуудлыг зохицуулж байгаа. Тиймээс энэ асуудлыг хуульчилж байгаа юм. Үндсэн хууль, Газрын тухай хуультай зөрчилдөхгүй. Хуулийн төсөл анх нийслэлийн хэмжээний асуудлыг зохицуулахаар орж ирсэн. Дараагаар хот суурингийн асуудлыг шийддэг байхаар өөрчлөгдсөн” гэлээ.
УИХ-ын гишүүн Су.Батболд хуулийн төслийг хэзээ өргөн барьсан, Хотыг дахин хөгжүүлэх тухай гэсэн хуулийн нэршилд дахин гэдэг үг байх нь зөв үү гэдэг дээр тайлбар хүссэн. УИХ-ын гишүүн Г.Батхүү, ”2013 онд Засгийн газраас хуулийн төслийг өргөн барьсан. Хоёр дахь ажлын хэсэг нь байгуулагдаад, ажлын хэсгийг би ахалж ажиллаж байна. Хуулийн нэршил дээр анх хотыг хөгжүүлнэ гэж оруулсан ч дараагаар хот сууринг гэж нэмж өөрчилсөн” гэв. Мөн УИХ-ын гишүүн Д.Тэрбишдагва дахин хөгжүүлэх гэдэг нэршил нь харин ч оновчтой сонголт гэсэн байр суурь илэрхийлэв. Мөн энэ үеэр УИХ-ын дарга З.Энхболд чуулганы хуралдааныг цаг сунгаж хуралдахаа мэдэгдсэн бөгөөд ингэснээр чуулган 19 цагт өндөрлөхөөр болж байна. Чуулган үргэлжилж байна.
-
2015 оны 6 сарын 19
Тагнуулын байгууллагын тухай хуульд нэмэлт, өөрчлөлт оруулах тухай хуулийн төслийг өргөн барив
-
2015 оны 6 сарын 19
“11-11” төв өнөөдөр үдээс хойш ажиллахгүй
-
2015 оны 6 сарын 19
УИХ-ын чуулганы хуралдаанаар Нийслэл хотын албан татварын тухай хуулийн төслийн эцсийн хэлэлцүүлгийг хийж, хуралдаанд оролцсон 47 гишүүний 33 нь зөвшөөрснөөр 70.2 хувийн саналаар уг хууль батлагдлаа.
Ингэснээр иргэд архи, тамхи худалдан авсан тохиолдолд нэг хувийн татвар төлөх юм. Мөн зочид буудал, амралтын газар, ресторанаар үйлчлүүлбэл, мөн нэг хувийн татвар ногдуулахаар болж буй юм.
Мөн чуулганы хуралдаанаар Захиргааны ерөнхий хуулийг гишүүдийн 80.9 хувийн саналаар баталлаа.
Одоо чуулганы хуралдаанаар Төрөөс аж үйлдвэрийн салбарт баримтлах бодлогын баримт бичгийн эцсийн хэлэлцүүлгийг хийж байна.
-
2015 оны 6 сарын 19
С.Бямбацогт: Хөшөөтийн нүүрсний тээвэрт монголчуудын эрх ашиг зөрчигдөх ёсгүй
-
2015 оны 6 сарын 19
Үйлдвэрлэлийг дэмжих тухай хуулийн төслийг хэлэлцэхийг дэмжив
-
2015 оны 6 сарын 19
ОХУ-ын Санкт-Петербург хотноо болсон Петербургийн олон улсын эдийн засгийн чуулга уулзалтад Ерөнхий сайд Ч.Сайханбилэг оролцох үеэр Монгол Улсын Хөгжлийн банкны захирал Н.Мөнхбат, ОХУ-ын Внешэконом банкны Нэгдүгээр орлогч захирал П.М.Фрадков нар хөрөнгө оруулалтын 20 сая ам.долларын гэрээнд гарын үсэг зурлаа.
