-
2015 оны 6 сарын 19
Хууль, тогтоолын төслүүдийг баталлаа
-
2015 оны 6 сарын 19
Монгол Улсын Их Хурлын дарга Зандаахүүгийн Энхболдод Улсын Их Хурлын гишүүн, Сангийн сайд Ж.Эрдэнэбат “Монгол Улсын 2014 оны төсвийн гүйцэтгэлийг батлах тухай” Улсын Их Хурлын тогтоолын төслийг өнөөдөр өргөн барилаа.
-
2015 оны 6 сарын 19
Ерөнхий сайд Ч.Сайханбилэг ОХУ-ын Ерөнхийлөгч В.В.Путинд бараалхлаа
-
2015 оны 6 сарын 19
http://www.24tsag.mn/content/118595.shtml
-
2015 оны 6 сарын 19
З.Энхболд: МАН-ынхан ажилд битгий садаа бол
-
2015 оны 6 сарын 19
Европчуудтай харьцуулахад монгол хүний хэмжүүр өөр билээ. Үнэт зүйл өөр. Монгол хүн хэзээ ч мөнгө, үнэтэй эд хогшил, өндөр хадгаламж гэж явдаггүй. Өөрийнхөө хөдөлмөрөөр бахархах, олон хүүхэдтэй болох нь чухал-энэ бол монгол хүний үнэт зүйлсийн ялгаа. Европын хүмүүс ондоо. Аль болохоор цөөхөн хүүхэдтэй байх гэнэ. Хүүхдүүд нь насанд хүрсэн л бол тусад нь гаргачихаад чөлөөтэй байхыг эрхэмлэнэ. Тэд нар нь ч бараг л ээж аавыгаа эргэж ирэхдээ авчирсан хүнснийхээ талон биллийг нь авчирч өгдөг гэж ярьдаг. Гэтэл монгол хүний сэтгэл өөр дөө.
-
2015 оны 6 сарын 19
Петербургийн олон улсын эдийн засгийн чуулга уулзалт нь ОХУ, хөгжиж буй шинэ эдийн засгууд, дэлхийн эдийн засгийн өмнө тулгарч буй томоохон асуудлуудыг тодорхойлон хэлэлцэх талбар болдог юм. ОХУ-ын Санкт-Петербург хотноо жил бүр зохион байгуулагддаг энэхүү арга хэмжээнд Монгол Улсын Ерөнхий сайд Ч.Сайханбилэг оролцож байна.
-
2015 оны 6 сарын 19
МОНГОЛ УЛСЫН ИХ ХУРЛЫН ХАВРЫН ЭЭЛЖИТ ЧУУЛГАНЫ 2015 ОНЫ 06 ДУГААР САРЫН 19-НИЙ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ
-
2015 оны 6 сарын 19
Налайх хотын Захирагчийн дахин сонгууль өчигдөр 07-22 цагийн хооронд зургаан хэсгийн хороонд боллоо.
-
2015 оны 6 сарын 18
Налайх хотын Захирагчийн дахин сонгууль өнөөдөр 07-22 цагийн хооронд зургаан хэсгийн хороонд болж байна. Энэ удаагийн сонгуульд өмнөх сонгуульд хамгийн олон санал авсан 2 нэр дэвшигч буюу Налайх дүүргийн ИТХ-аас нэр дэвшигч Ш.Хаан, бие даан нэр дэвшигч Ц.Минжинхүү нар өрсөлдөж байгаа юм. Сонгуулийн ирцийн мэдээллийг 2 цаг тутамд танилцуулж байна. 16:00 цагийн байдлаар 4821 иргэн санал өгч, сонгуулийн ирц 23,7 хувьтай байна. Налайхын иргэд Та бүхэн харьяа хороон дээрээ очиж сонгуульдаа идэвхитэй оролцоно уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 6 сарын 18
Тэгвэл Н.Алтанхуяг “Миний өргөн барьсан хууль хасагдлаа. Хуулийн төслийг хэлэлцэх асуудлын жагсаалтаас хассан тухай тодруулсан. УИХ-аар хэлэлцэж байгаа асуудлыг Үндэсний аюулгүй байдлын зөвлөлөөс ирүүлсэн бичгийн дагуу хэлэлцэх асуудлын жагсаалтаас хасаж болохгүй. Гэтэл жагсаалтаас хассан байна. Товчхондоо бол УИХ-ын гишүүн хууль санаалчах боломжгүй болох цөвүүн цаг Монголд ирж байна. Хууль санаачилсан гишүүнийг дарамтлан, гүтгэдэг болжээ. Төрийн байгууллага өөрийн албан ёсны цахим хуудсаар дамжуулан гүтгэлгийн шинжтэй мэдээлэл цацдаг болсон байна” гэлээ.
-
2015 оны 6 сарын 18
УИХ-ын чуулганы үдээс хойшхи хуралдаанаар Гацууртын ордын төрийн эзэмшлийн хувь хэмжээг тогтоох тухай тогтоолын төслийг үргэлжлүүлэн хэлэлцэж эхэлсэн. Чуулганы хуралдааны үеэр гишүүд байр сууриа илэрхийлж, үгээ хэлсний дараагаар санал хураалт явууллаа. Санал хураалтаар 31.9 хувийн саналаар тогтоолын төслийг хэлэлцэхгүйгээр шийдвэрлэж, төсөл уналаа. Засгийн газраас оруулсан уг төслийг хэлэлцэх үеэр Засгийн газрын 10 гишүүн хуралдаандаа байхгүйг УИХ-ын дарга З.Энхболд хэллээ. Тэрбээр “Засгийн газар ирцээ бүрдүүлж, төслөө хамгаалж чадаагүй, хохь нь” хэмээн хатуухан хэлсэн юм.
-
2015 оны 6 сарын 18
Чуулганы нэгдсэн хуралдаанаар “Гацууртын ордын эзэмшлийн хувь хэмжээг тогтоох тухай” УИХ-ын тогтоолын төслийг хэлэлцэж байна. Хэлэлцэж буй асуудалтай холбогдуулан УИХ-ын гишүүд асуулт асууж, хариулт авч байгаа юм.
УИХ-ын гишүүн Д.Лүндээжанцан -”Ноён уулын булш, түүх соёлын хосгүй давтагдашгүй зүйл. Энэ уулыг нинжа нараас яаж хамгаалах вэ?. Хүннүгийн үеийн булш, бунханыг хөндөхгүй гэх баталгаа бий юу” гэв.
Түүний асуултад Р.Жигжид сайд хариулахдаа ”Ноён уулын булш, бунхантай газрыг улсын тусгай хамгаалттай газарт бүртгэхээр болсон. Үүгээр хамгаалах орчин бүрдэнэ” гэв.
УИХ-ын гишүүн Д.Лүндээжанцан ”Зурагнаас харахад цэвдгийн тархалт янз бүр байна. Хөлдөлтийн гүн 3-4 метр. Нарийвчлан судалгаа хийх шаардлагатай” гэв.
УИХ-ын гишүүн О.Баасанхүү ”Өргөдлийн байнгын хороонд Ноён уулаа хамгаалах асуудлаар 20 мянган өргөдөл ирсэн. Гэтэл Су.Батболд ”Манай байнгын хороо хэлэлцэнэ” гээд даргын зөвлөлийн хурлаар дарамталж байгаад авсан. Үнэхээр харамсаж байна. Тони Блейр Монголд ирээд байгаа нь Ноён уулыг ухах гэсэн санаа гэж гадны хэвлэлүүд бичиж байгаа. Ажлын хэсгийн дүгнэлтээ гаргах хэрэгтэй. Наадмын өмнө хуулиудыг бөөндөх санаа байна уу. Сэлэнгээс УИХ-д нэр дэвшсэн, дэвших сонирхолтой С.Баярцогт, Д.Эрдэнэбат нар хаачив аа” гэлээ.
Р.Жигжид сайд түүний асуултад хариулахдаа ”Эндээс орж ирэх 265 сая доллар, 400 гаруй сая ам доллар татварт орохоор байгаа” гэлээ.
УИХ-ын гишүүн Б.Бат-Эрдэнэ ”Сентерра Гоулд компанийхан төр 34 хувиа эзэмшвэл 130 сая доллар төл гэж шантаажилсан. Энэ асуудлыг хэлэлцэх зайлшгүй шаардлага байгаа юм уу. Нөөц ашигласаны тусгай зөвшөөрөл хэдэн хувиар тогтоогоод байгаа юм бэ бага хэмжээний татвар аваад баялгаа өгөөд явуулах юм уу. Цагаан суварга яг ийм маягаар алга болсон” гэж асуув.
Р.Жигжид сайд хариулахдаа ”Төрийн эзэмшлийн 34 хувийг хөрөнгө оруулагч талд шилжүүлж, стратегийн ордын нөөц ашигласан тусгай төлбөрийг 3 хувь дээр тогтоогоод байна” гэлээ.
УИХ-ын гишүүн Д.Дэмбэрэл ”Монголын төр ямар хэмжээний шаардлага тавьж байгаа вэ” гэж асуув.
Уул уурхайн дэд сайд Г.Тэмүүлэн уг асуултад хариулахдаа ”Төслөөс нийт 600 сая долларын эдийн засгийн үр өгөөж орно” гэв.
УИХ-ын гишүүн Д.Дэмбэрэл ”Эдийн засгийн үр нөлөө тодорхой харагдахгүй байна. Том дансны цаана та нарыг хуурч байна. Ёс зүйгүй загнадаг Сентерра Гоулд яагаад парламентыг хуураад байгаа юм бэ. Заавал тэдэнтэй гэрээ хийх ямар албатай юм бэ” гэлээ.
УИХ-ын гишүүн Ц.Даваасүрэн ”Р.Жигжид сайд Төрийн эзэмшлийн 34 хувийг ашиггүй. Роялтыг судалж байна гэлээ. Яах гэж сайд хийж байгаа юм бэ. Дэд сайд Г.Тэмүүлэн ОТ-г цааш нь харуулахад гол үүрэг гүйцэтгэсэн. Одоо Гачууртыг алга болгох гэнэ. Энд тэнд нэр дэвших санаа байгаа байх. Хаана нэр дэвшинэ тэнд өөрийг чинь хэн бэ гэдгийг бид хэлэх болно” гэлээ.
УИХ-ын гишүүн О.Болорчулуун ”Сентерра Гоулд бол хөгжиж буй орнуудыг цөлмөдөг. Киргизийг цөлмөсөн ард иргэд нь боссон Бороо Гоулдыг ямар ч татваргүй цөлмөсөн Парламентын гишүүдийг авилгадаж байгаа компани Монголын улс төрчдийг лообидаж ашиглана гэдгээ ил тод зарладаг. Үнэт зүйл гэж байх ёстой хөндөж болохгүй газар бидэнд байх учиртай. Газрын гүнд ноёдын булш байна Тулга битгий донгос худлаа хэлж байна 300 орчим булш бунхан байна. Тэр чигээрээ археологийн дурсгал, дээр нь монгол хүн бүр гайхам байгальтай. Орчин нь хайрламаар хүндэлмээр биширмээр, салбар бүрээс горхи урсаж Хараа голыг тэтгэж байна. Төөрөлдүүлсэн мэдээлэл явж байна бүрэн судалгаа хийгээгүй гэдгээ ШУА нотолдог. Нэг бунхныг нэг жил зарцуулдаг эрдэмтэн судлаачид
Болорчулуун гишүүн хэлэхдээ АН сонгуулийн үед ашигт малтмалыг ард түмний саналаар шийднэ гэж амалсан 20 мянган хүмүүсийн үгийг сонсооч МАН Бид хамтдаа гээд үг яах вэ үйлээрээ харуулаач гэв
Тэрбишдагва гишүүн хэлэхдээ ОТ, Бороо Гоулдын хэлбэрээр л явж байна. Газар түүний хэвлий дахь баялаг ард түмний мэдэлд төрийн өмч мөн гэж Үндсэн хуулинд заасан Газрын доорх баялгаа үнэлсэн юм уу Баялгаа үнэлээд хөрөнгийн зах зээлд мөнгө босгох нь дэлхийн жишиг ингэж чадахгүй байна. Гачууртын ордыг стратегийн ач холбогдолтой болгосон нь Сентерра Гоулдад зориулсан шүү дээ
3Жигжид сайд хэлэхдээ, Газрын доорх баялгийг эзний татвараар ойлгож болно Роялти гэдгээр.Стратегийн ордод яагаад оруулсан бэ гэвэл хөрөнгө оруулагчид санал гаргаж УИХ аар хэлэлцүүлж баталсан. Тэмүүлэн дэд сайд хэлэхдээ ашигт малтмалын нөөцийн тусгай төлбөр 53 сая ам доллар буюу 108 тэрбум төгрөг.
С.Дэмбэрэл гишүүн хэлэхдээ, хоёр сонголт бий. эх оронч болж мэсэж их авах, эдийн засгийг огт мэдэхгүй хүнд ч ойлгомжтой байна шүү дээ, бүр чиглэлээр сайхан гоё шар хантааз хийгээд тавьчихгүй яасан юм бэ Иймэрхүү чиглэлийн номыг орчуулаад иймэрхүү гэрээг аргачлалаа олбол. 2008 онд стратегийн ордыг ашиглахдаа 51 49 тогтоосон энэ байдалаа өөрчлөх үү
Жигжид сайд хариулахдаа заавал хантаазаар илэрхийлэхгүй цаасаар хангалттай ойлгохоор байгаа. Харин тодорхой аргачлал бий болгох нь зүйтэй. Стратегийн ордын талаар олон өнцгөөс ярьдаг. Судалж үзэх асуудлын нэг
Жигжид сайд хариулахдаа, ордын тусгай зөвшөөрлийг эзэмшигч нь гадны компани байгаа хүндэтгэхээс өөр арга байхгүй энэ компани Бороогийн уурхайг эрхэлж байсан туршлагатай техникийн бааз суурьтай. Цэвдэгийн хувьд Гачууртын ордын мөнх цэвдэгийн тайлан ирүүлсэн байгаа. Энэ дүгнэлтээс харахад нарийвчлан хийх шаардлагатай гэж байгаа. Тэмүүлэн хэлэхдээ, нөөц 50 тонн. Богино хугацаанд хувь эзэмшигч эрсдэлтэй гэж үзээд 70 тэрбумыг 7-8 дахь жилээсээ авна. Үр өгөөж нь голлох татвараар тооцогдоно. Цалинд 600 сая доллар, худалдан авалт 1 их наяд төгрөг хийгдэнэ.
З.Баянсэлэнгэ, би Гачууртын ордыг очиж үзсэн, урт нэртэй хуулиар үйл ажиллагаа нь зогссон. Хайнаагаа тасалж ярих нь зөв. Нэг талаас хүчиндээд явуулья гэх ч нөгөө талаас ард иргэдийн зүгээс тавьж буй асуудлыг бас тооцох хэрэгтэй. Гачууртын орд хэний эзэмшлийнх юм бэ Мөнх цэвдэгийн асуудлыг судалсан юм уу ард түмэндээ хэлж өгөөч. Хэдэн хүмүүсийг ажилтай болгох гээд нийт ард түмний эрх ашгийг зөрчиж болох уу Элбэгдорж Ерөнхийлөгч сонгуульд ард түмэнд амалсан байдаг. Түүний эрх ашиг хөндөгдөөд байна уу түүнтэй ярилцаж үзсэн үү. Эдийн засгийн хямралаас гаргах арга хэлбэр гэж харагдахгүй байна бүх стратегийн ордуудыг нэг мөр шийдвэл яасан юм бэ
Жигжид сайд хариулахдаа ашиглалтын тусгай зөвшөөрөл өмнө Гацуурт компанид байсан одоо Сентерра Гоулд компанид байгаа. Мөнх цэвдэгийг ШУ-ны байгууллагаас судалж байгаа цэвдэг нь хайлаад ойр орчим түүх дурсгалын нь нөлөө үзүүлэх вий гэж үзэж байгаа Геофизикийн судалгааг хийх хэрэгтэй. Иргэдийн асуудал Босоо Хөх Монгол зэрэг газраас Монгол улсын Ерөнхий сайдаас асуулга асуусан хариултыг өгсөн байгаа. Ерөнхийлөгчтэй биечлэн ярьсан зүйл миний хувьд байхгүй Ерөнхий сайд ярьсан байх
-
2015 оны 6 сарын 18
УИХ-ын чуулганы хуралдаанаар УИХ-ын гишүүн Н.Алтанхуягийн өргөн барьсан Эрүүгийн байцаан шийтгэх хуулийг хэлэлцэх гэтэл Хуульзүйн байнгын хорооны дарга Д.Ганбат Эрүүгийн байцаан шийтгэх хуульд өөрчлөлт оруулах тухай, прокурорын байгууллагын тухай хуульд нэмэлт оруулах тухай хуулийн төслүүдийг хойшлуулах санал гаргалаа. Учир нь Үндэсний аюулгүй байдлын зөвлөлөөс өчигдөр Хууль зүйн байнгын хороонд хандаж, албан тоот ирүүлжээ. Албан тоотод Үндэсний аюулгүй байдлын тухай хуулийн тодорхой заалтыг үндэслэн Эрүүгийн байцаан шийтгэх хуулийг хэлэлцэхийн өмнө ҮАБЗ-өөс шийдвэр гаргуулах нь зүйтэй талаар дурдсан байна. Өөрөөр хэлбэл АТГ-ын харьяанд шилжээд байгаа прокурорын байгууллагыг прокурорын байгууллагад эргүүлэн шилжүүлэх асуудлыг нухацтай хэлэлцэх нь зүйтэй гэж үзжээ. Энэхүү саналыг УИХ-ын дарга хүлээн авснаар УИХ-ын гишүүн Н.Алтанхуягийн өргөн барьсан Эрүүгийн байцаан шийтгэх хуулийг энэ долоо хоногт чуулганаар хэлэлцэхээргүй болж байна.
Харин одоо Шүүх байгуулах тухай хуулийн анхны хэлэлцүүлгийг хийж байна. Энэ оны долдугаар сарын 1-нээс Дүүргийн шүүх байгуулахыг хүчингүй болгох Шүүх байгуулах тухай хуулийг яаравчлан хэлэлцэх шаардлагатай болсныг УИХ-ын дарга хэллээ.
-
2015 оны 6 сарын 18
УИХ-ын эмэгтэй гишүүд өнөөдөр Хүүхэд харах үйлчилгээний тухай хуулийн төсөлтэй холбогдулан сэтгүүлчдэд мэдээлэл хийлээ.
-
2015 оны 6 сарын 18
Зарим хуулийн төслийг эргүүлэн татав
Пүрэв, 6 сарын 18 2015
Бичсэн Б.Туул
Хэвлэх
Email
Зарим хуулийн төслийг эргүүлэн татав
УИХ-ын чуулганы пүрэв гарагийн нэгдсэн хуралдаанаар 23 асуудал хэлэлцэхээр төлөвлөсөн ч Ерөнхийлөгчийн санаачилсан хоёр хуулийн төслийг эргүүлэн татлаа.
Мөн Засгийн газраас Хөгжлийн бодлогын хуулийн төслийг эргүүлэн татаж буйгаа мэдэгдсэнээр хэлэлцэх асуудлаас хасав. Ерөнхийлөгчийн санаачилсан Үндсэн хуулийн цэцэд маргаан хянан шийдвэрлэх ажиллагааны тухай шинэчилсэн найруулга болон холбогдох бусад хуулийн төслүүдэд ажлын хэсэг ажиллаж буй шалтгаанаар эргүүлэн татсан. Мөн Захиргааны ерөнхий хууль болон холбогдох бусад хуулийн төслүүдийг татаж буй аж.
-
2015 оны 6 сарын 18
УИХ-ын чуулганы өнөөдрийн хуралдаанаар Шүүх байгуулах тухай хууль, Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төслийн анхны хэлэлцүүлгийг хийлээ. Шүүх байгуулах тухай хуулиар давж заалдах шатны 19 шүүх, дүүргийн анхан шатны 8 шүүхийг дагнан байгуулах, Захиргааны хэргийн анхан шатны шүүхийг 21 аймагт дагнан байгуулах, мөн Сум дундын Эрүү, Иргэний хэргийн анхан шатны шүүхийг 21 аймагт дагнан байгуулах, харин Дорноговь аймгийн Замын-Үүд сум, Завхан аймгийн Тосонцэнгэл сум, Өмнөговь аймгийн Ханбогд сум, Ховд аймгийн Булган сум зэрэг Сум дундын 8 шүүхийг дагнан байгуулахгүйгээр байгуулахаар тусгаад байгаа юм. Шүүхийн нэрийг тухайн шүүхийн харьяаллын засаг захиргааны нэгжийн нэрээр нэрлэх юм. Тухайлбал, “Дорнод, Хэнтий, Сүхбаатар аймгийн Иргэний хэргийн давж заалдах шатны шүүх”, “Дорнод, Хэнтий, Сүхбаатар аймгийн Эрүүгийн хэргийн давж заалдах шатны шүүх”, “Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүх” гэх зэргээр нэрлэх аж.
Энэ үеэр УИХ-ын гишүүн Ц.Нямдорж Үндсэн хууль зөрчсөн хууль батлах гэж байна хэмээн нэлээд шүүмжилсэн юм. Тэрбээр “ҮАБЗ-ийн саналаар хэлэлцэх асуудлаа хойшлуулна гэдэг байж боломгүй зүйл. Аюулгүйн зөвлөлийн аппарат хайгуулын лиценз зогсоож байхад 3 хүн очиж хэлэлцээд зогсоож байсан. Монголд Аюулгүйн зөвлөл гэдэг төрийн институци байхгүй. Тэгээд очиж очиж Байцаан шийтгэх хуульд өөрчлөлт оруулахдаа Аюулгүйн зөвлөлөөр хэлэлцүүлнэ гэдэг байж боломгүй. Дээр нь Шүүхийн асуудалд тоог нь үгээр солилоо. Үндсэн хууль, цэцийн гишүүд амьд байгаа. Шүүх байгуулах тухай хууль ирэх долдугаар сарын 1-нээс хэрэгжиж эхлэх гээд будилж байтал дахиад цэцийн дүгнэлт гарна. Та нар харж байгаарай. Миний үг Үндсэн хуулийн цэцэд нотлох баримтын хүрээнд үнэлэгдэнэ шүү Д.Ганбатаа. Хууль нь амьд, хүн нв амьд байхад улаан цайм хууль зөрчиж болохгүй. Үндсэн хууль ард түмэн хоёр мөнх” гэсэн юм.
Харин үүнд Хуульзүйн байнгын хорооны дарга Д.Ганбат “Ц.Нямдорж та олон юмыг урьдчилж хэлдэг Ванга л даа. Та урьдчилж хараад цэцийн дүгнэлт гарна гээд байна. Би харин тэгэж бодохгүй байна. Цэцэд өндөр мэдлэг боловсролтой хүмүүс ажилладаг гэж итгэж байна. Ингээд намар юу болохыг харъя. Долдугаар сарын 1-нээс өмнө хуулийн эргэлзээтэй байдлыг арилгах ёстой” гэлээ.
УИХ-ын гишүүн О.Баасанхүү: Бэлтгэл байна уу. Шинээр шүүх байгуулахаар 151 сая төгрөг шаардлагатай гэсэн. Энэ мөнгө төсөвт тусаагүй. Томилолтын тодотгол хийх юм уу?
ШЕЗ-ийн гишүүн н.Эрдэнэчулуун: 151 сая төгрөг бол нэмэлт зардал биш. Томилолтын зардлаас гарна. Бэлтгэл ажлыг тамгын газар нь хангах журмын төсөл бэлэн болсон.
УИХ-ын гишүүн Ц.Нямдорж: Үндсэн хууль зөрчсөн асуудал хэлэлцвэл хуралдааныг орхиж гарах эрхтэй. Өмнө нь 4 багц хуулийг хэлэлцэхэд би оролцоогүй. Шүүхийн зохион байгуулалтыг баталж байгаа энэ хуралдаанд би оролцохгүй. Энэ бол Монгол төрийн үндсэн баримт бичгийн зарчмын асуудал. Тиймээс би хуралдааныг орхиж байна” гээд хуралдааныг орхин гарлаа.
Ингээд хуулийг долдугаар сарын 1-нээс дагаж мөрдөх тухай санал гишүүдийн дэмжлэг авсангүй. Тиймээс маргааш өглөө Хуульзүйн байнгын хороо чуулганы хуралдаанаас өмнө хуралдаж эцсийн хэлэлцүүлгийг хийх үүргийг УИХ-ын дарга өглөө. Ингэснээр хуулийн төслийг эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүллээ. Хуулийн төслийг маргаашдаа багтаан УИХ-аар хэлэлцэн батлахаар төлөвлөж..
Үргэлжлүүлэн Зэвсэгт хүчний жанжин штабын даргыг томилох асуудлыг зөвшилцөж байна.
-
2015 оны 6 сарын 18
ОХУ-д ажлын айлчлал хийж буй Монгол Улсын Ерөнхий сайд Ч.Сайханбилэг өөрийн төгссөн сургууль болох Москвагийн Хүмүүнлэгийн их сургуульд өчигдөр зочиллоо. Ерөнхий сайдыг тус сургуулийн захирал И.М.Ильинский, сургуулийн удирдлага, багш, оюутнууд хүлээн авсан юм.
-
2015 оны 6 сарын 18
УИХ-ын нэгдсэн чуулганы хуралдаанаар Зэвсэгт хүчний жанжин штабын даргын албан тушаалд Д.Давааг томилуулах асуудлыг зөвшилцөж гишүүд дэмжлээ.
-
2015 оны 6 сарын 18
Хүүхэд харах үйлчилгээний тухай хуулийн төслийн анхны хэлэлцүүлэг энэ сарын 16-нд Нийгмийн бодлого, боловсрол, соёл, шинжлэх ухааны Байнгын хорооны хуралдаанаар ороход санал хураахын өмнө МАН-ын бүлгийн гишүүд завсарлага авч төслийн хэлэлцүүлгийг тав хоногоор хойшлуулсан билээ.
Завсарлага авах шалтгаанаа “Энэ хууль амьдралд нийцэхгүй байна, хүүхдүүд бүгд стандартын шаардлага хангасан цэцэрлэгт хүмүүжих ёстой” хэмээн тайлбарласан юм. Үүнд нь дургүйцсэн Хүүхэд харах үйлчилгээний тухай хуулийг эхнээс нь дэмжиж ажилласан УИХ-ын эмэгтэй гишүүд Байнгын хорооны хурлыг орхин гарч, хуулийн төслийг хэлэлцэхээс нааш НББСШУ-ын Байнгын хорооны хуралдаанд суухгүй гэдгээ албан ёсоор мэдэгдсэн.
Харин өнөөдрийн УИХ-ын чуулганы нэгдсэн хуралдаанд гурван эмэгтэй гишүүнээс бусад нь байхгүй байна.
Энэ талаар УИХ-ын дарга З.Энхболд “Эмэгтэй гишүүд чуулгандаа оролцоорой. Хүүхэд харах үйлчилгээний тухай хуулийн төслөөс болоод чуулганд байхгүй байх шиг байна. Асуудлаа Байнгын хороон дээрээ шийдвэрлэ. МАН-ын бүлгийн завсарлагыг дуусахаар хуваариараа хэлэлцээд явна. Чуулганы хуралдааныг ингэж бойкотолж болохгүй” гэв.
