-
2016 оны 12 сарын 16
Сүүлийн үед их хэмжээний мөнгөн тэмдэгт хуурамчаар үйлдвэрлэсэн гэх мэдээлэл гарсаар байгаа. Энэ асуудалтай холбоотойгоор ЦЕГ болон Монголбанк хамтран мэдээлэл хийлээ.
Цагдаагийн байгууллагад энэ оны эхний 11 сарын байдлаар 259 хуурамч мөнгөн тэмдэгтийн талаар гомдол мэдээлэл бүртгэгдсэнээс 37 материалд шалгалтын ажиллагааг хийж байгаа аж.
Мөнгөн тэмдэгтийг 35 хүртэлх насны компьютер, график, дизайн чиглэлийн мэргэжилтэй залуус бүлэглэж, хэвлэдэг болохыг цагдаагийнхан илрүүлсэн байна. Одоогоор нийт 15 сая төгрөг бүхий мөнгөн тэмдэгтийг хуурамчаар үйлдсэн гурван бүлэг этгээд буюу арав гаруй залуусыг баривчилж, эрүүгийн хэрэг үүсгэн прокурор руу шилжүүлжээ.
Хуурамч мөнгөн тэмдэгт хийдэг иргэд нь шөнө оройн цагаар ТҮЦ, найман нэрийн дэлгүүр, супермаркетуудаар явж, хуурамч мөнгөө гүйлгээнд оруулдаг гэдгийг хуулийнхан анхаарууллаа. Мөн хуурамч мөнгөн тэмдэгт нь ихэвчлэн хуучирч, үрчийсэн байдаг аж. Арилжааны банкууд бол хуурамч мөнгийг илрүүлэх боломжтой. Банкны мөнгө тоологч машин хурамч дэвсгэртийг шууд таньдаг. Харин жижиг худалдаа эрхлэгчид хуурамч мөнгөн дэвсгэртийг таньж, ялгах боломжгүйгээс хохирч үлдэх нь түгээмэл байдаг байна. Монгол төгрөгийн дэвсгэртэд 15 орчим нууцлал бүхий тэмдэг, ялтсууд байдаг.
Монгол банкны ерөнхийлөгч, Санхүүгийн зохицуулах хорооны дарга, Цагдаагийн ерөнхий газрын дарга нарын хамтран баталсан 2013 оны А-121/158/360 тоот тушаалаар “Гүйлгээнээс илэрсэн хуурамч мөнгөн тэмдэгтийг хүргүүлэх, бүртгэх, хадгалах, устгах” журмын дагуу улсын хэмжээнд Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст дээрхи санг бүрдүүлэн ажиллаж байна.
Хуурамч мөнгөн тэмдэгт үйлдэх гэмт хэргээс урьдчилан сэргийлэх чиглэлээр нийт 7845 ширхэг сэрэмжлүүлэг, зурагт хуудас тарааж, хуурамч мөнгөн тэмдэгтийг шалгаж авах талаарх зөвлөмжийг цагдаагийн байгууллагаас бэлэн мөнгөөр гүйлгээ хийдэг аж ахуй нэгж, байгууллага, иргэдэд зөвлөгөөг тогтмол өгч ажилласан байна. Хэрвээ Монгол улсын мөнгөн тэмдэгийг хуурамчаар үйлдвэрлэх юм бол Эрүүгийн хуулийн дагуу хариуцлага хүлээдэг аж.
Тодруулбал, Эрүүгийн хуулийн 176 дугаар зүйлд Мөнгөн тэмдэгт, үнэт цаас, онцгой албан татварын тэмдгийг хуурамчаар үйлдэх, ашиглах, борлуулах тухай заасан байдаг.
176.1.Монгол Улсад төлбөр тооцооны хэрэгсэл болгон ашиглаж байгаа үндэсний болон гадаад улсын мөнгөн тэмдэгт, үнэт цаас, төлбөрийн бусад хэрэгсэл, онцгой албан татварын тэмдгийг хуурамчаар үйлдсэн, хуурамчаар үйлдсэнийг мэдсээр байж ашигласан, борлуулсан бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёроос таван жил хүртэл хугацаагаар хорих ял шийтгэнэ.
176.2.Энэ хэргийг давтан буюу бүлэглэж, урьд нь энэ хэрэгт шийтгүүлсэн этгээд үйлдсэн, түүнчлэн энэ хэргийн улмаас бусдад их хэмжээний хохирол учирсан бол эд хөрөнгийг хураах буюу хураахгүйгээр таваас дээш арван жил хүртэл хугацаагаар хорих ял шийтгэнэ.
176.3. Энэ хэргийг зохион байгуулалтай бүлэг, гэмт бүлэглэл үйлдсэн, түүнчлэн энэ хэргийн улмаас бусдад онц их хэмжээний хохирол учирсан бол эд хөрөнгийг хурааж арваас дээш арван таван жил хүртэл хорих ял шийтгэнэ гэж заажээ.
Иймээс хуурамч мөнгөн тэмдэгт илэрсэн тохиолдолд цагдаагийн байгууллага хандахыг ЦЕГ-аас мэдээллээ
-
2016 оны 12 сарын 16
Сагсан бөмбөг сонирхогчдын хамгийн их хүсэн хүлээж буй Үндэсний супер лигийн шинэ улирлын тов зарлагдлаа.
Шинэ улирлыг МСБХ болон МҮСБХ хамтран зохион байгуулах бөгөөд өнөөдөр багийн эзэд, дасгалжуулагч, менежерүүдийн төлөөлүүдтэй шинэ улирлын талаар хэлэлцэн хуралдаж 2017 оны хоёрдугаар сарын 14-ны өдөр эхлүүлэхээр товложээ.
Шинэ улиралд оролцохоо дараах багууд мэдэгдээд байна. Үүнд:
Альянс Тех Харцага /2015-16оны аварга/
SBL Хасын Хүлэгүүд /2015-16 оны дэд аварга/
Төв Ургац /2015-16 оны гутгаар байр/
Ирвэсүүд /2015-16 оны 4-р байр/
Дархан Гарьд /плэйофф/
Дундговь Мон-Алтиус Смарт
Архангай Алтан Дорнод Лидер
Их Өргөө Аравтууд
МБМ Шонхорууд
Этүгэн ИС
Үндэсний супер лигийн сугалаа 2017 оны хоёрдугаах сарын 01-ны өдөр болно.
-
2016 оны 12 сарын 16
харуул хамгаалалтгүй хүнсний дэлгүүрээс орлогын мөнгө, архи согтууруулах ундаа хулгайлдаг байжээ.
-
2016 оны 12 сарын 16
”Сандэй” группын хамт олон 10 жилийн ойгоо тохиолдуулан өчигдөр Нийслэлийн Хүрээ Амаржих газарт нярайн шарлалт бууруулах дөрвөн ширхэг аппарат бэлэглэжээ. Нийт 42 сая төгрөгийн өртөг бүхий уг тоног төхөөрөмжийг Сандэй групп, Монгол майнинг эксплорайшн, Платинум Ланд, Шинжикү гэх дөрвөн компани нэгдэж бэлэглэжээ. Уг аппарат нь дутуу төрсөн хүүхдүүдэд илэрдэг гол асуудал болох биеийн хөгжлийг эмчилэхэд нөлөөлөхөөс гадна шарлалтыг яаралтай бууруулахад зайлшгүй хэрэглэгддэг аж. Нярай хүүхдийн шарлалд их байх нь тархи, мэдрэлийн тогтолцоонд сөргөөр нөлөөлж улмаар саажилтад хүргэх ч аюултай байдаг байна. Ингэснээр хүүхэд насан туршийн сэтгэцийн өвчтэй болдог ажээ. Тиймээс “Хүрээ” амаржих газрын удирдлагуудын зүгээс дотоодын компаниудын нийгмийн хариуцлагаа ухамсарлан хийсэн хөрөнгө оруулалтыг нүдээ олсон тусламж байлаа гэдгийг онцоллоо. Статистик судалгаагаар Монгол Улсад мэндэлж байгаа хүүхдүүдийн зургаа орчим хувь нь дутуу төрдөг ажээ. Хэдийгээр улсын эдийн засаг хүндэрч гадаадын хандив тусламж буурсан ч дотоодын аж ахуйн нэгжүүд ийнхүү нийгэмд чиглэсэн үйлдэл хийж байгааг төрөх эмнэлэгт байсан иргэд сайшааж байлаа.
-
2016 оны 12 сарын 16
элхийн миссийн тэмцээнд оролцож буй мисс А.Баярцэцэгээ дэмжиж, саналаа хэрхэн өгөх талаар өнөөдөр топ модель Х.Бадамгэрэл болон Л.Энэрэл нар мэдээлэл хийлээ.
Гоо сайхны олимп хэмээгддэг тус тэмцээн нь “Мисс авьяас”, “Спортлог мисс”, “Зорилго бүхий гоо сайхан”, “Мультимедиа буюу масс хандалт”, “Топ модель” хэмээн үндсэн таван шалгуураар тэргүүн титмийн эзнийг тодруулдаг уламжлалтай.
Манай улсын миссийн хувьд “Мисс авьяас”-д Монгол бүжгийг калиграф буюу уран бичиглэл, илбэ шидтэй хослуулан чадварлаг үзүүлснээрээ бусдаас онцлог байж, шилдэг 10 миссийн нэг болсон юм. Тус шалгуурын шилдгийг олон нийтийн санал асуулгаар тодруулах учраас Mobstar аппликэйшнээр дамжуулан саналаа өгөх нь чухал хэмээн топ модель Х.Бадамгэрэл хэллээ.
Тэрбээр “Монголчууд маань mobstar аппликэйшнээр Монголын миссдээ саналаа идэвхтэй өгснөөр Мисс авьяас шалгуурт шилдгээр шалгарч, Дэлхийн миссийн шилдэг 20 оролцогчийн нэг болох юм. А.Баярцэцэг маань үзүүлбэрээ маш сайн үзүүлж, өөрөөс шалтгаалах бүхнийг хийн шилдэг 10-д шалгарсан. Одоо энэ шалгуурын шилдэг болох эсэх нь биднээс шалтгаалах тул Монголчууд маань идэвхтэй саналаа өгөөрэй” гэсэн юм.
А.Баярцэцэг “Мисс авьяас”-д санал авсан тоогоороо шилдгийн төлөө Филиппиний мисстэй саналын тоо тун ойрхон өрсөлдөж байгаа юм. Энэхүү шалгуурын санал авах хугацаа Бямба гарагийн 13:00 цаг хүртэл үргэлжлэх юм. Тиймээс амжиж саналаа өгөх нь чухал гэдгийг мөн тэрбээр хэлсэн.
-
2016 оны 12 сарын 16
Сүхбаатар дүүргийн Цагдаагийн нэгдүгээр хэлтэс өнөөдөр ”Талархалын баяр” хүндэтгэлийн арга хэмжээг зохион байгууллаа. Уг арга хэмжээний хүрээнд тус хэлтсийн Хэв журмын тасгаас цагдаагийн албан хаагчдынхаа гэр бүлийнхэнг хүлээн авч уулзаж, талархал илэрхийлэв.
-
2016 оны 12 сарын 16
Нийслэлийн Засаг даргын зөвлөлийн хурал боллоо.
-
2016 оны 12 сарын 16
Чингэлтэй дүүргийн 10-19 дүгээр хорооны нутаг дэвсгэрт Дүүргийн иргэдийн төлөөлөгчдийн хурлын санхүүжилтээр энэ онд 152 ширхэг шинэ хяналтын камерыг гудамж талбайд байрлуулжээ. Ялангуяа хүн олноор төвлөрсөн ”Далайхүү”, ”Нарантуул-2” зэрэг үйлчилгээний газруудыг бүрэн камерын хяналтад авсан байна.
Ингэснээр халаасны хулгай, орон байр болон танхайрах гэмт хэргийн илрүүлэлтэд чухал ач холбогдолтой юм. Тухайлбал, Чингэлтэй дүүргийн 12 дугаар хорооны нутаг дэвсгэрт үйлдэгдсэн орон байрны хулгайн хэргийг 151 дүгээр худгийн баруун талд байрлуулсан камерын тусламжтайгаар илрүүлж, сэжигтнийг барьжээ.
Уг хяналтын камер байрлуулснаар Чингэлтэй дүүрэг дэх цагдаагийн хоёрдугаар хэлтсийн нутаг дэвсгэрт хамаардаг автобусны буудлуудад үйлдэгддэг халаасны хулгайн гэмт хэргийг шуурхай илрүүлдэг болжээ.
-
2016 оны 12 сарын 16
Монгол улсын хүний эрхийн комисс, цагдаагийн байгууллагатай хамтарсан судалгаагаар зөвхөн энэ онд хүүхдүүд 169 удаа урд хөршид хурдан морь унахаар хилээр гарчээ. Ийнхүү урд хөрш рүү хүүхдүүд морь унахаар явж байгаа нь амьдралын боломж тааруу байгаатай холбоотой гэдгийг тогтоосон байна. Ихэвчлэн Дорнод, Сүхбаатар, Дундговь аймгийн харьяат аж.
-
2016 оны 12 сарын 16
Хөшигтийн хөндийн онгоцны буудлын барилгын ажил ид явагдаж байна. Тус обьектын засал чимэглэлийг хариуцсан туслан гүйцэтгэгч компанийн 12 ажилтан хордлого авчээ.
-
2016 оны 12 сарын 16
Улаанбаатар хотын замын хөдөлгөөний ачааллыг бууруулах ажлын хүрээнд аравдугаар сарын 10-наас эхлэн дөрвөн уулзвараар тээврийн хэрэгсэл баруун гар тийш тогтмол эргэх болсон билээ.
-
2016 оны 12 сарын 16
Хүй долоон худаг дахь “Монгол наадам цогцолбор”-т байгуулсан “Ub Resort” цанын бааз өнөөдөр туршилтын байдлаар ажиллаж байна. Улаанбаатар хотын иргэдийг эрүүл цэвэр агаарт амарч зугаалах нөхцөлийг бүрдүүлэх зорилгоор тус баазыг байгуулсан билээ. Цана, чарга, тэшүүр, дулаан гэр, халуун хоол цайгаар үйлчлэх гээд иргэд амарч зугаалахад таатай орчныг бүрдүүлжээ. Цанын баазын үйл ажиллагааны талаар өнөөдөр мэдээлэл хийлээ.
“Монгол наадам цогцолбор” ОНӨТҮГ-ын орлогч дарга Я.Болдбаатар “Манай “Ub Resort” цанын бааз нь эрүүл агаарт иргэдийг ая тухтай амарч зугаалах боломжоор хангах гол зорилготой. Үнэ хямд, аюулгүй байдлыг хангасан үйлчилгээг үзүүлж байна. Иргэдийн аюулгүй байдлыг хангах үүднээс хэт өндөр биш газрыг сонгосон. Нийтийн тээврийн асуудлыг шийдүүлэхээр бид амралтын өдрүүдэд чиглэлийн автобус явуулах хүсэлтээ холбогдох байгууллагад хүргүүлсэн. Цаашдаа бид орчин үеийн цанын бааз байгуулахаар төлөвлөж байна. Энэ бол эхлэл ажил юм. Нэг дор 100 хүн хүлээн авах боломжтой. Цанын баазыг байгуулахад нийслэлийн төсвөөс хөрөнгө зарцуулаагүй.“ гэлээ. Мөн байгууллага, хамт олон цасны баяраа тэмдэглэх боломжтойг хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 12 сарын 16
Дорноговь аймгийн иргэд бөөрний дутагдлын эмчилгээ буюу гемодиализийн эмчилгээ, үйлчилгээг Нэгдсэн эмнэлэгтээ хийлгээд жил болж буй.
Энэ хугацаанд 15 хүнийг, давхардсан тоогоор 733 удаа эмчилгээнд хамруулсан болохыг Эрүүл мэндийн яамнаас мэдээллээ. Иргэд өмнө нь гемодиализ эмчилгээ хийлгэхээр Улаанбаатар, Бүсийн оношилгоо эмчилгээний төвийг зорьж цаг хугацаа, эдийн засгийн хувьд хүндрэлтэй байсан юм.
Тус гемодиализ эмчилгээний тасагт ЭМЯ-аас 40 сая төгрөг, Дорноговь аймгийн Нутгийн зөвлөлөөс 70 сая төгрөгийн хөрөнгө оруулалтыг хийжээ. Энэ хөрөнгө оруулалтаар хоёр гемодиализийн, нэг усны шүүлтүүрийн аппарат худалдан авч, өнгөрсөн оны арванхоёрдугаар сард үйл ажиллагаагаа эхлүүлсэн байна.
-
2016 оны 12 сарын 16
“Эрүүл хүнс-Эрүүл хүүхэд” сарын аян болон Мэргэжлийн хяналтын ерөнхий газрын даргын баталсан 01/10 дугаартай “Урьдчилан сэргийлэх хяналт шалгалт хийх тухай” удирдамжийн хүрээнд Шинэ жилийн баярыг угтаж хоол хүнсээр дамжих өвчин гарахаас урьдчилан сэргийлэх, бараа бүтээгдэхүүний аюулгүй байдал, ажил үйлчилгээний чанар, стандартын шаардлагыг хангуулах, үүсч болзошгүй эрсдэлээс сэргийлэх, иргэдэд сэрэмжлүүлэг, зөвлөмж, зөвлөгөө өгөх,сургалт сурталчилгаа явуулахаас гадна НОБГ, Улаанбаатар хотын Цагдаагийн газруудтай хамтран пиротехникийн ашиглалт, хадгалалт, худалдаалалтын байдалд давхар хяналт тавин ажиллаж байна.
Шалгалтанд худалдааны 334, хоол үйлдвэрлэлийн 84нийт 418 байгууллага хамрагдсанаас нийт 296 зөрчил илрүүлээд байна.
Хүүхдийн бэлэгэнд хугацаа дууссан болонсав баглаа боодол нь урагдсан печень чихэрийг багцалж боосон, түргэн гэмтэх бүтээгдэхүүн болох өндөг, бялууг ил задгай лангуу тавиур дээр овоолон худалдаалсан, хиамны үйлдвэрлэсэн он, сар, өдрийг тэмдэглээгүй худалдаанд гаргасан зөрчлүүдНарантуул трейд ХХК-ийн Нарантуул, Барс, Хархорин худалдааны төв, Алтжин санаа ХХК-ийн Алтжин худалдааны төв,Эрдэнэбулган ХХК-ийн Содон,Эрдэнэбулган худалдааны төвүүдэд илэрсэн.
Худалдаалж буй болон үйлдвэрлэж буй бүтээгдэхүүний чанар, аюулгүй байдалд үнэлгээ өгөх зорилгоор хүнсний бүтээгдэхүүний 49 дээжийг мал эмнэлэг, ариун цэврийн болон хими, нян судлалын лабораторид шинжлүүлэхэд 5 дээж нь стандартын шаардлагад нийцэж, бусад дээжийн хариу одоогоор гараагүй байна.
Шалгалтаар “Мон-Үр кек” ХХК, “Өгөөмж-Архад” ХХК-ийн үйлдвэрлэсэн огноо тодорхойгүй 10 нэр төрлийн 47 ширхэг 104350 төгрөгийн үнэ бүхий бялуу, бялууны төрлийн бүтээгдэхүүн, “Хос ивээл” ХХК-ийн үйлдвэрлэсэн огноо тодорхойгүй 18800 төгрөгний үнэ бүхий 2.35 кг “Зочин” “Чанамал хиам”, нийт 11 нэр төрлийн 2.35 кг, 47 ширхэг, 123150 төгрөгний үйлдвэрлэсэн огноо тодорхойгүй,шошгололтын шаардлага хангаагүй бүтээгдэхүүнийг худалдаалж байсныг татан авхуулж, зөрчлийг арилгуулсан.
Мөн ”Эрүүлхүнс- эрүүлхүүхэд” аяны хүрээнд Сүхбаатар дүүрэг дэх дэх Мэргэжлийн хяналтын хэлтсээс Номин хайпермаркетэд, Чингэлтэй дүүрэг дэх Мэргэжлийн хяналтын хэлтсээсНаранпойнтдэлгүүрт тус тус зөвлөнтуслахүйлчилгээүзүүлж,Багануур дүүрэг дэх Мэргэжлийн хяналтын хэлтсээс сургалт, зөвлөгөөн зохион байгуулаад байна.
Иргэдэд сэрэмжлүүлэхэд:
Хэн, хаана үйлдвэрлэсэн тодорхойгүй, гар дээрээс худалдаалаж байгаа түргэн гэмтэх бүтээгдэхүүн болох бялууг худалдан авахгүй байх;
Худалдан авч байгаа бүтээгдэхүүнийхээ үйлдвэрлэсэн болон хадгалах хугацаа,сав баглаа боодлын битүүмжлэл зэргийг сайтар шалгаж авах;
Худалдааны төвүүдэд хувь хүмүүсийн боосон хүүхдийн бэлгийг худалдан авахдаа хугацааг шалгаж авах шаардлагатай.
-
2016 оны 12 сарын 16
Монгол Улсад үйл ажиллагаа явуулж буй Олон Улсын болон Донор байгууллагуудын удирдлагуудыг Шадар сайд У.Хүрэлсүх хүлээн авч уулзлаа. Өвөлжилтийн хүндрэлийг даван туулах, малчдад тусламж үзүүлэх боломж, бололцооны талаар санал солилцсон байна.
.Засгийн газар өмнө нь өвөлжилтийн нөхцөл байдлын талаар хэлэлцэн өвөлжилт хүндэрсэн, хүндрэх нөхцөл бүрдсэн аймгуудын малчдад тусламж үзүүлэх чиглэлээр Олон улсын байгууллагуудтай хамтран ажиллахаар шийдвэрлэсэн юм.
a658467107cf0c3910861084ae39c14f
Орон нутагт хийсэн судалгаагаар:
· Онцгой байдлын анги, байгууллагад туулах чадвар сайтай автомашин
· Хүн эмнэлгийн болон цагдаагийн тасагт автомашин
· Өвс, тэжээл хямдруулж олгох, өвс, тэжээлийн нөөц бүрдүүлэх
· Зам, давааг цаснаас чөлөөлөхөд шатах, тослох материалын дэмжлэг үзүүлэх, “Шуурхай ажлын хэсэг” томилох, гарсан зардлыг шийдвэрлэх,
· Малын гоц халдварт болон халдварт өвчнөөс урьдчилан сэргийлэх эм, био бэлдмэлийн нөөц нэмэгдүүлэх
· Халаалт, шатахуун, засвар үйлчилгээний зардал
· Зүүн бүсийн оношлогоо эмчилгээний төвийг компьютер томографын аппаратаар хангах шаардлагатай байна.
935c28919e3461af4be642799f85f630
Аймаг, сум, баг, малчин өрх бүрт хүрч ажиллах, үүний тулд бүх түвшинд ажлаа давхардалгүй зохион байгуулж, тусламж шаардлагатай хүн бүрт хүрч ажиллахыг зорьж байгааг Шадар сайд уулзалтын үеэр тэмдэглэв. Мөн Олон улсын байгууллагууд дэмжлэг, тусламж үзүүлэх боломж, бололцооныхоо талаарх мэдээллээ ОБЕГ-т хүргүүлвэл шийдвэр гаргах, тусламжийг оновчтой хуваарилахад тус нэмрээ өгнө гэж үзэж байгаагаа илэрхийлэв.
НҮБ-ийн Монгол дахь суурин төлөөлөгч Биата Транкман “Эрсдлээс урьдчилан сэргийлэхийн тулд ийм уулзалтыг эрт зохион байгуулж байгаад талархаж байна. Монгол Улсын Шадар сайдын тавьсан саналыг хүлээн авч ирэх долоо хоногт уулзан өвөлжилт хүндрэх төлөвтэй орон нутгийн малчдад хэрхэн туслах талаараа ярилцах болно” гэлээ.
Одоогоор манай улсын 13 аймгийн 110 сум, нийслэлийн 2 дүүрэгт өвөлжилт хүндрэх нөхцөл үүсээд байгаа юм гэж Онцгой байдлын ерөнхий газраас мэдээллээ.
-
2016 оны 12 сарын 16
Булган аймгийн Бүрэгхангай сумын Дэрст багийн “Овоот” гэдэг газар 45 настай иргэн Б энэ сарын 9-ний өдрөөс хойш сураггүй болсон байна.
Энэ талаар дуудлагыг арвахоёрдугаар сарын 13-ны өдрийн 01:04 цагт хүлээн авч тус аймгийн Онцгой байдлын газрын Эрэн хайх, аврах салбарын 5 албан хаагч, 1 автомашин, орон нутгийн 5 иргэн, 1 автомашин, ар гэрийн 5 иргэн, 1 автомашин нийт 15 хүн, 3 техник хэрэгсэлтэйгээр эрэн хайж эхэлжээ.
Өчигдрийн байдлаар Овоот багийн хойд, урд уул, уурхайн кариаруудаар нийт 22 км газар явганаар эрэн хайх ажиллагааг зохион байгуулсан ч үр дүн гараагүй байна.
-
2016 оны 12 сарын 16
Оюутнуудад сургалтын төлбөрийн зээлийг энэ сарын 5-наас арилжааны банкуудаар дамжуулан олгож эхэлнэ гэж Боловсрол, соёл, шинжлэх ухаан, спортын яамнаас мэдээлсэн ч арилжааны банкууд зээлийн эх үүсвэр орж иргээгүй учир тус зээлийг олгохгүй аж.
Харин өнөөдрөөс эхлэн оюутнуудын сургалтын төлбөрийн зээлийг арилжааны банкуудаар дамжуулан олгож эхэлжээ. Эхний ээлжинд Капитрон болон Голомт банкаар дамжуулан тус зээлийг олгоно гэж албаны эх сурвалж мэдээллээ. Цаашдаа Төрийн банк, ХААН банк, Улаанбаатар хотын банк, ХАС банкаар дамжуулан олгох юм.
Мөн “Оюутны хөгжлийн зээлд хамрагдсан оюутнууд үндэсний тэтгэлэг буюу 70000 авах боломжгүй хэмээв.
Энэхүү зээлд 2016-2017 оны хичээлийн жилд 70 мянга гаруй оюутан хамрагдах боломжтой бөгөөд энэ оны төсөвт 90 тэрбум төгрөг, 2017 оны төсөвт 110 тэрбум төгрөгийг суулгажээ. Монгол Улсын магадлан итгэмжлэгдсэн төрийн болон төрийн бус өмчийн бүх их, дээд сургууль, коллежийн оюутан энэ зээлд хамрагдах боломжтой юм.
Зээлд хамрагдах оюутнуудын анхааралд:
-Зээл хүссэн өргөдөл
-Иргэний болон оюутны үнэмлэхийн нотариатаар баталгаажуулсан хуулбар
-Сургуулийн сургалтын төлбөрийн нэхэмжлэл /эх хувиар /
-Хамтран зээлдэгч гэр бүлийн гишүүний иргэний үнэмлэхийн нотариатаар баталгаажуулсан хуулбар
-Сургуульд зохих журмын дагуу элссэнийг гэрчлэх батламжийн нотариатаар баталгаажуулсан хуулбар зэргийг бүрдүүлэн банкинд хандах юм байна.
-
2016 оны 12 сарын 15
Нийслэлийн Засаг даргын зөвлөлийн хурал өнөөдөр болж байна. Хурлаар “Улаанбаатар Смарт карт” компанийн үйл ажиллагаатай танилцах, нийслэлийн тээврийн салбарын нөхцөл байдлын талаар санал боловсруулж, танилцуулах үүрэг бүхий ажлын хэсэг танилцуулга хийлээ. Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүүгээр ахлуулсан ажлын хэсэг өгөгдсөн чиг үүргийнхээ хүрээнд “Улаанбаатар Смарт Карт” ХХК-ийн үйл ажиллагаатай танилцаж, эрх зүйн баримт бичиг, гэрээнүүдийг судалж үзсэн байна. Ажлын хэсэг дараах дүгнэлтэд хүрчээ.
Нийтийн тээврийн үйлчилгээнд удирдлага, мэдээллийн болон цахим төлбөрийн шинэ систем нэвтэрснээр тээврийн хэрэгсэлд тавих бүртгэл, хяналт зохих хэмжээгээр сайжирсан, холбогдох хуулиудын хүрээнд хөнгөлөлттэй зорчсон иргэдийн нөхөн олговрыг хуваарилах болсон зэрэг ахиц гарсан. Гэсэн ч төсөл хэрэгжүүлэгч “Улаанбаатар Смарт Карт” ХХК-ийн зүгээс Нийслэлийн Засаг даргатай болон Нийслэлийн тээврийн газартай байгуулсан гэрээний үүргийн биелэлт хангалтгүй, төсөл хүлээгдэж байсан үр дүнд хүрээгүй гэж ажлын хэсэг дүгнэжээ.
Улаанбаатар хотын нийтийн тээврийн үйлчилгээний удирдлага, мэдээллийн болон цахим төлбөрийн системийн программ хангамж гэрээнд заагдсан шаардлагын дагуу боловсруулагдаж дуусаагүй, картын хэрэглээ муу, бэлэн мөнгөөр хийгдэж буй төлөлтийн хэмжээ өндөр, хяналт сул зэрэг тулгамдсан асуудал байгааг ажлын хэсгийнхэн танилцуулсан. Мөн ажлын хэсгээс тодорхой хэд хэдэн санал гаргаж байлаа. Үүнд:
Нийтийн тээврийн автобусны үйлчилгээнд зөвхөн цахим картаар зорчих боломжийг судлан үзэж, танилцуулах
2014 оны 9 дүгээр сарын 18-ны өдөр Нийслэлийн Засаг дарга, төсөл хэрэгжүүлэгчээр шалгарсан “Дата карт консорциум” хооронд байгуулагдсан “Улаанбаатар хотын нийтийн тээврийн үйлчилгээнд удирдлага мэдээллийн болон цахим төлбөрийн систем нэвтрүүлэх төслийг хэрэгжүүлэх гэрээ”-г ирэх оны эхний улиралд багтаан шинэчлэх
Үнэ төлбөргүй, хөнгөлөлттэй зорчих ахмад настан, хөгжлийн бэрхшээлтэй иргэдийн карт олголт, түүнд тавих хяналтыг сайжруулах зэрэг хэд хэдэн санал танилцууллаа.
Хотын даргын зүгээс 2017 оны 1 дүгээр улиралд багтааж нийтийн тээврийн салбартай холбоотой асуудлуудыг шийдвэрлэх шаардлагатай хэмээн үзлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 12 сарын 15
Нийслэлийн хэмжээнд иргэд, аж ахуйн нэгжийн эзэмшил, өмчлөлд буй галт зэвсгийг тоолох “Зэсвэг-2016” арга хэмжээ үргэлжилж байна. Тус арга хэмжээ энэ сарын 20-нд дуусах юм.
-
2016 оны 12 сарын 15
Иргэдийнхээ аюулгүй байдлын төлөө өргөсөн тангарагтаа үнэнчээр зүтгэж, гамшгийн аюулаас эрдэнэт хүний амь нас, эрүүл мэндийг авран хамгаалдаг нийслэлийн Онцгой байдлын газар 2016 оны шилдгүүдээ тодруулж, ажлаа дүгнэлээ.
Нийслэлийн Онцгой байдлын газрын бие бүрэлдэхүүн 2016 онд аюулт үзэгдэл техникийн холбогдолтой ослын 2953 удаагийн дуудлагаар шуурхай ажиллаж, 878 эрдэнэт хүний амь насыг аварч, 3,3 тэрбум төгрөгийн эд хөрөнгийг гамшгийн аюулаас авран хамгаалж хуулиар хүлээсэн үүргээ нэр төртэйгөөр хэрэгжүүлж ажиллалаа.
Нийслэлийн Онцгой байдлын газраас 2016 онд дэвшүүлсэн зорилтыг хэрэгжүүлэх, дүүргийн гамшгаас хамгаалах чадавхи, бэлтгэл бэлэн байдлыг дээшлүүлэх, төрийн үйлчилгээг иргэд, аж ахуйн нэгж, байгууллагад түргэн шуурхай чанартай хүргэхэд идэвхи санаачлага гарган ажиллаж, ажил үйлсээрээ тэргүүлсэн албан хаагчдад шагнал гардуулав.
Нийслэлийн Онцгой байдлын газрын 2016 оны шилдэг удирдах ажилтнаар Гамшгийн шуурхай удирдлагын хэлтсийн дарга, онцгой байдлын хурандаа А.Дашням, Шилдэг мэргэжилтнээр Гамшгийн шуурхай удирдлагын хэлтсийн Гамшгаас хамгаалах албад хариуцсан ахлах мэргэжилтэн, нийслэлийн Онцгой комиссын нарийн бичгийн дарга, онцгой байдлын дэд хурандаа Энхжавын Эрдэнэбаатар, шилдэг байцаагчаар Сонгинохайрхан дүүргийн Онцгой байдлын хэлтсийн гал тйүмртйн улсын хяналтын ахлах байцаагч, онцгой байдлын хошууч Жовдын Хүдэрчулуун, шилдэг санхүүгийн ажилтнаар Сүхбаатар дүүргийн Онцгой байдлын хэлтсийн нягтлан бодогч, онцгой байдлын ахмад Нямын Хажидмаа,шилдэг салааны захирагчаар Баянгол дүүргийн Онцгой байдлын хэлтсийн Аврах, гал унтраах 18 дугаар ангийн захирагч, онцгой байдлын ахмад Ганхүүгийн Пүрэвтулга, шилдэг бүлгийн даргаар Аврах ангийн Эрэн хайх, аврах бүлгийн дарга, онцгой байдлын дэслэгч Бат-Өлзийн Баттулга, шилдэг жолоочоор Сонгинохайрхан дүүргийн Онцгой байдлын хэлтсийн Гал унтраах, аврах 26 дугаар ангийн шатны техникч онцгой байдлын ахлах ахлагч Цэдэвийн Ганжаргал, шилдэг гал сөнөөгчөөр Хан-Уул дүүргийн Онцгой байдлын хэлтсийн Аврах, гал унтраах 14 дүгээр ангийн гал сөнөөгч, онцгой байдлын ахлах ахлагч Оюунбилэгийн Оюунболд, шилдэг аврагчаар Аврах ангийн Эрэн хайх, аврах бүлгийн аврагч, онцгой байдлын ахлах ахлагч Халтарын Цогбадрах, шилдэг дуудлага хүлээн авагчаар Хан-Уул дүүргийн Онцгой байдлын хэлтсийн Аврах, гал унтраах 14 дүгээр ангийн дуудлага хүлээн авагч, онцгой байдлын ахлах ахлагч Цэрэндоржийн Баярмаа, шилдэг үйлчилгээний ажилтнаар Нийслэлийн Онцгой байдлын газрын үйлчлэгч Жагдхоролын Цэрэнханд нар тус тус шалгарсан.
Мөн тус газрын онцгой байдлын хурандаа Д.Даваасүрэн даргатай Хан-Уул дүүргийн Онцгой байдлын хэлтсийг “Тэргүүний хамт олон”-оор, онцгой байдлын хурандаа А.Батмөнх даргатай Баянгол дүүргийн Онцгой байдлын хэлтсийг Хоёрдугаар байранд, онцгой байдлын хурандаа Я.Жаргалсайхан даргатай Чингэлтэй дүүргийн Онцгой байдлын хэлтсийг гуравдугаар байрт шалгаруулж шагнасан.
Жилийн эцсийн ажлаа дүгнэх, шилдэг албан хаагчдаа шагнах арга хэмжээнд ОБЕГ-ын тэргүүн дэд дарга бөгөөд штабын дарга, онцгой байдлын хурандаа П.Баттогтох оролцож баяр хүргэж мэндчидгээ дэвшүүлсэн бөгөөд нийслэлийн Засаг Даргын Тамгын газрын хуулийн хэлтсийн дарга н.Даваажаргал нийслэлийн Засаг Дарга бөгөөд Улаанбаатар хотын захирагч С.Батболдын мэндчилгээг уншиж, нийслэлийн Онцгой байдлын газрын бие бүрэлдэхүүнд баяр хүргэж, амжилт хүслээ.
Монгол Улсын Засгийн газар, ОБЕГ, НИТХ, Нийслэлийн Засаг даргаас онцгой байдлын албыг чадавхижуулахад анхаарч ажилласны үр дүнд алба хаагчдын ажиллах нөхцөл сайжирч, гамшгийн эрсдлийг даван туулах, аврах, эрэн хайх ажиллагаанд ашиглагдах техник, тоног төхөөрөмж, багаж зэвсэглэмжүүд шинэчлэгдэж үүрэг гүйцэтгэх чадавхи нэмэгдсэнээр нийслэлийн иргэдийн аюулгүй байдлыг хангах, төрийн үйлчилгээг шуурхай хүргэх боломж нэмэгдэж байна.
Энэ жил нийслэлийн төсвийн 4,1 тэрбум төгрөгийн хөрөнгө оруулалтаар сургуулийн өмнөх болон ерөнхий боловсролын сургуулийн сурагч, оюутнууд, ард иргэдэд газар хөдлөлт, үер, гал түймэр зэрэг болзошгүй аюул, ослоос урьдчилан сэргийлэх, өөрийгөө болон бусдыг авран хамгаалах дадлыг эзэмшүүлэх зорилготой Иргэдийг Гамшгаас хамгаалах сургалт арга зүйн төв үйл ажиллагаа эхлүүлсэн.
Гамшгаас урьдчилан сэргийлэх, хамгаалах арга хэмжээг иргэдийн оролцоотой үр дүнтэй зохион байгуулснаар гал түймэр, ослын тоо, хохирол өмнөх оныхоос 26% буурсан гэж нийслэлийн Онцгой байдлын газраас мэдээллээ.
