УИХ-ын сонгуулийн 2016 оны сурталчилгааны үеэр МАН-ын удирдлагууд төрийн албан тушаалыг үнэлэн, 60 тэрбум төгрөг хэрхэн босгох тухай ярилцаж байгаа бичлэгийг МАН-ын Стратеги судалгааны багт гэрээгээр ажиллаж байсан Д.Доржзодов гэх залуу нийтэд ил болгоод байсан. Тэгвэл Д.Доржзодовыг өнөөдөр өглөө саатуулахаар цагдаагийн бие бүрэлдэхүүн ажиллаж эхэлсэн гэх боловч цагдаагийн байгууллагаас энэхүү мэдээллийг үгүйсгэж буй. Харин энэ талаар Д.Доржзодов өөрийн твиттер хуудсаар дамжуулан "Цагдаа нар өөрийг нь хамгаалахаар биш баривчлахаар ирсэн хэмээн бичжээ. Тэгвэл тэдний байр суурийг 24VS24 буландаа онцолж байна.
|
н.Энхболд:Иргэн Д.Доржзодовтой уулзсан, цагдаагийн байгууллага хүсэлтийг нь хангахаар ажиллаж байна
Д.Доржзодовыг хамгаалтад авсан талаар хошууч н.Энхболд “Хэвлэл, мэдээллээр ташаа мэдээлэл гарч байна. Цагдаагийн байгууллага тухайн иргэний хүсэлтийг үндэслээд аюулгүй байдлыг хангах үүднээс хуулиар хүлээсэн үүргийнхээ хүрээнд хамгаалалтад авахаар ирээд байна. Цагдаагийн байгууллагын зүгээс тухайн иргэнийг албадан баривчлах, саатуулах санаа зорилго байхгүй.
Зөвхөн энэ хүний эрхийг хамгаалах, аюулгүй байдлыг хангах үүднээс Хан-Уул дүүргийн 11 дүгээр хороонд ирээд байна. Энэ бол УИХ-ын гишүүн асан Ц.Оюунгэрэлийн байр. Бид иргэн Д.Доржзодовтой уулзаж ярилцсан. Өөрийнх нь хүсэлтийг хангахаар ажиллаж байна. Дахин хэлэхэд үүнд хууль зөрчсөн албадлагын арга хэмжээ байхгүй” гэжээ. |
Д.Доржзодов: Намайг 60 тэрбумын бичлэг дээрх МАН-ын гурван хүнээс хамгаалах ёстой
Д.Доржзодов өөрийн твиттер хуудсаар дамжуулан цагдаа нар өөрийг нь хамгаалахаар биш баривчлахаар ирсэн хэмээн бичжээ. Тэрбээр “Миний аавыг хамгаалалт хүссэн гэж худлаа мэдээлэл сэтгүүлчдэд өгч байна. Миний аав хэнээс ч хамгаалалт хүсээгүй.
Ээжтэйгээ би өчигдөр ярьсан. Хамгаалалтыг прокурор шийддэг юм. Хамгаалалт гаргах байсан бол дөрөвдүгээр сарын 20-нд прокурор миний хүсэлтийг тоох байсан. Гэвч нүдээ аньсан. Хамгаалалт гаргах бол 60 тэрбумын бичлэг дээрх МАН-ын гурван хүнээс хамгаалах ёстой. Амь насанд тэд заналхийлсэн шүү дээ” хэмээн жиргэсэн байна. |
Сэтгэгдэл (6)