Дэлхийн бөхийн нэгдсэн холбоо (UWW)-ноос дэлхий нийтэд тархаад байгаа коронавирусний халдварын улмаас энэ сарын 19-22-нд Унгарын Будапешт хотод, дөрөвдүгээр сарын 30-наас тавдугаар сарын 3-нд Болгарын Софид зохиогдох байсан “Токио-2020” олимпийн наадмын эрх олгох Европын болон Дэлхийн тэмцээнийг хойшлууллаа.
ДБНХ-ноос Европын тэмцээнийг тавдугаар сарын дундуур, дэлхийн тэмцээнийг зургадугаар сарын эхээр зохион байгуулахаар төлөвлөөд байгаа аж. Түүнчлэн энэ сард болох ёстой байсан Азийн тэмцээн цуцлагдаж, Мароккод болох Африк, Номхон далайн орнуудын олимпийн эрхийн тэмцээн хойшлогдоод байгаа. Харин ганцхан Пан-Америкийн олимпийн эрхийн тэмцээн хуваарийн дагуу маргааш Канадын нийслэл Оттавад эхлэх юм байна.