Монгол бөхөд шинэ даян аварга цолтон төрлөө. “Тэр бөх хэний хэн бэ”, Увс аймгийн Ховд сумын харьяат, даян аварга Намсрайжавын Батсуурь.  Монгол Улсын ерөнхийлөгч У.Хүрэлсүх өнөөдөр түүнд даян аварга цол олголоо.

Ингэснээр тэр даян аварга С.Цэрэн, улсын аварга Г.Вандан, Г.Самдан, Ж.Цэвээнравдан, Ч.Бээжин, Д.Хадбаатар, О.Балжинням, Д.Сумъяабазар, Г.Эрхэмбаяр нарын өмнө эрэмбэтэй болж байна.

Аварга Ч.Санжаадамба, П.Бүрэнтөгс, С.Мөнхбат нарын хувьд түүний ард бичигдэж байв. Харин Э.Оюунболд аварга цолоо хураалгасан. Н.Батсуурь Улсын баяр наадамдаа гурван удаа ес, нэг удаа найм, нэг удаа тав давсан бөх. Учир нь өнгөрсөн жил түүний найм давсан амжилтыг нь хүчингүй (допинг хэрэглэсэн) болгож, Э.Оюунболдод унасан давааг (даян аварга) нөхөн олгож байна. Үндэсний бөхийн түүхэн 100 жилийн хугацаанд дархан аварга ес, даян аварга гурав төрөн гарсан ба залуу аварга Н.Батсуурь дөрөв дэх даян аварга цолтон нь.

Тэрбээр даян аварга цолтой бөхчүүдээс Н.Жамъян, Ц.Чимэд-Очир нарын араас бичигдэж, С.Цэрэнгийн өмнө эрэмбэтэй болно. Мөн үндэсний бөхийн бүх цаг үеийн нийт 24 аваргын 12-т эрэмбэлэгдэх юм. Хэрэв Н.Батсуурь улсын баяр наадамд дахин нэг түрүүлбэл даян аварга Н.Жамъян, Ц.Чимэд-Очир нарын өмнө бичигдэж, 10 дахь дархан аварга болно. Харин дархан аварга цолтой бөхчүүдийг эрэмбэлэдэггүй билээ.

Дархан аварга:

1.Б.Түвдэндорж,

2.Д.Дамдин,

3.Ш.Батсуурь,

4.Ж.Мөнхбат,

5.Х.Баянмөнх,

6.Д.Цэрэнтогтох,

7.Б.Бат-Эрдэнэ,

8.А.Сүхбат,

9.Г.Өсөхбаяр

Даян аварга:

1.Н.Жамъян

2.Ц.Чимэд-Очир

3.Н.Батсуурь

4.С.Цэрэн

Улсын аварга

1.Г.Вандан   

2.Г.Самдан  

3.Ж.Цэвээнравдан

4.Ч.Бээжин

5.Д.Хадбаатар        

6.О.Балжинням      

7.Д.Сумъяабазар   

8. Г.Эрхэмбаяр       

9. Ч.Санжаадамба

10.П.Бүрэнтөгс

11.С.Мөнхбат

Б.Жаргал