Өмнийн цэнхэр говиос улсын заан цолтон төрлөө. Өнөөдөр Ардын хувьсгалын 99 жилийн ойн баяр наадмаар долоо давсан Цэдэнбазарын Одбаярт Монгол Улсын заан хэмээх эрхэм цол гардууллаа. Тэрбээр өнгөрсөн жилийн баяр наадамд зургаа давсан бөгөөд долоогийн даваанд түүнийг давсан бөхөөс хориотой эмийн бодис илэрсэн тул амжилтыг нь ийн ахиулж, заан цол хүртэж байна. Ц.Одбаяр нь 2009 онд аймгийн арслан, 2011 онд улсын начин цол, 2013 онд өсөх идэр чимэг хүртэж байжээ. Тэр Өмнөговь аймгаас төрөн гарсан гурав дахь улсын заан цолтон юм. Өмнөговь нутгаас 1926 оны Баяр наадамд Д.Цэдэггомбо (7 давсан), 1930 онд  “Хурандаа” хэмээх Б.Баярхүү (8 давсан) нар улсын заан цол хүртэж байв. Ц.Одбаяр Өмнөнговь аймгийн бөхчүүдээс 91 жилийн дараа төрөн гарсан улсын заан цолтон юм. Мөн тус аймгийн 16 улсын цолтны нэг билээ.   

Б.Жаргал