Гүржийн нийслэл Тбилис хотод пара пауэрлифтингийн ДАШТ энэ сарын 27-ноос ирэх сарын 6-нд болно. Тэмцээнд “Токио-2020” паралимпын наадмын алт, хүрэл медальт, дэлхийн аварга, дэлхийн дээд амжилтын эзэн, Хөдөлмөрийн баатар, гавьяат тамирчин Энхбаярын Содномпилжээ өрсөлдөнө. Тэрбээр “Токио-2020” паралимпын наадамд оролцсоноос хойш анхны олон улсын тэмцээндээ өрсөлдөх гэж буй нь энэ. Түүнийг гавьяат дасгалжуулагч Дашийн Баттулга удирдан оролцох бөгөөд Э.Содномпилжээгийн өрсөлдөх 107 кг-ын жинд 21 тамирчин оролцохоо мэдүүлжээ. Тэд энэ баасан гаригт Тбилисийг зорих аж. Э.Содномпилжээ хоёр хоногийн өмнө УАШТ-д оролцохдоо цээжиндээ 245 кг-ыг шахсанаар алтан медаль хүртсэн юм.

Б.Жаргал