Францын нийслэл Парис хотноо "Парисын их дуулга 2022" жүдо бөхийн цуврал тэмцээн зохион байгуулагдлаа.

Манай улсын баг тамирчоаас тэмцээний сүүлийн өдөр буюу дөнгөж сая эрэгтэйчүүдийн +100кг-д Одхүүгийн Цэцэнцэнгэл алтан медаль хүртлээ. Ингэснээр энэ удаагийн Парисын их дуулгаас Монголын баг тамирчид хоёр алт, нэг мөнгө, нэг хүрэл медаль хүртэж байна. Монголын баг тамирчдын хувьд "Парисын их дуулга" тэмцээнээс +100 кг-д анхны алтан медалиа хүртэж байна. О.Цэцэнцэнгэл алтан медаль хүртсэнээр энэ ангиллын тэмцээнээс алтан медаль хүртсэн Монголын баг тамирчдын ес дэх жүдоч болж буй юм.  

Энэ удаагийн "Парисын их дуулга 2022" тэмцээнд нийт 52 улсын баг тамирчид оролцож, Монгол Улсын баг тамирчид гуравдугаар байрт шалгарлаа.

Б.Жаргал