Өвлийн спортын төрлүүд дундаас хамгийн ширүүн өрсөлдөөнийг үзүүлдэг эрэгтэй хоккейн хэсгийн шатны тоглолтууд өнөөдөр эхэллээ. Тэмцээний эхний тоглолт өмнөх олимпын аваргууд болох ОХУ болон Швейцарын шигшээ багуудын хооронд өрнөж ОХУ-н баг 1:0 харьцаатай ялалт байгууллаа.
Тоглолтын эхний үед ОХУ-н зүүн жигүүрийн тоглогч Антон Слепышев тоглолтын цор ганц гоолыг оруулж багаа хожилд хөтөлсөн.
Тус багууд Дани болон Чехийн багуудын хамт B хэсэгт харьяалагдаж байгаа бөгөөд хоорондоо тойргийн тоглолт хийж хэсгийн аваргаа тодруулна. Нийт гурван хэсгийн аваргууд болон хамгийн өндөр чансаатай дахин нэг баг шууд шөвгийн наймын эрхээ авах бол хэсэгтээ үлдсэн найман баг хоорондоо тоглож ялалт байгуулсан багууд шөвгийн найм руу шалгарна. Ийнхүү шилдэг найман баг хоорондоо хасагдах журмаар тоглосоор олимпын аварга баг тодрох юм. ОХУ-тай хамгийн ширүүн өрсөлдөөн үзүүлэх багуудын төлөөллүүд болох АНУ, Канад, болон Германын шигшээ багууд бүгд А хэсэгт багтаад байгаа билээ.
П.Тамир
