"Янзтай дээд лиг"-ийн 2022 оны аварга баг тодорлоо. Нийт 13 баг оролцсон нэгдсэн дээд лигийн аварга багаар "Гүнд Инвест Хасын Хүлэгүүд" шалгарч, Монголын сагсанбөмбөгийн дээд лигийн түүхэнд 7 удаа түрүүлсэн анхны баг боллоо.
2022 оны шилдэг дасгалжуулагчаар "Гүнд Инвест Хасын Хүлэгүүд" багийн дасгалжуулагч Д.Пүрэвдорж шалгарсан бол финалын үнэ цэнэтэй тоглогчоор ОУХМ Б.Билгүүн 19.7 оноо, 6.5 самбар, 5.5 оновчтой дамжуулалт дундалчилснаар шалгарч улирлын үнэ цэнэтэй тоглогч, финалын үнэ цэнэтэй тоглогчийн шагналыг зэрэг хүртсэн анхны тоглогч болов.
Энэ улирлын гуравдугаар байр, хүрэл медалийн эзэн багаар "Алтан Дорнодын Дайчид" баг шалгарсан бол, хоёрдугаар байр, мөнгөн медалийн эздээр "Эрдэнэтийн Уурхайчид" баг шалгарлаа.
