Тулгар төрийн 2230, 2231 жил, Их Монгол Улс байгуулагдсаны 815, 816 жил, Ардын хувьсгалын 100, 101  жилийн ой, Үндэсний их баяр наадам энэ жил тохиож буй. Цар тахлын улмаас хоёр жил завсарласан наадам энэ жил үзэгч олонтойгоо төв цэнгэлдэх хүрээлэндээ уулзахаар зэхэж байгаа бөгөөд долоодугаар сарын 7-ны өдөр ийнхүү урианхай сурын харваагаар эхэлж байна.

2020 оны үндэсний их баяр наадмаар үзэгчгүй буюу цахимаар наадсаныг санаж байгаа байх. Тэгвэл уншигч та бүхэнд 2020 оны улсын их баяр наадмаар хэний, ямар морь улсын наадамд түрүүлж хурдалсныг эргэн сануулъя.

Азарганы уралдаанд

• Монгол улсын манлай уяач Б.Нямжавын Богд хээр азарга түрүүлж,
• Аман хүзүүнд Өвөрхангай аймгийн алдарт уяат П.Батсайханы Тэнгэрийн хээр,
• Айргийн гуравт Монгол улсын манлай уяач Д.Лхагвасүрэнгийн Дөлгөөн хар,
• Айргийн дөрөвт Өмнөговь аймгийн алдарт уяач Н.Амарбаясгалангийн Будан
• Айргийн тавд Өмнөговь аймгийн харьяат Монгол улсын тод манлай уяач Д.Бат-Эрдэнийн Ажнай цавьдар азарга хурдалж байжээ.

Их насны уралдаанд

• Монгол улсын тод манлай уяач Т.Галбадрахын Бор халиун түрүүлж,
• Аман хүзүүнд Монгол улсын алдарт уяач Ц.Мөнххуягын Тод янзага,
• Айргийн гуравт Говь-Алтай аймгийн харьяат Г.Жавхлантөгсийн Живэрт хээр,
• Айргийн дөрөвт Ховд аймгийн харьяат Б.Эрдэнэбаярын Саарал,
• Айргийн тавд Монгол улсын тод манлай уяач Д.Ганбаатарын Мэнгэт хүрэн хурдалжээ.

Соёолон насны уралдаанд

• Монгол улсын манлай уяач Г.Чинзоригийн Дөлгөөн халтар түрүүлж,
• Аман хүзүүнд Монгол улсын тод манлай уяач Д.Хишигжаргалын Цолмон халзан,
• Айргийн гуравт Монгол улсын манлай уяач Г.Батболдын Хүннү халтар,
• Айргийн дөрөвт Баянхонгор аймгийн алдарт уяач С.Энхтөрийн Дүүгүүр хээр,
• Айргийн тавд Ховд аймгийн харьяат Ч.Батзоригийн Бор соёолон хурдалсан байна.

Хязаалан насны ангилалд

• Төв аймгийн харьяат Г.Ганбаярын Хар хязаалан түрүүлж,
• Завхан аймгийн харьяат Т.Ууганбаярын Хүрэн хязаалан аман хүзүүдэж,
• Айргийн гуравт Нийслэлийн алдарт уяач Д.Пүрэвсамбуугийн Од хээр,
• Айргийн дөрөвт Баянхонгор аймгийн алдарт уяач З.Пүрэв-Очирын Зээрд,
• Айргийн тавд Монгол улсын манлай уяач Д.Лхагвасүрэнгийн Монгол хүрэн хурдлав.

Шүдлэн насны ангилалд

• Завхан аймгийн харьяат Т.Баяржавхлангийн Халтар шүдлэн түрүүлж,
• Улаанбаатар хотын харьяат А.Лхагвын Хүрэн аман хүзүүдсэн бол
• Айргийн гуравт Дорнод аймгийн алдарт уяач Б.Батсүхийн Унаган зээрд,
• Айргийн дөрөвт Увс аймгийн харьяат Г.Адъяахүүгийн Хул халзан,
• Айргийн тавд Дундговь аймгийн алдарт уяач Б.Наранхүүгийн Халиун шүдлэн хурдалжээ.

Дааганы уралдаанд

• Орхон аймгийн харьяат З.Тэмүүжингийн Хонгор даага түрүүлж,
• Говь-Алтай аймгийн алдарт уяач Ц.Гончигсүрэнгийн Хээр аман хүзүүдсэн.
• Айргийн гуравт Завхан аймгийн алдарт уяач С.Баярсайханы Бор даага,
• Айргийн дөрөвт Төв аймгийн харьяат Г.Гансүхийн Хул,
• Айргийн тавд Баянхонгор аймгийн харьяат Б.Сэр-Одын Шарга халзан даага хурдалсан байна.

Т.Мөнхжаргал