Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой Үндэсний их баяр наадмын хүчит бөхийн барилдаанд Улсын аварга цол хүртсэн О.Хангай, Улсын заан цол хүртсэн Б.Бат-Өлзий, Улсын начин цол хүрсэн Б.Сосорбарам нар өчигдөр төрсөн нутаг болох Ховд аймагтаа очлоо.
Ховд бөхийн дэвжээний бөхчүүд Ховд аймагт хүрэлцэн ирж байгаатай холбогдуулан "Монгол улсын аварга"-д зориулсан "Ховдын хүчтэнүүд" үдшийн шоу цэнгүүн өнөөдөр 18:00 цагаас Ховд аймгийн төв талбайд болох юм.
Тус цэнгүүнд Латин Америкийн "Индиан" амьд хөгжмийн хамтлаг болон ХДТ-ын уран бүтээлчид оролцож ая дуугаа өргөх юм.
Эдгээр бөхчүүд энэ жилийн баяр наадмын хүчит бөхийн барилдаанд дараах бөхчүүдийг давснаар цолоо ахиулжээ.
Улсын аварга О.Хангай
- Нэгийн даваанд Куулар Мөнх-Эрдэнэ /Тува/
- Хоёрын даваанд Аймгийн начин М.Баяржавхлан /Ховд аймаг/
- Гурвын даваанд Аймгийн харцага Т.Батсайхан /Төв аймаг/
- Дөрвийн даваанд Аймгийн арслан Б.Батдорж /Дундговь аймаг/
- Тавын даваанд Аймгийн арслан Г.Өсөхбаяр /Төв аймаг/
- Зургаагийн даваанд Аймгийн харцага Б.Сосорбарам /Ховд аймаг/
- Долоогийн даваанд Улсын начин О.Мөнх-эрдэнэ /Архангай аймаг/
- Наймын даваанд Улсын аварга С.Мөнхбат /Увс аймаг/
- Есийн даваанд Улсын аварга П.Бүрэнтөгс /Увс аймаг/
- Аравын даваанд Улсын арслан Б.Орхонбаяр /Сэлэнгэ аймаг/ нарыг давж Улсын аварга цол хүртэв.
Улсын заан Б.Бат-Өлзий
- Нэгийн даваанд Шойдун Сабудай /Тува /
- Хоёрын даваанд Аймгийн начин Б.Дэнзэнсамбуу /Ховд аймаг/
- Гурвын даваанд Улсын начин М.Жамъянпүрэв /Өвөрхангай аймаг/
- Дөрвийн даваанд Аймгийн арслан Ч.Эрдэнэсайхан /Говь-Алтай аймаг/
- Тавын даваанд Улсын начин Б.Ганхуяг /Хөвсгөл аймаг/
- Зургаагийн даваанд Аймгийн заан Э.Энх-Амгалан /Булган аймаг/
- Долоогийн даваанд Улсын харцага Н.Золбоо /Баянхонгор аймаг/ нарыг давж Улсын заан цол хүртэв.
Улсын начин Б.Сосорбарам
- Нэгийн даваанд Аймгийн начин Г.Бадамгарав /Өвөрхангай аймаг/
- Хоёрын даваанд Аймгийн арслан Б.Номиндалай /Сүхбаатар аймаг/
- Гурвын даваанд Улсын начин Б.Чимэдвандан /Завхан аймаг/
- Дөрвийн даваанд Улсын гарьд Ө.Бат-Орших /Увс аймаг/
- Тавын даваанд Улсын начин Ж.Ням-Эрдэнэ /Увс аймаг/ нарыг давж Улсын начин цол хүртэв.
Д.Батчулуун
