Эрэгтэйчүүдийн 35, эмэгтэйчүүдийн 26 дахь удаагийн жүдо бөхийн насанд хүрэгчдийн дэлхийн аварга шалгаруулах тэмцээн Узбекистаны нийслэл Ташкентад амжилттай үргэлжилж байна.

Энэ удаагийн тэмцээнд 82 орны эмэгтэй 261, эрэгтэй 310 нийт 571 тамирчин өрсөлдөхөөр эцсийн байдлаар мэдүүлгээ өгсөн байна. Манай улсаас эрэгтэй, эмэгтэй тус бүр 9, нийт 18 жүдоч зодоглосон. 

Манай улс энэ удаагийн ДАШТ-ийг нэг алт, нэг мөнгөн, нэг хүрэл, нэг 5-р байрын шагналтайгаар өндөрлүүллээ.

Өнөөдөр ДАШТ-ий багийн аварга шалгаруулах тэмцээн болно.

Жүдогийн бөхийн багийн дэлхийн аварга шалгаруулах тэмцээн 1994 онд гараагаа эхэлж, 2006 он хүртэл 4 жилд нэг удаа зохион байгуулагддаг байв. 2007 оноос хойш жил бүр зохиогдох болсон бөгөөд манай улсын хувьд эмэгтэй баг нэг мөнгө, нэг хүрэл, эрэгтэй баг нэг хүрэл медаль хүртэж байсан.

"Ташкент-2022" ДАШТ-ий багийн барилдаанд Монгол Улсын баг эхний тойрогт Герман улстай оноолт таарсан байна.

Багийн хэсгийн барилдаан 12:30 цагаас эхэлнэ. 19.45 минутаас медалийн барилдааныг явагдана.

А.Сүх