Монгол улсад зохион байгуулагдах "FIBA Asia Cup 2025" Урьдчилсан шатны тэмцээн арваннэгдүгээр сарын 10-14-ны өдрүүдэд үргэлжилнэ. Монгол улсад зургаадугаар сард зохион байгуулагдахаар зарлагдсан боловч Ковид 19-ийн нөхцөл байдлаас хамаарч хойшлогдсон билээ. Тиймээс "FIBA Asia Cup 2025" тэмцээний Урьдчилсан шатанд орох эрхийн тэмцээний шинэ өдрийг ФИБА-гаас товлосон юм. FIBA Asia Cup 2025 Pre-Qualifiers – "Round 1"-ийн D хэсгийн тоглолтууд Улаанбаатар хотод UG Arena-д болно. UG Arena нь "FIBA"-ийн стандартын шаардлагад нийцсэн гурван мянган хүний суудалтай спорт цогцолбор юм. 

Уг тэмцээний тасалбар зөвхөн shoppy.mn дээр борлуулагдаж байгаа юм. Тасалбарын үнэ 20 мянган төгрөг гэсэн боловч суудал бүрээс хамаарч өөр үнийн дүнтэй байна. Өөрөөр хэлбэл, тасалбар 20 мянган төгрөгөөс эхэлнэ. Мөн таван хүний VIP өрөөтэй бөгөөд өрөөний үнэ 180-420 мянган төгрөгийн үнэтэй байна. 

Монгол Улсын баг тамирчид БНСУ-ын баг тамирчидтай хамтарсан бэлтгэл хийж байгаа юм. 

Д.Батчулуун