Хүнтөрөлхтөний спортын баярын хамгийн томд тооцогддог хоёр наадмын нэг, нөгөө нь Олимп, хөлбөмбөгийн ДАШТ шинэ долоо хоногийн даваа гарагт Катар улсад эхэллээ. Дөрвөн жил тутам Дэлхийн хамгийн шилдэг хөлбөмбөгийн багийг шалгаруулдаг олон улсын энэ тэмцээн нь анх 1930 онд болсон. “Катар 2022” нь түүхэндээ 22 дахь удаагийнх.
Эхний буюу Хэсгийн шатанд шилдэг 32 баг найман хэсэгт дөрөв дөрвөөрөө өрсөлдөнө. Хэсэгтээ нэг, хоёрдугаар байр эзэлсэн багууд хасагдах плей-оффын шатны шөвгийн 16-д шалгарна. Гурав, дөрөвдүгээр байрын 16 баг энэ удаагийн ДАШТ-ийг Хэсгийн шатанд өндөрлүүлж үзэгчдийн эгнээнд шилжинэ. Хэсгийн шатанд 48, Хасагдах плей-оффын шатанд 16, нийт 64 тоглолт болно. Хэсгийн шатных нээлтийн Катар-Экватар 0:2 тоглолтоор гараа эхлүүллээ.
Найман хэсэг тус бүрт оноолт таарсан багууд:
A хэсэг – Катар, Экватор, Сенегал, Нидерланд
B хэсэг – Англи, Иран, АНУ, Уэльс
C хэсэг – Аргентин, Саудын Араб, Мексик, Польш
D хэсэг – Франц, Австрали, Дани, Тунис
E хэсэг – Испани, Коста-Рика, Герман, Япон
F хэсэг – Бельги, Канад, Марокко, Хорват,
G хэсэг – Бразил, Серби, Швейцар, Камерун
H хэсэг – Португал, Гана, Уругвай, Өмнөд Солонгос.
“Катар 2022”-ын ДАШТ-ий Аваргын алтан медаль, Цомын төлөөх финалын шигшээ тоглолт 2022 оны арванхоёрдугаар сарын 18-нд Лусаил хотын 80 мянган үзэгчийн суудалтай Үндэсний цэнгэлдэх хүрээлэнд болно. Зохион байгуулагч Катарчууд Дэлхийн аварга тодрох шигшээ тоглолтын өдрийг өөрсдийн Үндэсний баярын өдөртэй давхцахаар сонгож Олон улсын хөлбөмбөгийн холбоо ФИФА-тай тохирч тов тогтоосон.
Б.Ерэнтэй
