Дэлхийн хамгийн царайлаг хөлбөмбөгчний жагсаалтыг хүмүүс олон янзаар гаргаж, ихэнх нь Кристиано Роналдуг хэмээжээ. Гэвч бид та бүхэндээ олон нийтийн санал асуулга дээр үндэслэсэн үнэнтэй дөхүү мэдээллийг хүргэе. 

1. Оливье Жиру

Хэдийгээр тэр царайлаг төрх, дур булаам зантай ч гайхалтай хөлбөмбөгчин гэдгийг санах хэрэгтэй. Тэрбээр Сери А лигийн АС Милан баг болон Францын шигшээ багт довтлогчоор тоглодог. Түүний зан чанар нь энэхүү жагсаалтад ороход тал хувийн дэмжлэг үзүүлсэн гэж хэлж болно. 

2. Неймар Жуниар

Неймар Жуниар бол Францын Парис Сен-Жермен клуб болон Бразилийн шигшээ багт довтлогчоор тоглодог,  Бразил гаралтай, мэргэжлийн хөлбөмбөгчин юм. Түүнийг царайлаг гэдэгтэй хүмүүс маргаад байдаггүй. Гэвч эмэгтэйчүүдтэй учир ургуулж, улмаар хүчингийн хэрэгт ч холбогдоод амжсан нэгэн. 

3. Жерард Пике

Жерард Пике бол Испанийн мэргэжлийн хөлбөмбөгчин бөгөөд Испанийн Барселона болон Испанийн шигшээ багт төвийн хамгаалагчаар тоглодог. Дуучин Шакиратай өнгөрүүлсэн олон жилийн амьдралаа араар тавилтын асуудлаас болоод эцэслэсэн түүнийг царайлаг гэдэгтэй мөн л хэн л маргах вэ дээ. 

4. Лионел Месси

Лионель Месси бол Францын Парис Сен-Жермен клуб болон Аргентины шигшээ багт довтлогчоор тоглодог, Аргентин хөлбөмбөгчин юм. Түүнийг бүх цаг үеийн шилдэг хөлбөмбөгчдийн нэг гэж үздэг. Алдарт Барсолана багтаа олон жил хүчин зүтгэсний эцэст тэрбээр ПСЖ клубийг сонгосон. 

5. Кристиано Роналду

Криштиану Роналду бол Английн Манчестер Юнайтед клуб болон Португалийн шигшээ багт тоглодог, Португалийн мэргэжлийн хөлбөмбөгчин юм. Ихэнхдээ дэлхийн шилдэг тоглогчоор шалгардаг тэрбээр чөлөөт цохилтоос гоол хийх, хамгаалагчдын хажуугаар дриблинг хийх, бөмбөгийг хянах чадвараараа алдартай. Дэлхийн бүх эмэгтэйчүүдээс асуувал тэдний ихэнхи нь түүнийг дэлхийн хамгийн царайлаг хөлбөмбөгчин гэх байх. 

6. Жеймс Родригес

Жеймс Родригес бол Грекийн супер лигийн Олимпиакос клуб болон Колумбын шигшээ багт довтлох чиглэлийн хагас хамгаалагч, жигүүрийн тоглогчоор тоглодог, Колумб гаралтай мэргэжлийн хөлбөмбөгчин юм.
7. Аркадиуш Милик

Аркадиуш Милик бол Польшийн мэргэжлийн хөлбөмбөгчин бөгөөд Сери А лигийн Ювентус багийн довтлогч. Түүнийг Аякс клуб 2.8 сая еврогоор дөрвөн жилийн гэрээтэй худалдаж авсан.

8. Кейта Балде

Кейта Балде бол Оросын Спартак Москва клубт жигүүрийн хамгаалагчаар тоглодог, Сенегалын мэргэжлийн хөлбөмбөгчин юм. Мөн тэрбээр Сенегалын хамгийн шилдэг хөлбөмбөгчдийн нэг бөгөөд сэтгэл татам зан чанар, дэгжин хэв маягаараа алдартай.

9. Иско

Иско Испанийн Мадрид хотод төрсөн, Испанийн мэргэжлийн хөлбөмбөгчин бөгөөд Ла лигийн Севилья клубт довтлох чиглэлийн хагас хамгаалагчаар тоглодог. Тэрбээр бол дэлхийн хамгийн царайлаг хөлбөмбөгчдийн нэгд зүй ёсоор гэж тооцогддог. 

10. Эден Азар

Эден Азар бол Бельгийн мэргэжлийн хөлбөмбөгчин, Ла лигийн Реал Мадрид клубт довтлох чиглэлийн хагас хамгаалагчаар тоглодог бөгөөд Бельгийн шигшээ багийн ахлагч юм. Түүний тоглолтын ур чадвар шилдэгт тооцогддог. 

Л.Сайнаа