ДАШТ-ий шигшээ 16 багийн тоглолтууд хоёр өдрийн өмнө эхэллээ. Уг хоёр өдрийн тоглолтоос онцлох сонирхолтой мөчүүдийг түүвэрлэн хүргэж байна.
Нэг. Месси 1000 дахь тоглолтоо хийлээ
Аргентины шигшээ багийн шилдэг тоглогч Леонел Месси замналын 1000 дахь тоглолтоо Австралийн шигшээ багийн эсрэг хийж, ДАШТ-ий хасагдах шатны анхны гоолоо бүртгүүллээ. Тэрбээр 1000 тоглолтод 789 гоол оруулж, 384 гоолын дамжуулалт өгч, 41 шагнал хүртсэн түүхэн амжилтыг үзүүлжээ.
Хоёр. Аргентин шигшээ наймд Нидерландын эсрэг тоглоно
А хэсгийн тэргүүлэгч Нидерландын шигшээ баг АНУ-ын шигшээг шөвгийн 16-д 3:1 харьцаатай ялж, шөвгийн наймд шалгарлаа. Харин С хэсгийн тэргүүлэгч Аргентины шигшээ баг Австралийн шигшээг 2:1 харьцаатай буулган авч, шигшээ наймд Нидерландын эсрэг шалгарлаа. Хоёр багийн аль хожсон нь хагас шигшээд шалгарах чухал тоглолтыг хийх юм.
Гурав. Өнгөрсөн ДАШТ-ий аваргууд шигшээ наймд үлдлээ
Өнгөрсөн ДАШТ-ий аварга Францын шигшээ баг Польшийн шигшээ багийг 3:1 харьцаатай буулган авлаа. Тэд дараагийн шатанд Английн шигшээ багийн эсрэг тоглоно. Английн шигшээ багийн хувьд Сенегалын хүчирхэг багийг хожиж, шигшээ найм руу орж ирсэн юм.
Дөрөв. Киллиан Мбаппе мэргэн буучдын жагсаалтыг тэргүүллээ
Францын шигшээ багийн тоглогч Мбаппе Польшийн эсрэг тоглолтод хоёр гоол оруулж, таван гоолтойгоор энэ удаагийн ДАШТ-ий мэргэн буучдын жагсаалтыг хол тасархай тэргүүлж эхэллээ.
Тав. Жиру Францын бүх цаг үеийн мэргэн бууч боллоо
Оливье Жиру Польшийн эсрэг гоол оруулж, Францын шигшээ багийн бүх цаг үеийн мэргэн бууч боллоо. Тэрбээр "Гурван өнгөтнүүд"-ийн төлөө 52 дахь гоолоо оруулж, алдарт Тьерри Анриг (51 гоол) гүйцэв.
Зургаа. Английн хамгийн залуу тоглогч
Английн шигшээ багийн тоглогч Жүд Беллингхэм бол 2006 онд Лионель Мессигээс хойш 20 нас хүрэхээсээ өмнө ДАШТ-д гоол оруулж, гоолын дамжуулалт өгсөн анхны тоглогч юм. Тэрбээр өдгөө 19 настай. Мөн өмнөх тоглолтод нэг гоолын дамжуулалт өгсөн билээ.
Долоо. Амжилт, Месси
Аргентины шигшээ багийн домог Леонел Мессиг Польшийн эсрэг тоглохоор талбайд гарахын өмнөхөн түүний дэргэд хамт гарахаар зогсож байсан бяцхан охин түүнд амжилт хүсэж, эрхий хуруугаа гозойлгосон нь дуранд буужээ. Энэ үйл явдал Мессид том урам болсон гэж дэлхий нийт ярьж байна.
Найм. Чамайг яг ингэж хардаг хүнийг л ол
ДАШТ-ий шигшээ 16-д Польшийн эсрэг тоглосон Францын шигшээ багийн тоглогч Мбаппе, Жиру нарын хамтрал гайхалтай тоглолтыг үзүүлж байлаа. Тэд гоолын баяраа халуун дотноор тэмдэглэсэн бөгөөд нэгнээ хайрын харцаар ширтэж буй зураг олны анхаарлыг татаад байна.
Л.Сайнаа
