Нийтийн тээврийн шинэчлэл нэртэй ажлын цаана улсаас хэдэн төгрөг хий
дэмий урсаад байгааг хүн бүр, тэр бүр тооцож мэдэхгүй байгаа. Гэтэл
нийтийн тээврийн шинэчлэлийн хүрээнд урсгаж байгаа тэр их мөнгөөр
нийлүүлээд нэг эмнэлэг, эсвэл сургууль, асрамжын төв гээд л нийгэмд
хэрэгтэй нэг зүйл хийж болохоор байгаа юм.
Тухайлбал,
1. Автобусны шинэ буудал нэг нь 100 сая төгрөгийн үнэтэй. Нийтдээ 15 тэрбум төгрөгний төсөл.
2. 10 хоног автобусны шинэ чиглэл гаргаж, билет хэвлэхэд 3 тэрбум төгрөг зарцуулсан.
3.
Удахгүй татан буугдах дээрээ тулаад буй, ашиггүй үйлчилгээ “Railbus”.
Энэ нь мөн 18 тэрбум төгрөгний төсөл гэдгийг эх сурвалжууд хэлж байна.
Үүнийг баталж Улаанбаатар төмөр замын нэгэн албан тушаалтан “Манай
байгууллагын, надаас гарсан мөнгө байсан бол би хувьдаа ийм тэнэг зүйл
хийхгүй” гэж ам алдаж байсан.
4. Улмаар замын хөдөлгөөний ачааллыг
бууруулах нэрийдлээс машин бүрээс зам ашигласны 50 мянган төгрөг татвар
авдаг болохоор яригдаж байна.
5. Тун нэвтрүүлж эхлэх гэж байгаа цахим картны төсөлд ч хэчнээн төгрөг зарцуулагдах гэж байгаа нь тодорхойгүй байна.
Түүнчлэн,
хэд хоногийн өмнөөс эхлэн иргэд нэг сарын 30 мянган төгрөгийн үнэтэй
тасалбар авч нийтийн тээврээр зорчдог болох шинэ журам нэвтрүүлэх гэж
байгаа гэсэн яриа гарах болов. Хууль журам болж батлагдаагүй ч энэ
шийдвэрийг сонсоод бухимдав.
30 мянган төгрөг төлөөд сарын
хугацаатай тасалбар авна гэдэг бол байнга автобусаар зорчдог, олон
дамжиж ажилдаа ирж очдог хүмүүст бол боломжийн сайхан хувилбар. Гэвч
долоо хоногтоо ганц удаа автобусанд суудаг олон мянган иргэд яах вэ.
Нийслэлийн Засаг даргын шийдвэр гарч, автомашиныг долоо хоногт дугаарын
хязгаарлалттай зорчуулж байгаа гэдгийг бид бүгд мэднэ шүү дээ. Нийслэлд
байгаа 100 гаруй мянган машин сард дөрвөн өдөр зогсч эзэд нь нийтийн
тээврээр үйлчлүүлдэг. Тэгвэл сард дөрвөн удаа зорчдог иргэд олон
дамждаг нөхдийн төлбөрийг халааснаасаа гаргах ёстой болж байх шиг байна.
Энэ бол маш буруу зүйл гэж зарим иргэд үзэж байна. Үүний оронд нийтийн
тээврийн салбарт өөрчлөлт хийж, хүн бүр эрх тэгш үйлчлүүлдэг шинэ журам
нэвтрүүлэх хэрэгтэй гэв ээ.
Юутай ч нийтийн тээврийн хөгжил манай
улсад нэн тэргүүнд шаардлагатай байгаа. Нийтийн тээвэр ахиц дэвшилттэй
байна гэдэг иргэдэд маш чухал зүйл шүү дээ.
Гагцхүү туршилт нэртэй олон зүйл санаачилж тэрнийхээ хэрээр татвар төлөгдчийн мөнгийг урсгахгүй байх л нэн шаардлагатай юм.
Сэтгэгдэл (15)