"Амьтны тухай", "Байгалийн ургамлын тухай" хууль тэдгээрт нийцүүлэн гаргасан тушаал, журмын хэрэгжилтийн байдалд Нийслэлийн мэргэжлийн хяналтын газрын байгаль орчин,аялал жуулчлал, геологи, уул уурхайн хяналтын хэлтэс, дүүргүүд дэх Мэргэжлийн хяналтын хэлтсийн байгаль орчны хяналтын улсын 20 байцаагчид удирдамжид заасан 1, 2-р чиглэлд есдүгээр сарын 03-15-ны өдрүүдэд хөдөлгөөнт эргүүлийг оройн 20.00 цагаас өглөөний 08.00 цаг хүртэл шөнийн шалгалтыг гүйцэтгэжээ.
Нийслэлийн 22-ын товчоо, Баруун турууны даваа, Төмөр замын 361-ийн гарам, Үнээний ферм, Түүхий эдийн Эмээлт зах, Сонгины булан, Тахилт, Шижирийн даваа, Төв аймгийн Жаргалант, Борнуур, Батсүмбэр, Нисэх яармагийн товчоо, Улиастайн ам, Зүүн хоног толгой, Баруун хоног толгой, Шарын ам улаан бургасны даваа, Гацууртын даваа, баянзүрхийн товчоо чиглэлийн маршрутаар гүйцэтгэсэн.
Нийтийн тээврийн 10 автобусыг саатуулан шалгахад 10 иргэний 17 ширхэг тарваганы нойтон мах илэрсэн байна. Эмээлт, 22-ын, Баянзүрхийн АТХШБТ-оор дамжин хөдөө орон нутгаас ирж байгаа 153 гаруй суудлын тэрэг, портер, нийтийн тээврийн 10 автобусыг саатуулан шалгахад 10 иргэний 17 ширхэг тарваганы нойтон махыг хурааж, Зооноз өвчин судлалын үндэсний төвд шинжлүүлэхээр хүлээлгэн өгчээ.
Тээвэрлэн явсан авто тээврийн хэрэгслийг ариутгал халдваргүйтэл хийлгэн, "Амьтны тухай" хуулийн 11 дүгээр зүйлийн 11.1.9. дэх /тарвага, зурам, тэдгээрийн түүхий мах, нойтон болон халдваргүйжүүлээгүй арьсыг хот, тосгонд оруулах;/ заалтыг үндэслэн нийт 2304.0 мянган төгрөгийн торгууль ногдуулан барагдуулж, нэг иргэнийг Багануур дүүргийн Цагдаагийн хэлтэст эрүүгийн хэрэг үүсгэхээр шилжүүлжээ. Зорчигчид болон жолооч нарт тарваган тахлаас урьдчилан сэргийлэх талаар мэргэжил арга зөвлөгөө өгч, сэрэмжлүүлэх 232 хуудас тараасан байна.
