Санхүүгийн зохицуулах хороо өнөөдрийн ээлжит хуралдаанаараа 20 орчим асуудал хэлэлцэж, нэр бүхий 10 ХЗХ-ны хадгаламж, зээлийн үйл ажиллагаа эрхлэх тусгай зөвшөөрлийг сунгалаа. Мөн зарим ББСБ-д шинээр болон нэмж банк бус санхүүгийн зээлийн, богино хугацаат санхүүгийн хэрэгсэлд хөрөнгө оруулалт хийх, цахим төлбөр тооцоо, мөнгөн гуйвуулгын үйл ажиллагаа эрхлэх тусгай зөвшөөрөл олгож, нэг ББСБ-ын тусгай зөвшөөрлийг сэргээв. Түүнчлэн нэг аж ахуйн нэгжид үнэт цаасны брокерийн үйл ажиллагаа эрхлэх тусгай зөвшөөрөл олгож, мөн нэг аж ахуйн нэгжийг үнэт цаасны зах зээлд оролцогчид хууль зүйн зөвлөгөө өгөх хуулийн этгээдээр бүртгэлээ.

УИХ-ын Хүнс, хөдөө аж ахуйн байнгын хорооноос өнөөдөр /2018.03.13/ Баяжуулсан хүнсний тухай хуулийн төслөөр хэлэлцүүлэг зохион байгууллаа. Хэлэлцүүлэгт сүү, давс, гурил үйлдвэрлэгч аж ахуй нэгж болон мэргэжлийн судлаач, их дээд сургуулиудын төлөөлөл оролцож, саналаа хэллээ.

Засгийн газрын өнөөдрийн хуралдаанаар Төв цэвэрлэх байгууламжийн лагийг цэвэрлэж, үнэргүйжүүлэх ажлыг 2018 оны нэгдүгээр улиралд багтаан эхлүүлэхийг Барилга, хот байгуулалтын сайд Х.Баделханд даалгажээ.

Эрүүл мэндийн даатгалын сангаас тусламж, үйлчилгээний зардлын төлбөр гүйцэтгэх журам”-д заасан тусламж үйлчилгээний төрлөөс тавд нь Эрүүл мэндийн даатгалын газраас зарласан сонгон шалгаруулалтанд тэнцсэн тохиолдолд хэрэгжүүлэх эрхтэй гэж Нийгмийн даатгалын үндэсний зөвлөлийн журамд заасан. Бүгдийг нь хэрэглэх эрхийг ийнхүү журмаар хязгаарласан гэсэн үг.

Өмнөд Солонгосын ерөнхийлөгч асан Ли Мюн Бак өнөөдөр өглөө Сөүл хотын прокурорын газарт байцаалт өгөхөөр ирсэн байна. 76 настай экс ерөнхийлөгчийг 2008-2013 оны хооронд алба хашихдаа авлига авсан гэж сэжиглэж байгаа юм. Ли Мюн Бак орон нутгийн цагаар өглөөний 9:25 цагт прокурорын газрын үүдэнд ирээд олон нийтэд хандан мэдэгдэл хийжээ.

Нийслэлийн Засаг дарга бөгөөд Улаанбаатар хотын захирагч С.Батболд тэргүүтэй төлөөлөгчид Денвер хотын захирагчийн урилгаар тус хотод айлчиллаа. Айлчлалын үеэр хотын захирагч нар уулзаж хоёр хотын харилцаа, хамтын ажиллагааны талаар харилцан санал солилцов.

Пёнчан хотноо болж буй XII паралимпийн наадамд Монгол Улсаа төлөөлөн ОУХМ Батмөнхийн Ганболд гүйлтийн цанын спринт буюу 1.5 км зайд сонгомол техникээр уралдаж 3:58.05 секундын амжилттай 14-р байрт шалгарсан байна.

Сүүлийн арван жилийн хугацаанд бичил орон сууцны хэв маяг нэлээд дэлгэрч, загвар сайтай жижиг сууцны эрин үе эхэлсэн гэж хэлэхэд буруудахгүй. Энэ жишгийн дагуу “James Law Cybertecture” компанийнхан “Опод” хоолойн байшингийн төслөө дахин ашиглагдаж буй бетонон хоолойгоор барьж гүйцэтгэсэн байна. Тус төсөл нь цаашлаад дэлхийн томоохон хотуудад орон сууцны үнийг төлж дийлэхгүй байгаа залуусыг боломжийн үнэтэй байраар хангах зорилготой ажээ.

Монгол Улсын Ерөнхийлөгчийн Тамгын газрын дарга З.Энхболд болон УИХ-ын Тамгын газрын Ерөнхий нарийн бичгийн дарга Ц.Цолмон нар өнөөдөр 2017 онд батлагдсан хуулиуд дээр Төрийн тамга дарах ёслол үйлдлээ.

Өнөө цагийн шинжлэх ухааны од, физикч, сансар судлаач Стивен Хокинг 76 насандаа таалал төгссөнийг гэр бүлийнхэн нь мэдээллээ.

Бээжинд болж байгаа Бүх Хятадын Ардын Төлөөлөгчдийн Их хурлыг сурвалжилж байсан сэтгүүлч эмэгтэй Лян Шянигийн царайны хувирал өчигдөр Хятадын интернэтийг байлдан дагуулж, улмаар засгийн газраас хориг тавихад хүрсэн байна.

Крипто валютын үндэс болох блокчэйн технологид зориулсан анхны хөшөөг Словени улсад өчигдөр нээжээ. Хөшөөг тус улсын дөрөв дэх том хот Краньд босгосон байна. Гурван тонн жинтэй, долоон метр диаметртэй дугуй хэлбэрийн металл байгууламж дотор биткоины билэгдлийг мөн металлаар дүрсэлжээ.

НИТХ-ын ирц бүрдэхгүй байх нь хэвийн үзэгдэл болоод байгаа. Нийслэлийн иргэдийн өмнөөс шийдвэр гаргах түвшинд ажиллаж, тулгамдсан асуудлыг нь цаг алдахгүй шийдвэрлэх зорилгоор НИТХ-ын төлөөлөгчид ажилладаг. Гэтэл сүүлийн үед НИТХ-ын Тэргүүлэгчдийн ирц бүрэлдэхгүйн улмаас хуралдаж чадахаа больсон байна.

Замын хөдөлгөөний аюулгүй байдлыг хангахад бидний оролцоо” сэдэвт зөвлөгөөнд НИТХ–ын дарга С.Амарсайхан оролцлоо. Зөвлөгөөнөөр замын хөдөлгөөний өнөөгийн нөхцөл байдал, зам тээврийн осол, хэргийн байдал түүний шалтгаан зэрэг асуудлыг хэлэлцлээ. Мөн цаашид замын хөдөлгөөний аюулгүй байдлыг хангах чиглэлээр хийсэн ажлууд цаашид авах арга хэмжээний талаар ярилцав.

Японы Такасаки хотод чөлөөт бөхийн Дэлхийн цомын аварга шалгаруулах тэмцээн энэ сарын 17-18-нд болно.

Узбекистаны нийслэл Ташкент хотод нялх хүүхдийн биед 16 ширхэг зүү зоосон аймшигт хэрэг гарсан байна.

20 жилийн өмнө Солонгосын кино компаниуд “Жангум”, Өвлийн хайрын дуу” зэрэг киногоо телевизүүдэд үнэгүй өгдөг байжээ. Тэдгээр киног үзсээр байгаад залуус маань нарийнхан өмд өмсдөг, нүүрээ буддаг, охид бүсгүйчүүл маш сайн хэрэлддэг, өсвөр насныхан солонгос одуудаар өвчилдөг болжээ.

АНУ-ын Ерөнхийлөгч Дональд Трамп өчигдөр АНУ-Мексикийн хилийн Сан Диего хотод зочилж, хил дээр барих ханын загвартай танилцахтай зэрэгцэн Мексикийн иргэд хана барихыг эсэргүүцэн жагсаал зохион байгуулсан байна.

ЮНИСЕФ: Монголын хүн амын 23 хувь өлсгөлөнгийн байдалд байна Түгээх 2018-03-14 08:18:01 - Эрүүл мэнд НҮБ-ын Хүүхдийн сангаас Монгол Улсын “Хүн амын хоол тэжээлийн байдал” үндэсний V судалгааг хийжээ. Тус судалгаа нь өргөн хүрээтэй асуудлыг хамруулж, үнэлгээ өгсөн анхны судалгаа болсон байна. Судалгааны явцад зорилтот хүн амын хоол тэжээлийн байдлыг үнэлэхийн зэрэгцээ 5 хүртэлх насны хүүхэдтэй өрхийн аж байдлын түвшин, хүнсний баталгаат байдал (ХББ)-ыг үнэлж, улмаар дүгнэлт өгчээ. Тус судалгааны түүвэрт сонгогдсон 5 хүртэлх насны хүүхэдтэй 2250 өрхөөс 2249 нь судалгаанд оролцож, хамрагдалтын түвшин 99.9 хувьтай байсан аж.

АНУ-ын Ерөнхийлөгч Доналд Трамп Төрийн нарийн бичгийн дарга Рекс Тиллерсоныг үүрэгт ажлаас нь чөлөөлжээ. Тэрээр түүнд хамтарч ажилласанд нь талархлаа илэрхийлээд дараагийн ажилд нь амжилт хүссэн байна.