09:00 цагаас: ”Блю скай” цамхагийн ”Даймонд” танхимд Хууль зүйн салбарт тулгамдсан асуудлыг хэлэлцэх ”Хуульчдын форум-2017” эхэлнэ.

Аргын тооллын 6 сарын 14, Буд гараг. Билгийн тооллын 20, Тооно одтой, хар бич өдөр. Өдрийн наран 5 цаг 02 минутад мандан, 20 цаг 50 минутад жаргана.

Элсэлтийн ерөнхий шалгалт өнөөдөр 12:00 цагаас монгол хэл, бичгийн шалгалтаар орон даяар эхэлнэ. Энэ жил ЭЕШ өгөхөөр 40388 шалгуулагч бүртгүүлсэн бөгөөд шалгалтыг нийслэлийн 27, хөдөө орон нутгийн 22 байранд авах юм.

Малчид, иргэдэд зориулсан мэдээ:

Өнөөдөр төв болон зүүн аймгуудын нутгийн хойд хэсгээр түр зуурын бороо орно, дуу цахилгаантай, бусад нутгаар халуун хуурай салхитай байна.

Байгаль орчин, аялал жуулчлалын яам, Мэргэжлийн хяналтын ерөнхий газар хамтран ажиллах санамж бичиг байгуулав. Санамж бичигт БОАЖЯ-ны Төрийн нарийн бичгийн дарга Ц.Цэнгэл, МХЕГ-ын дарга, Улсын ерөнхий байцаагч Н.Цагаанхүү нар гарын үсэг зурлаа. Энэ үеэр БОАЖЯ-ны Төрийн нарийн бичгийн дарга Ц.Цэнгэл Монгол Улсын Үндсэн хуульд газар, түүний хэвлий, ой, ус, амьтан, ургамал болон байгалийн бусад баялаг гагцхүү ард түмний мэдэлд, төрийн хамгаалалт байна. Иргэн эрүүл, аюулгүй орчинд амьдрах, орчны бохирдол, байгалийн тэнцэлд байдал алдагдахаас хамгаалуулах эрхтэй гэж заасан байдаг. Иймд Байгаль орчны тухай хуулиар шаардлага хангасан байгаль хамгаалагчид Байгаль орчны хяналтын улсын байцаагчийн эрх олгосон. Гэвч байгаль хамгаалагчийн орон тоо бага, ур чадвар хангалтгүй зэргээс шалтгаалан Захиргааны зөрчил буураагүй. Нөгөө талаас хяналт тавьж буй байгууллагуудын уялдаа холбоо хангалтгүй зэрэг нь нөлөөлж буйг дурдсан бөгөөд хоёр талын хамтын ажиллагаагаа улам бүр нягтруулах шаардлагатай байгааг хэлсэн юм. Харин МХЕГ-ын дарга, Улсын ерөнхий байцаагч Н.Цагаанхүү хоёр тал хүрээлэн буй орчныг хамгаалахад урьдчилан сэргийлэх буюу соён гэгээрүүлэх ажлыг түлхүү хийж, хэрэгжүүлэх шаардлагатай байгааг дурдсан.



Ийнхүү хамтран ажиллах санамж бичиг байгуулснаар байгаль орчны салбарын хууль тогтоомжийг боловсронгуй болгох, хуулийн хэрэгжилтийг хангуулах чиглэлд хоёр тал хамтын ажиллагаагаа өргөжүүлэхээр болж байна. Тухайлбал, байгаль орчны салбарын бодлого, хууль эрх зүйн орчинг сайжруулах, хамтарсан хяналт шалгалтыг эрчимжүүлэх, хяналтын улсын байцаагч, байгаль хамгаалагчдад хууль, тогтоомж, дүрэм, журам, стандартыг сурталчлах, харилцан чиг үүргээ хэрэгжүүлэхэд шаардлагатай мэдээ, мэдээллээр хангах, бодлогын зөвлөгөө өгөх тэргүүтэй олон чиглэлээр үйл ажиллагаагаа явуулах юм. Талууд хамтын ажиллагааныхаа зорилтод Үндсэн хууль, Байгаль орчныг хамгаалах тухай хууль, байгаль орчны багц хуулиуд, Төрийн хяналт шалгалтын тухай хууль болон бусад холбогдох хууль тогтоомж, Монгол Улсын Засгийн Газрын 2016-2020 оны үйл ажиллагааны хөтөлбөр, дүрэм, журам, стандартыг удирдлага болгожээ. Дээрх хамтран ажиллах санамж бичгийг хэрэгжүүлэх зорилгоор жил бүр үйл ажиллагааны төлөвлөгөө гарган дүгнэж, хамтран ажиллах юм. Мөн үеэр МХЕГ-ын дарга, Улсын ерөнхий байцаагч Н.Цагаанхүү БОАЖЯ-ны Төрийн нарийн бичгийн дарга Ц.Цэнгэл, Хүрээн буй орчин, байгалийн нөөцийн удирдлагын газрын дарга Г.Нямдаваа, Ой, Ус, тусгай хамгаалалттай газрын кадастрын хэлтсийн дарга Н.Батзаяа нарт байгаль орчны улсын байцаагчийн үнэмлэх гардууллаа.

ОУОХ хуралдаж, “Токио-2010” зуны олимпийн наадмаас эхлэн чөлөөт бөхийн оролцогчийн тоог 56-гаар бууруулахаар шийджээ. Токиод 3х3 сагсан бөмбөг, дугуйн чөлөөт үзүүлбэр, буудлага, усанд сэлэлт, байт харваа, ширээний теннис, хөнгөн атлетик, триатлоны төрөл холимог буухиа төрөл шинээр олимпийн хөтөлбөрт багтсан. Спортын төрөл нэмэгдэхийн сацуу хөнгөн атлетик, дарвуулт завь, буудлага, усанд сэлэлт, бөхийн төрлийн оролцогчийн тоог 285-аар бууруулаар шийдсэн. “Рио-2016”-д чөлөөт бөхийн эрэгтэйчүүдийн 57, 65, 74, 86, 97, 125, эмэгтэйчүүдийн 48, 53, 58, 63, 69, 75, сонгомол бөхийн 59, 66, 75, 85, 98, 130 кг-ын жинд нийт 344 тамирчин оролцож байсан бол ирэх олимпоор энэ тоо буурч, 285 болсон юм. Өөрөөр хэлбэл жин тус бүрээс оролцогчийн тоо гурваас дөрвөөр хасагдана.

Хуралдаан 2017 оны 6 дугаар сарын 14-ний өдрийн 15.00 цагт Засгийн газрын хуралдааны танхимд болно.

№

Хэлэлцэх асуудал

Засгийн газрын гишүүн
1.
Тогтоолын хавсралтад нэмэлт оруулах тухай
Ж.МӨНХБАТ
2.
БНСВУ-ын Дэд ерөнхийлөгчийн айлчлалын дүнгийн тухай
Ц.МӨНХ-ОРГИЛ
3.
Улсын Их Хурлын гишүүн Н.Учралын санаачлан боловсруулсан Засгийн газрын тусгай сангийн тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай
С.БЯМБАЦОГТ
4.
Улсын Их Хурлын гишүүн Н.Учралын санаачлан боловсруулсан “Тогтоолын хавсралтад өөрчлөлт оруулах тухай” Улсын Их Хурлын тогтоолын төсөлд Засгийн газраас өгөх санал, дүгнэлтийн тухай
С.БЯМБАЦОГТ
5.
Орон нутгийн хөгжлийн нэгдсэн сан болон орон нутгийн хөгжлийн сангаас олгох шилжүүлэг тооцох аргачлал батлах тухай
Б.ЧОЙЖИЛСҮРЭН
6.
Төв Азийн бүс нутгийн эдийн засгийн хамтын ажиллагааны институтыг үүсгэн байгуулах тухай хэлэлцээрийг соёрхон батлах тухай хуулийн төсөл
Б.ЧОЙЖИЛСҮРЭН
7.
Монгол Улсын Засгийн газар Азийн хөгжлийн банктай хамтран хэрэгжүүлэх хөтөлбөрүүдийн зээлийн хэлэлцээрийн тухай
Б.ЧОЙЖИЛСҮРЭН
8.
Хөрөнгө гаргах тухай
Н.НОМТОЙБАЯР
9.
Дүрэм батлах тухай
Г.МӨНХБАЯР
10.
Жагсаалт шинэчлэн батлах тухай*
П.СЭРГЭЛЭН
11.
Хорт хавдар болон халдварт өвчний өнөөгийн байдлын тухай
А.ЦОГЦЭЦЭГ
12.
Бусад асуудал*
Ж.ЭРДЭНЭБАТ

Танилцуулах асуудал

13.
Монгол Улсын Засгийн газар, Японы Олон улсын хамтын ажиллагааны байгууллага (ЖАЙКА)-тай хамтран хэрэгжүүлэх бодлогын арга хэмжээний төслийн талаар*
Б.ЧОЙЖИЛСҮРЭН

Манай улс эхний таван сарын байдлаар дэлхийн 133 улстай худалдаа хийж, гадаад худалдааны нийт бараа эргэлт 4016.2 сая ам. долларт хүрчээ.

Барилгын салбар болон Нийслэлийн төлөөллүүд Бугат хотын гэр хорооллыг орон сууцжуулах ажлын үйл явц, дахин төлөвлөлтийг хийхдээ нүүлгэн шилжүүлэх ажлыг хэрхэн зохион байгуулсан, шинээр байгуулсан хот тохижилтын ажилтай танилцлаа.

Бугат хотын намын Байнгын гишүүн, хотын байнгын дэд дарга Хэ Вэйхуа, Бугат хотын дэд даргын урилгаар айлчилж буй ажлын айлчлалын бүрэлдэхүүнд Барилга, хот байгуулалтын дэд сайд Ш.Лхамсүрэн, Нийслэлийн Засаг даргын орлогч П.Баярхүү, Барилга, хөгжлийн төвийн дарга Ц.Амарсанаа,Улаанбаатар хотын ерөнхий архитектор бөгөөд Нийслэлийн хот төлөвлөлт, ерөнхий төлөвлөгөөний газрын дарга Э.Анар, Нийслэлийн гэр хорооллын дэд бүтцийн газрын дарга М.Ганбаатар болон Сангийн яам, Байгаль орчин, аялал жуулчлалын яамны холбогдох албаны төлөөлөл багтсан юм.

Монгол Улс, Бүгд Найрамдах Хятад Ард Улсын харилцаа, хамтын ажиллагаа сүүлийн жилүүдэд эрчимтэй өрнөн хөгжиж, худалдаа, эдийн засаг, техник технологи, тэр дундаа дэд бүтэц, бүтээн байгуулалтын салбарт улам бүр идэвхитэй хамтран ажиллах болсон. Монгол Улсын гадаад бодлогод манай өмнөд хөрш-БНХАУ нь тэргүүлэх байр суурь эзэлдэг бөгөөд хоёр талын хамтын ажиллагаа, соёлын солилцоо жил ирэх тутам өргөжиж стратегийн гол түншүүдийн нэг болоод байна.
Өнгөрсөн хугацаанд хоёр орны хамтын ажиллагааны үр дүнд барилга, хот байгуулалтын салбарт “Замын-Үүдийн дэд бүтцийг сайжруулах төсөл”, “Улаанбаатар хотын 7,14-р хороолол, МҮОНРТ-ийн орчмын орон сууц, дэд бүтцийн төсөл” зэрэг төслүүд амжилттай хэрэгжсэн. Үүнээс гадна 2016 онд Монгол Улсад зохион байгуулагдсан АСЕМ-ийн дээд хэмжээний уулзалтын үеэр БНХАУ-ын Төрийн зөвлөлийн дарга Ли Көчяны анхаарлын нэг гол сэдэв нь гэр хорооллын дахин төлөвлөлт, орон сууцжуулалт байсан бөгөөд энэ ажлын хүрээнд “1000 айлын түр суурьшлын орон сууцны төсөл” хэрэгжиж эхлэхэд бэлтгэл ажил бүрэн хангагдаад байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Автотээврийн үндэсний төвөөс 2017 оныг “Автотээврийн менежментийг сайжруулах жил” болгон зарласантай холбогдуулан орон нутгийн салбар, төвүүдийн үйлчилгээг иргэдэд

Улсын онцгой комиссын ажлын хэсэг Сүхбаатар аймгийн Мөнххаан, Баруун-Урт, Асгат, Дарьганга, Эрдэнэцагаан сум, Бичигт

Зуны улирал эхэлсэнтэй холбогдуулан зургаадугаар сарын 10-н буюу өнгөрсөн бямба гаригаас эхлэн нийтийн тээврийн ШҮ:1 ”5 шар-Ботаник”, ШҮ:2 “Нисэх-МУБИС-Ард”, ШҮ:3 “Зунжин-7 буудал-МУБИС” чиглэлийн автобус үйлчилж эхэллээ. Дээрх чиглэлд явах нийтийн тээврийн автобус 22:30 цагаас 01:30 цагийн хооронд иргэдэд үйлчилнэ.

Замын цагдаагийн алба, Нийслэлийн Аялал жуулчлалын газар аялал жуулчлалын үйлчилгээ эрхлэгчдээс гаргасан саналыг хүлээн авч Д.Сүхбаатарын талбайн урд талын автомашины зогсоолын зүүн, баруун талд жуулчны улиралд буюу жил бүрийн 06 дугаар сарын 01-ний өдрөөс 08 дугаар сарын 25-ны өдөр хүртэлх хугацаанд зөвхөн жуулчин тээврийн автобусыг зогсоож, хөдөлгөөний аюулгүй байдлыг ханган, жуулчин тээврийн үйлчилгээнд дэмжлэг үзүүлж байгаа юм.

Энэ оны 06 дугаар сарын эхнээс жанжин Д.Сүхбаатарын талбайн урд талын автомашины зогсоолд зам засварын ажил эхэлсэн тул жуулчин тээврийн автобус, автомашин нь зам засварын ажил дуустал түр хугацаагаар талбайн урд хэсгийн баруун, зүүн талын захад түр зогсож, замын хөдөлгөөний аюулгүй байдлыг ханган жуулчдад үйлчилж болохыг Замын цагдаагийн албанаас шийдвэрлэлээ гэж Нийслэлийн аялал жуулчлалын газраас мэдээллээ.

Тив алгасах баллистик пуужин харвана гэдгээ мэдэгдсэн байна. Энэ тухай Умард Солонгосын Ажилчны намын ”Rodong Shinmun” сонин мэдээлжээ.

Монгол Улсын Ерөнхийлөгчийн 2017 оны ээлжит сонгуулийн саналын хуудсыг Сонгуулийн Ерөнхий хорооноос баталсан загвар, тоогоор “Монголын үнэт цаас хэвлэл” ХХК-д хэвлэж байна.

Монгол Улсын Симфони найрал хөгжмийг үндэслэгч, ардын жүжигчин, төрийн шагналт, хөгжмийн зохиолч Ц.Намсрайжавын мэндэлсний 90 жилийн ой энэ онд тохиож байна. Ойд зориулсан “Ц.Намсрайжав 90” хүндэтгэлийн тоглолт энэ сарын 15-нд буюу түүний төрсөн өдрөөр Улсын дуурь бүжгийн эрдмийн театрт болно. Тоглолтод Улсын Филармонийн Симфони найрал хөгжим бүрэн бүрэлдэхүүнээрээ оролцоно.

Ц.Намсрайжав Архангай аймгийн Тариат сумын нутаг Дархан-Уул гэдэг газар төрсөн. Арван настайдаа “Бөмбөгөр ногоон” театрт дагалдан хөгжимчнөөр орсон цагаас 50 гаруй жил их урлагийг хөгжүүлэх үйлсэд хувь нэмэр оруулсан, нэрт удирдаач, гарамгай зохион байгуулагч, хөгжмийн зохиолч хүн юм.

Хуучир хөгжмөөр уран бүтээлийхээ замналаа эхлэн, улмаар валторн хөгжмийг эзэмшиж, монголдоо симфони найрал хөгжмийн анхны бүтээл болох “Хувьсгалт баатарлаг марш”-ийг туурвин бүтээж, 1951 онд гавъяат жүжигчин цол хүртсэн юм.

Мөн 1952 онд Москва хотын П.И.Чайковскийн нэрэмжит Хөгжмийн дээд сургуулийн удирдаачийн ангийг төгсөн, эх орондоо Симфони найрал хөгжмийг үндэслэн байгуулсан анхны дээд боловсролтой удирдаач бөгөөд 30 гаруй жил байгууллагын дарга, уран сайхны удирдагч, ерөнхий удирдаачаар ажиллаж байсан түүхтэй.

Дашрамд дурдахад, энэ жил Симфони найрал хөгжмийн 60, Ц.Намсрайжавын мэндэлсний 90, Морин хуурын чуулгын 25 жилийн ой давхар тохиож байгаа бөгөөд ирэх есдүгээр сард Улсын Филармонийн 45 жилийн ой мөн болох юм.

Монгол инженерүүд, ОХУ-ын инженерүүдтэй хамтран угсарсан “АН2” загварын онгоц хэд хоногийн өмнө Чингис хаан Олон улсын нисэх буудлаас Сэлэнгэ, Хэнтий аймгийн чиглэлд нислэг үйлдэх гэж байхдаа осолдсон.

Дорноговь аймгийн Засаг дарга энэ оны тавдугаар сарын 26-нд захирамж гаргаж “Өрхийн хэрэгцээг өөрийн хашаанаас”хөтөлбөрийг орон нутагт хэрэгжүүлэхээр шийдвэрлэсэн.

Нийслэлийн Засаг даргын санаачлагаар Сөүлийн гудамжийг автомашингүй, шөнийн гэрэлт гудамж болгон энэ сарын 9-нд гудамжны нээлтийг хийсэн. Гэвч тус гудамжийг Сөүлийн хотын захиргаанаас ирүүлсэн шаардлагын

Эрчим хүчний яам, нийслэлийн Агаарын бохирдлыг бууруулах ажлын хэсгийн 2017 оны төлөвлөгөөний дагуу 68 халаалтын зуухыг зогсоож, төвлөрсөн дулаанд холбох ажил хийгдэж эхэллээ.