“Гэмт хэргээс урьдчилан сэргийлэх ажлын өнөөгийн нөхцөл байдал, цаашид анхаарах асуудлууд” сэдэвт зөвлөгөөн болсон билээ. Зөвлөгөөнөөр гэмт хэрэг, захиргааны зөрчил ихээр үйлдэгдэж байгаа газруудын нарийвчилсан судалгааг гаргах, их дээд сургууль болон ТББ-тай хамтран нийтийн хэв журмыг сахиулах хамтарсан эргүүлийн ажлыг үе шаттайгаар зохион байгуулахаар болсон.

Тус ажлын хүрээнд Баянзүрх дүүргийн гэмт хэргээс урьдчилан сэргийлэх ажил хариуцсан салбар зөвлөл, Засаг даргын Тамгын газар, Цагдаагийн I, II, III хэлтэс хамтран дүүргийн нутаг дэвсгэр, гудамж талбай, олон нийтийн газарт гэмт хэрэг, нийгмийн хэв журмын зөрчлөөс урьдчилан сэргийлэх зорилгоор Цагдаагийн албан хаагчид, Батлан хамгаалахын их сургуулийн 1000 оюутантай “хамтарсан эргүүл”-ийг ажиллуулж эхлээд байна.

Хамтарсан эргүүлийн багийнхан иргэдийг гэмт хэрэг, зөрчилд өртөж, хохирох гэмт хэрэг, зөрчил үйлдэгдэхээс урьдчилан сэргийлэх, хуулийн хэрэгжилт эрчимжих, үйлдэгдсэн гэмт хэргийг богино хугацаанд илрүүлж, гэмт санаа бодол тээгчийн сэтгэл санаанд нөлөөлж, өөрчлөлт оруулах зэрэг олон эерэг үр дүн гарна хэмээн холбогдох албаныхан үзэж байгаа юм хэмээн Баянзүрх дүүргийн Хэвлэл мэдээллийн албанаас мэдээллээ.

Улсын Их Хурлын Хууль зүйн байнгын хорооны өнөөдрийн /2017.04.18/ хуралдаан 68.4 хувийн ирцтэйгээр 14 цаг 40 минутад эхэллээ. Байнгын хорооны дарга өнөөдрийн хуралдаанаар хэлэлцэх асуудлыг танилцуулах үеэр Улсын Их Хурал дахь АН-ын бүлгийн саналыг Улсын Их Хурлын гишүүн Ж.Батзандан танилцуулав.

Нийслэлийн мэргэжлийн хяналтын газрын даргын баталсан 2017 оны 03 дугаар сарын 07-ны өдрийн 02-01/148 тоот удирдамжаар Сонгинохайрхан дүүргийн 32 дугаар хороо Туулын 11 дүгээр гудамж 13 тоотод байрлах иргэн Бархассүрэнгийн Энх-Амгалангийн сүүний үхрийн өрхийн аж ахуйн үйл ажиллагаанд хяналт шалгалт хийж, “Сүүний чиглэлийн мал аж ахуйд мал эмнэлэг ариун цэвэр, хорио цээрийн дэглэмийн мөрдөлтийг шалгах” 1.17 кодтой хяналтын хуудсаар эрсдэлийг үнэлэхэд 56 хувь буюу их эрсдэлтэй байна.

Шалгалтаар:Тус өрхийн аж ахуй нь малын өвчлөлийн сүүлийн 3-аас доошгүй жилийн судалгаа, бүртгэлгүй, бруцеллёз, сүрьеэ өвчний шинжилгээнд хамрагдсан тухай нэг бүрчилэн бүртгэсэн судалгаагүй, аж ахуйд хэрэглэж байгаа малын нэмэлт тэжээл нь гэрчилгээ баталгаажилтгүй,хаваржаа, өвөлжөө бууцанд ариутгал халдваргүйжүүлэлтийг тогтмол хийдэггүй, зах зээлд борлуулсан сүүний өдөр тутам бүртгэл хөтөлдөггүй зэрэг зөрчил илэрлээ.

УИХ-ын Тамгын газраас 2017 оны 4 дүгээр сарын 19-ний өдөр буюу маргааш Төрийн ордны 2 давхрын фоенд номын өдөрлөг зохион байгуулахаар болжээ.

УИХ-ын дарга М.Энхболдод өнөөдөр (2017.04.18) Шүүхийн шийдвэр гүйцэтгэх тухай хуулийн шинэчилсэн найруулгын төслийг УИХ-ын гишүүн, Засгийн газрын гишүүн, Хууль зүй, дотоод хэргийн сайд С.Бямбацогт өргөн мэдүүлэв.

Ардчилсан хувьсгалын оюун санааны нэгээхэн илэрхийлэл болсон МоАХ-ны ерөнхий зохицуулагч Санжаасүрэнгийн Зориг

УИХ-ын гишүүн, Засгийн газрын гишүүн, Хууль зүй, дотоод хэргийн сайд С.Бямбацогт Прокурорын тухай хуулийн шинэчилсэн найруулгын төслийг өнөөдөр УИХ-ын дарга М.Энхболдод өргөн мэдүүллээ.

МИАТ-ийн өнөөдрийн зарим нислэг цаг агаарын таагүй нөхцлийн улмаас тодорхой бус хугацаагаар хойшилжээ.

Монголбанкны Ерөнхийлөгчөөр ахлуулсан ажлын хэсэг Олон Улсын Валютын Сан /ОУВС /-гийн хаврын ээлжит уулзалтад оролцохоор өнөөдөр АНУ-ын Вашингтон хотыг зорилоо. Ажлын хэсгийн бүрэлдэхүүн чуулга уулзалтын үеэр ОУВС-гийн захирал хатагтай Кристин Лагард, Дэлхийн Банкны ерөнхийлөгч Жим Ким, ОУВС –гийн Ази Номхон Далайн газар, Монгол Улсыг хариуцсан захирал Хинам Чой нартай тусгайлан уулзаж, Монголын нийгэм эдийн засгийн байдлын талаар танилцуулахын сацуу “Өргөтгөсөн санхүүжилтийн хөтөлбөр”-т хамрагдах хүсэлтээ илэрхийлэх юм.

Нийслэлийн Аялал жуулчлалын газраас аялал жуулчлалын салбарт ажиллах сонирхолтой оюутан залуус, иргэдийг эзэмшсэн мэргэжлийнхээ дагуу түр болон байнгын ажлын байртай болгох, аялал жуулчлалын байгууллагуудад шаардлагатай ажилтнаа олоход нь дэмжлэг үзүүлэх, ажил олгогч, ажил хайгч иргэдийг холбох зорилгоор “Аялал жуулчлал ба ажил эрхлэлт” хөдөлмөрийн яармагийг жил бүр зохион байгуулдаг уламжлалтай. Энэ жил 9 дэх удаагаа зохион байгуулагдаж буй хөдөлмөрийн яармаг 04 дүгээр сарын 28-ны өдрийн 10:00-18:00 цагийн хооронд Улаанбаатар чуулгын 2 давхарт болох гэж байна. Хөдөлмөрийн яармагийн үеэр нийслэлийн зургаан дүүргийн Хөдөлмөрийн хэлтэст бүртгэлтэй ажлын байранд шууд зуучлах бол нээлттэй ажлын байр зарласан жуулчны бааз, тур оператор, зоогийн газар, зочид буудлын ажил олгогчид байгууллагаа танилцуулан, ажилд шалгаруулж авна. Тус арга хэмжээг нийслэлийн Хөдөлмөр эрхлэлтийн газар, Залуучуудын хөгжлийн газар, Аялал жуулчлалын Боловсрол хөгжлийн нийгэмлэгтэй хамтран зохион байгуулна гэж Нийслэлийн Аялал жуулчлалын газраас мэдээллээ.

Монгол-Германы Гүүр” ТББ нь гадаадад төгсөгч залууст зориулан “Career expo-2017”-г 8 дахь удаагаа зохион байгуулах гэж байна.

Ойрын өдрүүдэд ихэнх нутгаар хур тунадас, нойтон цас орж, шороон болон цасан шуурга шуурна гэдгийг УЦУОШГ-аас анхааруулсан.

Лондон дахь монголчууд Монгол Улсаас Их Британи, Умард Ирландын Нэгдсэн Вант улсад суугаа элчин сайд С.Баярыг эсэргүүцэн, тайван жагсаалыг өнгөрсөн сарын 8-аас хойш удаа дараа зохион байгуулж буй.

Төрийн албан хаагчид АТГ-д хөрөнгө орлогын мэдүүлэг өгөхөөс гадна ашиг сонирхлын зөрчилтэй эсэхээ шалгуулдаг. Тэнцээгүй хүн тухайн албан тушаалд томилогдохгүй. Гэтэл сүүлийн үед Эрдэнэт үйлдвэрийн даргын хангамж, ТУЗ-ийн гишүүдийн томилгоо зэргээрээ олны хараанд өртсөн Ц.Ням-Осор, төрийн өмчийг захирахаар очсон гол зорилгоо биелүүлж байна уу даа гэж хардахуйц хууль бус үйлдлүүд олныг хийлээ.
Түүний намтар ч Эрдэнэттэй салшгүй холбоотой. Тэнд 10 жилээ төгсөж, баг, намын хорооны даргаар ажиллаж, Эрдэнэтийн Сэлэнгэ зочид буудал, амралтын газрыг хувьдаа эзэмшдэг болсон. АТГ-ын шалгуурыг давсан байлаа ч томилолтоор очсон төрийн албаныхныг өөрийн буудалдаа байрлуулж, мөнгийг хувьдаа завшдаг гэсэн мэдээллийг үгүйсгэж чадаагүй. Тэр ч бүү хэл өөрийнх ашиг сонирхлын зөрчлийг хөндсөн мэдээллийн оронд анхаарал татах өөр олон сэдэв байгааг зөвлөж тохуурхсон. Төрийн албанд чадварлаг гүйцэтгэгч хэрэгтэй болохоос ашиг сонирхлын зөрчилтэй, алагчилж үздэг утсан хүүхэлдэй хэрэггүй. Түүний төрийн өмчит компаниудад тавьдаг шаардлага нь эрс тэс. Эрдэнэтийн захирлыг 10 мянган долларын цалин, бусад хангамжаа авахыг нь зөвшөөрлөө гэж толгойг нь илэх хэрнээ бусад төрийн өмчит компаниудад “хатуу шаардлага тавьсан” гэж ярзайтал мэдэгдсэн. Хатуу гараар барих ёстой гол газраа одоо өөрөө шахаа хийх нэг нүх нээчихээд Х.Бадамсүрэнгийн аманд орчихсон гүйж яваа гэж учир мэдэх хүмүүс харддаг.
Ш.Даваа

ОХУ-д сүүлийн үед алан хядах үйл ажиллагаа ихээр гарч байгаатай холбогдуулан тус улсын нутаг дэвсгэр дээр оршин суугаа

БНСУ-ын Ерөнхийлөгч асан Пак Гын Хэг буруутай гэж үзэн ял тулгах болсноо Сөүл хотын Прокурорын газар өчигдөр мэдэгдсэн.

“Оффшорчдын эсрэг нэгдсэн хөдөлгөөн”-ийхөн өнгөрөгч бямба гарагт хоёр дахь жагсаалаа хийж, улмаар суулт зарласан.

Нийслэлд өвөлждөг шувуудыг бүртгэж, тоолох ажлыг нийслэлийн Байгаль орчны газар болон Монголын шувуу хамгаалах төвөөс нийслэлийн долоон дүүргийн газар нутгийг хамруулан зохион байгууллаа. Өнгөрсөн 2016 онд явуулсан тооллогоор 27 зүйлийн 7583 шувуу бүртгэсэн бол 2017 онд 31 зүйлийн 9494 шувуу тоолсон байна.

Хошин урлагийн ”Х Түц” продакшн 15 жилийн дараа баруун аймгуудаар аялан тоглолтоо хийж байна.

Хилийн чанадад түр, удаан хугацаагаар ажиллаж, амьдарч буй иргэд, хувийн болон албан хэргээр зорчсон монгол иргэд гэмт хэрэг зөрчилд холбогдох, аваар осолд өртөх, эд хөрөнгө, эрүүл мэнд, амь насаараа хохирох явдал гарсаар байна.