Их Хянганы нуруунаас эх авсан Халх голын савд хаврын шар усны үер дөрөвдүгээр сарын дунд үеэр хамгийн их хэмжээндээ хүрнэ. Энэ жил шар усны үерийн хэмжээ үерийн олон жилийн дунджаас даруй хоёр дахин их байх төлөвтэй байгааг УЦУОШГ-аас мэдээлжээ. Үүний зэрэгцээ Халх голд мөсөн хахаа үүсэж үерийн түвшин улам нэмэгддэг онцлогтой.

Хангай нурууны салбар уулс, Булнай нурууны араас эх авах Тэс, Хан Хөхий нурууны Баруунтуруун болон бусад голуудын хаврын шар усны үер дөрөвдүгээр сарын дунд үеэс эхэлж хамгийн их хэмжээндээ тавдугаар сарын эхний арав хоногт хүрнэ. Монгол Алтай нуруунаас эх авсан Булган болон бусад голуудын шар усны үер дөрөвдүгээр сарын сүүлчээр эхэлж хамгийн их хэмжээндээ тавдугаар сарын дунд үеэр, Хангай нурууны араас эх авсан Идэр голын хаврын шар усны үер дөрөвдүгээр сарын сүүлээр эхэлж хамгийн их хэмжээ нь тавдугаар сарын гуравдугаар арав хоногийн дунд үеэр ажиглагдана.

Гол мөрний мөсний зузаан өмнөх арав хоногийнхоос 10-20 см нимгэрч, мөсөн дээгүүр ус урсах, мөс харлах, мөс байрандаа хайлах, зэрэг үзэгдэл идэвхижиж байгаа бөгөөд ойрын өдрүүдэд ихэнх нутгаар өдөртөө 10 градус болон түүнээс дулаан байх тул голын сав газар дахь цас эрчимтэй хайлж голын мөсний үзэгдэл эрчимжиж, мөсөн хахаа үүсэх улмаар хаврын шар усны үер цөнгийн хахаатай давхцан голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж байна. Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна.

“Эрдэнэт”-ийн 49 хувийг улсын мэдэлд авахыг дэмжигч хэсэг бүлгийн зүгээс Засгийн газар болон Ерөнхий сайдад хандсан огцруулах асуудлыг өргөн барина шүү гэдэг “сануулга” нь “Эрдэнэт” үйлдвэрийн ТУЗ-ийг төрөөс бүрдүүлэх ажлыг УИХ-ын хаврын чуулганаас өмнө яаравчлан хийхэд хүргэсэн талаар улс төрийн хүрээнд яригдаж байсан нь оргүй биш байлаа.

Засгийн газар өнгөрсөн гуравдугаар сарын 29-ны өдрийн хуралдаанаар “Эрдэнэт”-ийн ТУЗ-ийг 100 хувь төрөөс бүрдүүлэхийг үүрэгдэж, улмаар хаврын чуулганы нээлттэй зэрэгцэн шинэ ТУЗ байгуулагдаж, хурлаа хийсэн билээ. “Эрдэнэт” үйлдвэрийн ТУЗ дангаараа төрийн төлөөллөөс бүрдэж байгаа болон тус үйлдвэрийн захирлуудын цалин хөлсний талаар Төрийн өмчийн бодлого зохицуулалтын газрын дарга Ц.Ням-Осорын хийсэн мэдээлэл өнгөрсөн долоо хоногийн онцлох үйл явдлуудын нэг байлаа.

Шинэ ТУЗ хуралдаж, дотоод бүтцэд өөрчлөлт оруулах, “Эрдэнэт үйлдвэр”-ийн Ерөнхий захирлын орлогч захирлуудыг томилох шийдвэр гаргасан байна. Тодруулбал, Ерөнхий захирлын Үйлдвэрлэл хариуцсан орлогчоор Д.Эрдэнэцогт, Хөгжил, их барилга хариуцсан орлогчоор П.Батболор, Эдийн засаг, санхүү хариуцсан орлогчоор Д.Дэлгэрбаяр, Нийгмийн асуудал эрхэлсэн орлогч захирлаар Ц.Батсайхан нарыг тус тус томилжээ. Харин “Эрдэнэт үйлд­вэр”-ийн нэгдүгээр орлог­чийн түр орлон гүй­цэт­гэгчээр “Монголын зэс” компанийн төлөө­лөл Б.Шинэбаатар ажиллахаар болсон нь 49 хувийг шилжүүлэх асуудал дуусаагүй байгаатай холбоотой аж.

Шинээр томилогдсон орлогч захирлуудыг дагаад олон нийтийн дунд “Хэний ямар хүн оччихов, хэн лоббидов, ашиг сонирхлын зөрчил үүссэн үү” гэхчлэн хардлага хөвөрлөө. Ингэж хардахаас ч өөр аргагүй. Ямар нэгэн сонгон шалгаруулалт энэ тэр гэж юм огт байсангүй. Бас нөгөөх ашиг сонирхлын зөрчилтэй эсэх талаар АТГ санал дүгнэлтээ өгсөн эсэх нь ч тодорхойгүй. Ийм нөхцөлд томилгоо хийгдээд гэнэт зарлагдсан нь араасаа олон асуудал дагуулж байна.

Монгол-Оросын хамтарсан үйлдвэр байхад удирдлагын томилгоог хоёр улсын төрийг төлөөлж байгаа байгууллагаас томилогдсон зөвлөл /совет/ шийддэг байсан. Харин одоо уг үйлдвэр зөвхөн Монголын төрийн өмч болчихож байгаа юм бол, удирдлагад ажиллах бүрэлдэхүүнийг нь тодруулах сонгон шалгаруулалт зарлаж яагаад болохгүй гэж гэдэг асуултыг олон хүн тавьж байна.

“Эрдэнэт” үйлдвэрийн захирал, дэд захирал хийгээд явчихаж чадна гэж өөрийгөө үзэж байгаа олон хүний дундаас сонгон шалгаруулалт хийсэн бол, төр өмчийнхөө эзэн болж, өмчөө зөв удирдаж авч явах эхний алхмаа хийлээ гэж харагдахаар байлаа. Гэтэл төр мэдэлдээ 100 хувь авсан “Эрдэнэт” үйлдвэрийн удирдлагуудын томилгоо улс төрийн албан тушаалтан томилдог жишгээр эхэлчихлээ. Ямар ч сонгон шалгаруулалтгүй, гэнэтийн томилгооны цаана ашиг сонирхлын зөрчил нуугдаж, хууль зөрчигдөж байхыг үгүйсгэх аргагүй учраас олон нийтийн дунд “Хуучнаараа, дарга нарын шахааны газар хэвээр байх нь” гэдэг бас нэгэн хардлага хэвээр үлдэж байна.

Нуухыг нь авах гээд....

Шинэ ТУЗ-ийн гаргасан бүтцийн өөрчлөлт нь “Төр хамгийн муу менежер” гэдгийг батлаад эхэллээ гэдэг шүүмжлэл бизнесийн хүрээнд өргөн гарч байна. Бүтэц толгойноосоо данхайж эхэлж байгаагийн жишээнд гурван дэд захиралтай байсан бол одоо дөрвөн орлогчтой болсон, Ерөнхий захирал ажлын алба нэрийн дор долоон зөвлөхтэй болсон, газрын тоо нэмэгдсэн зэрэг багтаж байна. Захирлын тоо нэмэгдэхээр зардал өсөх нь тодорхой.

Энэ мэтчилэнгээр хувийн хэвшлийнхэн орж ирснээс хойш хийгдсэн цомхон, зардал хэмнэсэн арга хэмжээнүүд нь эргээд хуучин руугаа явж байгаа нь нөгөө нуухыг нь авах гээд нүдийг нь сохлов гэгч болж байгаа бололтой.

“Эрдэнэт үйлдвэр” ХХК-ийн бүтцийн нэгжүүдийг батласан А199 тоот тушаалын хавсралтаас үзвэл, Дотоод аудитын газар нь Ерөнхий захирлын шууд удирдлагад багтах хэсэгт оржээ. Ерөнхий захирлын шууд удирдлагад байгаа дотоод хяналтынхан захирлынхаа үйл ажил­лагаанд хөндлөнгийн хяналт тавьж чадах уу гэдэг асуулт эндээс гарч ирж байгаа юм. Компанийн засаглалын сайн жишгээр бол, Дотоод хяналт нь ТУЗ-ийн шууд удирдлагад байж, гүйцэтгэх удирдлагын үйл ажиллагаанд хөндлөнгийн хяналт тавьдаг жишиг “Эрдэнэт”-д энэ удаагийн бүтцийн өөрчлөлтөд тусгалаа олсонгүй.

Худалдан авах ажиллагаа гэдэг ганцхан “Эрдэнэт” дээр ч биш төрийн мэдлийн бүхий л газарт хэл ам дагуулсан газар байдаг. Шинэ бүтэцдээ худалдан авах ажиллагаа нь Ерөнхий захирлын мэдэлд байхаар оруулсан нь Х.Бадамсүрэн захирал шахааны бизнестэй хатуу тэмцэх ажлаа өөрөө гардан хийхээр шийдсэнийх үү, эсвэл шинэ ТУЗ нь “Эрдэнэт”-ийг улстөрчдийн саалийн үнээ хэвээр байлгах гэж санаархаж эхлэв үү гэдгийг цаг хугацаа харуулна. Товчхондоо бол, “Эрдэнэт” үйлдвэр өнөөдөр салаа замын уулзвар дээр зогсож байна.

Эх сурвалж:Зууны мэдээ

Нэрт жүжигчин Жеки Чаны амь нас, эрүүл мэндийг даатгахаар шийдсэн даатгалын аливаа компани аль хэдийнэ дампуурсан байх байсан бизээ. Үүнд гайхах явдалгүй бөгөөд Жеки мэргэжлээрээ ажиллаж ирсэн хугацаанд 3000 орчим удаа бэртэж гэмтжээ. Энэ бүгдийг тоочих боломжгүй нь мэдээж, тиймээс заримынх нь тухай л тогтож өгүүлье.

19 настай шинэхэн жүжигчин бүр 1973 онд зургийн талбайд анх удаа бэртжээ. Ингэхдээ түүнийг нөгөө алдарт Брюс Ли гэмтээсэн байна. Жеки Чан нүхэн гарцны хамгаалагчийн туслах дүрд тоглосон “Луугийн гаралт” киноны зураг авч байх үед Брюс залуу жүжигчний зүүн нүдийг модон саваагаар санаандгүй цохичихсон аж. Аз болоход, бүх зүйл гайгүй өнгөрч, Жеки Чан сохорчихоогүй байна. 1978 он. “Бүргэдийн сүүдэрт дайрагдсан могой” кино. Тулааны зураг авч байхад Жеки нүцгэн гараараа илдийг барьж авчээ. Илд дуураймал байх ёстой байсан ч, яагаад ч юм жинхэнэ байж. Цус гоожиж, ингэхдээ найруулагч нь зохиолын дагуу ийм байх ёстой хэмээн бодож, зургийг үргэлжлүүлэн авсаар байжээ. Мөн тэр 1978 онд “Согтуу мастер” киноны зураг авч байхад эвгүй унаж, өргөөсөн нүдээ гэмтээсэн байна. Тэгээд мэс засал хийлгэхэд ч хүрч байжээ.

1983 он. “Төсөл А” кино, найман метрийн өндрөөс унаснаар таван хавирга хугарч, хамар нь гэмтэж, хүзүү нь хүнд бэртсэн байна. Жүжигчин нэлээд хэдэн сарын турш толгойгоо хөдөлгөж ч чадахгүй байж.

1985 он. “Цагдаагийн академи” кино. Таван давхрын өндрөөс тулгуур модоор эвгүй буусан байна. Жеки Чан золтой л амиа алдчихаагүй аж. Нурууны хоёр нугалам нь хугарч, аарцаг нь гэмтжээ. Орлон тоглогч жүжигчин маань хоёр сар эмнэлэгт хэвтсэн байна. Жеки үлдсэн амьдралаа тэргэнцэр дээр өнгөрүүлэх нь дээ хэмээн олон хүн бодож байжээ.

1986 он. “Бурхны хөө хуяг” кино. Энэ киноны зураг авалт дээр Чан амьдралдаа хамгийн хүнд бэртэл авсан болов уу. Тэр 6 метргийн өндрөөс толгойгоороо унажээ. Ингэснээр гавлын яс нь цуурч, дотуур цус алджээ. Гавлын ясанд нь ялтас бэхлэж, харин түүнээс хойш жүжигчний зүүн чих бараг юм сонсохоо больсон байна.

1993 он. “Эрүүгийн түүх” кино. Жеки хоёр машины хооронд хавчуулагджээ. Энэ харайлт гунигтайгаар дуусч, түүний хоёр хөл нь хугарч, эмнэлэгт гурван сар хэвтсэн байна. Гэвч Жеки зориг мохоогүй бөгөөд эмнэлгээс гармагцаа л шахуу мөн энэ үсрэлтээ давтан хийж, харин энэ нь удаа тэр нь амжилттай болжээ. “Бронкст болсон зодоон” киноны зураг авч байсан

1995 онд Чан зүүн хөлнийхөө шагай, хуруунуудыг хугалсан байна. Зураг авалтыг зогсооход хүрсэн ч, нэг их удаагүй аж. Бий болсон нөхцөл байдлаас гарах гарц олж, гипсдүүлсэн хөлөнд нь оймс өмсгөж, түүнийг кроссовк шигээр буджээ.

2005 он. “Домог” кино. Энэ үеэр Жеки Чан хэд хэдэн удаа азгүйтсэн байна. Тодруулвал, тэр мориноос унаж, нуруугаа сүрхий гэмтээжээ. Харин өөр нэг хэсэгт жүжигчний алгыг жадаар нэвт хатгасан байна. Бэртэл гэмтлийн энэ цөөхөн жагсаалт нь жүжигчний амь нас байнга шахуу дээсэн дөрөөн дээр байсныг ойлгоход хангалттай юм. Гэвч шантрах гээчийг үл мэдэх 63 настай Жеки Чан ажлаа хийсээр л байгаа бөгөөд кинонд тоглохын сацуу буяны ажил хийж, дуу дуулж, цомог гаргаж байгаа гэнэ.

... Монгол агуу их дарамтан доор хүлцэнгүй амьдарч чаддаг,илжиг модон хударгандаа дуртай,нохой хозлуулсан эзэндээ янаг гэдэг шиг гилжигнэн дагаж, тал засан амьдардаг ертөнцийн сүүлчийн үндэстэн юм биш үү...

БНСУ-д хөдөлмөр эрхлэх сонирхолтой иргэдийн солонгос хэлний төвшинг тогтоох шалгалтыг дөрөвдүгээр сарын 10-наас буюу даваа гарагт эхэлнэ.



Уг шалгалт ирэх наймдугаар сарын 16-ныг дуустал үргэлжлэх юм байна. Солонгос хэлний төвшин тогтоох шалгалтыг ажлын өдрүүдэд гурван ээлжээр авах бөгөөд шалгалтад орох өдөр, цаг, ээлжийг өөрчлөх боломжгүй тул заасан өдөр, цагт Хөдөлмөр, халамж үйлчилгээний ерөнхий газарт ирсэн байх ёстойг мэргэжилтнүүд анхааруулав. Шалгалтыг EPS-TOPIK шалгалтын компьютер тестийн танхимд авах аж.Шалгалт өгөх иргэд иргэний үнэмлэх, гадаад паспорт хоёрын аль нэгтэй нь ирнэ. Шалгалтад ороход хурууны хээ уншуулж бичиг баримтын тулгалтыг гурван удаа хийдэг учраас бусдыг өмнөөсөө шалгалтад оруулах, бусдын өмнөөс шалгалтад орох зэрэг хуурах үйлдэл гаргаж болохгүй.



Дээрх үйлдлийг гаргавал солонгос хэлний төвшин тогтоох шалгалт өгөх эрхийг 3 жилээр хязгаарлах юм байна. Шалгалтын бүртгэлд эхэнд, сүүлд хамрагдсан эсэхээс үл шалтгаалж, таны шалгалт өгөх хуваарь гарсан учраас бүртгэлийн дугаарын кодоороо хэдний өдөр шалгалт өгөхөөр хуваарьт орж вэ гэдгээ нягтлах шаардлагатай. Харин солонгос хэлний шалгалтын дүн эхний ээлжийнх нь ирэх тавдугаар сарын 10-наас гарах аж

10:00 цагт: Замын цагдаагийн албанаас ”Хүүхдийг зам тээврийн ослоос урьдчилан сэргийлэх өдөр”-ийг зохион байгуулна. Хаана: Тусгаар тогтнолын талбайд

11:00 цагт: MN-Мэдээллийн төвд “G-Time”-ийн хохирогчид үүсээд буй ноцтой нөхцөл байдлын талаар мэдээлэл хийнэ.

11:00 цагт: Нийслэлийн Гэмт хэргээс урьдчилан сэргийлэх ажлыг зохицуулах зөвлөлийн ээлжит хурал Замын цагдаагийн албаны Хурлын танхимд явагдана.
14:00 цагт: Хатан Туул голоо хамгаалах үндэсний хөдөлгөөн БОНХАЖЯамны сайд Д.Оюунхоролд Туул гол дээр үүсээд байгаа нөхөн сэргээлтийг хийлгэх, аж ахуйн нэгжүүдийн тусгай зөвшөөрлийг хүчингүй болгуулах, орчны болон агаарын бохирдол, усны бохирдол зэргийг их хэмжээгээр үүсгээд байгаа арьс ширний үйлдвэрүүдийг УБ хотоос нүүлгэн шилжүүлэх, онцгой хамгаалалтын бүс газарт хууль бусаар газар ашиглах, эзэмших гэрчилгээг цуцлуулах талаар шаардлага хүргүүлнэ.

Хан-Уул дүүрэг дэх Зайсан орчмын ”Tuul one” хотхоны орцны цонхоор хоёр охин үсэрч амиа алдсан хэрэг өчигдөр гарчээ.

Цахилгаан шугам тоноглолд засвар үйлчилгээ хийх хуваарийн дагуу өнөөдөр гурван дүүрэгт цахилгаан түр хязгаарлана. Тодруулбал,

Энэ жил ЭЕШ өгөхөөр нийт 31 мянга гаруй хүүхэд бүртгүүлсэн бөгөөд ирц 80 хувьтай байна гэж Боловсролын үнэлгээний төвөөс мэдээллээ. ЭЕШ-ын бүртгэл энэ сарын 14-ний 18.00 цагт дуусах бөгөөд бүртгэл дууссанаас хойш нэмэлт бүртгэл хийхгүй болохыг тус төвийнхөн онцоллоо. 2017 оны байдлаар улсын хэмжээнд Ерөнхий боловсролын сургуулийн 12 дугаар ангийг 37 мянга гаруй сурагч төгсөнө. Үүнд гадаадад төгсөж байгаа болон өмнөх оны төгсөгчидтэй нийлээд 40 мянга гаруй сурагч ЭЕШ өгөх урьдчилсан тооцоо гарчээ.

Энэ бүх хууль бус үйл ажиллагаануудыг шүүхийн давцанд ил гаргаж, олон нийтийн нүдэн дээр тавина гэдэг бол аймшиг. Харин энэ нь аль намд хамаатай аймшиг гэхээсээ илүүтэй хэнүүстэй хамаатай аймшиг бол гэдэгт л ач холбогдол өгч байна.

Ихэнх нутгаар салхи, шуургатай байх тул гал түймрийн аюулаас сэрэмжлүүлж байна

УИХ-ын даргын дэргэдэх Зөвлөл хуралдаж, энэ долоо хоногт УИХ-ын чуулганы нэгдсэн хуралдаанаар хэлэлцэх асуудлуудыг баталжээ.

Үс засуулбал: Эд мал арвидна

Улаанбаатарт өдөртөө сэрүүсч 3 хэмийн дулаан байна

Нийслэлийн Мэргэжлийн хяналтын газраас зөрчилтэй барилгуудын талаар мэдээлэл хийж, зөрчилтэй барилгуудыг зарлалаа.

Буддын шашны тэргүүн XIV Далай лам Энэтхэгийн зарим хотуудад шашны айлчлал хийж байна. Тэрбээр Таванг, Ариунчал, Прадеш хотуудад айлчилж,

Өмнөд Солонгос улсын экс ерөнхийлөгч сэжигтэн Пак Гын Хе буюу 503 тоот сэжигтэн нь эдүгээ Сөүл хотын түр хорих байранд хоригдож байгаа билээ.

Нэгдүгээр төрөхийн урд байрлах нийтийн байранд гал гарчээ

Нийслэлийн гудамжинд наасан ”Гулгаа массаж” гэсэн зарын хуудсуудыг хуулж, цагдаагийн байгууллагад өгч шалгуулах аяныг ”Лантуун дохио” ТББ-аас хэрэгжүүлж байна.

“Mongolian Pajero Club-ээс зохион байгуулсан “Scorpion4x4 2017 Бартаат замын уралдаан”-ыг үзэж байсан хүн бага насны хүүхэд дайрсан хэрэг гарчээ.