Монголчууд яг сарын дараа дараагийн Ерөнхийлөгчөө сонгох гэж байна. Хуулийн дагуу Ерөнхийлөгчийн сонгуульд нэр дэвшигчдийг тодруулах хугацаа 10 хоногийн дараа буюу тавдугаар сарын 2-оос эхэлнэ. Иймээс улс төрийн намууд хөдөлгөөнд орж, сонгуулийн бэлтгэл хангах ажилдаа ороод байна. Ардчилсан намын дарга С.Эрдэнэтэй тус намын Ерөнхийлөгчийн сонгуульд өрсөлдөх сонирхолтой байгаа гишүүд нь уулзсан бол МАН Удирдах зөвлөлөө хуралдууллаа.

Нийслэлийн цагдаагийн газраас иргэдийн амар тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох урьдчилан сэргийлэх зорилгоор 2017 оны 04 дүгээр сарын 18-ны өдрөөс 05 дугаар сарын 18-ний өдрийг хүртэл 1 сарын хугацаанд “Эргүүл” нэгдсэн арга хэмжээг Нийтийн хэв журмын хамгаалах газрын 70 алба хаагч дүүрэг дэх цагдаагийн хэлтсүүдтэй зохион байгуулж байна.
Арга хэмжээний хүрээнд гэмт хэрэг, зөрчил ихээр үйлдэгддэг 210 гаруй чиглэлд 420-460 алба хаагч, 1000 урамшилт эргүүл, 63 авто ажиллаж, 1623 хүн, 715 тээврийн хэрэгсэлд үзлэг шалгалт хийж, биеэ авч явах чадваргүй 168 иргэнийг ар гэр, асран хамгаалагчид нь хүлээлгэн өгч, 21 гэмт хэргийг шуурхай илрүүлэн ажиллаж байна.

Жуулчны улирал эхлэх гэж буйтай холбогдуулан нийслэлийн Аялал жуулчлалын газар, Улаанбаатар хотын Цагдаагийн газар, Монголын Оюутны холбооноос хамтран “Жуулчинд ээлтэй оюутан цагдаа-2017” арга хэмжээг ирэх зургаадугаар сарын 1-нд эхлүүлэхээр ажиллаж байна. Оюутан цагдаад их, дээд сургуулийн аялал жуулчлал, олон улс судлал, хууль эрх зүйн ангийн болон гадаад хэл, Монголын түүх, соёл, зан заншлын мэдлэгтэй оюутнууд хамрагдах боломжтой юм. Түүнчлэн Жанжин Д.Сүхбаатарын талбайд энэ сарын 26-ний өдөр болох нийслэлийн Аялал жуулчлалын салбарын нээлттэй хаалганы өдөрлөг болон энэ сарын 28-нд “Улаанбаатар” чуулгын байранд болох “Аялал жуулчлал-хөдөлмөр эрхлэлт” хөдөлмөрийн яармагаар оюутан цагдааг бүртгэх ажээ. Оюутан цагдаа арга хэмжээнд нийт 300 гаруй оюутан хамрагдаж, гадаадын жуулчдад үндэсний ёс заншлаа сурталчилж, жуулчдыг хэрэг зөрчлөөс урьдчилан сэргийлж ажилласнаар тэдэнтэй холбоотой хэрэг зөрчил жил бүр 20 хувиар буурсан байна гэж нийслэлийн Аялал жуулчлалын газраас мэдээллээ.

Өрсөлдөх эрхийг нь хязгаарласан гэж үзэж Цэцэд хандав

09:00 цагт: Дэлхийн Оюуны өмчийн өдрийг тохиолдуулан ОӨУБЕГ, Хууль сахиулах их сургууль, Шинжлэх ухаан технологийн сантай хамтран “Дээшлэх амьдралын эх-Инноваци” сэдэвт Эрдэм шинжилгээний бага хурлыг зохион байгуулна. Мөн энэ үеэр инновацийн бүтээгдэхүүний үзэсгэлэнг танилцуулах юм. Хаана: Хууль сахиулахын их сургуулийн 3 давхарын танхимд

09:00 цагт: Автотээврийн үндэсний төвд ”Нийтийн тээврийн тулгамдаж буй асуудал, шийдвэрлэх арга зам” сэдэвт хэлэлцүүлэг болно. Хэлэлцүүлэгт ЗТХЯ, АТҮТ, МХЕГ, ЗЦГ, нийтийн тээврийн үйл ажиллагаа эрхэлдэг аж ахуйн нэгж байгууллагууд, иргэдийн төлөөлөл оролцоно.

10:00 цагт: Сэргээн засалт, сургалт, үйлдвэрлэлийн төв, БНСУ-ийн Хөгжлийн бэрхшээлтэй иргэдийн холбоотой хамтран хэрэгжүүлж буй ”Улаанбаатар хот дахь хөгжлийн бэрхшээлтэй иргэд болон хүүхдүүдийн зорчих боломжийг нэмэгдүүлэх” төслийн хүрээнд протез ортопед, сэргээн заслын чиглэлээр протез ортопедын үйлдвэрийн ажилтан болон тархины саатай хүүхэд, эцэг эхчүүдэд сургалт зохион байгуулна,

11:00 цагт: Нийслэлийн гэр бүл, хүүхэд, залуучуудын хөгжлийн чиглэлд ажиллаж буй байгууллагуудын нээлттэй хаалганы өдөрлөг Д.Сүхбаатарын талбайд болно.

11:40 цагт: Дэлхийн номын өдрийг тохиолдуулан Монголын Үндэсний номын сангийн сан хөмрөгт буй 35,000 баринтаггүй болон хэт хуучирсан баринтаг нь хадгалалтын горимд нийцэхгүй болсон соёлын үнэт өв болсон ном судруудад НОМЫН БАРИНТАГ хандивлах өдрийг Монгол Улсын Үндэсний номын сан зохион байгуулна.

12:00 цагт: МБШТ Гандантэгчэнлин хийд, Монгол бичгийн нийгэмлэг хамтран зохион байгуулж буй Монгол туургатны ”Миний Монгол бичиг” олон улсын уралдааны шагнал гардуулах ёслолын ажиллагаа Гандантэгчэнлин хийдийн их гэрт болно

MN-Мэдээллийн төвд

11:00 цагт: ОХУ-ын “Азийн хаалга” олон улсын үзэсгэлэнгийн талаарх мэдээллийг сонирхоорой.
11:30 цагт: “Гэгээ-9” СӨХ-өөс 100 айлын нийтийн цагаан байрны оршин суугчдад тулгамдаж буй асуудлаар мэдээлэл хийнэ.
12:00 цагт: “Эрдэнэтийн хувийг иргэдэд” хөдөлгөөнөөс хэвлэлийн бага хурал зарлалаа.
12:30 цагт: Монгол Улсын иргэн Абдул Карумыг Катар Улсын иргэн, хууль бус наймаачин гэх мэтээр олон нийтийн хэрэгслээр гүтгэж нэр хүндэд нь халдаж байгаа талаар түүний өмгөөлөгч мэдээлэл хийнэ.

14:00 цагт: Монголын Сурагчдын холбоо нь нийгмийн хариуцлагынхаа хүрээнд Улсын 10 их дээд сургуультай хамтран ЕБС-ийн ахлах ангийн сурагчдад зориулж “Мөрөөдлийн боловсрол” нээлттэй аяныг 3 дахь жилдээ уламжлал болгон зохион байгуулна. Тус үйл ажиллагаагаар дамжуулан ахлах ангийн сурагчид мэргэжил сонголт, элсэлтийн шалгалт, тухайн сургуулийн онцлог давуу талыг мэдэж авахаас гадна мэргэжлийн багш нараас зөвлөгөө авч өөрсдийн сонирхож буй сургуулийн талаарх үнэн бодит мэдээллийг сургууль тус бүр дээр нь очиж авахад тус үйл ажиллагааны зорилго оршино. Хаана: СУИС

14:00 цагт: Олон улсын “Ворота в Азию 2017” 27 дахь удаагийн үзэсгэлэн МҮХАҮТ-ын Их танхимд нээлтээ хийх гэж байна. Үзэсгэлэнд ОХУ-ын Киров, Ангарск, Ростов на Дону, Таганрог, Каменск-Шахтинский, Нюрба, Нерюнгри, Пинск, Чита, Якутск болон Эрхүү муж зэрэг 10 хотын 36 компанийн 50 гаруй бизнес эрхлэгчид автомашин, хөнгөн үйлдвэрлэл, хүнс, барилга, эрчим хүч, хөдөө аж ахуй, аялал жуулчлал, үнэт эдлэл, хими, тээвэр зууч, шинжлэх ухаан боловсрол, зөвлөх үйлчилгээ, хэвлэх үйлдвэр, ном сонин сэтгүүл, эмийн салбар, хүүхдийн зөөлөн тоглоом зэрэг чиглэлээр бараа бүтээгдэхүүнээ танилцуулан хөрөнгө оруулалт, түншлэлийн чиглэлээр 3 хоногийн турш Монголын бизнес эрхлэгчидтэй хамтран ажиллана.

“Сураггүй алга болсон хүүг нийтийн байранд хорьж байжээ” гэх мэдээлэл хэвлэл мэдээллийн хэрэгсэл, олон нийтийн сүлжээгээр нийтлэгдсэн нь олны анхаарлыг татаж байна.

АЖЛЫН ХЭСГИЙН ХУРАЛДААН:

Цахилгаан шугам тоноглолд засвар үйлчилгээ хийх хуваарийн дагуу маргааш зургаан дүүрэгт цахилгаан түр хязгаарлана.

Баянзүрх дүүрэг

10:30-16:00 цагт: 10-р хороо Баатархайрханы гудамж, Автобус-3 компани, 87-р сургууль, Ирээдүйн гарц, Гэгээрэл дацан болон эдгээрийн ойр орчмоор

11:00-17:30 цагт: 10, 20, 23-р хороо Хужирбулангийн 1-19-р гудамж, Баяндөхөмийн ам

Сүхбаатар дүүрэг

10:30-11:30 цагт: 5, 3-р хороо 11, 12, 26, 28, 30, 48, Хан талстын 12, 40, 50 мянгат 11, 30, 48-р байр, 1-р цэцэрлэг, 11-р сургууль, Гүн цэб ресторан, Карролтон, Орчлон трейд, Хан талст, Жэй Эл Жи, Хар чонот ХХК-ууд болон ойр орчмоор

10:30-16:00 цагт: 1-р хороо Өгөөж чихэр боов ХХК, 5-р хороо Голомт хотхоны А, Б, С, Д, Е-байр, Бодь цамхаг, Шилмэл загвар болон эдгээрийн ойр орчмоор

Хан-Уул дүүрэг

11:00-13:00 цагт: 12-р хороо Сонсголон бармат ХХК-ийн карьер, Таван толгойн ЦА, Блок, Хайрганы үйлдвэрүүд болон эдгээрийн ойр орчмоор

Баянгол дүүрэг

11:00-18:00 цагт: 4-р хороо 10-р хороолол Гаалийн 1-7, 8А, 10, 10Е, 45-1, 49, Сан-50-р байр

Хан-Уул дүүрэг

10:30-17:00 цагт: 2, 3-р хороо Чингисийн өргөн чөлөө Ус ЦУОШГ/БОХЗ төв лаборатори, Комит сервис ХХК, Эйч Кэ Би интернэйшнл холдинг, Барилга архитектур корпораци, МСМ ХХК болон эдгээрийн ойр орчмоор

Сонгинохайрхан дүүрэг

10:30-18:00 цагт: 6, 7, 14, 15-19, 23, 29, 30, 31-р хороо Малчны 1, 2, 12, Алтайн 2-7, 9, 14, 15, 19, 20, Хангайн 54, 58, 64, 66-69, Хамбын 1-9, Чулуутын 1-3, 6-8, Зүүн Баянцагааны 5, Зүүн Баян уулын 10, Таширын ам, Монлааны 1-17, Горхийн 1, 2 Дэнжийн 3, 4, 5, 8, Ногоочны 3, 4, 5, Колонкийн 2, 3, 9, Тоосгоны 24, Хилчний 5-8-р гудамж, Хилчин хотхон, 105-р сургууль, 127-р цэцэрлэг, Есөн болор ХХК, WLL станц, Тойрог, Баянхошууны хуучин эцэс болон эдгээрийн ойр орчмоор

2017.04.24 / БИЛГИЙН ТООЛЛЫН 28
ХАВРЫН ТЭРГҮҮН ХАРАГЧИН ТУУЛАЙ САРЫН
ТАВАН ШАР МЭНГЭТЭЙ ЦАГААГЧИН МОГОЙ ӨДӨР
Үс засуулбал: Хэрүүл тэмцэл ирнэ
Наран ургах, шингэх: 05.50-19.56
Барилдлага: Рашаан
Шүтэн барилдлага: Мунхрахуй
Суудал: Уул
Аргын тооллын 4 сарын 24, Сумъяа гараг. Билгийн тооллын 28, Могойг хүлэгч одтой, цагаагчин могой өдөр. Өдрийн наран 5 цаг 50 минутад мандан, 19 цаг 56 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.

БАРУУН АЙМГУУДЫН НУТГААР: Үүлшинэ. Шөнөдөө нутгийн зарим газраар, өдөртөө ихэнх нутгаар бороо, уулархаг нутгаараа нойтон цас орж, зөөлөн цасан шуурга шуурна. Салхи баруун хойноос секундэд 7-12 метр. Идэр, Тэс голын хөндий болон Хүрэн бэлчир орчмоор шөнөдөө 1 градус дулаанаас 4 градус хүйтэн, өдөртөө 4-9 градус, Алтайн өвөр говиор шөнөдөө 9-14 градус, өдөртөө 19-24 градус, бусад нутгаар шөнөдөө 0-5 градус, өдөртөө 7-12 градус дулаан байна.



ТӨВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруунаас секундэд 6-11 метр. Дархадын хотгор болон Хангай, Хөвсгөл, Хэнтэйн уулархаг нутгаар шөнөдөө 6-11 градус хүйтэн, өдөртөө 5-10 градус дулаан, бусад нутгаар шөнөдөө 3-8 градус хүйтэн, өдөртөө 9-14 градус дулаан байна.



ЗҮҮН АЙМГУУДЫН НУТГААР: Солигдмол үүлтэй. Нутгийн зүүн хэсгээр бага зэргийн хур тунадас орно. Салхи баруун хойноос секундэд 7-12 метр. Шөнөдөө 4-9 градус хүйтэн, өдөртөө 6-11 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Хур тунадас орохгүй. Салхи баруунаас секундэд 5-10 метр. Шөнөдөө 3-5 градус хүйтэн, өдөртөө 9-11 градус дулаан байна.



ГОВИЙН АЙМГУУДЫН НУТГААР: Шөнөдөө үүлшинэ. Өдөртөө үүл багасна. Хур тунадас орохгүй. Салхи баруун хойноос секундэд 7-12 метр, зөөлөн шороон шуурга шуурна. Шөнөдөө Өмнөговийн нутгаар 2 градус хүйтнээс 3 градус дулаан, бусад нутгаар 3-8 градус хүйтэн, өдөртөө бүх нутгаар 10-15 градус дулаан байна.



УЛААНБААТАР ХОТ: Багавтар үүлтэй. Хур тунадас орохгүй. Салхи баруунаас секундэд 6-11 метр. Шөнөдөө 4-6 градус хүйтэн, өдөртөө 9-11 градус дулаан байна.

Хаяг, шошгогүй хүнсний бүтээгдэхүүн худалдаж авахгүй байхыг анхааруулав

Олборлох салбарын эрх зүйн орчныг сайжруулах талаар зөвлөлдөх уузалт боллоо

Өнгөрсөн бямба гарагт Сөүл хотод барилгын нурангинд дарагдсан Монголын хоёр иргэнийг аварчээ.

Түр завсарласан УИХ дахь МАН-ын бүлгийн хуралдаан үргэлжилж байна.

Урин цаг наашилж, ургах модод ногоорох цаг айсуй. Гэвч хөнгөн хувцас өмсч, хөөрхөн төрхөө тодруулах гэтэл өөртөө нэг л итгэлгүй байна уу.

БСШУС-ын сайдын 2017.04.21-ний өдрийн “Эрдмийн баяр тэмдэглэх тухай” А/147 тоот тушаал гарлаа.

Монголын хараагүйчүүдийн үндэсний холбооныхон өлсгөлөн зарла

2017 оны дөрөвдүгээр сарын 24-ны өдөр “I”, “II”, “III”ангилалд бүртгэлтэй 16 хувьцаат компанийн 27,374 ширхэг хувьцаа арилжигдсанаас 4 хувьцаат компанийн хувьцааны ханш өсч, 7 хувьцаат компанийн хувьцааны ханш буурсан бол 5 хувьцаат компанийн хувьцааны ханш тогтвортой байлаа. Үүнээс “Багануур” компанийн хувьцааны ханш хамгийн өндөр буюу 6.52%-иар өссөн бол ”Адуунчулуун” компанийн ханш хамгийн өндөр буюу 13.82% хувиар уналаа.

Авлигатай тэмцэх газар өнгөрсөн долоо хоногт гэмт хэргийн шинжтэй 10 гомдол, мэдээлэл хүлээн авч, нийт 29 гомдол мэдээллийг шалгажээ.

Монгол Улсын Ерөнхийлөгч Ц.Элбэгдорж энэ 24-25-ны өдрүүдэд Дорнод аймагт ажиллаж байна.