Улаанбаатар хотын дахин төлөвлөлтийн барилгажилт бүтээн байгуулалтын үйл ажиллагаа, өнөөгийн хэрэгцээ шаардлагад тулгуурлан дулааны болон цэвэр бохир усны шугам хоолойн өргөтгөлийн ажил хийгдэх, төлөвлөгөөний дагуу 2015 оны 07 сарын 13-ны 23 цагаас 2015 оны 08 сарын 14-ний өдөр хүртлэх хугацаанд Энхтайваны өргөн чөлөө Улсын Их дэлгүүрийн баруун талаас Баруун 4 зам хүртэл зам хаагдана. Иймд тухайн замыг сонгон хөдөлгөөнд оролцдог иргэд Баруун сэлбийн гудамж ,Жуулчны гудамж,Сөүлийн гудамжийг сонгож явна уу.

“ДЮЦ” ХХК-ийн буруугаас хүн амиа алдаж, 4 сартай хүүхэд өнчирлөө

Энэ өдрүүдэд АНУ-д албан ёсны айлчлал хийж буй Гадаад хэргийн сайд Л.Пүрэвсүрэн 2015 оны 7 сарын 15-ны өдөр Төрийн нарийн бичгийн дарга Ж.Керритэй уулзлаа. Сайд Л.Пүрэвсүрэн өөрийг нь найрсагаар хүлээн авч уулзаж байгаад талархаж, Ираны цөмийн асуудлаарх яриа хэлэлцээг амжилттай явуулж, түүхэн тохиролцоонд хүрсэнд баяр хүргэв. Ж.Керри баяр хүргэсэнд талархаж, “Яриа хэлэлцээ үнэхээр олон өдөр хүнд нөхцөлд үргэлжилсэн, харин тохиролцоонд хүрсэний дараа миний уулзаж байгаа анхны гадаадын зочин та болж байна” хэмээв.
Л.Пүрэвсүрэн сайд Монголын ардчиллын үйл явцыг анхнаас нь тууштай дэмжиж, Монгол Улсын гуравдагч хөршүүдийг тэргүүлэн эдийн засгийн хамтын ажиллагаагаа өргөжүүлж, улмаар дэлхий дахины энх тайвны төлөө хамтран ажиллаж ирсэнд талархал илэрхийлж, энэ онд Монголын анхны ардчилсан чөлөөт сонгуулийн 25 жилийн ой тохиож байгааг онцлов.
Түүнчлэн Монгол Улс АНУ-тай хөгжүүлж буй иж бүрэн түншлэлийн харилцаандаа чухал ач холбогдол өгч ирснийг онцолсон бөгөөд цаашид хоёр орны хамтын ажиллагааг эдийн засгийн агуулгаар баяжуулах, ялангуяа америкийн хөрөнгө оруулалтыг дэд бүтэц, эрчим хүчний салбарт түлхүү оруулах нь манай улсын хувьд чухал болохыг тэмдэглэв.
Төрийн нарийн бичгийн дарга Ж.Керри Монгол Улс ардчилалыг тууштай хэрэгжүүлж , улмаар шилжилтийн үедээ яваа Киргиз, Мъянмар зэрэг оронтой туршлагаасаа хуваалцаж байгаад баяр хүргэв. Мөн Монгол Улс Афганистанд биднийг дэмжиж, НҮБ-ын энхийг сахиулах ажиллагаанд хамтран оролцож байгаад талархаж, АНУ нь Монголын найдвартай гуравдагч хөрш байх болно гэдгээ илэрхийлэв.
Мөн Монгол Улс, АНУ-ын хооронд байгуулсан Ил тод байдлын хэлэлцээрийг хэрэгжүүлснээр Америкийн компаниуд Монголд тэгш, өрсөлдөхүйц үйл ажиллагагаа явуулах нөхцөл боломж бүрдэж, улмаар хөрөнгө оруулалтаа нэмэгдүүлэх, урт хугацаанд тогтвортой ажиллахад чухал алхам болохыг онцолсон юм.
Сайд Л.Пүрэвсүрэн, Төрийн нарийн бичгийн дарга Ж.Керри нар бүс нутаг, олон улсын харилцааны сонирхсон асуудлаар санал солилцов. Тухайлбал талууд Ази, Номхон далай, түүний дотор Зүүн хойд Азтийн аюулгүй байдал, эдийн засгийн интеграцийн үйл явцад идэвхтэй оролцож, хамтран ажиллах боломжийн талаар ярилцлаа.

БЗД-ийн нутаг Нарантуулын арын зам 86 дугаар байрны зогсоолд марк дугаар нь тодорхойгүй авто машин явган зорчигч 60 орчим насны эрэгтэй хүнийг дайрч амь насыг нь хохироогоод хэргийн газраас зуртсан хэрэг гарсаныг шуурхай эрэн сурвалжилж МУССО маркийн авто машины жолооч Ц-г үйлдсэн болохыг тогтоож ажилласан байна.

Улаанбурхан өвчнөөр өвдсөн 13 хүн эрчимт эмчилгэ хийлгэж байна гэж ХӨСҮТ-ээс мэдээллээ.

Тус эмнэлэгт энэ сарын 10-15-нд нийт 699 хүн ханджээ. Үүнээс 118 хүн шинээр хэвтэж, 108 хүн эмчлүүлэн гарч, 141 хүн одоо эмчлүүлж байна. Үүнээс 36 өвчтөн хүнд болон хүндэвтэр явцтай, 13 хүн эрчимт эмчилгээнд эмчлүүлж байгаа аж.

Улсын хэмжээнд улаанбурхан өвчний 20652 сэжигтэй тохиолдол бүртгэгдсэний 1065 хүн лабораторийн шинжилгээгээр, 5967 хүн эпидемиологийн холбогдол, эмнэлзүйн шинж тэмдгээр тус тус батлагджээ.

Улаанбаатар хотын дулаан хангамжийн 3 А,Б гол шугамыг ф600\500 болгон өргөтгөх ажлын хүрээнд Улсын их дэлгүүрээс Баруун дөрвөн зам хүртэлх авто замын хөдөлгөөнийг долдугаар сарын 14-нөөс наймдугаар сарын 14-ний өдөр хүртэл хязгаарлаад байна. Энэ үеэр нийтийн тээврийн үйлчилгээний 19 чиглэлийн 279 тээврийн хэрэгслийн маршрутад өөрчлөлт орж, Т-3, Т-5, Т-4 чиглэлүүд түр хугацаанд зогсоно. “Т-2- ХМК-Вокзал”, “Т-6-БММЗ-Ботаник” чиглэлийн маршрут дээрх зураглалын дагуу өрчлөгдөж байна гэж Нийслэлийн Тээврийн газраас мэдээллээ.

Улаанбаатар хотын дулаан хангамжийн 3А,Б гол шугамыг ф600\500 болгон өргөтгөх ажлын хүрээнд Энхтайваны өргөн чөлөөний авто замыг зургадугаар сарын 06-наас эхлэн хэсэгчлэн хааж шугам хоолойн ажил хийж байгаа. Тус ажлын сүүлийн шатны ажил долдугаар сарын 13-ны 23:00 цагаас эхэлсэн учраас Улсын их дэлгүүрээс Баруун дөрвөн зам хүртэлх авто замыг түр хаагаад байна. Шугам хоолойг өргөтгөх ажил 08 дугаар сарын 14-ний 06:00 цаг хүртэл үргэлжилнэ.

Хөдөөгийн иргэдийн амьжиргааг сайжруулахаар чуулж байна

Улсын хэмжээнд дөрвөн гал түймэр асч байна

Нагоя башё үргэлжилж байна

Нийслэлийн Засаг дарга “Газрын байршил тогтоож, газар эзэмших эрх олгох тухай” А/611 дугаар захирамж гаргалаа. Захирамжаар Яармаг орон сууцны хорооллын гадна цэвэр, бохир усны шугамын трасс, бохир усны өргөлтийн насос станцын барилга байгууламж, цахилгааны шугамын трасст Хан-Уул дүүргийн 4, 5 , 6, 7, 8, 9, 10, 16 дугаар хороодын нутаг дэвсгэрт 236911 м2 газрыг инженерийн шугам сүлжээний зориулалтаар, Солонго орон сууцны хорооллын ус хангамжийн шугам сүлжээний трасст Баянгол дүүргийн 20 дугаар хорооны нутаг дэвсгэрт 20428 м2, ариутгах татуургын шугам сүлжээний трасст Баянгол дүүргийн 20 дугаар хорооны нутаг дэвсгэрт 6711м2 газрыг инженерийн шугам сүлжээний зориулалтаар Ус сувгийн удирдах газар, Улаанбаатар цахилгаан түгээх сүлжээ ТӨХК-д тус тус 15 жилийн хугацаатай эзэмшүүллээ.

Хөвсгөлд ноцтой осол гарч 4 хүн амиа алджээ

Өнгөрөгч баяр наадмын өдрүүдэд (2015.07.10 наас 2015.07.13 ны) Замын цагдаагийн газрын жижүүрийн шуурхай удирдлагын хэлтэст иргэдээс нийт 1194 (2014 онд 1235) дуудлага мэдээлэл ирүүлсэнээс зам тээврийн осол хэргийн 822 (2014 онд 959) дуудлага хүлээн авч ажилласан байна. Үүнээс согтуугаар тээврийн хэрэгсэл жолоодож яваад зам тээврийн осол гаргасан 13 (2014 онд 12) тохиолдол, хүүхэд өртсөн осол 16 (2014 онд 22) бүртгэгдсэн. Гудамж замд хийсэн хяналт шалгалтаар согтууруулах ундаа хэрэглэсэн үедээ авто машин жолоодож явсан 236 (2014 онд 203) жолоочийг илрүүлэн гарч болзошгүй осол хэргээс урьдчилан сэргийлж ажилласан.

ОУ-ын математикийн олимпиадаас хоёр хүрэл медаль хүртлээ

Тээврийн хэрэгслийн дугаараар хязгаарлах журам өнөөдрөөс үйлчилнэ.

Бөх нь хүчтэй, морьд нь хурдан, харваачид нь мэргэн байж Монгол түмэн минь хотол олноороо сайхан наадлаа. Иргэдийн олонх нь хөдөө агаар салхинд гарч хорхог, боодгоо хийцгээн уламжлалт баяраа өргөн дэлгэр тэмдэглэцгээв. Энэ жилийн наадам урьд урьдынхаас илүү олон хоног үргэлжилж, амьдрал бараг л зогсохоо шахлаа.

Хил хамгаалахын хоёр оюутан амиа алджээ

“Хар хорин”, “Барс”, “Да хүрээ” зэрэг захууд ажиллаж байна

Харийн нутаг ба эх орон

Энэ жилийн улсын наадмын түрүү бөхөөр их аварга Б.Бат-Эрдэнийн төрсөн нутаг болох Хэнтий аймгийн Өмнөдэлгэр сумын бөх Э.Оюунболд тодорсон. Тэрбээр Дархан аваргын “Аварга” дээд сургуулийг нь төгсөж, тус сургуулийн үндэсний бөхийн багш улсын начин Б.Адъяахүүгийн удирдлага дор бэлтгэл сургуулиа хийж иржээ. Тиймээс дархан аварга маань Э.Оюунболдыг улсын наадамд түрүүлэх агшинд нулимс унагаж харагдсан.

Тэгвэл дархан аварга Б.Бат-Эрдэнэ, улсын арслан Э.Оюунболд нар энэ сарын 14-нд төрсөн нутаг Хэнтий аймгийн Өмнөдэлгэр сумаа зорьсон байна. Нутгийнхантайгаа энэ баярыг хуваалцахаас гадна уул овоондоо гарч ёс үйлдэх юм байна.

Дархан аварга Б.Бат-Эрдэнэ ид үедээ түүрүүлснийхээ дараа нутгаа зорьж, уул овоондоо гардаг байсан уламжлалаа ийн нутгийн шинэхэн арсландаа өвлүүлж яваа ажээ.