-
2016 оны 9 сарын 01
Уур амьсгалын өөрчлөлтийн тухай Нэгдсэн Үндэстний Байгууллагын суурь конвенцийн Парисын хэлэлцээрийг соёрхон батлах тухай хуулийн төсөл /Засгийн газар 2016.08.23-ны өдөр өргөн мэдүүлсэн, соёрхон батлах/;
-
2016 оны 9 сарын 01
ГАДААД ХАРИЛЦААНЫ ЯАМНЫ ДЭРГЭДЭХ ХҮҮХДИЙН ЦЭЦЭРЛЭГ НЭЭЛТЭЭ ХИЙЛЭЭ
-
2016 оны 9 сарын 01
Засгийн газар оюутнуудыг боловсролын зээлд хамруулна
-
2016 оны 9 сарын 01
МАН-ын бүлэг яг одоо Төрийн ордонд хуралдаж байна. Бүлэг хуралдаж байгаа шалтгаан нь өнөөдөр үдээс хойш УИХ-ын чуулганаар хэлэлцэх Зарим бараанд ногдуулах экспортын гаалийн татварын хэмжээ тогтоох тухай хуульд өөрчлөлт оруулах тухай хуулийн төсөл зэрэг есөн асуудалтай холбогдуулж саналаа нэгтгэх аж.
Бүлгийн хурлын дараа хэвлэлийн хурал хийх бөгөөд одоогоор хэвлэлийн хурал хийх цаг нь тодорхойгүй байна.
-
2016 оны 9 сарын 01
УИХ-ын дарга М.Энхболдын Хөдөлмөрийн гавьяаны улаан тугийн одонт Сүхбаатар дүүргийн лаборатори 1 дүгээр дунд сургуулийн 2016-2017 оны хичээлийн жилийн нээлтийн үйл ажиллагаанд хэлсэн үг
2016.09.01
Эрхэм хүндэт багш сурган хүмүүжүүлэгчид ээ,
Хүүхэд багачууд, сурагчид аа,
Та бүхэнд болон та бүхнээр уламжилж, Нийслэлийн 1 дүгээр дунд сургуулийн энэ хүндтэй индэр дээрээс Монгол Улсын өнцөг булан бүрт хичээлийн шинэ жилийн нээлтийг хийж байгаа хүүхэд багачууд, багш, эцэг эхчүүдэд баярын мэндчилгээг өргөн дэвшүүлье.
Жил бүрийн 09 дүгээр сарын 01-ний өдөр хичээлийн шинэ жилийн нээлт болж, хүүхэд багачууд сургуульдаа, анги танхимдаа цуглаж, зуныхаа амралтаар болсон үйл явдлууд, зуныхаа даалгаварыг хийж хэрэгжүүлэх талаар болон ямар амжилт гаргасан талаараа ярилцаж хөөрөлцөж, ижил дасал болсон хүүхдүүд сургуулийнхаа анги танхимд цугладаг. Сурагч хүүхдүүдээ хүлээсэн, хүссэн багш нар хүүхэд багачуудтайгаа уулздаг. Арван жилийн босгыг анх алхаж байгаа алдрай бяцхан хүүхдүүд цүнхээ үүрч, сургуульдаа ирдэг. Ийм сайхан баярт үйл явдал болдог уламжлалтай. 1 дүгээр сургууль бол Монгол Улсын ууган дунд сургуулийн нэг. Энэ сургуульд суралцана, элсэж орно гэдэг бол их аз жаргал, их хувьтай үйл явдал гэдгийг хүүхдүүд та бүхэн бодох ёстой. Энэ сургуулиас сургуулийнхаа нэрийг дүүрэгтээ гаргасан, дүүргийнхээ нэрийг нийслэлд алдаршуулсан, нийслэл хотынхоо нэрийг тив дэлхийд алдаршуулсан эрдэмтэй, мэргэн хүүхэд, залуучууд олонтой төрж гарсан алдартай сургууль юм. Энэ сургуульд сурна гэдэг, эндээс гарч бие хүн болж хүмүүжинэ гэдэг бол улс орны өмнө тулгамдаж байгаа олон хүнд бэрхшээл зорилтуудыг биелүүлж, түүнийг даван туулах чадвартай хүмүүс болж хүмүүжин төлөвшинө гэсэн үг. Тийм учраас хүүхэд багачууд та бүхэн хичээл номондоо шамдан сайн суралцаж, сургуулийнхаа нэрийг бодож, эх орондоо хэрэгтэй эрдэм боловсролтой хүмүүс болоорой гэж хүсэн ерөөе.
Мөн энэ сургуульд ажиллаж байгаа багш нар бол улсын хэмжээнд ажил үйлсээрээ шалгарсан тэргүүний сайн багш нар байдаг. Энэ сургуульд хичээл зааж байгаа багш нарын сургалтын арга зүйг улс орон даяар түгээж, дэлгэрүүлж хэрэглэдэг. Монголын боловсролын сор нь болсон багш нар ажиллаж ирсэн түүхтэй. Энэ сургуульд Монголын боловсролын салбарын алдар нэртэй, эрхэм гавьяа хүртсэн Д.Гомбосүрэн захирал, С.Цагаан багш, Р.Цэрэннадмид багш гээд олон хүндтэй ахмад буурлууд ажиллаж байсан. Би хувь хүнийхээ хувьд энэ сургуультай амьдралаараа холбоотой. Би 1982 онд энэ сургуулийг төгсөж, Монгол Улсын Их Сургуульд орж, суралцаж байсан. 1952 онд миний ээж, аав хоёр энэ сургуулийг төгсөж байсан. 2000 оны эхэн үед миний хүү, охин хоёр ч энэ сургуулийг төгссөн. Надад орос хэлний хичээл зааж байсан, хүүгийн минь ангийг удирдаж байсан Монгол Улсын гавьяат багш Ш.Дулмаа энд сууж байна. Миний гэр бүлийн хүнд гэр ахуйн хичээл зааж байсан, миний охины анги даасан багш Отгонжаргал мөн энд сууж байна. Ингээд үзэхээр миний ээж аав, үр хүүхдүүд энэ сургуулиас эрдэм номын анхны алхамаа хийж, амьдралтайгаа залгаж байсан сайхан сургууль юм. Сургуулийнхаа энэ жилийн хичээлийн шинэ жилийн нээлтэд оролцож байгаадаа туйлын баяртай байна. Хамт суралцаж байсан нөхдүүд маань ч гэсэн өнөөдөр хүүхэд, багачуудаа сургуульдаа элсүүлэхээр ирсэн байгаа харагдаж байна. Нийслэлийн 1 дүгээр дунд сургуульд элсэн орсон нэгдүгээр ангийн хүүхдүүд, суралцаж байгаа нийт сурагчиддаа сурлагын өндөр амжилт хүсэн ерөөе.
Эрдэм номын цагаан буян та биднийг ивээж, тэтгэж байхын ерөөлийг дэвшүүлье.
Би сургуулийн нээлтэд хүрэлцэн ирсэн завшааныг тохиолдуулан мэдээлэл зүйн кабинетын техник, тоног төхөөрөмжийг шинэчилхэд зориулж 20 ширхэг компьютер бэлэглэж байна. Түүнийхээ дээжийг сургуулийн захиралд гардуулан өгье.
Та бүхэнд сайн сайхан бүхнийг хүсэн ерөөе.
-
2016 оны 9 сарын 01
Монгол Улсын Ерөнхийлөгч Цахиагийн Элбэгдорж ”Монголын нэр ертөнцийн чихнээ” сэдвээр теле хичээл заав
-
2016 оны 9 сарын 01
2016-2017 оны хичээлийн шинэ жил эхэллээ. Яг одоо УИХ-ын дарга М.Энхболд Нийслэлийн I сургуулийн нээлтэд оролцож байна. Тэрээр тус сургуулийг 1982 онд төгсөж байсан тухайгаа нээлтийн үеэр дурссан ярьсан юм. Тэрээр энэ үеэр төрөлх сургуульдаа иж бүрэн 50 компьютер бэлэг болгон гардууллаа.
Мөн тус сургуулийн нээлтийн ажиллагаанд Нийслэлийн Засаг даргын орлогч Ш.Анхмаа, Боловсрол, соёл, шинжлэх ухааны яамны харьяа бага дунд боловсролын мэргэжилтнүүд болон тус сургуулийн үе, үеийн гавьяат багш нар оролцож байна.
Нээлтийн ажиллагаа үргэлжилж байна.
-
2016 оны 9 сарын 01
Ерөнхий сайд Ж.Эрдэнэбат “Буянт-Ухаа” цогцолбор сургуулийн хичээлийн шинэ жилийн нээлтэд оролцлоо
-
2016 оны 9 сарын 01
УИХ-аар Монгол Улсын 2016 оны Төсвийн тухай хуульд нэмэлт, өөрчлөлт оруулах хуулийн төслийг хэлэлцэх гэж буйтай холбогдуулан Монгол Улсын Ерөнхийлөгчийн Хүний хөгжил, нийгмийн бодлогын зөвлөх Р.Болдоос зарим зүйлийг асууж тодруулав.
-
2016 оны 9 сарын 01
ШҮЛХИЙ ӨВЧИНТЭЙ ТЭМЦЭХ, УРДЧИЛАН СЭРГИЙЛЭХ АЖИЛТАЙ ТАНИЛЦЛАА
-
2016 оны 9 сарын 01
Чуулганы нэгдсэн хуралдаан өнөөдөр 15.00 цагт хуралдаж доорх асуудлуудыг хэлэлцэхээр товложээ.
-
2016 оны 9 сарын 01
Монгол Ардын намын бүлэг өнөөдөр 10.00 цагт хуралдаж татвар нэмэх асуудлыг хэлэлцэх гюм байна. Эх сурвалжийн мэдээлж буйгаар уг хуралд тус намын дарга, УИХ-ын дарга М.Энхболд, Ерөнхий сайд Ж.Эрдэнэбат, Сангийн сайд Б.Чойжилсүрэн нар оролцож татвар нэмэх асуудлыг дэмжихийг бүлгийн гишүүддээ үүрэгдэх гэнэ.
Засгийн газар энэ оны төсвийн тодотголд найман төрлийн татварыг нэмэх саналыг оруулсан. Үүнийг АН-ын гишүүд болоод МАН-ын цөөнгүй гишүүн эсэргүүцэж байгаагаа чуулганы хуралдааны үеэр илэрхийлсэн. Мөн Төсвийн байнгын хороо уржигдар хуралдаж татварын нэмэгдлийг эсэргүүцсэн билээ. Тухайлбал
9 сарын нэгнийг далимдуулан М.Энхболд Ж.Эрдэнэбат Б.Чойжилсүрэн нар намын бүлгээрээ хайрцаглан татварыг нэмэгдүүлэх хуулийг батлуулах гэж зүтгэж эхэлээ. тэд 10 цагт бүлгийг хуралдуулж гишүүдийг үүрэгдэхээр зэхжээ. уг нь төсвийн байнгын хороо татвар нэмэх цаг биш гэж мэргэжлийн түвшинд хандсан. гэтэл энэ асуудлыг улам зүтгүүлж улайрч эхэлж байгаа нь энэ бололтой. Засгийн газарт татвар нэмэхээс өөр эдийн засгийн хүндрэлээс гарах бодлого алга бололтой гэх мэтээр жаахан дайрах юм.
-
2016 оны 8 сарын 31
УИХ-ын Эдийн засгийн байнгын хорооны өнөөдрийн хуралдаанаар Монголбанкны Дэд ерөнхийлөгч Э.Батшугарыг үүрэгт ажлаас нь чөлөөлж, Б.Лхагвасүрэнг томилох асуудлыг хэлэлцэж дэмжлээ.
Монголбанкны Дэд ерөнхийлөгч Э.Батшугар Төв банк /Монголбанк/-ны тухай хуулийн 26 дугаар зүйлийн 6.3 дахь заалтыг үндэслэн үүрэгт ажлаас чөлөөлөгдөх хүсэлтээ гаргасан бөгөөд уг саналыг байнгын хорооны гишүүд 100 хувь дэмжив. Улмаар Монголбанкны Дэд ерөнхийлөгчөөр Б.Лхагвасүрэнг томилуулах саналыг хэлэлцэв. Монголбанкны Ерөнхийлөгч Н.Баяртсайхан уг саналыг танилцуулахдаа эдийн засаг, банк, санхүү, удирдлагын мэдлэг, мэргэшлийн ур чадвар, мэргэжлийн ёс зүй, ажлын дадлага туршлагыг харгалзсан үзсэн гэдгийг тодотгов.
Байнгын хорооны гишүүд Монголбанк, санхүүгийн байдал амаргүй байгаа ийм цаг үед банкны салбарт 20 жил ажилласан туршлагатай хүн Дэд ерөнхийлөгчөөр ажиллахаар болж байгаад талархаж байгаагаа илэрхийлээд Засгийн газар, Сангийн яамтай нягт уялдаатай хамтран ажиллахыг захиж байв. Ингээд санал хураалт явуулахад хуралдаанд оролцсон гишүүд 100 хувь Б.Лхагвасүрэнг Монголбанкны Дэд ерөнхийлөгчөөр томилохыг дэмжлээ.
Б.Лхагвасүрэн нь 1965 онд Улаанбаатар хотод төрсөн. 1985-1989 онд МУИС-ийг Төлөвлөгч-эдийн засагч мэргэжлээр төгсөж, улмаар 1998-1999 онд АНУ-ын Колумбийн их сургуульд олон улсын харилцааны эдийн засгийн мастерын зэрэг хамгаалжээ.
Тэрбээр 1989-1994 онд Улсын төлөвлөгөөний комисс, ШУА-ийн харьяа Эдийн засгийн хүрээлэнд эрдэм шинжилгээний ажилтан, 1994-1998, 2000-2013 онд Монголбанкинд эдийн засагч, ахлах эдийн засагч, Хяналт шалгалтын газрын захирал, Монголбанкны Ерөнхийлөгчийн туслах, Бүртгэл, тооцоо, мэдээллийн технологийн газрын захирал, Банкны сургалтын төвийн захирал, 1999-2000 онд Дэлхийн банкны Вашингтон дахь төвд Зүүн хойд Ази, Номхон далайн орнуудын санхүүгийн секторт зөвлөх, 2013 оноос Хадгаламжийн даатгалын корпорацийн Гүйцэтгэх захирлаар тус тус ажиллаж иржээ.
-
2016 оны 8 сарын 31
Гэр бүлийн хүчирхийлэлтэй тэмцэх тухай хуулийн төслийг УИХ-д яаралтай өргөн барихыг үүрэг болгов
Гэр бүлийн хүчирхийлэлтэй тэмцэх тухай хуулийн шинэчилсэн найруулгын болон дагалдах хуулийн төслийг Монгол Улсын Ерөнхийлөгчөөс санаачлан 2015 оны дөрөвдүгээр сарын 15-нд УИХ-д өргөн барьсан. УИХ уг төслийг 2016 оны 8 дугаар сарын 30-ны өдрийн хуралдаанаараа хэлэлцээд төсөл санаачлагчдад нь буцаахаар шийдвэрлэсэн юм. Иймд Засгийн газар төсөл санаачлагчтай нь зөвшилцсөний үндсэн дээр Гэр бүлийн хүчирхийлэлтэй тэмцэх тухай хуулийн төслийн шинэчилсэн найруулгыг дахин боловсруулж, төслийг Засгийн газрын дараагийн хуралдаанаар хэлэлцүүлэхийг Хууль зүй, дотоод хэргийн сайдад даалгаж УИХ-д яаралтай өргөн барихаар болов.
Хөрөнгө оруулагчид, аж ахуй эрхлэгчдийг зохиомлоор шалгаж буй эсэхийг судлана
Төрийн захиргааны болон хууль хяналтын зарим байгууллагаас гадаад, дотоодын хөрөнгө оруулагчид, аж ахуй эрхлэгчдэд дарамт учруулах, хүнд суртал гаргах, үндэслэлгүйгээр мөрдөн шалгах болсон нь тэдний итгэлийг бууруулж, Монгол руу чиглэх хөрөнгө оруулалтад сөрөг нөлөө үзүүлэх хандлага ажиглагдаж байна. Мөн гадаадын зарим хөрөнгө оруулагчийг Монгол Улсаас гадагш зорчихыг хориглосон нь гадаад зах зээлд улсын нэр хүндийг унагах, гадаадын хөрөнгө оруулагчид хөрөнгөө татах, олон улсын шүүхэд хандах нөхцөлийг бүрдүүлж байгаа юм. Энэ талаар Хууль зүй, дотоод хэргийн яаманд олон гомдол, өргөдөл ирж байгаа тул уг асуудлыг судлах, санал дүгнэлт гаргах үүрэг бүхий Ажлын хэсгийг Ерөнхий сайдын захирамжаар байгууллаа. Хууль зүй, дотоод хэргийн сайдын ахлах уг Ажлын хэсэг санал, дүгнэлтээ 2016 оны 10 дугаар сарын 1-ний дотор Засгийн газарт танилцуулах юм.
-
2016 оны 8 сарын 31
Зарим хуулиудын хэрэгжих хугацааг сунгаж, зарим хуулийг буцаан татаж байгаатай холбогдуулан УИХ-ын Хууль зүйн байнгын хорооны дарга Ш.Ранднаасэд, Хууль зүй, дотоод хэргийн сайд С.Бямбацогт, ХЭҮК-ын дарга Ж.Бямбадорж нар өнөөдөр мэдээлэл хийлээ.
УИХ-ын ээлжит бус чуулганы нэгдсэн хуралдаанаар өчигдөр Эрүүгийн хуульд өөрчлөлт оруулах тухай, Эрүүгийн хуулийг дагаж мөрдөх журмын тухай хуульд өөрчлөлт оруулах тухай хуулийн төслүүд, Зөрчлийн хуулийн хэрэгжих хугацааг хойшлуулан баталсан. Үүнтэй холбогдуулан дагалдах таван хуулийг хууль санаачлагчид буцаасан бөгөөд уг хуулиудад Гэр бүлийн хүчирхийлэлтэй тэмцэх тухай хууль багтсанд олон нийт шүүмжлэлтэй хандаж байгаа.
Уг асуудалтай холбогдуулан Хууль зүй дотоод хэргийн сайд С.Бямбацогт ”2004 онд Гэр бүлийн хүчирхийлэлтэй тэмцэх тухай хууль батлагдсан. Энэ хууль 12 жилийн хугацаанд хэрэгжиж байгаа. Хэрэгжих явцад хуулийг сайжруулах шаардлага гарсан тул Ерөнхийлөгч санаачилж УИХ-д өргөн бариад, хэлэлцээд үндсэндээ батлаад явж байсан юм. Харамсалтай нь хууль санаачлагч руу буцахаар болсон тул Ерөнхийлөгчийн тамгын газрын дарга болон хууль санаачлагчийн төлөөлөлтэй уулзсан. 2010-2016 оны байдлаар 5100 хүн гэр бүлийн хүчирхийлэлд өртөж гэмтэл бэртэл авсан байдаг. Мөн энэ хугацаанд 95 хүн нас барсан байдаг юм байна. 2016 оны эхний хагас жилийн байдлаар гэр бүлийн хүчирхийлэлтэй холбоотой 764 хэрэг бүртгэгдсэн. Энэ нь өнгөрсөн онтой харьцуулахад 178-аар нэмэгдсэн байгаа юм. Өөрөөр хэлбэл гэр бүлийн хүчирхийллийн гэмт хэрэг, зөрчил нэмэгдэж байна. Иймд хүчирхийллийг зохицуулдаг сул зохицуулалтыг чангатгах шаардлага байна. Хууль санаачлагч нь Засгийн газар байхаар Ерөнхийлөгчийн тамгын газрынхантай санал солилцоод байж байна. Өнөөдөр Засгийн газрын хурлаар энэ хуулийг хэрхэн яаралтай батлуулах талаар танилцуулга хийнэ. Ингээд үүрэг чиглэл гарах юм бол ойрын үед УИХ-д өргөн барьж, батлуулах тал дээр анхаарна. Хэрэв амжвал ээлжит бус чуулганаар хэлэлцэж батална. Амжихгүй бол дараагийн чуулганаар оруулж хэлэлцээд яаралтай хэрэгжүүлэх талаас нь ажиллах болно” гэсэн юм.
УИХ-ын Хууль зүйн байнгын хорооны дарга Ш.Раднаасэд ”Эрүүгийн хууль, Зөрчлийн хуулийг дагаж гарч байгаа таван хуулийг өнгөрсөн парламентаар баталсан гэж байгаа ч хүчин төгөлдөр болоогүй байсан. Хүчин төгөлдөр болгоогүй тул хуулиудыг хэрэгжүүлэх бэлтгэлийг хуулийн байгууллага хангаагүй байгаа юм. Иймд хуулийн байгууллагын өөрсдийн саналыг үндэслэж шийдсэн. Дээрх таван хуулийг буцаасантай холбоотой Гэр бүлийн хүчирхийлэлтэй тэмцэх хуулиас татгалзаж байгаа юм байна гэсэн буруу ойлголт төрүүлээд байна. Гэтэл бид уг хуулийг хэрэглэхээс татгалзаагүй. Харин ч УИХ-ын ээлжит бус чуулганаар оруулж ирээд хэлэлцэх төлөвлөгөөтэй байна” гэлээ.
ХЭҮК-ын дарга Ж.Бямбадорж ”Гэр бүлийн хүчирхийлэлтэй тэмцэх хуулийг хэрэгжүүлэхийн тулд одоо мөрдөгдөж байгаа Эрүүгийн хуульд нэмэлт өөрчлөлт оруулахаар ярилцаж байгаа юм байна. Миний хувьд хууль тогтоогчдын эрх мэдэл, УИХ-ын эрх мэдэлд халдах эрх байхгүй. Гэхдээ асуудлыг яаралтай шийдэх боломж байна уу гэдэг талаас нь ажиллаж байна” гэв.
-
2016 оны 8 сарын 31
Улсын Их Хурлын Аюулгүй байдал, гадаад бодлогын байнгын хорооны өнөөдрийн /2016.08.31/ хуралдаан 10 цаг 25 минутад 52.6 хувийн ирцтэй эхэлж, хоёр асуудал хэлэлцэхээр тогтов.
Уур амьсгалын өөрчлөлтийн тухай Парисын хэлэлцээрийг соёрхон батлахыг дэмжив
Байнгын хорооны энэ өдрийн хуралдаанаар эхлээд Уур амьсгалын өөрчлөлтийн тухай Нэгдсэн Үндэстний Байгууллагын суурь конвенцийн Парисын хэлэлцээрийг соёрхон батлах тухай хуулийн төслийг хэлэлцэж дэмжив.
Энэ талаарх танилцуулгыг Засгийн газрын гишүүн, Байгаль орчин, аялал жуулчлалын сайд Д.Оюунхорол хийсэн юм.
Парисын хэлэлцээрийн гол зорилго нь тогтвортой хөгжлийг хангах, ядуурлыг арилгах хүчин чармайлтын хүрээнд уур амьсгалын өөрчлөлтөөс учирч болох аюулын эсрэг авч хэрэгжүүлэх дэлхий нийтийн хариу арга хэмжээг эрчимжүүлэхэд чиглэж байгаа бөгөөд дэлхийн агаарын дундаж температурын өсөлтийг аж үйлдвэрийн өмнөх үетэй харьцуулахад 2 цельсийн градусаас доош барих, агаарын температурын өсөлтийг 1.5 цельсийн градуст хязгаарлахад бүх улс орон хүчин чармайлт гаргахыг уриалахад чиглэгджээ. Энэхүү агаарын дундаж температурын өсөлтийг бууруулах урт хугацааны зорилтод хүрэхийн тулд хүлэмжийн хийн ялгаралыг бууруулах дэлхий нийтийн зорилгод аль болох хурдан хүрэхийн тулд хөгжингүй орнууд нь хөгжиж байгаа болон уур амьсгалын өөрчлөлтөд эмзэг, өртөмхий улс орнуудад бүхий л талын дэмжлэг туслалцааг үзүүлэхийг уриалсан байна.
Конвенцийн хүрээнд уур амьсгалын өөрчлөлтөд эмзэг, өртөмтгий болон хөгжиж байгаа улс орнуудад санхүү, техник технологи, арга зүйн дэмжлэг туслалцаа үзүүлэх механизмууд нэгэнт бий болоод байна. Тухайлбал, НҮБ-ын уур амьсгалын ногоон санд 2025 он хүртэл жил бүр 100 тэрбум ам доллар бүрдүүлж, уур амьсгалын өөрчлөлтийг сааруулах болон дасан зохицох арга хэмжээнд зарцуулахаар төлөвлөжээ. Мөн одоогийн байдлаар дээрх санд нийт 10 тэрбум ам доллар төвлөрөөд байгаа бөгөөд холбогдох төсөл хөтөлбөр хэрэгжүүлэх тухай саналыг 2016 оноос эхлэн хүлээн авч эхлээд байгаа юм байна.
Иймд газарзүйн байршил, эмзэг экосистем, байгаль цаг агаараас хараат эдийн засгийн тогтолцоо зэргээсээ шалтгаалан уур амьсгалын өөрчлөлтөд нэн эмзэг, өртөмтгий Монгол Улсын хувьд энэхүү баримт бичигт алдалгүй нэгдэн орж санхүүгийн болон санхүүгийн болон технологийн дэмжлэг, туслалцаа авах шаардлагатай байгаа тул энэхүү хуулийн төслийг өргөн барьжээ.
Сайдын танилцуулгатай холбогдуулан Улсын Их Хурлын гишүүн Х.Нямбаатар, Н.Оюундарь, Ц.Цогзолмаа, Д.Цогтбаатар, Б.Бат-Эрдэнэ, А.Сүхбат асуулт асууж, байр сууриа илэрхийлсэн юм Тухайлбал, Х.Нямбаатар гишүүн, байгалийн нөөц баялгийг зөв зүйтэй ашиглах, хуваарилах асуудлыг тооцоо судалгаанд үндэслэн байгаль орчныг хамгаалах асуудалтай хамтад нь хэлэлцүүлж байх, Н.Оюундарь гишүүн, Монгол Улс уур амьсгалын өөрчлөлтөд өртөж буй нь тодорхой боловч энэ талаар нарийвчилсан судалгаа хомс байна. Иймд шинжлэх ухааны судалгааны ажлуудыг эрчимжүүлэх, холбогдох олон улсын сангуудаас тусламж авах, төсөл хөтөлбөрүүдийг олноор хэрэгжүүлэх замаар эдийн засгийн үр нөлөөг дээшлүүлэх, Монгол Улсдаа батлан хэрэгжүүлж байгаа үндэсний хөтөлбөрүүдийн хэрэгжилтийг хангах, олон нийтэд танин мэдүүлэх сургалт сурталчилгааны ажлыг идэвхижүүлэх, салбар хоорондын уялдаа холбоог хангах зэрэг саналуудыг хэлж байсан.
Түүнчлэн Улсын Их Хурлын гишүүн Б.Бат-Эрдэнэ, Монгол Улс нь дэлхийн усны хагалбар газар боловч гол мөрний бохирдол асар их хэмжээнд байна. Энэ нь голын эхэнд уул уурхайн олборлолт явуулж байгаатай шууд холбоотой. Иймээс ирээдүйд тухайлбал 10 жилийн дараа Монгол Улсын цаг уур, бэлчээрийн даац, малын тоо толгой, хүн амын шилжин суурьшилт, ундны усны хангамж, голын ай сав, ойн сан газар, уул уурхайн олборлолт, байгаль орчны нөхөн сэргээлт болон орчны доройтол зэрэг олон тулгамдсан асуудлууд ямар түвшинд байх, тэдгээрийг хэр хэмжээнд барих, ямар ажлууд хийх талаар судалгаа тооцооллыг сайтар хийх, энэхүү конвенцид нэгдэн орох нь холбогдох чиглэлийн бусад яамдаа нэгтгэн бодлогоор удирдах, хамтран ажиллуулах боломжийг бий болгож байгааг зөв, оновчтой ашиглах зэрэг саналуудыг гаргасан.
Ингээд хуулийн төслийг соёрхон батлах нь зүйтэй гэсэн саналаар санал хураахад хуралдаанд оролцсон гишүүдийн олонхи нь дэмжиж нэгдсэн хуралдаанд танилцуулахаар тогтлоо.
Засгийн газрын 2016-2020 оны үйл ажиллагааны хөтөлбөр батлах тухай тогтоолын төслийн анхны хэлэлцүүлгийг хийлээ
Дараа нь Монгол Улсын Засгийн газрын 2016-2020 оны үйл ажиллагааны хөтөлбөр батлах тухай Улсын Их Хурлын тогтоолын төслийн анхны хэлэлцүүлгийг хийж, тогтоолын төслийн талаарх Улсын Их Хурлын гишүүн, Монгол Улсын сайд, Засгийн газрын хэрэг эрхлэх газрын дарга Ж.Мөнхбатын танилцуулгыг сонсов.
Хөтөлбөр 5 бүлэг 381 заалттай бөгөөд хөтөлбөрийн төслийг боловсруулахдаа МАН-ын Улсын Их Хурлын сонгуульд оролцохдоо танилцуулсан мөрийн хөтөлбөр болон хөгжлийн бодлогын баримт бичгүүдэд үндэслэсэн байна.
Тогтоолын төслийн анхны хэлэлцүүлэгтэй холбогдуулан байнгын хорооны гишүүдээс асуулт гараагүй бөгөөд Улсын Их Хурлын гишүүн Л.Болд, Н.Оюундарь, Ц.Цогзолмаа нар хөтөлбөрийн төслийн 2.118 дахь заалтыг 5.6.2 болгон “дэд бүтцийн” гэсний өмнө “эдийн засгийн коридор байгуулах хөтөлбөрийн хүрээнд” гэж нэмэх, мөн төслийн 5.6.1 дэх заалтын 2 дахь өгүүлбэрийг 5.6.3 дахь заалт болгох, 5.6.3 дахь заалтын БНСУ гэсний дараа БНТУ /Турк/ гэж нэмэх зэрэг саналуудыг гаргаж, Байнгын хорооны хуралдаанд оролцсон гишүүдийн олонхи дэмжсэн юм. Ингээд Монгол Улсын Засгийн газрын 2016-2020 оны үйл ажиллагааны хөтөлбөр батлах тухай Улсын Их Хурлын тогтоолын төслийг хэлэлцсэн тухай Аюулгүй байдал, гадаад бодлогын байнгын хорооны санал, дүгнэлтийг Төрийн байгуулалтын байнгын хороонд хүргүүлэхээр шийдвэрлэв гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2016 оны 8 сарын 31
Есдүгэрэ сарын 1-ний өдөр Монгол Улсын Ерөнхийлөгч Ц.Элбэгдорж теле хичээл заадаг уламжлалтай. Энэ жилийн хувьд Ерөнхийлөгч “Монголын нэр ертөнцийн чихнээ” гэсэн сэдвийг сонгожээ.
Уламжлал ёсоор Засгийн газрын тэргүүн хичээлийн шинэ жилийн баярт оролцож, багачуудад баяр хүргэнэ. Ерөнхий сайд Ж.Эрдэнэбат маргааш нийслэлийн долдугаар сургуулийн хичээлийн шинэ жилийн нээлтэд оролцох бол ЗГХЭГ-ын дарга Ж.Мөнхбат МУИС-ийн хичээлийн шинэ жилийн нээлтийн үйл ажиллагаанд оролцохоор болжээ.
-
2016 оны 8 сарын 31
Маргааш хичээлийн шинэ жилийн эхний өдөр тохиох гэж байна. Энэ өдөр замын хөдөлгөөний ачааллыг нэмэгдүүлэхгүй байх зорилгоор хэд хэдэн зохицуулалт хийсэн байна. Тухайлбал, маргааш их дээд сургуулиуд 11:30 цагаас, Ерөнхий боловсролын сургуулиуд 8:00 цагаас нээлтээ хийнэ. Ерөнхий боловсролын сургуулиуд:
08:00-08:40 цагт Хичээлийн шинэ жилийн нээлт хийнэ.
09:00-09:40 цагт ”Монголын нууц товчоо” хичээлийг 1-12 дугаар ангийн бүх бүлгүүдэд зохион байгуулна.
10:00-11:00 цагт МУ-ын Ерөнхийлөгч Ц.Элбэгдорж ”Монголын нэр ертөнцийн чихнээ” сэдвээр теле хичээл заана. Теле хичээлийг улс орон даяар Монголын Үндэсний Олон нийтийн Телевизээр шууд нэвтрүүлнэ.
Мөн ”Монголын нууц товчоо” хичээлийн агуулга, арга зүйг ”Монгол бахархал” сэдвийн дор сургууль бүр урьдчилан бэлтгэж хичээлийг зохион байгуулах
Мөн автомашины дугаарын хязгаарлалт үргэлжилнэ. Тодруулбал, маргааш 4, 9-өөр төгссөн улсын дугаартай автомашинууд замын хөдөлгөөнд оролцохгүй юм. Дугаарын хязгаарлалт өглөөний 08:00 цагаас оройн 20:00 цаг хүртэл дугаарын хязгаарлалтын зуны цагийн бүсчлэлд үй
-
2016 оны 8 сарын 31
Улсын Их Хурлын Байгаль орчин, хүнс хөдөө аж ахуйн байнгын хорооны өнөөдрийн /2016.08.31/ хуралдаан 09 цаг 55 минутад 57.9 хувийн ирцтэй эхэллээ. Хуралдаанаар эхлээд “Монгол Улсын Засгийн газрын 2016-2020 оны үйл ажиллагааны хөтөлбөр батлах тухай” Улсын Их Хурлын тогтоолын төслийн анхны хэлэлцүүлгийг хийв.
Уг тогтоолын төслийн танилцуулгыг Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат танилцууллаа. Монгол Улсын Засгийн газрын тухай хуулийн 8 дугаар зүйлийн 8.3, 26 дугаар зүйлийн 26.7-д “...Засгийн газрын үйл ажиллагааны хөтөлбөрийн төслийг өөрийн бүрэн эрх эхэлснээс хойш 60 хоногийн дотор ... УИХ-д өргөн мэдүүлнэ....” гэж заасны дагуу Засгийн газрын 2016-2020 онд хэрэгжүүлэх үйл ажиллагааны хөтөлбөр болон түүнийг хэрэгжүүлэх арга хэмжээний төлөвлөгөөний төслийг Улсын Их Хуралд өргөн мэдүүлсэн болохыг танилцуулгын эхэнд дурдав. 5 бүлэг 381 заалттай уг хөтөлбөрийн төслийг боловсруулахдаа МАН-ын Улсын Их Хурлын сонгуульд оролцохдоо танилцуулсан мөрийн хөтөлбөр болон хөгжлийн бодлогын баримт бичгүүдэд үндэслэсэн байна.
Байгалийн унаган төрх, экосистемийн тэнцвэрт байдлыг хадгалж, хойч үедээ өвлүүлэн үлдээх, байгалийн нөөц баялгийг хамгаалах, хомсдлоос сэргийлэх, зохистой ашиглах, нөхөн сэргэх боломжийг бүрдүүлэн, байгаль орчинд нийцтэй, хүртээмжтэй эдийн засгийн өсөлт, нийгмийн тогтвортой хөгжлийн үндэс болгохоор Засгийн газрын 2016-2020 оны үйл ажиллагааны хөтөлбөрт тусгажээ. Түүнчлэн хүнс, хөдөө аж ахуй, хөнгөн үйлдвэрийн салбарын тогтвортой хөгжлийг хангах зорилгоор “Эрүүл хүнс-эрүүл монгол хүн” үндэсний хөтөлбөр, “Үйлдвэржилтийн 21:100” хөтөлбөр, “Үндэсний үйлдвэрлэл” хөтөлбөр болон байгаль, хүний эрүүл мэндэд ээлтэй ногоон хөгжлийн чиглэлээр авч хэрэгжүүлэх тодорхой арга хэмжээнүүдийг багтаасан байна.
Танилцуулгатай холбогдуулан Улсын Их Хурлын гишүүн Х.Баделхан, Б.Батзориг, А.Сүхбат нар асуулт асууж, хариулт авав. Ирэх жилүүдэд мал, малын гаралтай түүхий эдийн үнийг нэмэгдүүлэх талаар ямар хөтөлбөр хэрэгжүүлэх, эдийн засгийн хүндрэлтэй нөхцөлд малчдын амьжиргааны эх үүсвэр болсон мал аж ахуйг хэрхэн дэмжих талаар тодруулсан Улсын Их Хурлын гишүүн Х.Баделханы асуултад Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат хариулт өгсөн юм. Мал, мах, малын гаралтай түүхий эдийн үнэ буурсан, өмнө жилдээ 25000-26000 тн мах экспортолдог байсан нь өнгөрсөн гурав, дөрвөн жилийн хугацаанд маш их багассан. Тиймээс Засгийн газраас малын гаралтай түүхий эдийн экспортыг дэмжихээр татварын бодлоготой уялдуулсан зохицуулалт бүхий хуулийн төслийг Улсын Их Хуралд өргөн мэдүүлсэн. Мөн Засгийн газрын 2016-2020 оны үйл ажиллагааны хөтөлбөрт “Мах, сүүний анхдугаар аян”-ыг шинээр эхлүүлэхээр тусгасан, энэ хүрээнд олон арга хэмжээ авахаар тусгасан болохыг тодотгон хэллээ. Мөн малчдын талаар баримтлах бодлогын хүрээнд “Монгол малчин” хөтөлбөрийг хэрэгжүүлэх аж.
Улсын Их Хурлын гишүүн Б.Батзориг, хөдөө аж ахуйн салбарт анхаарал хандуулан, экспортыг дэмжих шаардлага байгааг онцлоод “Монгол чацаргана” хөтөлбөр тусгагдсан эсэх, мөн улсын хэмжээнд байдаг 1 сая га тариалангийн талбайгаас одоогоор ашиглагдаагүй байгаа 240 мянган га талбайг эргэлтэп оруулах эсэхийг тодруулсан юм. Засгийн газрын 2016-2020 оны үйл ажиллагааны хөтөлбөрт жимс жимсгэний нэр төрөл, үйлдвэрлэлийг нэмэгдүүлж, чацарганы үйлдвэрлэлийн нэгдсэн сүлжээ байгуулан, хүн амыг амин дэм бүхий жимс жимсгэнээр ханган, экспортын орлогыг нэмэгдүүлэх, мөн ”Атрын III аян”-ыг үргэлжлүүлэн хэрэгжүүлэхээр уг хөтөлбөрт тусгасан хэмээн Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат хариулт өгөв.
Хэлэлцэж буй асуудалтай холбогдуулан ийнхүү гишүүд асуулт асууж, хариулт авсны дараа гишүүдээс гаргасан саналын томьёолол тус бүрээр санал хураалт явуулж, байнгын хорооны хуралдаанаас гарсан санал дүгнэлтийг Төрийн байгуулалтын байнгын хороонд хүргүүлэхээр тогтлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 8 сарын 31
Өнөөдөр 15.00 цагт Засгийн газар хуралдана. Хуралдаанаар авто замын барилгын ажлын санхүү, зөвлөлийн бүрэлдэхүүнийг шинчлэн батлах тухай, Батлан хамгаалахын сайдын гадаад томилолтын талаар, Гадаад харилцааны сайдын олон улсын чуулга уулзалтад оролцох талаар хэлэлцэх аж. Үүнээс гадна хэд хэдэн нууц асуудал багтсан байна.
Өнөөдрийн хурлаар хэлэлцэх асуудлын дараалал:
№
Хэлэлцэх асуудал
Засгийн газрын гишүүн
Тогтоолд өөрчлөлт оруулах тухай*
Ж.МӨНХБАТ
Авто замын барилгын ажлын санхүүжилтийн тухай
Д.ГАНБАТ
Зөвлөлийн бүрэлдэхүүнийг шинэчлэн батлах тухай
П.СЭРГЭЛЭН
Нууц асуудал*
Ц.МӨНХ-ОРГИЛ
Нууц асуудал*
Ц.МӨНХ-ОРГИЛ
Бусад асуудал*
Ж.ЭРДЭНЭБАТ
Танилцуулах асуудал
7.
Нууц асуудал*
Б.ЧОЙЖИЛСҮРЭН
8.
Батлан хамгаалахын сайдын гадаад томилолтын талаар
Ж.МӨНХБАТ
9.
Гадаад харилцааны сайдын олон улсын чуулга уулзалтад оролцох талаар*
Ц.МӨНХ-ОРГИЛ
Т.НОМИН
