-
2016 оны 4 сарын 19
Л.Эрхэмбаяр сэтгүүлчдэд мэдээлэл хийлээ
13 цаг 09 минутанд
0
2271fb79dfa688c76a1252b927d30b4d.jpg
АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр өнөөдөр /4.19/ сэтгүүлчдэд Үндэсний зөвлөлдөх хороо хуралдсантай холбоогдуулан мэдээлэл хийлээ.
Тэрээр өчигдөр АН-ын ҮЗХ-ны ээлжит бус 46 дугаар хуралдаан болж хоёр асуудлыг хэлэлцэж шийдвэрлэлээ. Нэгдүгээрт, АН 2016 оны УИХ-ын сонгуульд оролцохоо илэрхийлсэн улс төрийн шийдвэргээ гаргалаа.
Хоёрдугаарт, АН 2016 оны УИХ-ын сонгуульд оролцох мөрий хөтөлбөрөө хэлэлцэж баталлаа. АН энэ удаагийн сонгууль Монгол хүн 2020 гэсэн мөрийн хөтөлбөрөө үргэлжлүүлэн энэ мөрийн хөтөлбөртэйгөө оролцоно. Хийсэн зүйлүүдээ бид дүгнэж цэгнэлээ. Цаашид ямар зүйлээр баяжуулах уу гэдгээ хэлэлцэж баталлаа. Мөн АН УИХ-ын сонгуульд оролцохдоо аль нэг улс төрийн нам хүчинтэй хамтарсан эвсэл байгуулж оролцохгүй дангаараа оролцоно гэдгээ илэрхийллээ.
-
2016 оны 4 сарын 19
экс Ерөнхийлөгч Н.Энхбаярын тэргүүлж буй МАХН. Хэрэв түүнд сонгуульд нэр дэвших хуулийн боломж олдвол тэр жагсаалтыг тэргүүлэх нь ойлгомжтой. Үгүй бол жагсаалтыг тэргүүлэх дараагийн хүнийг МАХН дотроос хайвал Ж.Сүхбаатар байх магадлалтай. Өдгөө генсекийн үүрэг гүйцэтгэж байгаа, МАН-ын генсект өрсөлдөж явсан улстөрчийн хувьд багагүй эрсдэл хийж МАХН-ыг сонгосон түүнд цаад тохироо байгаа нь тодорхой.
Мэдээж нэг хүн жагсаалтад хоёр дахиа бичигдэнэ гэвэл МАХН-ын жагсаалтыг одоогийн УИХ-ын гишүүдээс бүрдүүлж мэдэх л юм. Ч.Улаан, Ц.Оюунбаатар гээд л. Үгүй бол жагсаалтад энэ удаад орох боломж МАХН-ын УИХ дахь гишүүдээс Л.Цог, Д.Тэрбишдагва хоёрт л бий.
МАХН-ын жагсаалтын сургийг цааш тандвал Э.Эрдэнэжамъяан, Э.Батшугар гээд залуус, эмэгтэйчүүдээс Ерөнхийлөгчид нэр дэвшиж явсан Н.Удвал гээд орж ирэх боломжтой. Мөн Д.Сэржбүдээ, Б.Тулга гэсэн нэрс ч дуулдаж байна лээ.
-
2016 оны 4 сарын 19
“Гаалийн болон нэмэгдсэн өртгийн албан татвараас чөлөөлөх тухай” хуулийн төслийн үзэл баримтлалыг зарчмын хувьд дэмжиж, үзэл баримтлалыг хамтран батлахыг Сангийн сайд Б.Болор, Хууль зүйн сайд Д.Дорлигжав, Аж үйлдвэрийн сайд Д.Эрдэнэбат нарт даалгалаа. Энэхүү үзэл баримтлалд нийцүүлэн хуулийн төсөл боловсруулж, Засгийн газрын хуралдаанд хэлэлцүүлэхийг үүрэг болголоо.
Манай улс жилдээ 2000 орчим нийтийн тээврийн хэрэгсэл импортлон авдаг бөгөөд үүнээс дотооддоо 100-150-ийг нь угсарч үйлдвэрлэх боломжтой юм. Машин үйлдвэрлэлийн чиглэлээр үйл ажиллагаа эрхэлж байгаа аж ахуйн нэгж 20 автобус угсарч үйлдвэрлэхэд шаардагдах эд ангийг импортлоход гааль болон НӨАТ-т 834 сая төгрөг төлдөг. Импортлон оруулж байгаа эд ангийг гааль, НӨАТ-аас чөлөөлснөөр нэгж бүтээгдэхүүний үйлдвэрлэлийн өртөг 15 хувиар буурч, дотоодын зах зээлд өрсөлдөх чадвар нэмэгдэнэ гэж тооцож байна. Хууль хэрэгжсэнээр машин үйлдвэрлэлийн чиглэлээр жилдээ 6 тэрбум гаруй төгрөгийн нэмүү өртөг бий болгож, салбарын боловсон хүчний чадамж сайжирч, 220 гаруй шууд болон дагасан ажлын байр бий болж, дэвшилтэт техник, технологийг нутагшуулах боломж бүрдэх юм.
-
2016 оны 4 сарын 19
МАХН-ын Бага чуулган өнөөдөр 10.00 цагт эхлэхээр товлогдоод байсан ч ирц бүрдээгүй гэх шалтгаанаар хоёр цаг саатан дөнгөж сая эхэллээ. Бага чуулганд МАХН-ын дарга Н.Энхбаяр, Эрүүл мэндийн сайд асан Удвал тэргүүтэй намын гишүүд дэмжигчид оролцож байна.
Яг одоогоор тус намын дарга Н.Энхбаяр мөрийн хөтөлбөрийг танилцуулж эхлээд байгаа юм. Ийнхүү 2016 оны сонгуульд оролцох мөрийн хөтөлбөрийг хэлэлцсэний дараа МАН-тай эвсэх асуудлыг ярилцахаар төлөвлөжээ.
-
2016 оны 4 сарын 19
Монгол Улсын Их Хурлын дарга З.Энхболд, БНЭУ-ын парламентын Доод танхим /Лок Сабха/-ын дарга хатагтай Сумитра Махажан нар өнөөдөр /2016.04.19/ Монгол Улсын Их Хурал, БНЭУ-ын парламентын Доод танхим /Лок Сабха/ хоорондын харилцан ойлголцлын санамж бичигт гарын үсэг зурав.
-
2016 оны 4 сарын 19
Тодруулбал, Ерөнхий сайдаар М.Энхболд, УИХ-ын даргаар Н.Энхбаярыг томилно гэсэн үг.
-
2016 оны 4 сарын 19
Улаанбурхан өвчний дэгдэлттэй холбоотой авах зарим арга хэмжээний тухай тогтоол гарлаа - See more at: http://zasag.mn/news/view/13111#sthash.96hYL05S.dpuf
-
2016 оны 4 сарын 19
Тодруулбал, энэ үеэр Ерөнхий нарийн бичгийн даргын үүрэг гүйцэтгэгч Л.Эрхэмбаярыг солих саналыг хөдөө орон нутгаас ирсэн гишүүд гаргаж магадгүй гэх мэдээлэл байна. Түүнийг намын эв нэгдлийг хангаж сайн ажиллаж чадахгүй байгаа гэж үзсэн байна. Түүнчлэн Н.Алтанхуяг гишүүн намынхаа гишүүдэд хандан эвтэй байхыг уриалж үг хэлэхээр төвлөжээ. Ийнхүүү АН-ын ҮЗХ намдуухан, аядуухан болж өнгөрсөн байна.
-
2016 оны 4 сарын 19
Монгол Улсын Их Хурлын дарга Зандаахүүгийн Энхболдын урилгаар Бүгд Найрамдах Энэтхэг Улсын парламентын Доод танхим /Лок Сабха/-ын дарга хатагтай Сумитра Махажан Монгол Улсад албан ёсны айлчлал хийж, Улаанбаатар хотноо 04 дүгээр сарын 21-23-ны өдрүүдэд зохион байгуулагдах Ази-Европын Парламентын Түншлэлийн 9 дүгээр уулзалтын зарим арга хэмжээнд оролцохоор өнөөдөр /2016.04.18/ хүрэлцэн ирлээ.
Бүгд Найрамдах Энэтхэг Улсын парламентын Доод танхим /Лок Сабха/-ын дарга хатагтай Сумитра Махажан тэргүүтэй төлөөлөгчдийг Улсын Их Хурлын гишүүн, Улсын Их Хурал дахь Монгол-Энэтхэгийн парламентын бүлгийн дарга Д.Дэмбэрэл, БНЭУ-аас Монгол Улсад суугаа Онц бөгөөд Бүрэн эрхт Элчин сайд Сомнат Гош болон албаны бусад хүмүүс “Чингис хаан” олон улсын нисэх онгоцны буудалд угтан авсан юм.
Бүгд Найрамдах Энэтхэг Улсын парламентын Доод танхим /Лок Сабха/-ын дарга энэ сарын 18-22-ны өдрүүдэд үргэлжлэх айлчлалынхаа хүрээнд Монгол Улсын Их Хурлын дарга З.Энхболдтой албан ёсны хэлэлцээ хийж, Монгол Улсын Ерөнхийлөгч Ц.Элбэгдоржид бараалхана. Мөн хатагтай Сумитра Махажанд Монгол Улсын Ерөнхий сайд Ч.Сайханбилэг бараалхах юм.
Айлчлалын хүрээнд Монгол Улсын Их Хурлын дарга З.Энхболд, Бүгд Найрамдах Энэтхэг Улсын парламентын Доод танхим /Лок Сабха/-ын дарга хатагтай Сумитра Махажан нар Монгол Улсын Их Хурал, Бүгд Найрамдах Энэтхэг Улсын парламентын Доод танхим /Лок Сабха/-ын хоорондын хамтын ажиллагааны протоколд гарын үсэг зурж, хэвлэл мэдээллийнхэнд товч ярилцлага өгнө. Түүнчлэн Парламентын дарга нар Бүгд Найрамдах Энэтхэг Улсын Засгийн газраас Хавдар судлалын үндэсний төвд хандивласан зайн туяа эмчилгээний “Bhabhatron II” аппарат, туяа эмчилгээний төлөвлөлтийн симулятор аппаратыг ашиглалтад хүлээлгэн өгөх нээлтийн ёслолд оролцоно.
Айлчлалын үеэр Монгол Улсын Их Хурлын Тамгын газрын Ерөнхий нарийн бичгийн дарга Б.Болдбаатар, Бүгд Найрамдах Энэтхэг Улсын парламентын Доод танхим /Лок Сабха/-ын Тамгын газрын Ерөнхий нарийн бичгийн дарга Ануул Мишра нар Монгол Улсын Их Хурлын Тамгын газар, Бүгд Найрамдах Энэтхэг Улсын парламентын Доод танхим (Лок Сабха)-ын Тамгын газар хоорондын хамтын ажиллагааны протоколд гарын үсэг зурна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 4 сарын 19
ажлын хэсгүүд
-
2016 оны 4 сарын 19
Өнөөдөр байнгын хороо хуралдана. Хуралдаанаар дараах асуудлуудыг хэлэлцэнэ.
БАЙНГЫН ХОРООНЫ ХУРАЛДААН:
04 дүгээр сарын 19-ний Мягмар гарагт:
1.Төсвийн байнгын хорооны хуралдаан 09.00 цагаас “Их эзэн Чингис хаан танхим”-д:
Хэлэлцэх асуудал:
Монгол Улсын Засгийн газар болон Бүгд Найрамдах Энэтхэг Улсын Экспорт-Импортын банк хооронд байгуулах Зээлийн хэлэлцээрийг зөвшилцөх тухай /Засгийн газар 2016.04.14-ний өдөр өргөн мэдүүлсэн, зөвшилцөх, санал, дүгнэлт Аюулгүй байдал, гадаад бодлогын байнгын хороонд хүргүүлнэ/;
Нэмэгдсэн өртгийн албан татварын тухай хуульд нэмэлт, өөрчлөлт оруулах тухай, Төсвийн тухай хуульд нэмэлт, өөрчлөлт оруулах тухай, Гаалийн тариф, гаалийн татварын тухай хуульд нэмэлт оруулах тухай хуулийн төслүүд /Засгийн газар 2015.09.14-ний өдөр өргөн мэдүүлсэн, анхны хэлэлцүүлэг/;
Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төсөл /Засгийн газар 2016.02.05-ны өдөр өргөн мэдүүлсэн, анхны хэлэлцүүлэг/.
2.Эдийн засгийн байнгын хорооны хуралдаан 09.00 цагаас “Г” танхимд:
Хэлэлцэх асуудал:
Монгол Улсын Засгийн газар болон Бүгд Найрамдах Энэтхэг Улсын Экспорт-Импортын банк хооронд байгуулах Зээлийн хэлэлцээрийг зөвшилцөх тухай /Засгийн газар 2016.04.14-ний өдөр өргөн мэдүүлсэн, зөвшилцөх, санал, дүгнэлт Аюулгүй байдал, гадаад бодлогын байнгын хороонд хүргүүлнэ/;
“Монгол Улсын эдийн засаг, нийгмийг 2015 онд хөгжүүлэх үндсэн чиглэлийн биелэлт” /Засгийн газар 2016.03.31-ний өдөр өргөн мэдүүлсэн/;
“Тогтоолуудад өөрчлөлт оруулах тухай” Улсын Их Хурлын тогтоолын төсөл /Засгийн газар 2016.04.12-ны өдөр өргөн мэдүүлсэн, хэлэлцэх эсэх/;
Эрдэс баялгийн салбарын ил тод байдлын тухай болон холбогдох бусад хуулийн төслүүд /Засгийн газар 2014.10.13-ны өдөр өргөн мэдүүлсэн, анхны хэлэлцүүлэг/;
Санхүүгийн зохицуулах хорооны 2015 оны үйл ажиллагааны тайлан.
3.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Г” танхимд:
Хэлэлцэх асуудал:
Эмнэлгийн тусламж үйлчилгээний тухай болон холбогдох бусад хуулийн төслүүд /Засгийн газар 2015.10.14-ний өдөр өргөн мэдүүлсэн, эцсийн хэлэлцүүлэг/.
4.Аюулгүй байдал, гадаад бодлогын байнгын хорооны хуралдаан 14.00 цагаас “Их эзэн Чингис хаан танхим”-д:
Хэлэлцэх асуудал:
Монгол Улсын Засгийн газар болон Бүгд Найрамдах Энэтхэг Улсын Экспорт-Импортын банк хооронд байгуулах Зээлийн хэлэлцээрийг зөвшилцөх тухай /Засгийн газар 2016.04.14-ний өдөр өргөн мэдүүлсэн, зөвшилцөх/;
Гадаад харилцааны тухай хуулийн төсөл /Улсын Их Хурлын гишүүн М.Батчимэг нарын 6 гишүүн 2016.04.08-ны өдөр өргөн мэдүүлсэн, хэлэлцэх эсэх/;
Бусад.
5.Хүний эрхийн дэд хорооны хуралдаан 14.00 цагаас 4 давхрын Нээлттэй сонсголын танхимд:
Хэлэлцэх асуудал:
Хуулийн төслүүдэд хүний эрхийг хэрхэн хангаж байгаад дүгнэлт хийх;
-Эрүүгийн хэрэг шалган шийдвэрлэх тухай /шинэчилсэн найруулга/ хуулийн төсөл;
-Хууль сахиулах тухай хуулийн төсөл;
- Шүүхийн шийдвэр гүйцэтгэх тухай хуулийн төсөл;
Бусад.
-
2016 оны 4 сарын 19
ХҮН-ын дотоод асуудал шийдэгдлээ
-
2016 оны 4 сарын 18
Монгол Ардын намын Бага хурлын IV хуралдаан Тусгаар тогтнолын ордонд болж байна. Энэ удаагийн хуралдаанаар МАХН-тай эвсэл байгуулж сонгуульд оролцох эсэх, намын мөрийн хөтөлбөрийг хэлэлцэж байгаа юм. Үдээс өмнөх хуралдаанаар аймаг, нийслэлийн гишүүдэд сургалт хийсэн бол үдээс хойш МАН-ын Удирдах зөвлөл хуралдлаа. Үүний дараа Бага хурал МАН-ын дарга М.Энхболдын илтгэлээр үргэлжилсэн юм. Улс орны нийгэм, эдийн засгийн өнөөгийн байдал болоод МАН үүнээс гарах гарцыг хэрхэн харж буйгаа танилцуулав. Хурлын дундуур
-
2016 оны 4 сарын 18
-Жагсаалтыг 18:10 байхаар ярьсан байна Дарааллыг нь яаж харгалзах вэ?
-
2016 оны 4 сарын 18
Бага хурлын эхэнд МАН-ын дарга М.Энхболд улс төрийн илтгэл тавьж байна. Намын даргынхаа илтгэлийг сонссоны дараа сонгуульд дэвшүүлэх мөрийн хөтөлбөрөө хэлэлцэх ажээ. Мөн сонгуульд нэр дэвшүүлэх, санал хураах журам баталснаар өнөөдрийн МАН-ын бага хурал өндөрлөх ажээ. Хурал хаалттай журмаар үргэлжилж байна.
-
2016 оны 4 сарын 18
-Жагсаалтыг 18:10 байхаар ярьсан байна Дарааллыг нь яаж харгалзах вэ?
-
2016 оны 4 сарын 18
МАН-ын бага хурал эхэллээ
-
2016 оны 4 сарын 18
Зам, гүүрийн барилгын ажил орон даяар нэгэн зэрэг эхэллээ
-
2016 оны 4 сарын 18
МАН-ын УЗ хуралдаж байна
-
2016 оны 4 сарын 18
Өнөөдөр УИХ дахь намын бүлгүүд хуралдаж энэ долоо хоногт чуулганы нэгдсэн хуралдаанаар хэлэлцэх асуудлуудлаар саналаа нэгтгэх ёстой байсан боловч өнөөдрийн хуралдаанаа хойшлуулсан байна.
