-
2016 оны 5 сарын 03
Монгол Улсын Засгийн газар, Азийн хөгжлийн банк хооронд байгуулах “Хилийн үйлчилгээг сайжруулах бүс нутгийн төсөл” болон “Зүүн өмнөд говийн хот байгуулалт, хилийн ойролцоо суурин газруудын хөгжлийн төслийн нэмэлт санхүүжилт”-ийн Зээлийн хэлэлцээрүүдийг соёрхон батлах тухай хуулийн төслүүдийг хэлэлцээд УИХ-д өргөн мэдүүлэхээр тогтлоо.
-
2016 оны 5 сарын 03
“Хэрэглэгчийн эрх хамгаалах үндэсний хөтөлбөр” баталлаа
-
2016 оны 5 сарын 03
АН-ын бүлэг долоо хоног бүрийн даваа гаригт хуралдаж, тухайн долоо хоногийн хэлэлцэх асуудалд байр сууриа нэгтгэдэг. Харин энэ долоо хоногийн даваа гаригт гишүүдийн ирц хүрээгүйн улмаас хойшлогдож, өнөөдөр хуралдаж байна. Бүлгийн хурлаар Цэцийн дүгнэлт болоод цаг үеийн асуудлыг хэлэлцэж саналаа нэгтгэх аж.
-
2016 оны 5 сарын 03
байнгын хороо
-
2016 оны 5 сарын 03
Монгол Улсын Ерөнхийлөгч Ц.Элбэгдоржид Монгол Улсад айлчилж байгаа Японы парламентын Төлөөлөгчдийн танхимын гишүүн К.Танака, Д.Ямагива, Я.Нагасака нар өнөөдөр бараалхлаа. Япон Улсаас Монгол Улсад суугаа Онц бөгөөд Бүрэн эрхт Элчин сайд Т.Шимизү уулзалтад оролцов.
-
2016 оны 5 сарын 03
Ерөнхий сайд Ч.Сайханбилэгийг хүнд зодуулсан гэх мэдээлэл өчигдрөөс эхлэн цахим ертөнцөөр цацагдаж багагүй дуулиан тарьж байна.
-
2016 оны 5 сарын 03
Эмхэтгэлийн өнөөдрийн дугаарт, Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийг нийтэллээ.
Энэ хуульд, “Хуулиар шийдвэрлэх хугацааг тусгайлан заасан асуудлыг санаачилсан хууль санаачлагч болон Монгол Улсын Их Хурлын тухай хуулийн 7.1.12-т заасан санал гаргасан Улсын Их Хурлын гишүүн уг асуудлыг хэлэлцэхэд хүндэтгэн үзэх шалтгаангүйгээр хуралдаанд оролцоогүй, эсхүл төсөл, саналаа танилцуулаагүй бол тухайн хууль, Улсын Их Хурлын бусад шийдвэрийн төсөл, саналыг хууль санаачлагчид буцаасанд тооцно.” гэсэн хэсэг нэмж, “Монгол Улсын Их Хурлын чуулганы хуралдааны дэгийн тухай хуулийн 4 дүгээр зүйлийн 4.6 дахь хэсэгт “Хуулиар шийдвэрлэх хугацааг тусгайлан заасан асуудлаар нам, эвслийн бүлэг завсарлага авах бол хуралдаан даргалагч тухайн асуудлыг хуулиар тогтоосон хугацаанд шийдвэрлэхэд саад болохгүй байхаар завсарлагын хугацааг тогтооно.” гэсэн өгүүлбэр нэмсэн байна.
Энэ хуулийг 2016 оны 04 дүгээр сарын 14-ний өдрөөс эхлэн дагаж мөрдөхөөр хуульчилжээ.
Мөн дугаарт, Үндэсний аюулгүй байдлын тухай хуулийн төсөл буцаах тухай Улсын Их Хурлын тогтоол, Элчин сайдыг эгүүлэн татах, тохоон томилох тухай Монгол Улсын Ерөнхийлөгчийн зарлигийг тус тус нийтэллээ.
Эмхэтгэлд нийтлэгдсэн Ирээдүйн тэтгэврийн нөөц сангийн тухай хууль батлагдсантай холбогдуулан авах зарим арга хэмжээний тухай Засгийн газрын тогтоолоор “Ипотекийн зээл, санхүүжилтийн ерөнхий журам”-ыг хавсралтаар баталсан байна. Энэ журмын зорилго нь Ирээдүйн тэтгэврийн нөөц сангийн тухай хууль, Засгийн газар, Монголбанкны хамтран хэрэгжүүлж байгаа “Орон сууцны санхүүжилтийн тогтвортой тогтолцоог бий болгох хөтөлбөрийн хүрээнд Монгол Улсын иргэнд орон сууцны ипотекийн зээл олгох нөхцөл, санхүүжилтийн бүтцийг тодорхойлохтой холбогдсон харилцааг зохицуулахад оршиж байгаа ажээ.
Мөн журамд, ямар орон сууц худалдан авсан иргэнд ипотекийн зээл олгох, ипотекийн зээл авах иргэн ямар шаардлагыг хангасан байх, орон сууцны санхүүжилтийн тогтолцоо нь ямар байх зэрэг асуудлыг журамласан байна.
Тухайлбал, ипотекийн зээлийн хугацаа 30 хүртэл жил байхаар журамд тусгасан байна гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.
-
2016 оны 5 сарын 03
УИХ-ын даргын дэргэдэх Зөвлөлийн 2016 оны дөрөвдүгээр сарын 29-ний өдрийн хурлаар батласан УИХ-ын ажлын хэсгүүдийн өнөөдрийн хуралдаанаар хэлэлцэх асуудлууд:
-
2016 оны 5 сарын 03
УИХ-ын даргын дэргэдэх Зөвлөлийн 2016 оны дөрөвдүгээр сарын 29-ний өдрийн хурлаар батласан УИХ-ын байнгын хороодын өнөөдрийн хуралдааны тов:
-
2016 оны 5 сарын 02
ГАДААД ХЭРГИЙН САЙД НАРЫН УУЛЗАЛТАД ОРОЛЦОВ
160502-6БНХАУ-ын Бээжин хотноо 2016 оны 4 дүгээр сарын 27-28-ны өдрүүдэд болсон Азид хамтын ажиллагаа, итгэлцлийг бэхжүүлэх бага хурлын Гадаад хэргийн сайд нарын уулзалтад Гадаад хэргийн яамны Төрийн нарийн бичгийн дарга Д.Ганхуяг оролцов.
Тэрээр, Азийн бүс нутагт аюулгүй байдлыг хангах, итгэлцлийг бэхжүүлэх чиглэлээрх 30 орчим улсыг багтаасан энэхүү яриа хэлэлцээний уулзалтад Монгол Улсын байр суурийг илэрхийлж үг хэлэв. Эдүгээ олон улсад тулгамдаад буй уламжлалт болон уламжлалт бус заналхийллийн эсрэг олон улсын хамтын нийгэмлэг шийдвэртэй арга хэмжээ авч,аливаа үл ойлголцлыг яриа хэлэлцээний замаар шийдвэрлэхийн чухлыг тэмдэглээд, энэ үйл хэрэгт эл бага хурал тодорхой үүрэг гүйцэтгэх учиртайг онцлон бүс нутгийн болон олон улсын аюулгүй байдлыг сахин хамгаалах чиглэлд явуулж буй Монгол Улсын хүчин чармайлтын талаар мэдээлэв.
“Яриа хэлэлцээний замаар аюулгүй байдлыг хангах нь” сэдвийн хүрээнд болсон 5 дахь удаагийн сайд нарын уулзалтаар гишүүн орнууд олон улсын хамтын нийгэмлэгт тулгамдаж буй асуудлуудаар байр сууриа илэрхийлэн хурлын төгсгөлд хамтарсан тунхаглал гаргав.
Бага хурлын дарга БНХАУ-ын Гадаад хэргийн сайд Ван И Төрийн нарийн бичгийн дарга Д.Ганхуягийг хүлээн авч уулзан хоёр талын харилцаа, хамтын ажиллагааны талаар санал солилцов.
Түүнчлэн бага хуралд оролцож буй ОХУ, БНСУ, Казахстан, Индонези, Филиппин, Вьетнам зэрэг улсын Гадаад хэргийн сайд нартай уулзаж хоёр талын харилцаа, хамтын ажиллагааны талаар санал солилцон 7 дугаар сард зохион байгуулагдах АСЕМ-ын дээд түвшний уулзалтын бэлтгэл ажлын явцын тухай дэлгэрэнгүй мэдээлэл өгөв.
-
2016 оны 5 сарын 02
Улсын Их Хурлын дарга З.Энхболдод Японы парламентын Төлөөлөгчдийн танхимын гишүүд бараалхав
-
2016 оны 5 сарын 02
УИХ дахь АН-ын бүлэг хуралдаанаа дахин хойшлуулж, маргааш 10:00 цагт хуралдуулахаар болжээ.
Тус бүлэг өнөөдөр үдээс өмнө хуралдах товтой байсан. Гэвч хуралдаанаа хойшлуулж 14:00 цагт хуралдах зар тараасан юм. АН-ын бүлэг ийн хуралдаанаа хоёр ч удаа хойшлуулаад байна.
УИХ дахь МАН-ын бүлэг өнөөдөр ээлжит хуралдаанаа хийж, Эрүүл мэнд, спортын сайд болон АТГ-ын даргыг яаралтай томилох шаардлагатай гэсэн байр суурьт нэгдсэн аж.
-
2016 оны 5 сарын 02
Хөдөлмөрийн үндэсний нам (ХҮН) 2016 оны УИХ-ын сонгуульд оролцохгүй гэдгээ албан ёсоор мэдэгдэж өнөөдөр мэдээлэл хийлээ.Нам нь сонгуульд оролцохгүй хэрнээ тус намаас 20 хүн бие даан нэр дэвшинэ гэж Үндэсний мэдээллийн төвд өнөөдөр хэвлэлийн хурал хийсэн тус намын дэд дарга С.Боргил онцлов. Хэвлэлийн хурлын үеэр сэтгүүлчдийн сонирхосон асуултад хариулав.
-Танай нам АН-ыг дэмжиж ажиллана гэсэн үнэн үү?
-Сүүлийн үед Хөдөлмөрийн үндэсний намыг сонгуульд бие даан оролцохгүй, АН-ыг дэмжихээр болсон гэх зэрэг мэдээллүүдэд албан ёсоор залруулъя. Хөдөлмөрийн үндэсний нам 2016 оны УИХ-ын сонгуульд бие даан оролцох хүсэлтээ, аудитын дүгнэлт гаргуулсан мөрийн хөтөлбөрийн хамтаар Сонгуулийн ерөнхий хороонд хүлээлгэн өгсөн.
Сонгуулийн ерөнхий хорооноос мэдэгдсэн албан ёсны мэдээлэлд 2016 оны сонгуульд 13 нам, гурван эвсэл сонгуульд оролцохоор нэр заагдсаны дотор Хөдөлмөрийн үндэсний намын нэр байгаа. ХҮН 2016 оны сонгуульд оролцоно гэдгийг дахин албан ёсоор мэдэгдье. 2016 оны сонгуульд манай намын дунд болон анхан шатны нэгжүүд намын төв аппарат эрчимтэй бэлдэж байгаа. Бид сонгуулийн хуулинд заасан хугацаанд намын мөрийн хөтөлбөрөө олон нийтэд танилцуулах болно.
-Танай намыг СЕХ-оос төлөвшөөгүй учраас сонгуульд оролцуулахаас татгалзлаа гэсэн байсан?
-Энэ бол ташаа мэдээлэл. Манай намын гишүүн н.Ганболдоос гаргасан албан бичиг дээр төлөвшөөгүй гэдэг үг орсон байна лээ. Сонгуулийн ерөнхий хороо ийм шалтгааны улмаас намыг сонгуульд оруулна, оруулахгүй гэдэг заалт хуулинд байхгүй.
Бидний хүсэлтийн хариуг Сонгуулийн ерөнхий хороо хуулинд заасан хугацаандаа гаргах байх. Ер нь нам төлөвшсөн, төлөвшөөгүй гэдэг дээр Сонгуулийн ерөнхий хороо байр суурь илэрхийлэхгүй байх.
-Танай намын дарга яг хэн нь вэ. Н.Ганболд гэдэг хүний гарын үсэгтэй албан бичиг яваад байгаа?
-Хөдөлмөрийн үндэсний намын даргаар би сонгогдсон. Улсын бүртгэлийн гэрчилгээ дээр бичигдсэн намын дарга нь ч бас би. Дөрөвдүгээр сарын 27-нд манай намын төв хорооны хурал болсон. Үүгээр сүүлийн саруудад үүсээд байгаа үл ойлголцол, зөрчилдөөнийг намжаах зорилгоор нийт гишүүдийнхээ хурлыг хийсэн.
Энэ хурлаар С.Боргил миний бие намын даргаар сонгогдсон. Дээд шүүхийн лавлагаан дээрээс харж болно. Сонгуулийн ерөнхий хороонд өгсөн албан бичиг дээр би гарын үсэг зурж, тамга дарсан.
-Нэр дэвшигчдээ тодруулсан уу?
-Нэр дэвшигчид тодорхой хэмжээгээр нэрээ гаргаж байгаа. Хуульд заасан хугацаандаа нэр дэвшигчдээ тодруулна.
-Таныг мөрийн хөтөлбөрөө өгөхдөө өөрөө бие дааж нэр дэвших хүсэлтээ давхар өгсөн гэсэн байсан. Энэ үнэн үү?
-Манай нам нэр дэвшихээр өөрсдөө шийдсэн хүмүүсээ бүгдийг нь бие даан нэр дэвшүүлэхээр болсон. Улс төрийн бусад хүчнүүд болон өөр ямар нэгэн байдлаар манай намыг сонгуульд оруулахгүй байх тохиолдолд бие даан нэр дэвших юм. Ийм нөхцөл байдал эрсэд бий гэж бид харж байгаа. Үүнд ямар нэгэн байдлаар бусдыг хардаж сэрдэхгүй.
-Намаас нэр дэвших болон бие даан нэр дэвших хоёрыг давхардуулах нь хууль зүйн хувьд боломжтой юу?
-Зөрчилгүй гэсэн тайлбарыг бид авсан.
-Танай намын тамга хэдэн хувь байгаа вэ?
-Хоёр тамга байгаа. Эхний тамгыг бид албажуулахаар хүсэлт гаргаад явж байна. Энэ асуудлыг бид ойрын хугацаанд шийдвэрлэнэ.
-Бие дааж нэр дэвших хэчнээн хүн байгаа вэ?
-Бие дааж нэр дэвших 20 орчим хүн байгаа. Манай намыг сонгуульд оролцуулахгүй гэсэн эрсдэл бий. Намыг сонгуульд бүртгэвэл намаасаа нэр дэвшээд явна. Энэ нам өөрөө улс төрийн төлөвших процессынхоо дунд явж байгаа. Яг улс төрийн нам гэж яваад нэг жил хүрэхгүй хугацааг л туулсан байна. Энэ агуулгаараа бид төлөвшлийн хүнд хэцүү процесс дунд явж байна. Үүнийг бид хүлээн зөвшөөрөх ёстой.
-
2016 оны 5 сарын 02
Миний бие ”Шударга ёс” бүлгийн гишүүнээс гарах болсноо албан ёсоор мэдэгдэж байна. Бүлгийн дарга О.Баасанхүү-д мэдэгдсэн. Тэвчээр хязгаартай
-
2016 оны 5 сарын 02
Японы парламентын гишүүд Хөшигтийн хөндийд баригдаж буй Олон Улсын нисэх буудлын ажлын явцтай танилцав
Улсын Их Хурлын гишүүн, Улсын Их Хурал дахь Монгол-Японы парламентын бүлгийн дарга Д.Ганхуягийн урилгаар Япон Улсын парламентын Төлөөлөгчдийн танхимын гишүүн, эрх баригч Либерал ардчилсан намын Гадаад харилцааны газрын дарга Казүнори Танака тэргүүтэй төлөөлөгчид манай улсад 2016 оны 4 дүгээр сарын 29-нөөс 05 дугаар сарын 03-ны өдрүүдэд айлчилж байна.
Айлчлалын бүрэлдэхүүнд Япон Улсын парламентын Төлөөлөгчдийн танхимын гишүүн Ясүмаса Нагасака, Дайширо Ямагива нар багтсан байна.
Төлөөлөгчид өчигдөр /2016.04.30/ Төв аймгийн Сэргэлэн сумын Хөшигтийн хөндийд баригдаж буй Олон Улсын шинэ нисэх онгоцны буудлын ажлын явцтай танилцлаа. Олон Улсын нисэх буудлын бүтээн байгуулалтын ажил төлөвлөснөөрөө 76 хувийн гүйцэтгэлтэй байгааг албаны хүмүүс танилцуулсан юм.
Улсын Их Хурлын гишүүн Д.Ганхуяг нь Улсын Их Хурал дахь Монгол-Японы парламентын бүлгийн даргаар 10 орчим жил ажиллаж байна. Хоёр орны парламентын бүлгийн гишүүд олон төсөл, арга хэмжээг санаачлан хэрэгжүүлсэн бөгөөд түүний нэг нь Хөшигтийн хөндийд баригдаж буй нисэх буудал юм. Уг бүтээн байгуулалтын анхны санаачлага нь 2005-2006 онд гарч, 2008 онд төслийн хөнгөлөлттэй зээлийн хэлэлцээр Улсын Их Хурлаар батлагдаж байсан. Олон Улсын нисэх буудал гурван жилийн өмнөөс баригдаж эхэлсэн. Одоо ашиглалтад ороход багахан хугацаа үлдсэнийг Улсын Их Хурлын гишүүн Д.Ганхуяг Япон Улсын парламентын гишүүдэд дуулгав. Мөн Ази, Европ болон Ази, Хойд Америкийн агаарын замын дунд байрладагаараа энэхүү нисэх буудал онцлогтой төдийгүй Зүүн Азийн зангилаа буудал болох боломжтой гэдгийг ч тэрээр хэлсэн.
Улсын Их Хурлын гишүүн, Улсын Их Хурал дахь Монгол-Японы парламентын бүлгийн дарга Д.Ганхуяг олон улсын нисэх буудлыг түшиглэн Худалдаа, үйлчилгээний чөлөөт бүс байгуулах Улсын Их Хурлын тогтоолын төсөл боловсруулан Засгийн газарт хүргүүлсэн бөгөөд удахгүй Улсын Их Хуралд өргөн мэдүүлэхээр болсныг Японы парламентын гишүүдэд хэлсэн юм гэж Улсын Иx Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 5 сарын 02
Иргэний Зориг Ногоон намаас ирүүлсэн намын дарга нарыг бүртгүүлэх тухай хүсэлтийг Дээд шүүх өнөөдөр хянан хэлэлцлээ.
-
2016 оны 5 сарын 02
Н.Номтойбаяраар
-
2016 оны 5 сарын 02
ааааа
-
2016 оны 5 сарын 02
Улсын Их Хурлын гишүүн, Улсын Их Хурал дахь Монгол-Японы парламентын бүлгийн дарга Д.Ганхуяг Япон Улсын парламентын Төлөөлөгчдийн танхимын гишүүн, эрх баригч Либерал ардчилсан намын Гадаад харилцааны газрын дарга Казүнори Танака тэргүүтэй төлөөлөгчидтэй өнөөдөр /2016.05.02/ уулзав.
Уулзалтын эхэнд Япон Улсын парламентын Төлөөлөгчдийн танхимын гишүүн, эрх баригч Либерал ардчилсан намын Гадаад харилцааны газрын дарга Казүнори Танака цаг зав гарган, найрсаг дотноор хүлээн авч буйд Улсын Их Хурлын гишүүдэд талархал илэрхийлээд Хоёр орны харилцааг шинэ шатанд гаргахын төлөө өөрийн орны парламентдаа найрамдлын бүлэг ажиллуулж, идэвхи зүтгэлтэй байгаад баяртай байгаагаа онцлон тэмдэглэв. Мөн тэрээр манай хоёр орны стратегийн түншлэл, салбар бүрийн хамтын ажиллагааны цар хүрээ улам бүр нэмэгдэж байна. Өнгөрсөн онд өндөр дээд хэмжээний харилцан айлчлалууд үүний тод илрэл хэмээн үзэж байна. Цаашид энэхүү уулзалт, хэлэлцээрийн давтамжийг нэмэгдүүлж, хоёр улсын парламентын хамтын ажиллагааг шинэ шатанд гаргах нь чухал байна. Эдийн засгийн түншлэлийн хэлэлцээр амжилттай болбол манай хоёр улсын эдийн засагт олон эерэг үр дүнг үзүүлэх байх гэдэгт итгэлтэй буйгаа хэллээ.
Улсын Их Хурлын гишүүн, Улсын Их Хурал дахь Монгол-Японы парламентын бүлгийн дарга Д.Ганхуяг Монгол Улсад айлчлах урилгыг хүлээн авч хүрэлцэн ирсэнд баяртай байна хэмээгээд манай улс зах зээлийн эдийн засагт шилжих үед Японы Засгийн газраас бүхий л талаар дэмжлэг үзүүлж байсанд талархаж байдгаа илэрхийлэв. Япон Улс бол манай улсын стратегийн түнш бөгөөд энэ нь бидний хамтын ажиллагааны үнэ цэнэ юм. Монгол Улсын тхуайд анхлан Япон Улстай эдийн засаг, чөлөөт худалдааны хэлэлцээ хийсэн нь эдийн засгийн хувьд хамтран ажиллах таатай эрх зүйн орчныг бүрдүүлж чадсан гэж үзэж байна. 2004 оноос улс төрийн харилцаа өндөр төвшинд хөгжиж байгаа. Хоёр орны парламентын бүлгийн гишүүд олон төсөл, арга хэмжээг санаачлан хэрэгжүүлсэн. Үүнээс хоёр орны хамтын ажиллагааны түүхэнд тэмдэглүүштэй гурван төслийн онцлон тэмдэглэмээр байна. Жижиг дунд үйлдвэрлэлд зориулсан хоёр шатны зээл, Олон Улсын шинэ нисэх буудал, Эдийн засгийн түншлэлийн хэлэлцээр гурав юм гэдгийг дурдав.
Мөн талууд мал аж ахуйн бүтээгдэхүүний экспорт, уул уурхай салбарын хамтын ажиллагаа, аж үйлдвэрлэл, түүний технологийг нэвтрүүлэх, давхар татварын асуудлыг шийдвэрлэх, аялал жуулчлал хөгжүүлэх залуучуудын байгууллагуудын холбоо харилцааг бэхжүүлэх зэрэг өргөн хүрээнд ярилцаж, санал солилцлоо.
Уг уулзалтад Улсын Их Хурлын гишүүн, Улсын Их Хурал дахь Монгол-Японы парламентын бүлгийн дэд дарга Д.Ганбат, О.Баасанхүү, Л.Болд, Ц.Даваасүрэн, Япон Улсын парламентын Төлөөлөгчдийн танхимын гишүүн Ясүмаса Нагасака, Дайширо Ямагива, Япон Улсаас Монгол Улсад суугаа Онц бөгөөд Бүрэн эрхт Элчин сайд Т.Шимизү болон албаны бусад хүмүүс оролцсон юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2016 оны 5 сарын 02
Өнөөдөр үдээс өмнө хуралдах товтой байсан УИХ дахь Ардчилсан намын бүлгийн хурал үдээс хойш 14.00 цаг болон хойшиллоо.
Харин МАН-ын бүлэг “Б” танхимд ээлжит хуралдаанаа хийж байна.
УИХ дахь МАХН-МҮАН-ын “Шударга ёс” эвслийн бүлэг хуралдах эсэх одоо хэр нь тодорхойгүй байна.
