-
2015 оны 12 сарын 15
Нийслэлийн Засаг даргын захирамжийн дагуу шинэ жилийн баярыг тэмдэглэн өнгөрүүлэх ажлыг зохион байгуулах нийслэлийн ажлын хэсгийг байгуулсан. Ажлын хэсгийн даргаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл ажиллаж байна. Шинэ жилийн баярыг тэмдэглэн өнгөрүүлэх ажлын хүрээнд Улаанбаатар хотын төв талбайд жил бүр сүндэрлэдэг сүлд модны гэрлийг маргааш 18:20 цагаас асаана. Харин 12 дугаар сарын 31-ний үдэш Чингисийн талбайд нийслэлчүүд шинэ оноо угтах баярын цэнгүүн болно.
Мөн дүүргүүд шинэ жилийн баярын үйл ажиллагааны хүрээнд нутаг дэвсгэртээ иргэд, олон нийтийг хамарсан нийтийн цэнгүүн зохион байгуулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 15
Монгол Улсын Ерөнхийлөгчийн тамгын газар, Улсын Их Хурлын Тамгын газар, Засгийн газрийн Хэрэг эрхлэх газар, Нийслэлийн Иргэдийн Төлөөлөгчдийн Хурал, НҮБ-ын Хөгжлийн хөтөлбөр, Монголын нутгийн удирдлагын нийгэмлэгтэй хамтран “Нутгийн удирдлага: Сорилт-шийдэл” Үндэсний чуулганыг 12 дугаар сарын 16-ны өдөр Улаанбаатар хотноо зохион байгуулахаар боллоо. Энэхүү чуулган нь Монгол улсын Нийгмийн харилцааны тулгуур хуулиудын өөрчлөлт, шинэчлэлтийн талаар өргөн хэлэлцүүлэг өрнөж буй энэ үед Нутгийн удирдлагатай холбоотой асуудлуудыг хэлэлцэх талбар бий болгох, тулгамдаж буй асуудлуудыг хэлэлцэх, шийдлийг гаргах зорилготой юм.
Чуулганаар нутгийн удирдлагатай холбоотой хуримтлагдсан асуудлуудыг хэлэлцэх, улмаар Улсын Их Хурлын төвшинд хийгдэж буй Үндсэн хуулийн болон Засаг захиргаа, нутаг дэвсгэрийн нэгж, түүний удирдлагын тухай хууль, Сонгуулийн тухай хуулийг шинэчлэх ажилтай холбогдуулан бодлогын хувилбарууд, шийдлийг хэлэлцэж, нэгдсэн зөвшилцөл бий болгоход хувь нэмэр оруулах, хууль тогтоогчдод зориулан нэгдсэн зөвлөмж гаргахад чиглэж байна.
-
2015 оны 12 сарын 15
Монгол Улсын иргэнд газар өмчлүүлэх тухай хуулийн хэрэгжилтийг хангах зорилгоор Нийслэлийн 7 дүүргийн 52 байршил бүхий 153 09 га газарт иргэдэд гэр бүлийн хэрэгцээний зориулалтаар газар өмчлүүлэх ажлыг 2014 оноос эхлэн нийт 4 удаа зохион байгуулсан.
Өчигдөр буюу 2015 оны 12 дугаар сарын 14-ний 12:00 цагаас эхлэн 5 дугаар ээлжийн цахим газар өмчлөл эхэлж, 7 дүүргийн 32 байршилд 7 449 нэгж талбарт газар өмчлөх хүсэлтийг цахимаар хүлээн авч эхэлсэн.
Энэхүү ажлын хүрээнд Нийслэлийн Мэдээллийн технологийн газраас “Газар өмчлөл” мобайл аппликейшнийг нэвтрүүлээд байна. Тус аппликэйшн нь Нийслэлийн цахим газар өмчлөлийн системийн өгөгдлийн баазтай холбогдон ажиллах бөгөөд хэрэглэгчид гар утсаараа цахим газар өмчлөлд бүртгүүлж өргөдлөө илгээх юм.
Үүнээс гадна Нийслэлийн Өмчийн харилцааны газрын үзүүлдэг бүхий л үйлчилгээний талаарх мэдээллүүд болох газар эзэмших ашиглах тухай мэдээлэл, газрын төлбөрийн мэдээлэл, Нийслэлийн өмчит барилга байгууламжийн түрээсийн талаарх мэдээлэл, газар эзэмшихэд бүрдүүлэхэд шаардлагатай материал гэх мэт мэдээллүүдийг авах боломжтой юм.
Тус аппликейшн нь Android 4.4+, iOS 8+ үйлдлийн систем дээр нэгэн зэрэг ажиллана. Иргэн та App store болон Google Play store буюу апплликэйшн дэлгүүрүүдээс татаж авахдаа “Газар өмчлөл” гэж хайлт хийж гар утсандаа үнэгүй суулгаарай гэж Нийслэлийн Мэдээллийн Технологийн газраас мэдээллээ.
-
2015 оны 12 сарын 15
Нийслэлийн “Иргэд хүлээн авах төв”-ийн үйл ажиллагааг өргөжүүлж, төрийн 200 гаруй үйлчилгээг төвлөрүүлсэн “Төрийн үйлчилгээний нэгдсэн төв”-ийг байгуулах бэлтгэл ажил явагдаж байна. Тус төвийг нийслэлийн гурван цэгт төвлөрүүлэх бөгөөд эхний төвийг Дүнжингарав худалдааны төвд байгуулж байна. Нийслэлийн Засаг дарга бөгөөд Улаанбаатар хотын Захирагч Э.Бат-Үүл, ЗДТГ-ын дарга Ё.Гэрэлчулуун нар тус төвийн бэлтгэл ажилтай танилцлаа. “Төрийн үйлчилгээний нэгдсэн төв” нь Баянзүрх дүүргийн 26 дугаар хороо, Олимп хорооллын зүүн талд, “Дүнжингарав” худалдааны төвд 2800 м2 талбайд байрлана.
Нийслэлийн Ерөнхий төлөвлөгөө, Авто зам, Өмчийн харилцааны газар зэрэг нийслэлээс иргэдэд үйлчилгээ үзүүлдэг нутгийн захиргааны байгууллагууд, Улаанбаатар Дулааны шугам сүлжээ, Цахилгаан түгээх сүлжээ ТӨХК-ийн 200 гаруй төрийн албан хаагч ажиллана. Мөн зарим үйлчилгээний төлбөрийг шууд тушаахаар зохицуулж Улаанбаатар, Голомт банкны салбарыг байгуулжээ. Нэг удаадаа 180, өдөрт 2880-6480 үйлчлүүлэгч хүлээн авч үйлчлэх хүчин чадалтай бөгөөд өөртөө үйлчлэх танхимтай, хүүхэдтэйгээ ирсэн иргэн үйлчилгээ авах хугацаанд хүүхдээ саатуулах хүүхэд саатуулах өрөө, нотариат, кафе зэргийг байгуулсан байна. Тус төв иргэдэд дараахь боломжуудыг олгоно.
-200 гаруй төрийн үйлчилгээг нэг дороос авах
- 60 гаруй төрийн үйлчилгээг газар дээр нь шууд авах
- Оршин суугаа харъяаллаар хязгаарлагдахгүйгээр үйлчлүүлэх
- Уртасгасан цагаар үйлчилгээ авах
-Тохилог орчинд үйлчлүүлэх
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Төрийн үйлчилгээний нэгдсэн төв байгуулагдсанаар төрөөс иргэдэд үзүүлдэг үйлчилгээ илүү ойртож, нөгөө олон жил яригдаж байнга шүүмжлүүлдэг хүнд суртал огт үгүй болно. Энэ миний 25 жил мөрөөдсөн мөрөөдөл. Өөрөөр хэлбэл ямар ч иргэн энэ төвд ирээд өөрийн хүссэн үйлчилгээгээ шууд авах, урт хугацаа гэхэд 12 цагийн дотор олгох боломтой болж байгаа юм. Хамгийн гол энэ төв хэн нэгний захидлыг дарга руу зөөдөг бус тухайн иргэнд шууд олгодог байх төрийн үйлчилгээний шуурхай зарчимд бид шилжихээр зорьж байна” хэмээн онцлон хэлсэн юм.
Нийслэлийн Иргэдийг хүлээн авах төвийн дарга О. Мөнх-Оргил “Манай төв нь байгуулагдаж, үйл ажиллагааг нь жигдрүүлснээр иргэд дэлгүүрээс өөрт хэрэгцээтэй зүйлээ төлбөр төлж ямар бэрхшээлгүй авдаг шиг төрийн үйлчилгээг шууд авдаг болж байгаагаараа давуу талтай. Нэг үгээр төрийн үйлчилгээний чанар, хүртээмж, менежментийг цогцоор нь сайжруулж, төрийн байгууллага цосхон, чадварлаг, мэргэшсэн бүтцээр ажиллах бололцоог бүрдүүлж байгаа юм. Бидний төлөвлөж байгаагаар 2016 оны ажлын эхний өдөр буюу 01 дүгээр сарын 04-ний өдөр ашиглалтад оруулахаар ажиллаж байна” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 15
Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр бурхныг тахих, хишиг даллага авахуулах, наминчлах, бэр авах, нүүдэл суудал хийх, бурхныг тахих, номын үүднээ орох, үхэр, адуу сургах, байшингийн суурь тавих, дайсныг номхотгох зэрэг хатуу үйл, эм найруулах, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Хир буртаг, бузарт ойртох, өс санах, их хэрэг, худалдаа арилжаа хийхэд муу. Замд гарвал эдийг олох, тахилыг олон хүртэнэ. Баруун нүд татвал хувцас олох бөгөөд зүүн татвал хэрүүл тэмцэл болно. Баруун чих хангинавал олноо хүндлэгдэх. Тагнай эрвэгнэвэл үзэсгэлэнтэй болно. Бүх бие татвал аюул болохын нигуур. Шилбэний мах татвал дам үг ирнэ. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал бие эрхтний хүч сайжирна.
-
2015 оны 12 сарын 15
2015 оны 12 дугаар сарын 14-ний 20 цагаас 12 дугаар сарын 15-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи баруун өмнөөс секундэд 5-10 метр. Идэр, Тэс голын хөндий, Хүрэн бэлчир орчмоор шөнөдөө 29-34 градус, өдөртөө 15-20 градус, Алтайн өвөр говиор шөнөдөө 11-16 градус, өдөртөө 3-8 градус, бусад нутгаар шөнөдөө 20-25 градус, өдөртөө 8-13 градус хүйтэн байна.
ТӨВИЙН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр цас орж, зөөлөн цасан шуурга шуурна. Өдөртөө цас орохгүй. Салхи баруунаас секундэд 6-11 метр. Дархадын хотгороор шөнөдөө 29-34 градус, өдөртөө 18-23 градус, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 23-28 градус, өдөртөө 12-17 градус, бусад нутгаар шөнөдөө 17-22 градус, өдөртөө 8-13 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Зарим газраар цас орж, зөөлөн цасан шуурга шуурна. Салхи баруун хойноос секундэд 7-12 метр. Хэрлэн, Онон, Улз, Халх голын саваар шөнөдөө 24-29 градус, өдөртөө 16-21 градус, бусад нутгаар шөнөдөө 19-24 градус, өдөртөө 13-18 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 7-12 метр. Шөнөдөө 24-26 градус, өдөртөө 14-16 градус хүйтэн байна.
ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр бага зэргийн цас орно. Өдөртөө цас орохгүй. Салхи баруун хойноос секундэд 5-10 метр, өдөртөө зарим газраар секундэд 12-14 метр хүрч ширүүснэ. Өмнөговийн нутгаар шөнөдөө 14-19 градус, өдөртөө 4-9 градус, бусад нутгаар шөнөдөө 18-23 градус, өдөртөө 9-14 градус хүйтэн байна.
УЛААНБААТАР ХОТ: Үүлэрхэг. Шөнөдөө бага зэргийн цас орно. Өдөртөө цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 23-25 градус, бусад хэсгээр 17-19 градус, өдөртөө 12-14 градус хүйтэн байна.
-
2015 оны 12 сарын 14
2015 оны 12 дугаар сарын 4-нөөс 6-нд шилжих шөнө 00 цагийн үед Баянгол дүүргийн нутаг дэвсгэрт иргэн Э.Б нар нь гэртээ харих замдаа сэжиг бүхий 2 этгээдэд гар утас, мөнгө, бусад эд зүйлсээ дээрэмдүүллээ гэсэн мэдээллийн дагуу Баянгол дүүрэг дэх цагдаагийн 2 дугаар хэлтсийн алба хаагчид гэмтнүүдийг шуурхай эрэн сурвалжлан баривчилж, гэмт этгээд Ц.Э.Н нар болохыг тогтоон, сэжигтнээр холбогдуулан шалгаж байна.
-
2015 оны 12 сарын 14
Төрсөн ах дүүс банк дээрэмджээ
-
2015 оны 12 сарын 14
: БГД-ийн нутаг Дүүхээгийн хойд замд Т.Prius маркийн авто машины жолооч нь явган зорчигч 11 настай эрэгтэй Д-г өмрөгж гэмтээн хэргийн газрыг орхиж явсан.
Налайх дүүргийн Мон сул ШТС-н баруун замд T.Allex маркийн авто машины жолооч Е нь явган зорчигч 73 настай эрэгтэй П-г мөргөж амь насыг нь хохироосон.
Цас орж ихэнх замууд хальтиргаа гулгаа ихтэй байх тул замын хөдөлгөөнд оролцож буй жолооч нар нь тээж яваа ачаа, замын зорчих хэсэг гадаргууны байдалд хажуу болон хоорондийг зайг тээврийн хэрэгслийн хурдаас хамааруулан зөв сонгож анхаарал болгоомжтой замын хөдөлгөөнд оролцохыг зөвлөж байна.
-
2015 оны 12 сарын 14
2015 оны 12 дугаар сарын 12, 13-ны өдрүүд буюу амралтын өдрүүдэд Улаанбаатар хотын Замын цагдаагийн газрын ЖШУХ дээр нийт дуудлага мэдээ мэдээлэл хүлээн 652 авснаас зам тээврийн ослын 518 дуудлага бүртгэгдсэн байна. Үүнээс ХАБАЖЭГХэрэг 13 бүртгэгдэж 14 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 2, явган зорчигч 2, Зам тээврийн осолд 2 хүүхэд өртсөн. Үүнээс сургуулийн өмнөх насны 0, сургуулийн насны 2 хүүхэд. Согтуугаар тээврийн хэрэгсэл жолоодсон 102 жолоочийг илрүүлж гарч болзошгүй осол хэргээс урьдчилан сэргийлж ажилласан .
-
2015 оны 12 сарын 14
Үнэлэх:
Одоогийн үнэлгээ:
Сэтгэгдэл Илгээх Хэвлэх
More Sharing ServicesShare
|
Share on facebook
Share on myspace
Share on google
Share on twitter
Цахим газар өмчлөлийн V ээлж эхэллээ
12 минутын өмнө
Цахим газар өмчлөлийн тавдугаар ээлж өнөөдөр 12.00 цагт эхэллээ. Энэ удаагийн цахим газар өмчлөл нийслэлийн долоон дүүргийн 52 байршилд 15309 га талбайд газар олгох юм байна. Цахим газар өмчлөл 15 хоног үргэлжилэх бөгөөд та www.umch.ub.gov.mn хуудсаар бүртгүүлнэ.
Дашрамд дуулгахад, өнгөрөгч зун газар өмчлөлийн дөрөвдүгээр ээлж болсон юм. Дөрөвдүгээр ээлжид Баянзүрх, Сонгинохайрхан, Хан-Уул дүүргийн нийт 22 байршлын 8727 га газарт 34857 иргэнд газар өмчлүүлэхээр зарлагдсан билээ.
-
2015 оны 12 сарын 14
Худалдаа хөгжлийн банкинд халдаж, 360 гаруй сая төгрөг дээрэмдсэн ноцтой хэрэг өчигдөр гарсан. Тодруулбал, ням гарагийн өглөө 10.00 цагийн орчим Сонгинохайрхан дүүргийн 18 дугаар хорооны нутаг дэвсгэр буюу Таван шард байрлах Худалдаа хөгжлийн банкинд дээрэмчин этгээдүүд халдаж, их хэмжээний мөнгө дээрэмдсэн юм.
Тэгвэл цагдаагийн албан хаагчид шуурхай ажиллан эрэн сурвалжсаны эцэст гэмт этгээдүүдийг баривчилсан байна. Энэ талаараа албан ёсоор 14.00 цагт ЦЕГ-т мэдээлэл хийхээр болжээ.
-
2015 оны 12 сарын 14
“Сонгох эрх” нийгэмд үйлчлэх төрийн бус байгууллага Хүний эрхийн өдрийг тохиолдуулан Монгол Улсын Хөдөлмөрийн баатар цолтой найман ахмадыг хүлээн авч, хүндэтгэл үзүүллээ. Тус төрийн бус байгууллага нь хууль зүйн зөвлөгөө, эрх зүйн боловсролын чиглэлээр үйл ажиллагаа явуулдаг юм. Энэ үеэр Монголын Хөдөлмөрийн Баатруудын Холбооны Ерөнхийлөгч Р.Батнасан болон “Сонгох эрх” ТББ-ын Гүйцэтгэх захирал Б.Ганцэцэг нар хамтран ажиллах санамж бичигт гарын үсэг зурж, жил бүрийн Хүний эрхийн өдрийг хамтран тэмдэглэхээр боллоо. Энэ үйл ажиллагаанд Хөдөлмөрийн баатар Ц.Амгалан, Б.Гүнжинлхам, Д.Дармаа, Р.Батнасан, Д.Сэдбазар, Ё.Норовсүрэн, З.Ойдов, Б.Түмэн нар хүрэлцэн ирсэн юм.
-
2015 оны 12 сарын 14
Оюуны спортын тамирчид БНХАУ-ыг зорилоо
Ой тогтоолтын дэлхийн аварга шалгаруулах 24 дэх удаагийн тэмцээн БНХАУ-ын Чэнду хотод өнөөдөр эхэлнэ. Дөрвөн өдрийн турш үргэлжлэх эл тэмцээнд оролцох Монголын оюун ухааны академийн 20 тамирчин багш дасгалжуулагчийн хамт тус улсыг зорилоо. Тамирчид бага, дунд, насанд хүрэгчдийн ангилалд цээж бодолт болон ой тогтоолтын тус бүр таван төрөлд өрсөлдөх аж. Үүнд, нэр, зүс царай, хөзөр, тооны марафон, хоёртын тоолол, харааны ой тогтоолт, олон оронтой тооны нийлбэр, үржвэр, язгуур олох, хүн хуанли буюу он, cap, өдөр ашиглан гариг олох, флаш анзан буюу дэлгэцэнд хурдтай гарах цифрүүдийн нийлбэр олох төрөл багтжээ. Манай тамирчид өнөөг хуртэл оюуны спортын олон улсын 33 тэмцээнд амжилттай оролцон 458 медаль хүртээд буй аж.
-
2015 оны 12 сарын 14
СХД-ийн 18 дугаар хороо, Геологийн төв лабраторийн баруун талд байрлалтай “БСБ Электроникс” суперсторын байран дахь Худалдаа хөгжлийн банкинд өчигдөр 09.50 цагийн үед зэвсэглэсэн этгээдүүд халдаж, 360 орчим сая төгрөг дээрэмдсэн талаарх мэдээллийг бид хүргэсэн.
Тэгвэл уг этгээдүүд 25-30 орчим насны хоёр эрэгтэй байсан бөгөөд хар баг өмссөн, нэг нь Дарвинк буутай байсныг банкны ажилтан мэдээлжээ.
Одоогоор хэрэгтнүүдийг улс орон даяар эрэн сурвалжилж байгаа аж. Мөн банкны ажилтанг саатуулж мэдүүлэг аваад эхэлжээ. Одоогоор Худалдаа хөгжлийн банкны халдлагад өртсөн салбарыг хаан, цагдаагийн хамгаалалт гаргаад байна.
-
2015 оны 12 сарын 14
Улаан-Үүд рүү энэ сарын 10-нд буюу өнгөрсөн пүрэв гаригт хувийн автомашинаар зорчиж явсан манай улсын зургаан иргэн зам тээврийн осолд орж, газар дээрээ амиа алдсан харамсалтай хэрэг гарчээ. Уг ослоос эцэг эхтэйгээ хамт явж байсан зургаан настай хүүхэд ганцаараа амьд үлдсэн байна. Хүүхдийг өнгөрсөн амралтын өдөр эх оронд нь авчирч, ойрын хамаатнуудад нь хүлээлгэн өгчээ. Энэ талаар ГХЯ-ны эх сурвалжаас тодруулахад “Авто осол гарч, хүмүүс амиа алдсан нь үнэн. Осол Оросын талд гарсан учраас тэндэхийн шинжээчид, цагдаагийнхан ажиллаж байгаа. Манайхан бүрэн бус автомашинаар хилээр гарч, хурд хэтрүүлсний улмаас зам тээврийн осолд өртөх явдал гардаг” гэв.
-
2015 оны 12 сарын 14
БАЯНХОНГОР АЙМАГТ ГАЗАР ХӨДӨЛЖЭЭ
Тус вймгийн Нпянговь сумыи тевоөс баруун хойл чүгт 28 км-т энч
сарын 10-ны 22.47 цагг 4.7 магнитутын хүчтэй газар ходлолт болсон тухай мэдээллийг албаны чх сурвалж мадээллээ.Эиэ үсчр Баянговь, Богд, Баянхонгор сумын иргэдчд хүчтэй чичирхийлчл мчдрэгдсэн байна. Мвн Бвянговь. Баянлиг суманд учирсан хохирлыг тогтоохоор
аймгийн Онцгой байдлын гачрын гурван албан хаагч, Мэргэжлийн хяналтын газрын найм, Гачрып харилцаи, барилга хот байгуулалтын гачрын лөрөв, аймгийн хөгжлийн бодлогын хчлтсийн хойр, аймгийн Засаг даргын Тамгын гачрын хэвлэл мэдэчллийн нэг, нийт 17 хүний бүрчлдэхүүнтчй ажлын хчсэг ажиллаж байна,
-
2015 оны 12 сарын 14
Нийслэлийн 24-р сургуулийн цайны газарт газ дэлбэрчээ
-
2015 оны 12 сарын 14
Өнөөдөр нутгийн зүүн хагаст цас орж, цасан шуурга шуурч хүйтрэхийг малчид, тээвэрчид, ард иргэдэд анхааруулж байна.
Ус цаг уурын орчны хүрээлэнгээс өгч буй мэдээллээр өнөөдөр нутгийн зүүн хагаст үүлэрхэг, бусад нутгаар багавтар үүлтэй. Говь болон төвийн нутгийн зүүн хэсэг, зүүн зүгийн нутгийн зарим газраар цас орж, цасан шуурга шуурна. Салхи баруун хойноос секундэд 7-12 метр. Дархадын хотгор, Идэр, Тэс голын хөндий, Хүрэн бэлчир орчмоор 16-21 градус, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон голын сав газраар 11-16 градус, говийн бүс нутгийн өмнөд хэсгээр 4-9 градус, бусад нутгаар 8-13 градус хүйтэн байна.
Улаанбаатар хотод үүлэрхэг, бага зэргийн цас орно. Салхи баруун хойноос секундэд 6-11 метр. 11-13 градус хүйтэн байна. Өглөө 05 цагт Улаанбаатарт 14 градус хүйтэн, харьцангуй чийг 84 хувь, агаарын даралт 868 гектопаскаль байлаа. Даралт өдөртөө өснө.
Энэ сарын 15-нд нутгийн зүүн хэсгээр цас орж, цасан шуурга шуурна. Салхи 15, 17-нд зүүн зүгийн нутгаар секундэд 12-14 метр хүрч ширүүснэ. Ихэнх хугацаанд Дархадын хотгор, Хүрэн бэлчир, Идэр, Тэс голын хөндийгөөр шөнөдөө 28-33 градус, өдөртөө 15-20 градус, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын саваар шөнөдөө 20-25 градус, өдөртөө 10-15 градус, говийн бүс нутгийн өмнөд хэсгээр шөнөдөө 11-16 градус, өдөртөө 3-8 градус, бусад нутгаар шөнөдөө 15-20 градус, өдөртөө 7-12 градус хүйтэн байх төлөвтэй байна.
-
2015 оны 12 сарын 14
БГД-17 “ГССҮТөвд гэмтсэн хүн ирж хэвтлээ” гэсэн мэдээллийг 12-р сарын 12-нд авч шалгахад: БГД-17 хороонд суух Х /эр.10н/ нь буцалсан усанд түлэгдэн хэвтэн эмчлүүлж байгааг БГДЦХ-1 шалгаж байна
