Монгол Улсын Ерөнхийлөгч 2017 оны төсвийн тодотголд бүхэлд нь хориг тавиад буй. Энэ удаагийн төсвийн тодотголыг хууль зөрчсөн, бодлогын зарчмаа баримтлаагүй гэсэн шалтгаанаар Ерөнхийлөгч хориг тавьсан. Тэгвэл өнөөдрийн чуулганы нэгдсэн хуралдаанаар тус хоригийг хүлээж авах эсэхийг хэлэлцэх юм. Байнгын хороодууд Монгол Улсын Ерөнхийлөгчийн тавьсан хоригийг хүлээж авахгүй гэдэгт санал нэгдсэн. Харин УИХ дахь намын бүлгүүд уг асуудалд өөр өөр байр суурьтай байгаа. Тодотговол Ардчилсан намын бүлэг Ерөнхийлөгчийн хоригийг дэмжиж, төсвийн тодотгол хууль зөрчсөн хэмээн үзэж байгаа бол МАН-ын бүлгийнхэн хууль зөрчөөгүй учир дэмжихгүй гэдгээ илэрхийлсэн. Ямартай ч УИХ дахь намын бүлгүүдийг хоёр хуваагаад буй Ерөнхийлөгчийн хоригийн талаарх намуудын байр суурийг “24VS 24” буландаа онцолж байна.
Хууль зөрчсөн төсвийн тодотголд Ерөнхийлөгч хориг тавьсан нь зөв
УИХ дахь АН-ын бүлэг 2018 оны төсвийн тодотгол Төсвийн хууль зөрчиж орж ирсэнучраас дэмжих боломжгүй гэдгээ эхнээсээ илэрхийлсэн. Энэ тал дээрээ бүлэг санал нэг байгаа гэдгээ мэдэгдсэн юм.
Тус намны бүлгийн дарга Д.Эрдэнэбат “АН-ын бүлгийн зүгээс Төсвийн тодотголын асуудалд АН-ын бүлэг байр сууриа хэвээр хадгалж байгаа. Уг тодотгол нь Төсвийн тухай хуулийг зөрчиж орж ирсэн байгаа.Ерөнхийлөгчийн хоригийн тухайд бол хууль зөрчсөн, бодлогын зарчмаа баримтлаагүй гэсэн шалтгаанаар бүхэлд нь хориг тавьсан байгаа.Төсвийн тухай хуулийн 6.2.5, 6.3-ийн заалтуудыг бүхэлд нь зөрчсөн учраас хориг тавьсныг бүлэг дэмжиж байгаа.Тиймээс богино хугацаа үлдсэн учир энэ богино хугацаанд төсвийн асуудалд хэд хэдэн бодлогын шинжтэй зүйлийг анхаарах шаардлагатай байна.Олон улсын санхүүгийн байгууллагын шахалтаар Монголын хууль хүчгүйдэж болохгүй.
Өвөлжилт хүндрэх тийшээ болж байгаа энэ үед Төсвийн тодотголоо хэлэлцэх шаардлагатай гэж АН үзэж байна. Бид дээрх асуудлаа байнгын шаардаж ажиллана.АН-ын бүлэг энэ асуудлаар завсарлага авахгүй.Ард иргэдийн амьдрал хүнд хэвээр байна.Эрх баригчид хөөсөрсөн улс төрөө зогсоох хэрэгтэй.Ард иргэд мөнгөгүй, мөнгө хүлээсэн байдалтай байна.Тиймээс Төсвийн тодотголыг дэмжээд явна хэмээлээ.УИХ дахь АН-ын бүлгийн дэд дарга З.Нарантуяа "Хөрөнгө оруулалтынхаа үр ашгийг тооцох хэрэгтэй.Эргээд үр өгөөж болох хөрөнгө оруулалт тун бага.Зардал нэмэх хөрөнгө оруулалт байна.Төсвийн сахилгыг барьдаг жишиг хэрэгтэй.Тохироонд хүрэхээрээ зарчмаа мартдаг байж болохгүй" гэдгийг тодотгосон. |
МАН: Ерөнхийлөгчийн хоригийг хүлээж авах боломжгүй
УИХ дахь МАН-ын бүлэг энэ оны төсвийн тодотголд тавьсан Ерөнхийлөгчийн хоригийг хүлээн авах боломжгүй гэж үзээд буй.Энэ талаар бүлгийн дарга Хаяннхярваа “Бүлгийн хуралдаанаар 2018 оны төсвийн төслийг хэлэлцлээ. УИХ-ын даргын захирамжаар байгуулагдсан ажлын хэсэг 2018 оны төсвийн төсөл ямар нэг хууль тогтоомжийг зөрчөөгүй гэж үзсэн.Бүлгийн хурлын ирц 70 гаруй хувьтай байсан.Бүлгийн хуралдаанд оролцсон гишүүд 100 хувийн саналаар Ерөнхийлөгчийн хоригийг хүлээж авахгүй гэсэн.Өмнөх хориг дээр зарим гишүүн нь бүлгийн хуралд оролцоогүй байсан.УИХ-ын чуулганы хуралдаанд өөрсдийн байр сууриа илэрхийлсэн байх.Энэ удаад ч гэсэн хуралдаанд оролцсон гишүүд 100 хувийн саналаар дэмжсэн учраас Ерөнхийлөгчийн хоригийг хүлээж авахгүй гэж асуудал гарахгүй байх гэж найдаж байна.
2018 оны төсвийн төслийг өргөн барихдаа Засгийн газар ОУВС-тай хоёр зүйлийг тохирсон.Үүнд, зарлага нэмэхийг тулд орлого нэмэгдүүлэхийг хориглосон, төсвийн алдагдлыг найман хувьд барих ёстой гэдэг дээр талууд тохиролцсон. 2017 оны жилийн эцсийн тодотголоор 2,7 их наядын алдагдал буюу ДНБ-ний 9,5 хувьтай байгаа юм. Үүнийг 1,5 хувиар бууруулж оруулж ирж байгаа учраас төсвийн алдагдлыг нэмэх боломжгүй болж байгаа юм. Төсвийн тогтовортой байдал, төсвийн хүрээний мэдэгдэлд өрийн хэмжээг ДНБ-ний 80 хувиас хэтрэхгүй байхаар тусгасан. 2018 онд Засгийн газар ДНБ-ний 76,1 хувьд байхаар оруулж ирсэн. Тиймээс энэ нь хуульд бүрэн нийцэж байна гэж үзэж байгаа.
Төсвийн тодотгол баталсны дараа шууд хэрэгжих ёстой байсан ч Ерөнхийлөгч 14 хоногийн дараа хориг тавьсан.Тиймээс бид Ерөнхийлөгчийн хоригийг хэлэлцээд, хүлээж авна, авахгүй гэсэн шийдвэр гаргахаас нааш ямар ч санхүүжилт олгогдохгүй” гэдгийг тодотгосон. |
Сэтгэгдэл (4)