Дорноговь аймгийн Гурван сайхан сумд орших Салхитын мөнгөний ордтой холбоотой авлигын хэрэг олны анхаарлын төвд байдаг.

Тэгвэл энэ хэрэгт сэжиглэгдэн шалгагдаж байсан долоон хүнийг ялласан байна. Яллах дүгнэлт Цагдаагийн байгууллагаас АТГ руу шилжсэн бөгөөд ордыг худалдан авсан гэх БНХАУ-ын хоёр иргэнийг мөн яллагдагчаар татан шалгаж байгаа аж. Тус авлигын хэрэг нь Салхитын мөнгөний ордыг монгол улсын иргэдээс худалдан авсан гэх БНХАУ-ын иргэдээс үүдэлтэй асуудал юм байна. Одоо АТГ-т хамжигчаар оролцсон бүх хүнээс байцаалт мэдүүлэг авч байгаа аж. Шалгагдаж буй хүмүүст ихэвчлэн хууль хүчний албан тушаалтан байгаа ажээ.

Өмнө нь энэ хэрэгт Ш.Мөнгөншагай, Г.Жаргалан, ГИХГ-ын дэд дарга асан Б.Цолмон, Хан-Уул дүүргийн цагдаагийн хэлтсийн тасгийн Г.Алтан-Очир, (ШШҮХ)-гийн Криминалистикийн шинжилгээний газрын дарга, дэд хурандаа Д.Адилбаяр, ахлах шинжээч Э.Солонго, шинжээч Ж.Тамир, С.Сэлэнгэ нарыг холбогдуулан цагдан хорьж шалгаж байсан.

Р.Хишигжаргал