Энэ сарын 15-ны өдөр Шинэ Зеландын исламын сүмд зэвсэгт этгээд ганцаарчилсан халдлага зохион байгуулсны улмаас 50 хүний амь үрэгдсэн. Уг аллагыг Фэйсбүүкээр шууд дамжуулж, олон хүнийг цочролд оруулжээ.

Иймээс фэйсбүүк компанийн үйл ажиллагаа эрхэлсэн дэд ерөнхийлөгч Шэрил Сандбэрг фэйсбүүкт “LIVE” дүрс дамжуулах боломжийг хязгаарлах талаар судалж байгаагаа блог хуудсанаа мэдээлжээ. Иймд Фэйсбүүк сүлжээнд хэн “LIVE” дамжуулж болох, болохгүйг тухайн хэрэглэгчийн өмнө нь гаргаж байсан үйлдэл дээр үндэслэн шийддэг байхаар судалж эхэлжээ.

Хэрвээ тухайн хүн Фэйсбүүкийн бодлогод харш, зохисгүй агуулгатай зүйл тараах оролдлого гаргаж байсан бол дүрс шууд дамжуулах эрхгүй болж магадгүй.

Р.Хишигжаргал