Анх 1930 онд Уругвайд эхлэлээ тавьж, өдгөө Катарт 92 дахь жилдээ 22 дахь удаагаа зохиогдсон хөлбөмбөгийн ДАШТ өндөрлөж, Аргентины шигшээ баг түүхэндээ гурав дахиа аваргын цомыг өргөсөн билээ. Тэгвэл ДАШТ болгоны дараа шинэчлэгддэг дэлхийн чансааг дэлхийн таван удаагийн аварга Бразилын шигшээ баг тэргүүлж байна.
Тэдний араас отгон дэлхийн аварга Аргентин хоёр байр урагшилж, аман хүзүүнд бичигдэж эхэлсэн бол Франц, Бельги, Английн шигшээ багууд удаалав. Түүнчлэн дэлхийн аваргад хагас шигшээд тоглож, Хорватын шигшээд ялагдсан Мароккогийн баг том үсрэлт хийж 22-оос 11 дүгээр байр руу орж ирлээ. Тэгвэл хөлбөмбөгийн агуу түүх уламжлалтай, дэлхийн дөрвөн удаагийн аварга Германы шигшээ баг АНУ-ын ард 14 дүгээр байрт бичигдсэн нь томоохон дуулиан тариад байна.
Л.Сайнаа
