Отгон дэлхийн аварга Аргентины шигшээ багийн ахлагч Леонел Месси өөрийн фейсбүүк хуудаснаа шүтэн бишрэгчдэдээ хандан ийн өгүүлжээ. 

Тэрбээр "Португалын Грандолоос эхлээд Катарт болсон энэ дэлхийн аварга шалгаруулах тэмцээн хүртэл бараг 30 жил өнгөрчээ. Хөлбөмбөг надад баяр баясгалан, бас уйтгар гуниг төрүүлсэн он жилүүд ард үлдсэн байна. 

Би үргэлж Дэлхийн аварга болохыг мөрөөддөг байсан. Энэ миний бүхий л амьдралын зорилго, хүүхэд насны мөрөөдөл байлаа. Гэхдээ хэзээ ч дэлхийн аварга болж чадахгүй гэдэгтэйгээ бүр мөсөн  эвлэрчихсэн байсан ч зогсохыг хүсээгүй минь өнөөдрийн энэ амжилтыг надад авч ирсэн байх. 2014 онд Бразилд болсон дэлхийн аварга шалгаруулах тэмцээнд оролцож чадаагүй, мөн финал хүртэл надтай хамт тэмцэж, шаргуу хөдөлмөрлөсөн бүх Аргентин тоглогчид энэ цомыг хүртэх эрхтэй. Төдийгөөс өдий хүртэл Аргентины шигшээ багийн төлөө нулимс, хүч, ухаанаа зольсон хэнд ч энэ алдар очих болно. 

Диего Марадона биднийг тэнгэрээс  харж, бидэнд бурхны хүчийг бэлэглэсэн байх. Мөн бидний нэг зорилготойгоор нэг хүн шиг байж чаддаг нь өнөөдрийн энэ амжилтад хүргэсэн юм шүү.

Мэдээжийн хэрэг багийн гишүүд, дасгалжуулагчийн баг, шигшээ багийн арын албаныхан гээд л бүгд бидний ажлыг хөнгөвчлөхийн тулд өдөр шөнөгүй ажилладаг. Ихэнх тохиолдолд бүтэлгүйтэл нь суралцахын нэг хэсэг бөгөөд урам хугарч, ялагдахгүйгээр амжилтад хүрэх боломжгүй гэдгийг би мэднэ. Дэлхий даяар биднийг дэмждэг бүх хүмүүст чин сэтгэлээсээ, маш их баярлаж буйгаа хэлмээр байна" гэжээ. 

Л.Сайнаа