Өчигдөр /2023.01.03/ Саудын Арабын "Аль Насыр" клубийн зүгээс дэлхийн шилдэг хөлбөмбөгчдийн нэг, Португалийн шилдэг хөлбөмбөгч Кристиано Роналдуг "Мрсул-парк" цэнгэлдэх хүрээлэнд албан ёсоор танилцуулж, 30 мянга гаруй хөгжөөн дэмжигч цугларчээ.  

Роналду тус багтай 2025 он хүртэл гэрээ байгуулсан бөгөөд жилийн 200 сая еврогоор цалинжих юм. Олон улсын хэвлэлүүдийн нийтэлж буйгаар Роналду багийн гол тоглогч байхаасаа илүү олон улсад нүүр царай нь болох төлөвтэй байна. 

Замналынхаа оргил үеийг Английн алдарт Манчестер Юнайтед, Испанийн Реал Мадридад өнгөрөөсөн түүний энэ шийдвэрт зарим үнэнч хөгжөөн дэмжигчид нь сэтгэл дундуур байгаа ажээ. 

Л.Сайнаа