“Улаанбаатар дулааны” ТӨХК дулааны шугамыг шинэчлэн солих ажилтай холбоотойгоор долдугаар сарын 18-ны өдрөөс эхлэн халуун ус хязгаарлаж эхэлсэн.

Чөлөөт бөхийн 2017 оны залууучуудын Дэлхийн аварга шалгаруулах тэмцээн наймдугаар сарын 1-5-нд Финландын Тампере хотод болно. Тус тэмцээнд оролцох Монголын баг тамирчид өнөөдөр эх орноосоо мордлоо. Скандинавын хойгт манай улсаас эрэгтэйчүүдийн 50 кг-ын жинд Н.Насанбуян (Хасу-Мегастарс), 60 кг-д Ц.Цогбадрах (Алдар), 66 кг-д Энхтуяагийн Тэмүүлэн (Хасу-Мегастарс), 84 кг-д М.Цогтгэрэл (Ирээдүйн одод), 125 кг-д Д.Эрдэнэтулга (Аварга), эмэгтэйчүүдийн 44 кг-д Г.Пүрэвсүрэн (Налайх), 48 кг-д Б.Чимгээ (Хангарьд), 55 кг-д Б.Болортуяа (Женко), 59 кг-д Б.Болор-Эрдэнэ (Алдар), 63 кг-д Э.Дэлгэрмаа (Хасу-Мегастарс), 67 кг-д Э.Даваанасан (Алдар), 72 кг-д Б.Цэцэгбаяр (Арслан) гэсэн 12 тамирчин Монгол Улсын гавьяат дасгалжуулагч Т.Сүхбаатар (Женко), спортын мастер Ё.Батдархан (Хасу-Мегастарс), олон улсын нэгдүгээр зэргийн шүүгч Ц.Сэрээтэрийн хамт оролцоно. Монголын бөхчүүдээс залуучуудын дэлхийн аваргад гавьяат тамирчин Адуучийн Баатархүү “Улаанбаатар-1979”, ОУХМ Сүрэнгийн Эрдэнэбаяр “Улаанбаатар-1989”, Төмөрийн Даваахуяг “Бээжин-2007”, гавьяат тамирчин Эрдэнэбатын Бэхбаяр, ОУХМ Эрхэмбаярын Даваачимэг “Паттая-2012”, гавьяат тамирчин Сүхээгийн Цэрэнчимэд “Софи-2013”, ОУХМ Алтанцэцэгийн Батцэцэг “Загреб-2014”-д түрүүлж байв.

Чингэлтэй дүүргийн 19 дүгээр хороо, Яргайтын богины 1,6 км авто замыг засаж байна. Энэ сары

Монгол Улсын Ерөнхий сайд Ж.Эрдэнэбат өнөөдөр ОУВС-гийн Монгол Улсыг хариуцсан Ажлын хэсгийн ахлагч Коши Ма тэргүүтэй төлөөлөгчдийг хүлээн авч уулзлаа.

Уулзалтын зорилго нь ОУВС-гийн Монгол Улсыг хариуцсан Ажлын хэсгийн ахлагч Коши Ма өөр ажилд шилжиж буйтай холбогдуулан манай улсад сүүлийн удаа ажиллаж, Монгол Улсын ОУВС-тай хамтран хэрэгжүүлж буй “Өргөтгөсөн санхүүжилтийн хөтөлбөр”-ийн явцыг мэдээлэхэд оршиж байв.

Монгол Улсын Ерөнхий сайд Ж.Эрдэнэбат эдийн засгийн хүндрэлийг даван туулахын төлөө Засгийн газар ихээхэн анхаарал хандуулж, ОУВС-тай цаашдаа ч тууштай хамтарч ажиллах байр суурьтай байгаагаа илэрхийллээ.

Монгол Улсын эдийн засагт тулгараад байсан өрийн хямралыг даван туулах, төсвийн орлогыг нэмэгдүүлэх, макро эдийн засгийн үзүүлэлт сайжрахад Ерөнхий сайдын манлайлал онцгой ач холбогдолтой байсныг ОУВС-гийн төлөөлөгч тэмдэглэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

09.30 цагт Бэтүв хийдэд Бакула Ринбүчи багшийг Арслант ширээнд залах еслол болно.

10.00 цагт Төрийн ордонд ХХААХҮ-ийн сайд П.Сэргэлэн 21 аймгийн Засаг дарга нартай өвөлжилтийн бэлтгэл, газар тариалан болон отор нүүдлийн талаар цахим хурал хийнэ.

10.00 цагт НЗДТГ-ын байранд сонгуулийн өмнө гарсан 60 тэрбум төгрөгийн маргааны талаар МАХН-аас НИТХ дахь МАН болон АН-ын бүлэгт хүргүүлсэн шаардлагын хариуг нэхнэ.

11.00 цагт “Монгол Ньюс” мэдээллийн төвд ”Элэг бүтэн Монгол хөтөлбөр”-ийг санаачлагч Оном сангаас 65-аас дээш настай иргэдийг В, С вирүсийн илрүүлэх шинжилгээнд үнэ төлбөргүй хамруулах талаар мэдээлэл хийнэ.

14.00 цагт Blue Sky зочид буудалд “Монгол, БНХАУ-ын бизнес уулзалт” болно.

imagesАялал жуулчлалын улирал эхэлсэнтэй холбогдуулан жуулчдад зориулсан олон арга хэмжээ зохион байгуулагдаж байгаагийн нэг нь ”Сарлагийн наадам” юм. Жил бүр Өвөрхангай аймагт уламжлал болгон зохион байгуулагддаг тус наадам энэ жил Бат-Өлзий сумын нутаг Улаан цутгалангийн хүрхрээнээс баруун хойш найман километрт оршдог Өндөр Хясаа гэдэг газар болж байна.

...”Мэнгэт хайрхан” Ц.Нямдоржийн хувьд олон жилийн хур туршлага, хорон үг хоёроо хоршуулж байгаад дайраад, даваад гарах хүч бий. Харин У.Хүрэлсүх өөрийгөө Монголын Путин гэж боддог ч байж магадгүй...

Сүүлийн өдрүүдэд Их Британи Умард Ирландын Нэгдсэн Вант Улсад суух Онц бөгөөд Бүрэн эрхт Элчин сайд Санжаагийн Баяр, Шведийн Вант Улсад суух Онц бөгөөд Бүрэн эрхт Элчин сайд М.Энхсайхан нарыг эргүүлэн татах асуудал нэлээд хурцдаж, Ерөнхийлөгчийн Тамгын газар, УИХ-ын Тамгын газрын хооронд хатуу үгтэй албан бичиг хөврөх болов.

Өнөөдөр буюу долоодугаар сарын 26-ний лхагва гарагт хоёр дүүрэгт цахилгаан хязгаарлана. Иймд хэрэглэгчид засвар хийх хугацаанд хэрэглээгээ түр зохицуулна уу.

Үс засуулбал: Бие эрхтний хүч сайжирна

2017 оны 07 дугаар сарын 26-ны 16 цагаас 22 цаг хүртэл: Багавтар үүлтэй. Бороо орохгүй. Салхи баруун өмнөөс секундэд 5-10 метр. 17 цагт 23 хэм, 20 цагт 21 хэм дулаан байна.

Малчид, иргэдэд зориулсан мэдээ: Ойрын өдрүүдэд нутгийн зарим газраар түр зуурын дуу цахилгаантай бороо орж, өдөртөө ихэнх нутгаар хална.

2017 оны 07 дугаар сарын 26-ны 20 цагаас 07 дугаар сарын 27-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө зарим газраар түр зуурын бороо орно. Дуу цахилгаантай. Салхи баруун өмнөөс секундэд 6-11 метр, борооны өмнө түр зуур секундэд 16-18 метр ширүүснэ. Хангайн уулархаг нутгаар шөнөдөө 6-11 хэм, өдөртөө 24-29 хэм, Алтайн өвөр говиор шөнөдөө 23-28 хэм, өдөртөө 33-38 хэм, бусад нутгаар шөнөдөө 12-17 хэм, өдөртөө 28-33 хэм дулаан байна.

ТӨВИЙН АЙМГУУДЫН НУТГААР: Шөнөдөө багавтар үүлтэй. Өдөртөө үүлшиж, зарим газраар түр зуурын бороо орно. Дуу цахилгаантай. Салхи баруун өмнөөс секундэд 6-11 метр, борооны өмнө түр зуур секундэд 16-18 метр ширүүснэ. Хангай, Хөвсгөл, Хэнтэйн уулархаг нутгаар шөнөдөө 5-10 хэм, өдөртөө 23-28 хэм, бусад нутгаар шөнөдөө 10-15 хэм, өдөртөө 28-33 хэм дулаан байна.

ЗҮҮН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр түр зуурын бороо орно. Дуу цахилгаантай. Өдөртөө бороо орохгүй. Салхи зүүн хойноос секундэд 7-12 метр. Шөнөдөө 9-14 хэм, өдөртөө 25-30 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи баруун хойноос секундэд 2-7 метр. Шөнөдөө 9-11 хэм, өдөртөө 25-27 хэм дулаан байна.

ГОВИЙН АЙМГУУДЫН НУТГААР: Үүлшинэ. Бороо орохгүй. Салхи баруун өмнөөс секундэд 5-10 метр, өдөртөө зарим газраар секундэд 12-14 метр хүрч ширүүснэ. Шөнөдөө 15-20 хэм, өдөртөө 30-35 хэм дулаан байна.

УЛААНБААТАР ХОТ: Багавтар үүлтэй. Бороо орохгүй. Салхи баруун өмнөөс секундэд 6-11 метр. Шөнөдөө 10-12 хэм, өдөртөө 28-30 хэм дулаан байна.

Дэлхийн зах зээл дээр 2017 оны 7 дугаар сарын 21-ний өдрийн арилжаагаар “Brent” төрлийн газрын тосны үнэ тонн нь 365.16 ам.долл /баррель 48.06 ($)/, “WTI” төрлийнх 357.14 ам.долл /баррель 45.77 ($)/ ханштайгаар хаагдсан нь өмнөх долоо хоногийн үзүүлэлттэй харьцуулахад “Brent” түүхий тос 1.74 хувь, “WTI” төрлийн түүхий тос 1.65 хувиар тус тус буурсан байна.

Сонсголын бэрхшээлтэй иргэдийн спортын зуны XXIII олимпийн наадам Туркийн Самсун хотод болж байна. Дөрвөн жил нэг удаа болдог энэ удаагийн наадамд дэлхийн 114 орны 3145 тамирчин спортын 21 төрөлд өрсөлдөж байгаа юм. Чөлөөт бөхийн төрөлд манай улсаас Өвөрхангай аймгийн “Их монголын хүчтэн” дэвжээний дасгалжуулагч Э.Баттүшиг, олимпийн зэрэглэлийн шүүгч Б.Төмөрбаатарын хамт гурван тамирчин оролцсоноос бүгд медаль хүртсэн бахдам амжилттайгаар эх орондоо ирэхээр болж байна. Самсуны дэвжээнд эрэгтэйчүүдийн 57 кг-ын жинд Намдагдоржийн Эрхэмбаяр, 65 кг-д Дорждагвын Чинзориг нар мөнгө, 74 кг-д Ширэндэвийн Батбаатар хүрэл медаль хүртэв. Манай тамирчид Туркэд хэрхэн барилдсаныг хүргэе.

57 кг: Өвөрхангай аймгийн тамирчин Н.Эрхэмбаяр Украины Сергей Сушевскиг 10:0-ээр, Болгарын Панаот Димитровыг 14:3-аар, Казахстаны Нурсултан Дуисембиевийг 16:6-гаар тус бүр оноогоор цэвэр ялж, алтан медалийн төлөөх барилдаанд Ираны Кейван Ростамабадид 15:16-гаар ялагдав. Өнгөрсөн жилийн өсвөр үеийн дэлхийн аварга, 18 настай түүнд дифлимпийн аварга болоход тун ойрхон байлаа.
65 кг: Д.Чинзориг шөвгийн наймд Энэтхэгийн Ажаи Кумарыг 12:8-аар, хагас шигшээд Армений Аргишти Бабаяныг 10:0-ээр ялж, алтан медалийн төлөөх барилдаанд Ираны Хосейн Нуридашлежехэд оноогоор цэвэр ялагдснаар мөнгөн медалийн эзэн болсон юм.
74 кг: Ш.Батбаатар шөвгийн наймд Казахстаны Чингисхан Алдибайевыг 7:3-аар ялж, хагас шигшээд Энэтхэгийн Вирендер Сингхт 4:6-гаар ялагдсан. Харин хүрэл медалийн төлөөх барилдаанд Беларусийн Максим Слапикийг 10:0-ээр ялж, 12 жилийн өмнө буюу 2005 онд Австралийн Мельбурнд болсон дифлимпийн наадмын медалиа ихэрлүүлж хос медальтан боллоо.
Сонирхуулахад, тэднээс өмнө гавьяат тамирчин Бадарчийн Отгонбаяр “Копенгаген-1997”, “Ром-2001”-д хүрэл, Милхаажавын Ганбат “Ром-2001”, Даваанямын Баасандорж “Софи-2013” дифлимпийн наадмаас мөнгөн медаль хүртэж байв.

Монголын хөрөнгийн биржийн 2017 оны 7 дугаар сарын 26-ны өдрийн ЗГҮЦ-ны өрсөлдөөнт арилжаагаар 28 долоо хоногийн хугацаатай, жилийн 11.7 хувийн хүүгийн хязгаар бүхий ЗГҮЦ-наас 33,042 ширхэг буюу 3.3 тэрбум төгрөгийн худалдан авах захиалга ирснийг Сангийн яам 100 хувь нийлүүллээ.

Энэхүү арилжаанд МХБ-ийн гишүүн үнэт цаасны компаниуд дараах байдлаар оролцов.

28 долоо хоногийн хугацаатай үнэт цаас нийт 70,000 ширхэг зарлагдсанаас:

№

Симбол

Компанийн нэр

Тоо /ширхэг/

Үнийн дүн /төг/

1

BDSC

”БиДиСек ҮЦК” ХК

16,353

1,635,300,000

2

BZIN

”Мирэ Эссэт Секьюритис Монгол ҮЦК” ХХК

15,000

1,500,000,000

3

TNGR

”Тэнгэр капитал ҮЦК” ХХК

1,649

164,900,000

4

SECP

”Сикап ҮЦК” ХХК

40

4,000,000

Нийт

33,042

3,304,200,000

Цагдаагийн байгууллагын үйл ажиллагааг дэмжих, алба хаагчдын ажиллах нөхцлийг сайжруулах зорилгоор орон нутгийн хөрөнгө оруулалтаар Дорноговь аймгийн Цагдаагийн газарт нэг бүрийн үнэ нь 14,5 сая төгрөг бүхий 2 ширхэг тээврийн хэрэгслийн “Зөөврийн хурд хэмжигч төхөөрөмж” хүлээлгэн өгснийг үйл ажиллагаанд ашиглаж эхлээд байна.
Дорноговь аймгийн нутаг дэвсгэрээр Улаанбаатараас Замын-Үүд чиглэлийн босоо тэнхлэгийн 408 км авто замд зам тээврийн осол, хэрэг гарахаас урьдчилан сэргийлэх зорилгоор Цагдаагийн газрын даргын тушаалаар “Хөдөлгөөнт эргүүл”-ийг Айраг, Сайншанд, Замын-Үүд сумдад тус бүр нэг нийт 3 чиглэлд 24 цагийн эргүүлийг ажиллуулж байна.
“Орон нутгийн зам-Хөдөлгөөний соёл” 4 сарын аяныг зохион байгуулж хөдөлгөөнт эргүүлийг ажиллуулснаар зам тээврийн осол, хэрэг өмнөх сараас буурсан үзүүлэлттэй байна.
Хөдөлгөөнт эргүүлд нийт нийт 120 гаруй алба хаагч үүрэг гүйцэтгэн ажиллах хугацаандаа 2157 тээврийн хэрэгсэл шалгаж, 719 зөрчил илрүүлэн хуулийн дагуу хариуцлага тооцлоо.
Замын хөдөлгөөнд оролцохдоо хурдаа тохируулж явах талаар “Хурдаа хас” тэмдэглэгээг 16 байршилд хийлгэж, мөн Замын-Үүд-Сайншанд-Айраг сумын чиглэлийн 40 км зам тутамд 1 “Модель цагдаа”-г байрлуулж замын хөдөлгөөнд оролцогчдын анхаарал, сонор сэрэмжийг дээшлүүлэх, зам тээврийн ослоос урьдчилан сэргийлэх зорилгоор ажиллаж байна.

Энэтхэгийн Мумбай хотноо энэ сарын 25-нд буюу өчигдөр 4 давхар байшин нурж унасны улмаас 8 хүн амиа алдсан харамсалтай хэрэг гарчээ. Байшинд 15 гэр бүл амьдарч байсан бөгөөд 18 хүнийг аварсан тухай цагдаагийн байгууллага мэдээлжээ.



Одоогоор аврах албаныхан барилгын нурангид даруулсан иргэдийг эрж хайх, аврах ажиллагааг үргэлжлүүлж байгаа ба 20 орчим хүн байшингийн нурангинд дарагдсан байж болзошгүй байна.



Энэтхэгийн телевизүүдийн мэдээлж буйгаар байшингийн 1 дүгээр давхарт байрлаж байсан дэлгүүрт засварын ажил хийсний улмаас уг барилга нурсан байж магадгүй аж.

Мөнгө угаахтай тэмцэх санхүүгийн арга хэмжээ хэрэгжүүлэх байгууллагын Ази Номхон далайн бүс нутгийн бүлгийн ээлжит жилийн хурал Шри Ланк улсад энэ сарын 16-наас 21-ний өдрүүдэд болж өнгөрлөө.

Энэ зуны хит бүтээлүүдийн нэг Wonder Woman киноны хоёрдугаар анги гарах тухай уран бүтээлчид нь албан ёсоор мэдэгдлээ. DC Comics-ын супер баатруудын түүхийг үргэлжлүүлсэн Wonder Woman кино нээлтээ хийсэн даруйдаа ашиг орлогоороо тэргүүлж, өндөр амжилт үзүүлсэн. Тэгвэл киног бүтээсэн Warners Bros кино компани Сан Диего хотноо үргэлжилж буй Comic-Con арга хэмжээний үеэр албан ёсны мэдэгдэл хийсэн байна.

Диана Принс буюу Wonder Woman-ы дүрд мэдээж жүжигчин Гал Гадот тоглоно. Харин найруулагчаар өмнөх ангийг бүтээсэн Пэтти Женкинс ажиллах эсэх нь тодорхойгүй байна.

Wonder Woman-2 киноны үйл явдал АНУ-д өрнөх тухай албан бус мэдээлэл ч гарчээ.

Монгол Улсын Төлөөллийн байгууллагыг бэхжүүлнэ

“IBM Week Mongolia” арга хэмжээ амжилттай боллоо
IBM корпорацийн IoT талбарын дэлхий даяархи боловсролын санаачлагын тэргүүн, хатагтай Гаяатри Маги Монголд хүрэлцэн ирж 2017 оны 7-р сарын 1-6- ны өдрүүдэд “Юмсын интернет”-ийн сургалт, IBM хакатоныг Мэдээлэл, технологийн үндэсний паркад зохион байгууллаа.


Юмсын интернетийн танилцуулга лекц, 3 удаагийн сургалтанд их дээд сургуулиудын оюутан, багш нар болон компаниудын технологийн мэргэжилтнүүдээс бүрдсэн нийт 302 оролцогчид хамрагдаж дэлхийд тэргүүлэгч IBM Watson, Bluemix талбаруудтай танилцан :
1. “Юмсын Интернэт” гэж юу вэ?
2. Bluemix талбарын тохиргоо
3. IoT starter, загвар төхөөрөмж/мэдрэгч ашиглан IoT жишээ апп бүтээх
4. Төхөөрөмжийг IoT талбарт бүртгүүлэх нь
5. Хянах самбар үүсгэх нь
6. Node-Red аппликэйшн хөгжүүлэх орчны тухай
7. Node-Red орчин, хянах самбарт node нэмж оруулах
8. Watson текстийг IoT апп-ийн ярих, орчуулах үйлчилгээнд ашиглах нь
9. Цаг агаарын мэдээг ашиглах нь гэсэн сэдвүүдээр мэдлэг туршлага хуримтлууллаа

Мөн сургалтанд хамрагдагсдаас 96 оролцогчид 18 багт хуваагдан, хакатон тэмцээнд орж сурсан мэдлэгээрээ 48 цагийн турш олон шинэ санаа, бүтээгдэхүүний демо хувилбарыг гаргаж өрсөлдсөн юм. (IBM хакатоноос төрсөн онцлох санаануудыг эндээс)
Тус тэмцээний шүүгчдийн бүрэлдэхүүнд:
Гаяатри Маги-IBM, Юмсын интернетийн дэлхий даяархи боловсролын санаачлагын тэргүүн,
Я.Цэцэг-Өлзий-Цахим Мэдлэг ТББ, үүсгэн байгуулагч,
Д. Батхуяг-ШУА, Инноваци, мэдээллийн хэлтсийн дарга
Ч. Лодойравсал-МУИС, Хэрэглээний шинжлэх ухаан, инженерчлэлийн тэнхимийн доктор проф,
В. Лувсанчүлтэм-Сингапурын Алкем Глобал ХХК-н захирал,
Ц. Азжаргал-IBM, GBS, санхүүгийн шинжээч нар ажиллан эхний 4 байранд дараахи багуудыг шалгарууллаа.

1-р байранд Мазаалай баг, IBM-ийн царай таних системийг ашиглан халаасны хулгайчийг хялбар илрүүлэх санаагаар тэргүүн байр, 3 000 000 төгрөгийн хөрөнгө оруулалт, бизнес инкубаторын 1 жилийн эрх, IBM-д ажилладаг Монголчуудын нэрэмжит шагнал 300$-н эзэд болсон бол

2-р байранд Vision баг, Эмзэг сэтгэл зүйтэй өсвөр насныхныг сэтгэл гутралд оруулахгүй байх шийдлийг гаргаж, IBM-д ажилладаг Монголчуудын нэрэмжит шагнал 200$

3-р байранд Polite баг ухаалаг цаг, гар утас ашиглан түргэн хугацаанд дуудлага өгөх боломжийг танилцуулж, what3words компанийн нэрэмжит шагнал 300 000төг

4-р байранд Beelog баг ус, цахилгааны зардлаа мөнгөн дүнгээр нь хянах, цаашдаа ухаалаг хотын их өгөгдлийг цуглуулж, ус, цахилгааны үргүй зардлыг бууруулах зорилготой апп-н санаагаар, Цахим Мэдлэг ТББ-н нэрэмжит шагнал 100 000төг тус тус хүртжээ.

Энэхүү арга хэмжээг Ай Ти Зон ХХК, what3words, Мобиком Корпораци ивээн тэтгэж МТҮП, МУИС, ШУТИС, МУБИС, Шинэ Монгол ТДС, Цахим Мэдлэг ТББ нар хамтран зохион байгуулсан бөгөөд Монголд дэлхийд тэргүүлэгч компаниудаас ирж өөрийн систем, технологийг нээлттэй танилцуулан, хакатон хийсэн анхны тохиолдол болсон юм.