Ойрын өдрүүдэд ихэнх нутгаар хүйтэн байна

Өнөөдөр буюу аравдугаар дугаар сарын 11-ний лхагва гарагт Сонгинохайрхан, Баянзүрх дүүрэгт цахилгаан хязгаарлахаар товлогджээ. Тиймээс засвар хийх хугацаанд хэрэглээгээ түр зохицуулна уу.

Энэ удаагийн Засгийн газарт хэдийгээр түүний фракци хамгийн олон суудал авна хэмээн яригдаж байгаа ч өнгөрсөн хугацаанд түүний талд байж, шударга үнэнийнх нь дуу хоолой болж ирсэн хүмүүс Засгийн газрын гишүүдэд яригдахгүй байгаад дэмжигчид нь сэтгэл дундуур байна.

Зургаан цагаан мэнгэтэй Цагаагчин хонь өдөр

Улаанбаатарт өдөртөө 3 хэмийн дулаан байна

“Чингис хаан” Олон улсын нисэх буудлын татваргүй барааны хэсэгт гал гарчээ. Гал өчигдөр буюу энэ сарын 10-ны орой 23 цагийн үед “Орем дюти прий” тасагт гарсан байна.

УИХ дахь МАН-ын бүлэг яг одоо Ерөнхий сайд У.Хүрэлсүхийн танхимд ажиллах сайд нарын нэрийг хэлэлцэж байна.

Монгол Улсын Ерөнхийлөгч зарлиг гаргаж жилдээ ганц удаа биш, хавар, намар бүх нийтээрээ мод тарьдаг болсон.

2017 оны 10 дугаар сарын 09-ний Даваа гарагт Замын цагдаагийн албаны ЖШУХ нийт 363 дуудлага, мэдээ мэдээлэл хүлээн авснаас зам тээврийн ослын 248 дуудлага бүртгэгдсэн бөгөөд осол хэргийн улмаас 1 хүний амь нас хохирч, 27 хүн гэмтэж бэртсэн байна.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 32 жолоочийг илрүүлэн хуулийн дагуу хариуцлага тооцон ажилласан байна.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 6 осол, мөргөлдөх хэлбэрээр 12 осол бүртгэгдсэн бөгөөд тухайн өдрүүдэд зам тээврийн осол, хэргийн газрыг орхиж явсан тохиолдол бүртгэгдээгүй байна.
Орон нутагт Увс аймагт ноцтой зам тээврийн осол гарч 1 хүний амь нас хохирсон.
Тухайлбал:
1. Увс аймгийн нутаг Наранбулаг сумын нутагт шороон замд БНХАУ-д үйлдвэрлэсэн улсын дугаар тодорхойгүй Мустанг маркийн мотоцикль онхолдож, жолооч 31 настай О-н амь нас хохирсон.
2. ХУД-ийн нутаг “Буянт-Ухаа-1” хорооллын 701-р байрны замд T.Pruis маркийн автомашины жолооч Д нь явган зорчигч 57 настай П-г мөргөж амь насыг нь хохироосон хэргийг Замын цагдаагийн алба шалгаж байна.

УИХ дахь МАН-ын бүлэг шинэ Засгийн газрын бүрэлдэхүүний асуудлаар хуралдаж байна.

Цаг агаарын нөхцөл байдлаас шалтгаалан их хэмжээний цас, зам даваа хаагдан хальтиргаа, гулгаа үүссэнтэй холбогдуулан Замын бэлэн байдлын талаар Зам, тээврийн хөгжлийн яамнаас мэдээллээ.

Авлигатай тэмцэх газраас 2017 оны 10 дугаар сарын 2-ноос 6-ны өдрүүдэд гэмт хэргийн шинжтэй 14 гомдол, мэдээлэл хүлээн авч, нийт 28 гомдол мэдээллийг шалгав.

Улсын хоёрдугаар төв эмнэлэг цацрагийн хамгаалалтын хөтөлбөр, төлөвлөгөөндөө тусгагдсаны дагуу рентген кабинетуудынхаа хаалганы хамгаалалтыг сайжруулсантай холбогдуулан ажлын байрны хэмжилт хийлгэх хүсэлтийн дагуу Мэргэжлийн хяналтын ерөнхий газрын даргын баталсан “Баталгаажуулалт хийх тухай” 01/49 тоот удирдамжийн хүрээнд рентген кабинетын цацрагийн хамгаалалт, аюулгүй байдалд цацрагийн аюулгүйн үнэлгээ болон ажлын байранд цацрагийн хэмжилт, баталгаажуулалтыг хийж, цацрагийн аюулгүй
байдал хариуцсан ажилтан, эмч, рентген техникчдэд мэргэжил арга зүйн зөвлөгөө өглөө.

Тус байгууллага нь цацрагийн хамгаалалтыг сайжруулснаар аюулгүй ажиллагааны соёлыг хэвшүүлж “Иргэн бүр эрсдэлгүй орчин”-д үйлчлүүлэх нөхцөл бүрдэж байна.

Нэгдсэн үндэсний байгууллага /НҮБ/-аас 2012 онд жил бүрийн аравдугаар сарын 11-ний өдрийг “Олон улсын охидын өдөр” болгон тэмдэглэн өнгөрүүлж байхаар зарласан. Энэ жилийн “Олон улсын охидын өдөр”-ийг охидын боловсролыг чанартай эзэмшүүлэхэд тулгарч буй бэрхшээлийг шийдвэрлэхэд дэлхийн улс орнуудын охид хамтран багц үйл ажиллагаануудыг өөрийн улс орны онцлогт нийцүүлэн зохион явуулж өөрсдийн дуу хоолойгоо шийдвэр гаргагч нарт хүргэх зорилготой байна.



Тус өдрийг угтан дүүрэг тус бүр охидын эрхийн асуудалд олон нийтийн анхаарлыг хандуулах, ойлголт мэдлэгийг нэмэгдүүлэх, охидын эрхийг хамгаалахыг уриалсан арга хэмжээнүүдийг өөрсдийн нутаг дэвсгэрийн онцлогт нийцүүлэн харьяаллын сургуулийн сурагчдыг хамруулан зохион байгуулж байна гэж нийслэлийн Хүүхэд, гэр бүлийн хөгжлийн газраас мэдээллээ.

лон улсын багш нарын баярын өдрийг тохиолдуулан Онцгой байдлын албаны ахлагч бүрэлдэхүүнийг сургаж дадлагажуулахад оруулсан хувь нэмрийг өндрөөр үнэлэн Хууль сахиулахын их сургуулийн Ахлагчийн сургуулийн Онцгой байдлын албаны тэнхимийн эрхлэгч, хошууч Ж.Алтанхуягт хугацааны дэд хурандаа, тус сургуулийн багш, ахлах дэслэгч Ю.Ганзоригт хугацааны ахмад цол олгосныг өнөөдөр ОБЕГ-ын дарга, хошууч генерал Т.Бадрал гардууллаа.



ОБЕГ-ын дарга, хошууч генерал Т.Бадрал, “Онцгой байдлын асуудал эрхэлсэн байгууллагын үйл ажиллагаа жилээс жилд өргөжиж, төв, орон нутгийн Онцгой байдлын анги байгууллагуудад олон анги, салбар шинээр байгуулагдаж, шинэ боловсон хүчнээр хангагдаж байна. Онцгой байдлын албанд ажилд орох сонирхолтой залуус ч нэмэгдэж байгаа. Сүүлийн гурван жилийн хугацаанд гэхэд 300 гаруй залуус Хууль сахиулах их сургуулийн Онцгой байдлын сургуулийн Ахлагчийн сургуульд элсэн суралцаж, ажлын байраар хангагдаад байна. Цаашид ч бие бүрэлдэхүүний тоо нэмэгдэнэ. Онцгой байдлын албаны хойч үе, боловсон хүчнийг бэлтгэх, алба хаагчдыг сургаж дадлагажуулахад хувь нэмрээ оруулж яваа багш нартаа амжилт хүсье” гэлээ гэж Онцгой байдлын ерөнхий газраас мэдээллээ.

УИХ дахь МАН-ын бүлэг 14.00 цагаас Төрийн ордоны Б танхимд хуралдахаар болжээ.

Дэлхийн сэтгэцийн эрүүл мэндийн дэлхийн өдөр өнөөдөр тохиож байна.



ДЭМБ-н судалгаагаар бие махбодын архаг хууч өвчин сэтгэл гутралтай хавсарсан тохиолдолд хүний биеийн эрүүл мэндийн байдал улам хурдан дордож байгааг тогтоосон юм. Халдварт бус, архаг өвчнүүд одоогоор дэлхий дахинд нас баралтын гол шалтгаан болж байна. Архаг хууч өвчтэй хүмүүс болон түүний гэр бүлийнхэний амьдралын чанарт нөлөөлөх хүчин зүйлийн нэг нь бол сэтгэл санааны байдал юм.



Үүнээс гадна удаан хугацааны турш өвчтэй байх нь сэтгэл санаанд дарамт үзүүлснээр сэтгэл түгшилт ба эрүүл бус зан үйлтэй болоход нөлөөлж, энэ нь сэтгэл зүйн ба бие махбодын шинж тэмдгүүдээр илэрдэг ажээ.

“Агаар, орчны бохирдлыг бууруулахад иргэн бүрийн оролцоо” сэдэвт хэлэлцүүлэг болно

ХНХЯ-ны дэмжлэгтэйгээр Гэр бүл, хүүхэд, залуучуудын хөгжлийн газрын санаачлагаар зохион байгуулагдаж буй “Эерэг хандлага-Эрүүл оюутан” аяны нээлт өнөөдөр МУБИС-ийн А байрны 201 тоотод боллоо.

Турк Улсын Измир хотноо 2017 оны 09 дүгээр сарын 25 наас 10 дугаар сарын 01-ний өдрүүдэд болсон Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн түүхэн амжилт гаргасан Онцгой байдлын албаны баг тамирчдыг өнөөдөр ОБЕГ-ын дарга, хошууч генерал Т.Бадрал болон даргын зөвлөлийн гишүүд хүлээн авч уулзан, баяр хүргэлээ.



Энэ үеэр Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн Онцгой байдлын албаны багийн дасгалжуулагч, бэлтгэл дэд хурандаа Д.Ганболдыг Онцгой байдлын албаны тэргүүний ажилтан” тэмдгээр шагнасан бол багийн тамирчин Төв аймгийн Онцгой байдлын газрын Гал түймэр унтраах, аврах 24 дүгээр ангийн захирагч, ахлах дэслэгч Э.Энхбат, Дорнод аймгийн Онцгой байдлын газрын Гал түймэр унтраах, аврах 52 дугаар ангийн салааны захирагч, ахлах дэслэгч Н.Нямсүрэн нарт хугацааны өмнө ахмад цол, Дархан-Уул аймгийн Онцгой байдлын газрын Гал түймэр унтраах, аврах 22 дугаар ангийн салааны захирагч, дэслэгч О.Батсайханд хугацааны өмнө ахлах дэслэгч цол олголоо.



Мөн Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн Онцгой байдлын албаны багийн ахлагч Булган аймгийн Онцгой байдлын газрын дарга, онцгой байдлын хурандаа Д.Ууганбаяр, багийн тамирчин Баянхонгор аймгийн Онцгой байдлын газрын Гал түймэр, унтраах аврах 16 дугаар ангийн аврагч, гал сөнөөгч, ахлагч Г.Баттулга, Булган аймгийн Онцгой байдлын газрын Гал түймэр, унтраах аврах 20 дугаар ангийн аврагч, гал сөнөөгч, ахлах ахлагч О.Мөнхтунгалаг, Говьсүмбэр аймгийн Онцгой байдлын газрын Гал түймэр, унтраах аврах 37 дугаар ангийн аврагч, гал сөнөөгч, ахлагч Н.Ганбаяр, Орхон аймгийн Онцгой байдлын газрын Гал түймэр унтраах, аврах 56 дугаар ангийн аврагч, гал сөнөөгч, ахлах ахлагч Я.Энхбаяр, Дорноговь аймгийн Онцгой байдлын газрын Гал түймэр унтраах, аврах 33 дугаар ангийн аврагч, гал сөнөөгч, ахлагч Э. Билгүүн нарыг гурван сарын үндсэн цалингаар сайшаал хүртээсэн юм.



Үүний дараа, ОБЕГ-ын дарга, хошууч генерал Т.Бадрал, “Онцгой байдлын алба төдийгүй Монгол Улсын хэмжээнд тохиож буй бас нэгэн түүхэн үйл явдал бол манай баг тамирчид Гал унтраах техникийн олон төрөлт спортын Дэлхийн аварга шалгаруулах тэмцээнээс Монгол Улсын анхны медалийг хүртсэн явдал боллоо.



Гал унтраах техникийн олон төрөлт спорт нь Монгол Улсад хөгжөөд 60 орчим жил болж байна. Энэ медаль бидний мөрөөдөл байлаа. Хөрөнгө, санхүүгээс шалтгаалан манай баг тамирчид сүүлийн хэдэн жил Дэлхийн аварга шалгаруулах тэмцээнд оролцох нь тасалдаад байсан. Энэ спортыг хөгжүүлэх, баг тамирчдыг тууштай бэлтгэх зорилгоор 2015 онд Гал унтраах техникийн олон төрөлт спортын Монгол Улсын шигшээ багийг байгуулж, бэлтгэл, сургуулилт хийх нөхцлийг сайжруулах, орчин үеийн багаж, тоног төхөөрөмжөөр хангах зорилгыг ОБЕГ-ын удирдлагын зүгээс тавьж ирсэн. Үүний үр дүн гарсанд баяртай байна. Энэ итгэлийг Та бүхэн маань хэд дахин зүтгэлээр хариулж Дэлхийн дэвжээнээс медаль хүртлээ. Та бүхний гаргасан энэ түүхэн амжилт Онцгой байдлын албаны олон зуун аврагч, Гал унтраах техникийн олон төрөлт спортоор хичээллэдэг залууст Дэлхийн дэвжээний үүд хаалгыг нээж, тэдэнд томоохон боломж олгож өгсөнд баярлалаа.



Дэлхийн аваргын медальтан байх үүрэг хариуцлага өндөр. Дараа, дараагийн дэлхийн аварга шалгаруулах тэмцээнд амжилтаа ахиулах, энэ спортоор хичээллэгч залуу үеээ бэлтгэх үйлсэд нь амжилт хүсье. Хэдхэн хоногийн өмнө Та бүхнийг үдэж өгөхөд “Медальтай ирнээ” гэж амлаж байсан. Энэ амлалтандаа хүрсэн Онцгой байдлын албаны шилдэг хөвгүүд та бүхнээр бахархаж байна. Монгол Улсын Засгийн газар, Онцгой байдлын албаны нийт бие бүрэлдэхүүн, ард иргэдийнхээ өмнөөс Та бүхэндээ баяр хүргэж, ажил, амьдралд нь хамгийн сайн сайхан бүхнийг хүсэн ерөөе” гэлээ.

ОБЕГ-ын даргын зөвлөлийн хуралдаанаас, Гал түймэр унтраах, аврах 24 дүгээр ангийн захирагч, ахлах дэслэгч, ГУТОТС-ын залуучуудын шигшээ багийн дасгалжуулагч, ОУХМ Э.Энхбат, Гал түймэр унтраах, аврах 52 дугаар ангийн салааны захирагч, ахлах дэслэгч ОУХМ Н.Нямсүрэн, Гал түймэр унтраах, аврах 22 дугаар ангийн салааны захирагч, ОУХМ, дэслэгч О.Батсайхан нарыг 2018 онд ОХУ-ын Гал эсэргүүцэх академид, Гал түймэр унтраах, аврах 16 дугаар ангийн аврагч, гал сөнөөгч, спортын мастер Г.Баттулга, Гал түймэр унтраах, аврах 20 дугаар ангийн аврагч, гал сөнөөгч, спортын мастер О.Мөнхтунгалаг, Гал түймэр унтраах, аврах 37 дугаар ангийн аврагч, гал сөнөөгч, спортын мастер Н.Ганбаяр, Гал түймэр унтраах, аврах 56 дугаар ангийн аврагч, гал сөнөөгч, спортын мастер Я.Энхбаяр болон Гал түймэр унтраах, аврах 33 дугаар ангийн аврагч, гал сөнөөгч, 1 дүгээр зэрэгтэй тамирчин Э.Билгүүн нарыг Хууль сахиулах их сургуулийн Онцгой байдлын сургуульд эчнээгээр суралцуулахаар шийдвэрлэснийг дуулгалаа гэж Онцгой байдлын ерөнхий газраас мэдээллээ.